the trial

franz kafkanın eyniadlı ( der prozess) romanına əsasən çəkilmiş 1962-ci il istehsalı orson welles filmi. eyniadlı 1993-ci il istehsalı film də var. lakin o çox uğurlu alınmayıb, deyəsən. * izləməmişəm

əsas rollarda anthony perkins, jeanne moreau, romy schneider, orson welles oynayıb. anthony perkinsin psycho filmindəki möhtəşəm rolundan sonra josef k. obrazı üçün seçilməsi də çox uğurlu alınıb. romanı oxuyarkən təsvir etdiyim məhkəmə salonu, vəkilin evi filmdəki ilə çox uyğun idi. vaxtına görə kamera hərəkətləri, çəkiliş çox irəli səviyyədədir. rəssamın yaşadığı yerdən çıxarkən balaca qızların k-ı təqib etdiyi səhnə çox təsirli idi, xüsusilə. adagio in g minor filmə ayrı bir hava qatıb həm də.

məhkəmə çox sevdiyim bir əsər olsa da, özümü təhlil edəcək səviyyədə görmürəm. daha çox filmin kinematoqrafik xüsusiyyətlərini yazdım.

welles filmi özünün ən yaxşı filmi adlandırır. roman ilə tam eyni deyil, rejissorun öz yazdığı sonluq ilə bitir. bitirilməmiş bir əsərə çəkilə biləcək ən yaxşı filmdir, məncə.

melody gardot

Amerikalı gözəl caz ifaçısı. Musiqi ilə məşğul olmasına əsas səbəb 19 yaşında keçirdiyi velosiped qəzası olur. Qəza nəticəsində Onurğası, başı, çanağı zədələnir, Uzunmüddətli Yaddaş itkisi yaşayır. Həmin vaxt ərzində fizioterapevti musiqi istedadını kəşf edib Melodyni bir növ musiqi ilə müalicə edir.
Musiqidən əlavə moda təhsili alıb. qara günəş eynəkləri də tərzinə ayrı bir gözəllik qatır.

Bir neçə sevdiyim mahnısı:
Morning sun:

(youtube: )

(youtube: )

(youtube: )

(youtube: )

khaneh siah ast

iranlı şair, rejissor Füruğ fərruxzad tərəfindən çəkilmiş cüzamlı xəstələrdən ibarət koloniyanın yaşantısından bəhs edən 1963-ci il istehsalı qısa film. Sənədli filmdir, lakin arxa fonda Forough Farrokhzadın oxuduğu şeirlər və quran kitabından hissələr filmə bədiilik qatıb.

- bir neçə gözəl şey say.
- ay, günəş, çiçəklər, oyun
- sən, bir neçə çirkin şey say.
- əl, ayaq, baş
Uşaqlar gülüşür..

why does my heart feel so bad

Sözləri sadəcə bu üç cümlədən ibarət olan möhtəşəm moby parçası:
Why does my heart feel so bad?
Why does my soul feel so bad?
He'll open doors

Optimistliklə yola verdiyiniz pis bir günün sonunda dinlənilib ağlanılası mahnıdır. * highly recommended

(youtube: )

(youtube: )

tutinamə

(bax: uşaqlıqda oxunan kitablar)

Hindistanda yaşamış fars əsilli Ziya' al-Din Nakhshabi adlı sufi tərəfindən 14-cü əsrdə qələmə alınmış şərq ədəbiyyatının klassiklərindən biri.

Kitab Dastan xarakterli 52 fərqli hekayədən ibarətdir. Bütün bu hekayələr isə bir tutuquşu tərəfindən xocəstə * Azərbaycan dili tərcüməsində qadının adı belə idi adlı qadına nəql olunur. Xocəstə iş üçün evdən kənarda olan yoldaşından qaçıb hər axşam məşuqu ilə görüşmək istəyir, amma tutuquşu mövzusu əsasən qadın-kişi münasibətləri olan, əxlaqi dəyəri ilə səciyyələnən hekayələrlə qadını yasaq sevgi münasibətindən yayındırır.

Sonradan bir çox dillərə tərcümə edilərkən əsərin orijinal versiyasında islam haqqında heç bir komponentin olmamasına baxmayaraq müsəlman oxucular üçün hədislər, ayələr əlavə olunmuşdur.

mənbə

ilk dəfə 10-12 yaşlarımda babamgildə bu kitabı görmüşdüm. Şəkilli və içində bir-birindən əlaqəsiz nağıl tərzində hekayələrin olması diqqətimi çəkmişdi. Tətil vaxtı günorta hamı yatanda * o vaxtlar siesta vardı, eh hər gün ardıcıl olmamaqla 1-2 hekayə oxuyurdum. Sonu necə bitir, Xocastə sonda adını unutduğum oğlana qovuşurmu, heç xatırlamıram. Gərək yolum düşəndə kitabı bir az vərəqləyim.

postcoital dysphoria

bu sifarişi verən: mariya kürüsü

Bəzən postcoital tristesse, post-sex blues kimi adlandırılan seks sonrası yaranan neqativ hiss.

