haumea


194   1   0   0
9.nəsil yazar
entry: 194
reytinq: 1,610
karma: 244
izləyən: 33
oxunma: 76,026
sifariş sayı: 20






viskningar och rop

əsas rollarda harriet andersson, ingrid thulin, liv ullmannkari sylwanın olduğu 1972-ci il istehsalı ingmar bergman filmi.

internetdə Bergman haqqında gördüyüm ən təsirli rəylərdən birində filmlərinin yara üzərinə limon sıxmaq effekti yaratdığı deyilirdi. Xüsusilə bu filmi üçün yerində bir ifadə olar.
Özü isə crimson qırmızısı ilə zəngin bu filmi haqqında belə deyir: "ssenaridə qırmızını ruhun daxili olaraq düşünürəm. Uşaq olanda Ruhu həmişə əjdaha kölgəsi kimi təsəvvür edirdim. Yarı quş, yarı balıq, mavi tüstüdən ibarət idi. Əjdahanın daxilində isə hər şey qırmızı idi."

əsasən qadın obrazlarını gördüyümüz ölüm, əzab və problemli ailə münasibətləri haqqında bir filmdir. Uşaqlıq xərçəngindən əziyyət çəkən Agnesə bacılarından daha çox qayğı göstərən qulluqçuları annadır. Agnesin ağrısı ilə yanaşı bacılarının bir-biri və kişilər ilə olan münasibətlərindəki gərginliyi hiss etdirir.

Edvard Munchun Death in the sickroom əsəri ilə film arasında oxşarlıq var. *


Rejissorun hələ izləyəcəyim bir neçə filmi var. Amma bu qədər sevdiyim ikinci biri olacağına şübhəliyəm.

(youtube: )

2 əjdaha! haumea

14.01.2022 - 00:07 #343326 mesaj facebook twitter

internalized misogyny

qadınların özlərinə və digər qadınlara qarşı cinsiyyətçi münasibət və davranışları. bu münasibət adətən bir qrup qadınların patriarxal dəyərləri mənimsəmələri ilə üzə çıxır. bəzən məqalələrdə şüuraltı olması ilə əlaqələndirirlər.
bu növ daxili seksizmi çox uzaqda yox, son vaxtlar gündəmdə olan "I'm Not Like Other Girls" cümləsində də hiss etmək olur. pick me girl və s. kimi internet jarqonlarını heç ciddi qəbul etmirəm, lakin həmin qrup insanlarla əlaqələndirilir. məsələn, bütün günü feminizmdən dəm vuran birinin ətrafında özündən fərqli geyinən, davranan, yaşayan * bir qadına yersiz nifrət və ya buna yaxın davranışı, məncə, misoginist yaxınlaşmadır.

11 əjdaha! haumea

16.12.2021 - 22:40 #341686 mesaj facebook twitter

3 əjdaha! haumea

10.12.2021 - 20:46 #341285 mesaj facebook twitter

benjamin clementine

əsl adı benjamin sainte-clementine olan musiqiçi, aktyor. londonda doğulub, yeniyetmə yaşlarında parisə köçür. həmin müddətdə isə evsiz qalır. pianoda ifa etməyi isə 11 yaşında qardaşının pianosu ilə öyrənir. hələ ki dune filmində herald of the change rolunu canlandırıb.


condolence mahnısını bəyəndiklərim içərisində tapandan sonra gün ərzində dəfələrlə dinləmişəm.

(youtube: )

(youtube: )

4 əjdaha! haumea

06.12.2021 - 21:25 #341116 mesaj facebook twitter

air born

camel-in moonmadness albomundan möhtəşəm bir parça. ilk saniyələrində fleyta ilə ifa olunan hissəsi, sonrakı gitara keçidi, xarakteristik boğuq səslə oxunan musiqiyə yaraşan sözləri ilə mənə görə proqressiv rokun ən gözəl nümunələrindəndir. bir gün ən azından fleyta çalmağı öyrənib cover etmək istədiyim mahnıdır.

