sevmək

təəssüf ki bəzən hər şeyə bəs etməyən hisslər toplusu.
biraz uzun olacaq, indidən üzrlü hesab edin.
əvvəllər olsa sadəcə hiss deyərdim, ancaq yaşadıqlarımı üst üstə yığanda buna sadəcə hiss demək çox yavan və səthi gəlir. içində ifadə edə biləcəyim bütün duyğruları ehtiva edir. pərəstiş, darıxmaq, peşmançılıq, doğmalıq, uzaqlıq, və daha da saya biləcəyiniz hər şey. insan böyüdükcə ya da yaşlandıqca sevgisinin forması da dəyişir zamanla. sevmiş olan hər kəs münasibət bitdikdən sonrakı dövrü sevgisi ilə müharibə aparır. hamı üçün ən ağır vaxt olur bu. Kimisi öldürüb bi kənara atır, kimisini zaman soyudur, kimisində nifrətə çevrilir, kimisi də hissləriylə qucaqlaşır, qarışıb bir olur. Uzun müddətli və bir birinə keçmiş münasibətlərin sonrası daha da ağır olur.
heç kimə içindəkiləri danışa bilməyən bir adamam mən. bacardığım ən yaxşı şey yazmaqdır. bunları da bura həyatda ən önəmli hesab etdiyim şeyin dəyərini anlatmaqçün yazıram. 10 ilin sonunda əlimdə qalan bunlardı.
geriyə baxanda nədənsə peşmanam deyə bilmərəm. başa qayıtsam və hər şeyin eyni cür bitəcəyini bilsəm, yenə də hə deyərdim yəqin ki. çünki yaşadığım bütün pis şeylərə rəğmən bu hissi yaşaya bildiyim və bu qədər sevə bildiyim üçün özümü xoşbəxt hiss edirəm.
hər şeyə ilk başıaşağı getməyə başlayanda düzəltməkçün çox əlləşdim. sevdiyin insanın nə qədər anlaya bilməsən də gözünün önündə əriyib getməsi dözülməz şeydir. çox qarşı çıxsa da, zorla psixoloqa apardım. O da sağolsun, məndən biraz da uzaqlaşıdırdı, ama kömək elədi özünü düzəltməyinə. Tək qalmağa ehtiyacı olduğunu dedi, ilk öncə özüm evdən getdim. Nə onun nə mənim ailəmdən heç kim heç nə bilmədi. O birisi evdə qalanda işıqları yandırmırdım qonşular bilməsin burdayam. 2-3 həftə sonra evdə qala bilmədiyini, divarların onu sıxdığını dedi. Evə qayıtdım, onu başqa evə yerləşdirdim. Heç kim heç nə bimədi. Öz evimizdə olanda da, başqa evə yerləşdirəndə bəzən elə olurdu ki, evə yanına getməməsəm də saatlarca yaxınlıqda bir yerdə otururdum ki, birdən nəsə lazım olar, gəl deyər, gecikərəm. bir neçə həftə sonra, isterika halında zəng vurdu ki, mənim soyadımı niyə dəyişdirdin evlənəndə? Reallıq dar gələndə, insan özünə yalanlar deməyə başlayır və gobblesin da dediyi kimi bir yalanı çox desən bir müddət sonra reallığa çevrilir. Əlimizdəki sənədlərin kağız parçasını olduğunu dedim, istəyirsənsə gedək sabah imzaları ataq qayıt öz soyadına, amma içindəki boşluğu dolduracaq şey bu deyil. Getdik, imzaları çəkdik və sənəd üzərində bitdi. Bir ay sonra hıçqıraraq zəng etdi ki, aldım yeni vəsiqəni öz soyadımla. Düzəldi? deyə soruşdum. Heç nə demədi. Ağladı və dəstəyi asdı.
