azərbaycanı tərk etməyin insana qazandırdıqları

#1: əgər təhsil yolu ilə gedibsə, gedilən yerə də bağlı olaraq, daha yaxşı bir mühitə düşmək.
#2: instagram-da bəzi videoları açanda «эта песня сейчас недоступна» yazısı ilə qarşılaşmamaq.
#3: bakının bərbad havasından uzaq qala bilmək.
#4: metal konsertlərinə gedə bilmək. məlum, metal qrupları bu hörmətsiz ölkəyə gəlmir.
#5: daha yaxşı bir pasporta sahib olmaq və daha çox yerə vizasız səyahət edə bilmə imkanı.

.5: the gray chapter

2014-cü ildə çıxmış slipknot albomu.
recording işləri 2013-ün sonlarında başlayır. bu gecikmənin səbəbi bassist paul gray-in 2010-cu ildəki vəfatı və drummer joey jordison-un qrupdan ayrılması idi. həmçinin, all hope is gone albomu və turu sonrası corey taylorun səsində problem yaranmışdı. brutal vokalda çətinlik çəkirdi. eyni zamanda corey-in aradakı illərdə stone sour ilə daha çox işləməsi də albomu gecikdirən səbəblərdən biri idi. bütün bunlara baxmayaraq toparlanan qrup, nəhayət 2014-cü ildə albomu təqdim edir. joey-in ayrılmasından sonra gələn yeni drummer jay weinberg də ilk performansını bu albomda göstərir. albomun adındakı “gray” sözü, paul-un soyadına bir göndərmədir. mahnılar:
(baxma: xix)
(baxma: sarcastrophe)
(baxma: aov)
(baxma: the devil in i)
(bax: killpop)
(bax: skeptic)
(bax: lech)
(baxma: goodbye)
(baxma: nomadic)
(baxma: the one that kills the least)
(baxma: custer)
(baxma: be prepared to hell)
(baxma: the negative one)
(baxma: if rain is what you want)
(baxma: override)
(baxma: the burden)

all hope is gone

2008-ci ildə çıxmış slipknot albomu. qrupun ən sevdiyim albomudur. roadrunner records tərəfindən yayımlanıb. albomdan ilk klip psychosocial parçasına çəkilib. albomun adı haqqında kloun bir müsahibədə belə deyir: “qrup üzvləri albom üçün “all hope is gone” adını çox bəyənib seçdiklərini dedilər. mən isə bu adı heç bəyənməmişdim. çünki hər zaman bir ümid olduğunu düşünürəm”. olduqca bəyənilən bu albomun çıxışından sonra qrup, eyniadlı konsert turuna da çıxıb. həmçinin joey jordison və paul gray-in iştirak etdiyi son albomdur. mahnılar:
(baxma: execute)
(baxma: gematria)
(baxma: sulfur)
(bax: psychosocial)
(bax: dead memories)
(baxma: vendetta)
(baxma: butcher’s hook)
(bax: gehenna)
(baxma: this cold black)
(baxma: wherein lise continue)
(bax: snuff)
(bax: all hope is gone)

səmərqənd

bu günəcən oxuduğum ən maraqlı əsərlərdən olan amin maalouf romanı. kitabda ömər xəyyamın məşhur rübabiyyətinin necə ortaya çıxmasından və dövrün tarixi-siyasi hadisələrindən söz açılır. xəyyamın hələ gənc yaşlarında (24) səmərqəndə gəlməsi ilə başlayan bu macəra, titanic-in batmasına qədər gəlib çıxır.

vol. 3: the subliminal verses

2004-cü ildə çıxmış slipknot albomu. qrupun ən sevdiyim işlərindən biridir. bu alboma qədər yan layihələrlə məşğul olan qrup üzvləri, 2003-cü ildə bu albom üçün professioal bir studiyada yenidən bir araya gəlirlər. albomun yazıldığı dövrdə kloun, “əgər bu albom iowa qədər sərt olmasa, qrupu tərk edəcəyəm” demişdi. ortaya çıxan işə baxdıqda isə brutal vokalın yenə qaydasında olduğunu, bundan əlavə qrupun komfort zonasından çıxaraq clean vokala da yer verdiyini və balanslaşdırılmış bir iş ortaya çıxardığını görürük. corey taylor isə brutal qədər clean vokalda da necə yaxşı səsi olduğunu sübut edib. albom ümumilikdə olduqca bəyənilir, yaxşı xallar yığır və satış rekordları qırır. albomdan before i forget mahnısı isə qrupa “ən yaxşı metal performansı” nominasiyasında grammy qazandırır. mahnılar:
(baxma: prelude 3.0)
(baxma: the blister exists)
(baxma: three nil)
(bax: duality)

murdered: soul suspect

2014 istehsalı oyun. oyunda bir detektivin ruhunu idarə edirik. insanların ağlındakıları öyrənmək, birinin bədəninə girib idarə etmək olur. hətta bir pişiyin bədəninə girib, bəzi hündür və ya alçaq yerlərdən keçmək də mümkündür. bəzən gəzərkən bu dünyada ilişib qalmış ruhlarla qarşılaşır və istəsək onlara kömək edə bilirik. araşdırma edərək dəlilləri tapır, sonra da onları bir araya gətirib, sirləri aşkara çıxarırıq. bəzi yerlərdə bizi axtaran şeytanlar olur. onlardan gizlənə və daha sonra arxadan işlərini bitirə bilərik.
hekayə salem qəsəbəsində keçir. baş qəhrəman ronan adlı bir detektivdir. ronan, polisin də axtardığı “zvonar” ləqəbli bir qatilin izinə düşüb. bir gün zvonar, bir qızı öldürməyə gedir. ronan da dəstək qüvvə olmadan onu izləyir. qatil onu görür və əlbəyaxa döyüş başlayır. ronan əvvəlcə pəncərədən yıxılır, sonra isə qatil tərəfindən güllələnir. saniyələr sonra oyandıqda isə özünün bir ruh olduğunu fərq edir və kənardan öz cəsədini görür. ardınca isə ərəfdə çoxdan ölmüş yoldaşı ilə qarşılaşır. ancaq yoldaşına qovuşmaq və ruhunun rahatlıq tapa bilməsi üçün qatili tapmalıdır.

reboot

bir oyun və ya filmin, adının saxlanılaraq yenidən başlamasına verilən ad. burada ssenari 0-dan dəyişdirilir və ortaya çıxan oyunun, silsilənin əvvəlki oyunları ilə heç bir əlaqəsi olmur. məsələn, 2019 istehsalı call of duty: modern warfare, 2013 istehsalı tomb raider, 2008 istehsalı prince of persia buna nümunədir.
80-ci illərin məşhur horror filmlərindən olan nightmare on elm street də yeni ssenari, rejissor və aktyor heyəti ilə 2010-cu ildə reboot edilib. ancaq orijinal film qədər yaxşı alınmayıb.