(youtube: )

13 əjdaha! haumea

24.11.2021 - 20:55 #340460 mesaj facebook twitter

azərbaycandan çıxıb getmək

artıq hər bir gəncdən eşitməkdən yorulduğum mövzu. çox dar baxıram bəlkə, amma hər çıxıb getmək istəyənin bunun üçün nəsə etdiyini düşünmürəm. bir yerdən sonra müzakirə etmək də yorur. həm də mən təhsil vasitəsilə çıxış tapdığım (ya da tapacağımı düşündüyüm) üçün özümü bir az təsəlli edirəm.

insanların axtarışında olduqları şeylər çox fərqli imiş. "çox maaş versələr, qalaram, xaricdə nə işim var", "yaxşı qazansan, azərbaycan pis yer deyil" kimi cümlələr sərf edən insanın ömrünün qalan hissəsini başqa bir ölkədə keçirib xoşbəxt olacağından şübhə edirəm.
darıxmaq, öyrəşmək və s. kimi problemlərə görə əlbəttə çətin gələ bilər. sadəcə əksəriyyətdəki təşviş çox yersizdir.

12 əjdaha! haumea

18.11.2021 - 17:00 #340148 mesaj facebook twitter

3 əjdaha! haumea

13.11.2021 - 15:46 #339803 mesaj facebook twitter

nə istədiyini bilməmək

evdən çıxanda nəsə yaddan çıxar, onun nə olduğunu tapana qədər keçirdiyin o narahatlıq hissi kimidir.
gecikməyin, tələsməyin, az yeməyin, az yatmağın, çox oxumağın heç bir əhəmiyyəti yoxdur sanki.

(youtube: )

10 əjdaha! haumea

08.11.2021 - 20:54 #339393 mesaj facebook twitter

victim blaming

zərərçəkənin baş verən hadisəyə görə məsul tutulması.
psixoloji proyeksiyanın praktikada bir nümunəsi sayılır. yəni əsl təqsirkarın məsuliyyəti qurbanın üzərinə proyeksiya olunur. günümüzdə əsasən təcavüz hadisələri zamanı qurbanın "qısa geyinməsəydi", "o vaxt küçədə nə işi var idi" və s. kimi iddialarla təqsirləndirilməsi victim blaming sayılır.
həmişə belə qorxunc formada da olmur. məsələn, ağır onkoloji xəstəliyə tutulan bir insanı zərərli vərdişlərinə görə günahlandırmaq da əsassızdır.
insanların zərərverəndən çox zərərçəkənə yönəlməsi ilahi ədalət anlayışı ilə əlaqələndirilir. hətta bəzən qurban belə özünü günahlandıra bilir.

19 əjdaha! haumea

25.10.2021 - 00:33 #338424 mesaj facebook twitter

god

john lennonun 1970-ci ildə çıxardığı solo albomundan bir parça. mənə görə imagine mahnısından daha gözəl və səmimidir.

god is a concept to measure your pain kimi əfsanəvi sözlərə sahibdir.

(youtube: )

7 əjdaha! haumea

05.10.2021 - 17:37 #337695 mesaj facebook twitter

the trial

franz kafkanın eyniadlı (der prozess) romanına əsasən çəkilmiş 1962-ci il istehsalı orson welles filmi. eyniadlı 1993-ci il istehsalı film də var. lakin o çox uğurlu alınmayıb, deyəsən. *

əsas rollarda anthony perkins, jeanne moreau, romy schneider, orson welles oynayıb. anthony perkinsin psycho filmindəki möhtəşəm rolundan sonra josef k. obrazı üçün seçilməsi də çox uğurlu alınıb. romanı oxuyarkən təsvir etdiyim məhkəmə salonu, vəkilin evi filmdəki ilə çox uyğun idi. vaxtına görə kamera hərəkətləri, çəkiliş çox irəli səviyyədədir. rəssamın yaşadığı yerdən çıxarkən balaca qızların k-ı təqib etdiyi səhnə çox təsirli idi, xüsusilə. adagio in g minor filmə ayrı bir hava qatıb həm də.

məhkəmə çox sevdiyim bir əsər olsa da, özümü təhlil edəcək səviyyədə görmürəm. daha çox filmin kinematoqrafik xüsusiyyətlərini yazdım.

welles filmi özünün ən yaxşı filmi adlandırır. roman ilə tam eyni deyil, rejissorun öz yazdığı sonluq ilə bitir. bitirilməmiş bir əsərə çəkilə biləcək ən yaxşı filmdir, məncə.

11 əjdaha! haumea

27.09.2021 - 00:35 #337308 mesaj facebook twitter

melody gardot

Amerikalı gözəl caz ifaçısı. Musiqi ilə məşğul olmasına əsas səbəb 19 yaşında keçirdiyi velosiped qəzası olur. Qəza nəticəsində Onurğası, başı, çanağı zədələnir, Uzunmüddətli Yaddaş itkisi yaşayır. Həmin vaxt ərzində fizioterapevti musiqi istedadını kəşf edib Melodyni bir növ musiqi ilə müalicə edir.
Musiqidən əlavə moda təhsili alıb. qara günəş eynəkləri də tərzinə ayrı bir gözəllik qatır.

