1-2 aprel 2016 cəbhədə gərginlik

bu yaxınlarda bir neçə qarabağ veteranına medal verilməsi zamanı veteranlar birliyinin sədri bu il və ya ən geci gələn il üçün son döyüşlərin gözlənildiyini bildirmişdi ki artıq məlum hadisələr həmin fikirlərin boş olmadığını göstərdi. hətta bakıda xidmətdə olanlar hazır ol vğziyyətinə gətirilib. səbəb kimi artıq 25 ilin tamam olmaq üzrə olması və bundan sonra torpaqların rəsmən işğal altında deyil də erməni torpağı kimi tanınacağı da göstərilir. lakin buna baxılsa belə çıxır ki bizimkilər olub ilk hücuma keçən və bu da heç inandırıcı deyil. hansı siyasi proseslərin getdiyi, məhz prezident ölkədə olmadığı bir zamanda bunların baş verməsi isədaha çox diqqət çəkir.
hər şey bir yana, gənclərimiz ömrünün ən gözəl çağında kimin başlatdığı məlum olmayan, kimə xeyri olduğu bilinməyən bir davaya görə ölür ona yanıram. uzaqdan baxıb "ali baş komandan əmrini gözləyirik" deməyə nə var ki, əgər cəbhə bölgəsindəki əsgər "mənim tanışlarım var, ön cəbhəyə getməyəcəm" deyə sevinirsə...

azərbaycanlı qızlar

yaxşı qızlardı ümumən -* ən böyük və bəlkə də yeganə problemləri odur ki həyata gəlməklərinin tək qayəsini "ərə getmək"də görürlər. bunda da qınamaq olmur çünki gözlərini açıb belə görürlər. ailələr öz qızlarının zərif yox məhz zəif və hər zaman əks cinsdən asılı olması üçün əllərindən gələn heç nəyi əsirgəmirlər. buna görə çoxları ya şəxsi inkişafdan ümumiyyətlə xəbərsiz qalır ya da buna can atmağa macal tapmamış ailə qurmağa məcbur olurlar. qaldı ki xarici görünüş məsələsinə, elə oğlanlar kimi onlar da əsasən bəstəboy və əsmərdirlər. orta gözəllikdədirlər, yəni nə çirkin nə də çox gözəl deyillər. belə ki hər zövqə uyğun olanı tapmaq mümkündür sadəcə siz axtarmağı sevmirsiz ya da bacarmırsız -*
yazılan fikirlərə münasibətimə gəldikdə isə, xahiş edirəm qızlarımızı alçatmazdan əvvəl öz kimliyinizə baxın. siz də zəka dedikdə bir nikola tesla yaxud nitşe, yaraşıqda bir andy garcia ya da jude law deyilsiz. arada bir düşünəsiz bəlkə həm ağıllı, həm gözəl, xoş xasiyyət qadına layiq olacaq nə etmisiz, hansı keyfiyyətləriniz və ya bacarıqlarınız sizə belə göydən getmə haqqı verib?.. madam qadınlarımızı bu qədər özünüzdən aşağı hesab edirsiz onda gələcəkdə öz qızlarınızı görmək istədiyiniz azərbaycan qadını kimi böyüdün də cəsarətinizə heyran qalaq. və son bir şey daha, əgər siz də gələcək həyat yoldaşınızdan sizin üçün həm xidmətçi, həm aşbaz, həm uşaq baxıcısı olmasını tələb edəcək və bütün bunlarda ona zərrə qədər kömək etmiyib qadının borcudu deyəcəksinizsə onda bəri başdan susun çünki o qadınları tənqid etmək sizin haqqınız deyil.