bizim xəyalımız birlikdə burdan getmək idi. Çox əlləşmişdik, olmamışdı. Sonra onda alındı. Hər şey dağılmağa başlamadan az öncə. Sənədlərinin hamısın biryerdə yığmışdıq. Lazım olan bəzi məktubları da mən yazmışdım. Sonra tək getdi. Onda çox incinmişdim buna görə ondan. axı birlikdə gedə bilərdik. axı bunun hamısını birlikdə etmişdik. hər şeyin aydınlığa çıxmağa bir addım qalmışdı. indi daha aydın baxa bilirəm. insanın əli bir yerə çatanda, güclənməyə başlayanda, atdığı ilk şey təəssüf ki, ora çatmağa kömək olan şeylər olur. Psixologiyada buna nə deyirlər bilmirəm, ancaq istəyərək və ya istəmsiz insan ilk bunlardan ona görə qurtulur ki, ona zəif olduğu vaxtları xatırladır. müqayisə biraz mübaliğə gələ bilər bəlkə, tarixə baxanda stalindən tutmuş hitlerə qədər bütün yuxarı çatmış adamlar inner circle-nın çoxunu yuxarı çatan kimi bir bir dənləyib. indi demirəm ki, stalin ya hitlerdi, amma analogiya bənzərdir)
sonra bütün bu həngamənin arasında müharibə başladı. məni də apardılar. Rəsmi olaraq ayrıldığımızı öz ailəmə evdən son dəfə çıxmamışdan öncə dedim ancaq ki ürəkləri bir də orda qalmasın. ora gedəndə özümlə heç nə aparmamışdım demək olar. bircə barmağımda üzük, bir də bir neçə il öncə istanbulda bir şüşə ustasının yanında öz əliylə sonunu bağladığı içində nəfəsinin olduğu boyunbağı. Onda hələ də ümidim var idi düzələcək deyə. Ordakı hər şeyə dözməyimin, həyatda qalmağa çalışmağımın yeganə səbəbi bu idi. Gedəndə ona qayıdacam deyə söz vermişdim. Orda ölsəydim bunun ona verəcəyi vicdan ağırlığını düşündükcə durub getməyə güc tapırdım özümdə. işin trajikomik tərəfi hamı məni evli bilirdi. Müharibə bitdikdən sonra evə camaatı yavaş yavaş buraxacaqlar söhbəti gəzəndə ilk dedi qodu oydu ki, birinci evliləri buraxacaqlar. Hamı gəlib təbrik edirdi ki, kefdəsən birinci qayıdanlardan olacaqsan. Heç nə deyə bilmirdim. Üzümdə acı bir gülümsəmə qalıdrdı sadəcə. Yaxşı ki, elə olmadı. Azından ordakı bir yığın adama nə deyəcəyimi tapmaq məcburiyətində qalmadım. Mən orda olanda öz ailəsi belə əlaqəni qırmışdı demək olar onla. Xəbəri də olmadı, yəqin ki heç vaxt da olmayacaq, o zurnanın ortasında anası ilə də o birilərlər də bir xeyli danışıb yola gətirdim onla danışmaları üçün. Orda olanda hələ bir dəfə telefonda möhkəm dalaşdıq, yenə məni günahlandırdı hər şeyə görə, bilmədim gözümün qabağındakı mənzərəyə görə daralsın içim ya dediklərinə. qayıdandan sonra bildim ki, mən orda olan vaxt gəlib evdən hər şeyini aparıb, o daha ağır oldu. qayıdanda hamı məni gözləyirdi. mən ən birinci onu görmək istəyirdim. bir neçə gün sonra yeni il idi. daha bir neçə gün sonra bir dəfəlik gedirdi. sonuncu yeni ili gəldi birlikdə keçirdik. sonra durdu, ağladı, bura gəlmək səhv idi dedi və getdi. Sonra uzun bir müddət danışmadıq.getməyində maddi və mənəvi əlimdən nə gəlirsə elədim. burda onun yerdə onun bir məhsulunu satırdılar simvolik bir qiymətə, getdim 15 qatı pul verib aldım. Vasitəçilik edəni də tanıyırdım, başa saldım ki, bilməsin mən almışam, bu simvolik olan hissəsi sizindi, qalanı ona çatdırın, çatdırmasaz ya da bilsə ki mən almışam xəbərim olacaq, sonra da yaxşı olmayacaq. Sonra dostundan öyrəndim ki, heç ağlına belə gəlməyib mənim almış ola biləcəyim. Hətta 1 il sonra təkrar danışanda da məni günahladırdı ki, xəbərin də yoxdu burda nə ilə dolanıram, maraqlanmamısan bir dəfə də. Heç nə demədim, içimdə yarımçıq bir gülümsəmə qaldı sadəcə.