Bir neçə sevdiyim mahnısı:
Morning sun:

(youtube: )

Who will comfort me:
(youtube: )

Preacherman:
(youtube: )

Fransızca da ifa etdiyi bir neçə mahnısı var:
(youtube: )

8 əjdaha! haumea

12.09.2021 - 13:13 #336216 mesaj facebook twitter

9 əjdaha! haumea

09.09.2021 - 17:34 #335963 mesaj facebook twitter

dramatik ironiya

(bax: Dramatic irony)

izləyici və ya oxucunun hadisə haqqında obrazlardan daha çox məlumata sahib olması. Məsələn, qorxu filmlərində izləyicinin qatilin yerini obrazdan daha əvvəl bilməsi. Shakespeare də əsərlərində bu ironiya növündən çox istifadə edib.

18 əjdaha! haumea

07.09.2021 - 21:33 #335824 mesaj facebook twitter

situasiya ironiyası

(bax: situational irony)

bir aktın nəzərdə tutulduğu kimi baş verməməsi, gözləniləndən fərqli nəticələnməsi. Məsələn, pilotun yüksəklikdən qorxması, yanğınsöndürmə məntəqəsinin yanması, siqaretin üzərində sağlamlığa zərər olduğunun qeyd olunması və s.

Məşhur the sixth sense filminin sonu da təmiz bir situasiya ironiyası nümunəsidir.

7 əjdaha! haumea

07.09.2021 - 21:26 #335822 mesaj facebook twitter

khaneh siah ast

iranlı şair, rejissor Füruğ fərruxzad tərəfindən çəkilmiş cüzamlı xəstələrdən ibarət koloniyanın yaşantısından bəhs edən 1963-ci il istehsalı qısa film. Sənədli filmdir, lakin arxa fonda Forough Farrokhzadın oxuduğu şeirlər və quran kitabından hissələr filmə bədiilik qatıb.

- bir neçə gözəl şey say.
- ay, günəş, çiçəklər, oyun
- sən, bir neçə çirkin şey say.
- əl, ayaq, baş
Uşaqlar gülüşür..


12 əjdaha! haumea

06.09.2021 - 15:37 #335701 mesaj facebook twitter

3 əjdaha! haumea

27.08.2021 - 23:52 #334984 mesaj facebook twitter

eqodistonik

"Eqoya yadlıq", eqonun ehtiyac və hədəflərinə uyğun olmayan düşüncə və davranışlardır. Sadəcə xəstəliklərdə yox, sağlam vəziyyətdə də müşahidə olunur. Məsələn, eqodistonik homoseksuallıq.

(bax: eqosintonik)

4 əjdaha! haumea

27.08.2021 - 23:15 #334980 mesaj facebook twitter

eqosintonik

Eqonun ehtiyac və hədəflərinə uyğun, şəxsin ideal məni ilə toqquşmayan düşüncə və davranışlar. Adətən şəxsiyyət pozuntularındakı özünüqiymətləndirmə eqosintonik olur. Məsələn, narsisistik şəxsiyyət pozuntusuna sahib biri özündə hansısa bir pozuntu hiss etmir, hamının onun kimi düşündüyünü, davrandığını fikirləşir.

Bu videoda çox yaxşı başa salınıb:

(youtube: )

6 əjdaha! haumea

27.08.2021 - 23:03 #334978 mesaj facebook twitter

ən nifrət edilən insan tipi

mənə görə nifrət anlıq bir hissdir. bəzi vəziyyətlərdə sevdiyim insanlara da nifrət edə bilirəm. bunlardan biri də insanların "mən beləyəm" ifadəsinə sığındığı andır. hamı elə ya da belədir, Amma necə? Ən çox da yaşıdlarımda müşahidə edirəm: yaxından tanımadığı insanları mühakimə edir, insanlara zərər verə biləcək dərəcədə aqressiya göstərir, bayağılıq, söyüşlər havada uçuşur və s. Özü də tərs bir şeyin olduğunun fərqindədir. amma tənqid eləməyə çalışsan, "mən də beləyəm". Sonda sizi haqsız çıxarmaları gözləniləndir.

7 əjdaha! haumea

26.08.2021 - 08:00 #334826 mesaj facebook twitter

/ 20 »

blok -   başlıqlarını gizlət