Hormonal, postnatal depressiya, xüsusilə uşaqlıqda baş verən istismar halları və s. Kimi bir çox səbəbləri var. Sosial səbəblərdən ən yayğını da unconscious guilt adlandırılan səbəb ola bilər. Yəni şəxs fiziki, bioloji olaraq sağlam olsa belə, öz düşüncəsindən asılı olmayaraq böyüdüyü, yaşadığı konservativ şəraitin təsirilə disforiyada olur.

Bu fenomen haqqında bir sıra filosofların fikirləri mövcuddur. Schopenhauer isə belə təsvir edirdi: "birləşmədən dərhal sonra şeytanın gülüşü eşidilər."

philippe pinel

18-19-cu əsrlərdə yaşamış həkim, Modern psixiatriyanın təşəbbüsçüsü, moral terapiyanın banisi də demək olar.
O vaxta qədər hücrələrə kilidlənib, zəncirlərə bağlanan, soyuq suda saxlanılan psixi xəstələri bu şəraitdən azad edib indiki formada terapiya aparılmasına səbəb olmuşdur.

Rəssam Tony Robert-Fleury-in pinelin xəstələrin zəncirlərini açdığı təsvir olunan rəsmi:


Sonralar Jean-Baptiste Pussin adlı bir şəxsin pineldən əvvəl xəstələri həbsxana şəraitindən xilas etdiyinə aid məlumatlar yayılıb.

panik atak

Necə bir şey olduğunu yazmağıma ehtiyac yoxdur, yəqin ki. Daha çox panik atak və buna bənzər yüngül təşviş tutmalarını yüngülləşdirmək haqqında yazmaq istəyirəm.
1. Fərqində olmaq və ən əsas da ürəklə əlaqəsinin olmadığına özünüzü inandırmaq: çünki simptomları ürək infarktına bənzəyir.
2. Dərindən nəfəs almaq: çox eşidilən olsa da, atak zamanı hiperventilyasiya yarana bildiyi üçün müsbət təsir edəcək. 4-7-8 teknikası deyə bir üsul var. 4 saniyəyə nəfəs alırsınız, 7 saniyə saxlayıb, 8 saniyəyə nəfəs verirsiniz.
3. Təsəvvür etmək: Olduğunuz yerdən tərpənə bilmirsiniz, amma həmin anda müvəqqəti olaraq sülh hissi verəcək məkan, mənzərə, hətta səsləri belə Xəyal etməyə çalışın.
4. 5-4-3-2-1 metodu:
- 5 əşyaya baxın;
- 4 fərqli səsi ayırd edin;
- 3 əşyaya toxunun;
- 2 fərqli qoxunu təyin edin;
- 1 şey dadın.
5. əzələ relaksasiyası: qıcolmaların qarşısını almaq üçün 5 saniyə əzələləri sıxın * yığın yəni , 10 saniyəyə boşaldın.
6. kiməsə deyin: həm yaxınlarınızla paylaşıb sonrakı atakların qarşısını almaq olar, həm də xəbərdar olan insanlar tutma anında sizə kömək edə bilərlər.

Bu mənbədən ən inandırıcı olanları seçdim. Panik atak keçirməsəm də, insanların elə bir vəziyyətdə durub saniyə sayacağını düşünmürəm. Amma Social anxiety adı ilə bilinən təşviş hallarında yoxlanıla bilər. Bu gün atak haqqında dostumla söhbətimiz zamanı haqlı bir ifadə işlətdi: ataklar müdafiə mexanizmidir, sağlam bir fərd Olduğumuzu inkar etmir.

the metallica blacklist

Metallicanın 22 iyun 2021-ci ildə buraxılmış albomu. Albom qrupun 12 mahnısının 53 fərqli musiqiçi tərəfindən ifalarından ibarətdir.

Siyahı burda göstərilib.

ifalardan bir neçəsi:

(youtube: )

(youtube: )

(youtube: )

(youtube: )

(youtube: )

eat drink man woman

Rejissor ang lee-in ailə, yemək temalı komediya-dram filmi.

3 gənc qızı ilə yaşayan yaşlı bir aşpazın asmr videolarından daha maraqlı olan yemək bişirmə səhnələri ilə birlikdə filmdəki insanların sevgi, həmçinin ailədaxili münasibətləri göstərilir. Yemək səhnələrinə görə izlədikdən sonra gyoza * xəmir yeməyi bişirməyə çalışmışdım-*

Xüsusilə, yay günlərində izləniləsi xoş filmlərdəndir.