o getdikdən sonra bir ara içkiyə qapdırdım özümü, sonra marijuana, ayıq olanda başımın içindəkilər nəfəs almağa qoymurdu çünki. Sonra belə getməyəciyini anladım və ilk dəfə həyatımda birinə içimdəkiləri danışmağa qərar verdim. MN sağolsun, türkiyədən profesional psixoloqlar gətirmişdilər, pulsuz sessiyalar təşkil edirdilər. ilk seansda heç nə danışa bilmədim. Ha elədim ağzımdan bir kəlimə çıxmadı. ilk dəfə bir başqasının yanında ağladım, çox həm də. Özümə çox hirslənirdim buna görə. Yekə kişisən bu nə hərəkətdi deyə özümü yumruqlamaq istəyirdim. içimdəkiləri danışmaq mənə daha ağır gəlirdi. Başqasına bu qədər zəifliyini niyə göstərirsən deyə. Amma danışdım sonra. Çox kömək oldular. Əslində elə bir şey də demədilər sözün açığı, çoxu sadəcə oturub qulaq asdı. Hətta biri dedi ki, sən özün hər şeyi yaxşı başa düşürsən, mənim sənə cavab olaraq deyəcəklərimin çoxunu özün deyirsən əvvəldən. içinə düşdükcə bütün cavabları öz içində tapacaqsan. Düşdüm mən də düşə bildiyim qədər. fərqinə vardım ki, mən onu sevəndən get gedə onunçün yaşamışam. hər şeyi onunçün eləmişəm. Bütün həyatım və varlığım ondan ibarət olub. Bütün enerjimi, əlimdən gələn gəlməyən hər şeyi onunçün eləmişəm. Elə olub ki, gündə 16 saat işləmişəm. O istədiyi yerləri görə bilsin, istədiyi şeyləri edə bilsin deyə. Evin də işlərini mən görmüşəm demək olar, çölün də. o mənim həyatımın mərkəzi olub. Mən zamanla özümdən əksildib ona artırmışam. Ona görə də o gedəndə dünya məhv olmuş kimi gəlirdi. sonra Yavaş yavaş toparladım sonra. Özümə daha çox zaman ayırdım. istədiyim şeylərlə məşğul olmağa başladım. O qədər vaxt sonra özümçün tətilə çıxdım. Tək. Bucket listimdə olan bir xeyli şeyi elədim. Tətildə olanda danışmaq istədiyini dedi. ordan burdan danışdıq yalandan, sonra dedi ki, getmisənsə niyə demirsən, mən də gələrdim bəlkə, sınayardıq bəlkə bir də, görərdik bir birimizi, baxardıq düzələr bəlkə. Bütün bunlar üçün səni yenidən üzbəüz görməyimə ehtiyac yoxdur, dedim, məndə heç nə dəyişməyib. Heç nə dəyişməyibsə niyə gəlim ki yenidən dedi, biraz daha günahlandırdı və ağladı sonra. O son dediklərindən sonra nə hiss etdiyimi ifadə edə bilmərəm sözlərlə. Üstümə qızğın yağ töksəydilər o qədər incitməzdi bəlkə də. bircə kəlimə desəydi ki gəl yaşatdığı bütün acılara rəğmən hər şeyi ordaca qoyub çıxıb gedərdim yanına. amma əvəzində nə dəyişib ki səndə qayıdım dedi bəlkə yenidən alınar dedikdən bir neçə dəqiqə sonra. Filmlərdə olur elə, sakit bir musiqi çalınır arxada və bütün dünya yavaşlayır. Nə qədər ağır olsa da o anda anladım. Mənim nə qədər sevdiyimin önəmi yoxdur. Bu düzələn yaralardan deyil. Mən üstünə min cür məlhəm də çəksəm, o qolumu kəsib atmaq da istəsəm düzələn deyil. Bunla yaşamağa öyrəşməliyəm sadəcə. Bir yanım orda qopub düşdü, amma insanoğlu hər şeyə alışır. Beləsi daha yaxşı oldu bəlkə də. Özümə daha çox dəyər verməli olduğumu xatırladım. Tətildən qayıtdıqdan sonra çoxdan etmək istədiyim başqa şeylər var idi, onları etdim. Həyatımı daha çox relsə otuzdurdum. Həyata onsuz davam etməli olduğumu anladım.
