nazəndə sevgilim

sözləri islam səfərlinindir. bir çox mənbələrə görə bəstəsi səid rüstəmova aid olan, bəzi yerlərdə isə andrey babayevin əsəri olduğu deyilən əsrarəngiz mahnılardan. əmin olmadan səhv məlumat verməyək xalqa.

türkiyədən də ezginin günlüğü, figen genç* ən yaxşıları, məncə, bunlar və s. bir çox solo/qrup ifalar vardır.

8 mart dünya əməkçi qadınlar günü

nə istehlak hərisliyinə qurban getməli olan kapitalist günüdür, nə də qadınlara özəl pozitiv diskriminasiya günüdür.
qadınlar günü deyildir, əməkçi qadınlar günüdür. 1857.ildən bu yana iyerarxiya qarşısında mətanətlə duran fabrik işçisindən müəlliminə qədər, zeynəb paşaların, gülarə qədirbəyovalarin, ayna sultanovaların, şəfiqə əfəndizadələrin, mirvarid dilbazilərin və neçə əməkçi qadınlarımızın səsidir.

qadını evliliyə həbs etmiş, tükü namus hesab edən, xəyalları cinsiyyətə görə "formalaşdırmağa"(?) çalışan bu cəmiyyətdə qadın, kişi - hamımızın günüdür.
qadınlara özəl gün açaq, onlara gül alaq şənlənəkdən daha dərin bir gündür.

vikipediya

bir çoxlarının yazılan hər şeyi doğru qəbul etdiyi, heç də azad olmayan ensiklopediya. tarixi, siyasi və s. məsələlərdə tərəflilik nirvanadadır desəm yalan olmaz.

coğrafi və tarixi mövzularda isə facebook-dan vətən qurtaran dəliqanlı gənclərimiz kimi wikipedi-dan dünyaya güclərini çatdırmaq istəyən şovinist erməni və fars bacı, qardaşlarımız azərbaycan haqqında olan bütün səhifələri istədikləri şəkildə, istədikləri qaynaqlarla editləyə bilirlər. girib profilinə baxırsan adamın oturub aprel hadisələrində kimdə daha çox silah var idi, kim daha çox qırdı söhbəti edib sarkisyanı tərifləyib. qanla sidik yarışdırırıq.* bizə bənzəyirlər bu mövzuda da
di gəl, bizim lehimizə-haqlı və ya haqsız- biri bir qaynaq gətirib editləmək istəyəndə adminlər pis faşist ya da üzvlər səninlə razı deyil deyib bir yerlərindən səbəb uydururlar. sadəcə bizim tariximiz deyil, bir çox mövzularda da bu belədir. hindistanın, filippinin və digər ölkələrinin tarixində, mədəniyyətində və s. də bunları gördüm.
bu dediklərim ingiliscə versiyasına aid idi. azərbaycancası və türkcəsi bu qədər şiddətli tərəf tutmasa da, duyğusal yanaşmalar var. hititləri filan türk ediblər.
obyektiv məqalələr tapmaq çox çətindir.

bu nə adətdir, ey türki-pərizad

imadəddin nəsimi əsəridir.

bu nə adətdir, еy türki-pərizad,
qəmindən olmadım bir ləhzə azad.

siyəhdil gözlərin qan tökmək içün
çəkibdir tiğini manəndi-cəllad.

bu bidadı mana еşqin qılıbdır,
cahanda qılmadı nəmrudü şəddad.

rəvamı, könlümün şəhrində səndən
fəraqü qüssəvü qəm tutdu bünyad.

gəl, еy şirindəhən, еşqin yolunda
mənəm ol kuhkən biçarə fərhad.

nəzər qılgil bu viran könlümə, şah,
qılır sultan olan viranı abad.

bir еyü ad еdin fani cahanda,
ululardan cahanda qaldı bir ad.

nəsiminin kəlamından еşitgil,
vəfasızdır cahan, sən qılma bidad.

türkmənçay müqaviləsi

fevralın 9-undan 10-una keçən gecə, 1828. il qacarlar və rusiya imperiyası arasında azərbaycan əsilli qacarlar sülaləsinin və müstəqil azərbaycan xanlıqlarının torpaqlarının bölüşdürülməsi haqqında abbas mirzə qacar, fətəli şah qacar və ivan paskeviç arasında imzalanan müqavilə. müqaviləyə görə, araz çayından şimaldaki ərazilər rusiyanın, cənubdaki ərazilər isə qacarların hakimiyyəti altında olmalı idi.
qacarların hakimiyyətini pəhləvilər alır və azərbaycan demokratik respublikasıdan sonra ssri yaranır, ikiyə bölünmüş xalq artıq bir-birlərinin ərazisinə keçmək hüququnu tam itirir. 1945.ildə cənubda yaranan azərbaycan milli höküməti isə sadəcə 1 il müstəqil qala bilir, iran tabeliyinə keçir.

bu gün də bu müqavilənin nəticəsi olaraq, türk və talış millətlərinin daxil olduğu azərbaycan xalqının əhalisinin çoxu iki müxtəlif dövlətin ərazisində yaşayırlar.
türkmənçay müqaviləsində bölüşdürülən ərazilər (bir qismi və ya bütünü) günümüzdə iranın, azərbaycanın, ermənistanın, rusiyanın, gürcüstanın, türkiyənin torpaqlarıdır.