tarif şurası

30 iyun 2021-ci il tarixli iclasında yenidən möhtəşəm qərarlar qəbul edən milli-mənəvi dəyərimiz.

30 iyun 2021-ci il tarixində Tarif Şurasının növbəti iclası keçirilib. iclasda aztəminatlı əhali təbəqəsi üçün kommunal tariflərin artırılmasının həmin təbəqənin gəlirlərinin artırılması istiqamətində atılan addımlarla uzlaşdırılmasının önəmi qeyd edilib.
"iqtisadi dirçəlişin təmin edilməsi məqsədilə sənaye və kənd təsərrüfatı sahələrinə verilən təbii qazın tarifi bu mərhələdə dəyişdirilməyərək mövcud 20 qəpik səviyyəsində saxlanılıb", - məlumatda qeyd edilir.
Məlumata görə, həmçinin təbii qazdan istifadə edilməklə hasil olunan elektrik enerjisi üzrə tarif artımına yol verməmək üçün elektrik stansiyalarına verilən təbii qazın tarifi cəmi 1 qəpik artırılmaqla 12 qəpikdən 13 qəpiyə dəyişdirilib. Qərar 1 iyul 2021-ci il tarixindən qüvvəyə minir.

Az bilinən mükəmməl metal qruplar

(baxma: bucovina)
(baxma: meliah rage)
(baxma: parkway drive)
(baxma: opera ix) - battle cry dinlə, gənc
(baxma: grip inc.)
(baxma: Anciients)
(bax: Yngwie J. Malmsteen)

metal dinləmənin önəmi

metal sənaye dövrünün qlobal xalq musiqisidir. bu tərzin tərəfdarlarının əksəriyyəti fəhlə sinfinin nümayəndələridir və sistemə qarşıdırlar. opressiv rejimlər və ətraf mühiti çirkləndirən sənaye müəssisələri var olduqca, bunlara müxalif bir cəbhə olaraq metal musiqisi də var olmağa davam edəcək.

metalın mürəkkəb, kompleks soundu, dərin mənalı mətnləri musiqi və instrument anlayışını inkişaf etdirməyə və insanın özünü daha yaxşı ifadə etməsinə kömək edir. xarici ölkələrdə metal dinləməklə özün kimi insanları tanımaq, onlarla aranda bir bağ yaratmaq imkanı əldə edirsən. sevdiyin qrupları dinləmək, konsertlərə, festivallara getmək istər-istəməz kiçik bir community yaradır. aqressiv reputasiyasının əksinə, tədqiqatlar göstərir ki, metal dinləyən insanlar təbiətcə daha sakit, introvert olurlar və çox vaxt özgüvən əksikliyindən əziyyət çəkirlər.

gözəlim azərbaycana gəlincə, burada metal dinləmək onsuz da hər gün başımızın üstündə gəzdirdiyimiz social anxiety adlı qara buludu böyütdükcə böyütmək deməkdir. küçədə metallica t-shirtü geyinən adam görəndə istəyirəm gedim qucağlıyım, ağlıyım. konsert anlayışı da ildə bir dəfə hansısa pub-in təşkil etdiyi, hər dəfə eyni mahnıların çalındığı son zəng tədbiri kimi. dost-tanış içində telefonu çıxardıb mahnı qoya bilmirsən, öz maşınında istədiyin mahnıya qulaq asmağa qoymurlar, nəyə görə metal dinlədiyini, ildən-ilə getdikcə daha da sərt musiqi tərzinə yönəldiyini heç kimə izah edə bilmirsən.

bir sözlə, azərbaycanda metalhead olmaq qütb ayısı olub meşədə yaşamaq kimi bir şeydir.

jinjer

avqustun 27-də wallflowers adlı növbəti studiya albomunu təqdim edəcək ukraynanın ən uğurlu extreme metal qrupu. albomun vortex adlı ilk sinqlı və klipi artıq onlayndır.

(youtube: )

ai-95

hakimiyyətin vətəndaşın ağzını qaşıdığını göstərən daha bir qərar.
"qaqa onsuz bunun kasıba aidiyyəti yoxdu, biz 92 tökürüy əhəhəh" düşüncəli homo-erektusların yaşadığı və maşın sürdüyü ölkə üçün bu da azdı. bu millət hələ də avtomobillərdən ixrac olunan zəhərli qazların onkoloji xəstəliklərlə birbaşa əlaqəsini başa düşmür. nisbətən keyfiyyətli benzinin qiyməti qalxdıqca millət 92 işlədən öz köhnə maşınından bərk-bərk yapışacaq. bu da ekologiyanın daha da çirklənməsi deməkdi. onsuz da ölkədəki maşınların 85%-nin katalizatoru yoxdu.
socar açıqlama verib ki, dünya bazarlarında neft bahalaşıb deyə xaricdən idxal olunan benzinin də qiyməti qalxıb. birincisi, sən neft ölkəsisən, niyə benzini xaricdən idxal edirsən? dəxlisiz bir bəyanat verdilər, hamı da dedi həə qaqa neyniyək, amerikadı qiymətləri qaldırır., amma heç kim girib baxmadı ki, son 3 gündə dünya birjalarında neftin qiymətində artım zad yoxdu, konkret sabit qalıb.
bir sözlə, ölkədəki problemlər əslində heç bir vətəndaşın qozuna deyil. hər kəs buqələmun kimi mühitə adaptasiya olmağın yollarını axtarır.