Bu yaxınlarda yenə yazmışdı. Pula ehtiyacı olduğunu dedi ailəvi səbəblərə görə. Heç nə soruşmadım. Nə bacardım, tapdım verdim. biz düşmən deyilik, sən də nəsə lazım olsa mənə istədiyin vaxt deyə bilərsən dedi. Bağışla dedim, məni bilirsən, məni bu həyatda səndən başqa incidəbiləcək heç nə yoxdur, sənə həyatdakı ən yaxşı şeyləri arzulayıram, amma mən daha artıq incinmək istəmirəm. başa düşürəm dedi.
geriyə baxanda özümü onunçün pilləkən etdiyimi indi görürəm ama yenə də edərdim. hansı filmdəydi yadımda deyil. Deyirdi ki, sevmək pencəyinin cibində pul tapmağa bənzəyir. Tapsan nə gözəl, tapmasan pencəyini geyinməyəcəksən? Məsələ onda deyil. O mənim sevdiyim, vurulduğum, ilahlaşıdırığım insandan uzaqlaşıb başqa birinə çevrilmiş ola bilər. Amma mən Bu hisslər toplusunu qucaqlamasam, kəsib atmağa çalışsam, özümə, həyatda inandığım şeylərə arxa çevirmək olar. sevgim də rəngini dəyişib illər içərisində. ən xoşbəxt anılarımın da arxasında o var, ən dəhşətli anılarımın da. onu əvvəlki kimi səsini bir saat eşitməyəndə nəfəsim kəsiləcək kimi sevmirəm daha. nə də olan keçən hər şeyi ilk danışmaq istədiyim insan kimi sevmirəm. içimdəki yara kimi sevirəm. Həyatımın ən yaxşı xatirələri olaraq sevirəm. gözümü hər yumandakı qaranlıq kimi sevirəm. Dağılmış evim kimi sevirəm artıq.

push 30

Bakıdakı idman zalları, sauna, hovuz və s. Kimi xidmətlərin göstərən yerlərin çoxuna giriş imkanı verən proqram. Proqrama ancak kooperativ şəklində qoşulmaq olur. Çalışdığınız şirkət push30-la müqavilə imzalayır. Aylıq abunə haqqı ya hər ay maaşınızdan tutulur ya da özünüz ödəyirsiniz. Iki paket mövcuddur: premium və standart. Premium paketə Boulvard hotel, hyatt regency, 1st fitness, sahil fitness, exelsior və s. Kimi bahalı yerlər daxildir. Aylıq abunə haqqı 168 manatdır. Standarta isə tenis akademiyası, limak, atom, black mamba, jeyhun valiyev və s. Kimi daha kiçik zallar daxildir. Aylığı 64 manatdır. Proses isə çox sadədir. Getdiyiniz yerdə qr kodu göstərib keçirsiz. Gün ərzində istədiyiniz hər hansı bir zala gedə bilərsiz. Zalların və hovuzların ümumi aylıq abunə haqlarını nəzərə aldıqda seçdiyiniz paketdən asılı olmayaraq bu proqram çox sərfəlidir. 1st fitness misalçun özündən alası olsaz abunəliyi aylığı 250 manatdır, hyatt 200 manatdır. Şəbəkə kifayət qədər genişdir və yəqin ki daha da genişlənəcək. Elə bir imkanınız varsa, çalışdığınız şirkətə bura qoşulmağı təklif edin və şellənin. Gedib hamısını yoxlamaa çalışırıq. Hər yenisinə getdikcə post update olunacaq. (Yoga və pilateslə maraqlanmadığım üçün onlar barədə məlumatım yoxdur.
Premium zallar:
1. Excelsior hotel - gym, pool və spa, istirahət otağı, stolüstü tennis və squash meydançası daxildir. Digər premiumlarla müqayisədə daha köhnədir. Hovuzu elə də xoşuma gəlmədi. Papaq da tələb olunur. Gym düz hovuzun üstündə olduğundan hava çox nəm olur bu da nəfəs almanı çətinləşdir. Gymdəki avadanlıqlar da nisbətən köhnədir. Spa və buxar otaqları balacadır. Maraqlı tərəfi qaçış zolağının olmasıdır. Paltardəyişmə otaqlarında daimi personal var. Şkaflar kifayət qədər genişdir, açarla bağlanır. Dəsmal, şəpit, qulaq çöpündən qoltuqaltı sprayə qədər hər cür özünəqulluq vasitəsi mövcuddur. Kontingent - yaxşı. Su dispenserləri var.
2. Hyatt Regency Hotel - premiumlar arasında ən bəyəndiyim 2 yerdən biridir. Hovuz yaxşıdır, papaq tələb olunur. Gym yaxşıdır. Lazımı bütün avadnlıqlarda kifayət qədər mövcuddur. Su dispenserləri var. Kontigenti ən xoşuma gələn yer hyattdır. Şkaflar kifayət qədər genişdir, açarla bağlanır. Spa və buxar otaqları ən geniş iki yerdən biridir. Dəsmal, şəpit, qulaq çöpün mövcuddur. Əlavə keçid üçün kart verirlər.
3. 1st fitness - gym, pool və spa, istirahət otağı daxildir. Spa və buxar otaqları ən geniş iki yerdən biridir. Avadanlığı ən təzə, ən çeşidli yer də buradır. Spa və buxar otaqları kifayət qədər genişdir. +Soyuq vedrə söhbəti də var. Yeganə minus Kontingent - qaqaş tutmağa gələn qızlar, qız tutmağa gələn qaqaşlar. Şkaflar kifayət qədər genişdir, kodla bağlanır. Su dispenserləri var. Hovuz yaxşıdır, papaq tələb olunur.
4. Sahil fitness - gym və spa daxildir. Gym çox geniş və çeşidlidir. Su dispenserləri var. Spanın işləməsi üçün 1 saat əvvəldən lazımdır ki, yandırsınlar, yaxşı deyil. Şkaflar geniş deyil, kodla bağlanır.
5. Holiday Inn Baku - pool və gym daxildir. Premiumdakı ən balaca gym burdadır. Hətta böyük ehtimalla varlı adamların evindəki gymdə daha çox şey var. Şkaflar kifayət qədər genişdir, açarla bağlanır. Hovuz pis deyil, papaq lazımdır.
6. Green City - şıxovdadır. gym, pool və spa, istirahət otağı daxildir. Gym ortadır, çeşid azdır. Su dispenseri var. Hovuz yaxşıdır, ortasında jakuzi kimi bir şey var. Pis tərəfi varlı daydayxana olmasıdır. Şkaflar balaca və bərbaddır. Yarısı işləmir. Kodla bağlanır.
7. The gymnasium - ancaq gym var. Çox zövqsüz dizayn olunub. Gym darısqaldır, çeşid azdır. Su dispenseri var. Şkaflar kifayət qədər genişdir, kodla bağlanır.
8. Marriot Hotel Boulevard - gym və pool daxildir. Gym balacadır. Pool əladır. Papaq lazım deil. Şəpit vermirlər.

Standart zallar:
1. Evolution - gym daxildir. Push30-la getdiyimiz ən pis zaldır hələ ki. Havalandırma bərbad olduğundan tər iyindən durmaq olmur. Kontingent - bədənli qaqalar, arıqlamağa gələn qaqalar və qaqalar. Equipment zalın ölçülərinə görə kifayət qədər var. Şkaflar çox balacadır, açarla bağlanır. Su dispenseri yoxdur. Şəpit, dəsmal heç nə verilmir.
2. Limak - gym daxildir. Ölçü orta, avadanlıqlar eh işte, kontingent normal. Spa da var. Şəpit verirlər. Şkaflar orta ölçülü, açarla bağlanır.
3. Tenis akademiyası - çox balacadır. Çox köhnədir. Equipmentin çoxu cırıldıyır. Hələ utanmaz utanmaz tibbi arayış da tələb edirlər.

iel

Fransanın məşhur le petit robert lüğətinin fransız dilinə yeni əlavə etdiyi non binary əvəzlik. Hazırda fransız dilində üç əvəzlik var. il - kişi cinsi üçün - ingilis dilindəki he kimi, elle - qadın cinsi üçün - ingilis dilindəki she kimi və elles və ils - ingilis dilindəki they kimi (fərq ondan ibarətdir ki, elles qrupdakı bütün fərdlər qadın cinsinə aid söz olduqda istifadə olunur, yəni əgər hətta 100 qadın cinsinə aid söz və 1 kişi cinsinə aid söz varsa əvəzlik olaraq ils işlədilir). Fransızca ümumiyyətlə cinsiyyət normlarının çox geniş tətbiq edildiyi dillərdən biridir. Təkcə əvəzliklər yox, bütün isimlər cinsiyyət bölgüsünə tabedir. isimlərin cinsiyyətindən asılı olaraq onlarla işlənən fellərin və sifətlərin də sonluqları və formaları deyişə bilir. indi bu neohəssas dünyanın nümayəndələri gözəl insanlar il və elle-ə əlavə olaraq iel (əlavə olaraq ielle, iels və ielles) əvəzliyini də əlavə ediblər ki özünü kişi və ya qadın olaraq identify etmək istəməyən insanlar bu əvəzlikdən istifadə etsin. Bu da fransa cəmiyyətində fikir ayrılığına səbəb olub. Bir tərəf deyir ki, ala əlavə eləmişik zor eləmişik, bizim özünü ifadə haqqımızdır, və dilin hazırki normları bizim gender identitymizə uyğun gəlmir. Həm də ki, nə özüvüzü öldürürsüz, bir dənə sözdü də, istəmirsiz istifadə eləmiyin, biz edəcəyik. Macronun həyat yoldaşı və hazır ki təhsil nazirinin başında olduğu O biri tərəfdə deyir ki, dolboyobsuz siz hassasiyetini siktiklerim? O boyda dərin tarixi olan fransız dilini kafanıza görə dəyişdirə bilməzsiz. Üstəlik deyirlər ki, bu tip cəhdlər fransız xalqının milli mentalitetinə
və dəyərlərinə hücumdur. Elə bil iran zaddılar amk. Öz fikrimə gəlsək, yüzdəyüz hansısa tərəfə qatıldığımı deyə bilmərəm. Bir tərəfdən fikirləşirəm ki, insanlar özlərini belə daha rahat ifadə edəcəklərsə qoy eləsinlər, lap yaxşı. Digər tərəfdən də memduh başkan demişkən bu amına koduğumun dili zaten stresli, olan genderləri öyrəndik qurtardıq, siz də gətirin bir yığın təzəsini tökün. Sikitirin gedin o yanda identify olun. Ona görə də bilemiyorum altan, bilemiyorum. Çətin məsələdi, təki bizim də cəmiyyətimizin ancaq belə dərdləri olardı. Camaat söz üstündə dava eliyir, bizdə də hansısa gijdıllaxlara görə uşaq rahat məktəbə gedib gelə bilmir.

paz tv

Youtubeda zabitə əliyevanın, ardınca da elza ibrahimovanın mahnılarını dinləyərkən niyəsə axtarış nəticələrində qabağıma çıxan iyrənc kanal. Axmaq axmaq başlıqlar, hansısa ən debil çayxanada belə eşitməyəcəyin söhbətlər, filan müğənni filankəsə yalatdırır, filankəs filankəsi pula çıxardır və təbii ki hökümət əleyhinə bir yığın video. Nə ilə nəfəs alır bu adamlar, nə yaşayırlar içlərində anlamaq mümkün deyil. Ağlıma da gəlməzdi ki, hansısa dolboyob zabitə kimi xanım haqqında nəinki belə səviyyəsiz formada şər atsın, hətta hansısa yüngül mənfi bir rəy bildirsin. Amma var imiş sən demə belə əmöb adamlar.

galatasaray

Son zamanlarda türkiyədə gördüyüm ən alfa qərarı verən klub. Tff bir neçə gün öncə noyabrın 9-dan etibarən superliqa oyunlarına 100% azarkeş icazəsi veriləcəyini açıqlamışdı. Avroliqa oyunu olduğuna görə Galatasaray bu günkü lokomotiv oyunu üçün də eyni icazənin verilməsi üçün tff müraciət etsə də tff rədd cavabı vermişdi. Dünən isə galatasaray rəsmi açıqlama verdi ki tffyə qoz qoymuyoruz, gələn hamı oyuna buraxılacaq. Oxuduğum reaksiyalarda 3-5 beyinsizi çıxmaqla rəqib komanda azarkeşləri də bu qərarı dəstəkləyir. Tff gic gic qərarları ilə o qədər hamını boğaza yığıb ki, axşamkı oyunda azarkeşlər arasında fənər ya beşiktaş formalı adamlar görəcəyimizi belə düşünürəm. Ki, ümid edirəm belə də olar. Demirörən vaxtilə bərabər indiyə qədərki ən bərbad tff indikidir. Xarici futbolçu sayı barədə qərarları, verdikləri açıqlamalar milli komanda, hakimlərlə bağlı problemlər, aşağı yaş qrupları və həvəskar liqaların oynana bilməməsi kimi bir birindən skandal hərətləri hamının nifrətini qazanıblar onsuz. normal ölkədə olsa nəinki futbol federasiyasını başında olmaq, futbol topuna 50 metrdən yaxın durmaq qadağası alacaq adamlar keflərinə görə iş görürlər. Bu hərəkəti hansı klub eləsə xoşuma gələrdi, sevdiyim klub elədiyi üçün daha da ləzət elədi.
Edit. Hahahahahahahahaha tff sıçmışdı, indi də buluyur. Açıqlamaq elədilər ki, söz söhbət gəzir ki, tff gs-yə cəza verəcək 100% adam buraxdığına görə. oyunu uefa təşkil eliyir, bütün məsuliyyət də uefanındır. Tff buna görə gs-yə cəza verə bilməz. Adama deyəllər ki, a gijdillax onda səlahiyətində olmayan şeyə 2 gün qabaq necə və niyə rədd cavabı vermisən.

the year earth changed

Möhtəşəm insan david attenboroughun səsləndirdiyi 48 dəqiqəlik sənədli film. Keçirdiyimiz pandemiya və qapanma dövrünün ətraf aləmə xüsusilə də heyvanlara nə qədər müsbət təsir göstərirlər. Yayım haqları Apple+da olsa da internetdə tapa bilərsiz. insanlıq olaraq heyvanların yaşam alanlarını nə qədər daraltdığımız və bir çox heyvan növünün sayının azalmasına təsir göstərdiyimiz onsuz da bilinən faktdır, lakin bu qapanma dövrü bunu əyani şəkildə dünyaya yenidən göstərdi. Təbii ki, heç bir səhvindən nəticə çıxartmayan bəni adəm bundan da bir nəticə çıxaran deyil. Olduğu şəkildə və daha sürətlə çapıb talamağa davam edəcəyik. Təbiətin özünü bərpası üçün çox şey lazım deyil əslində. insan təsiri azaldığı zaman təbiət onsuz da özü özünü çox qısa zamanda bərpa edir. Bunu görə biləcəyəniz 2019-da çəkilmiş one planet seriyası var. Onu da eyni tonton insan səsləndirir.