referendum

Xalqın iradəsinin ifadə olunma formasıdır. Referendumda səsvermə həyata keçirilmir, hər hansı məsələyə xalq münasibət bildirir. Referendum əsasən roman-german hüquq sistemi olan ölkələrdə tətbiq edilsə də, son illərdə anqlo-sakson sistemli ölkələrdə də (məsələn, Böyük Britaniya) keçirilməyə başlanmışdır. Referendumun müxtəlif növləri vardır. predmetinə görə 1)konstitutsion (konstitutsiyanın qəbulu və ya dəyişikliklər edilməsi); 2) qanunverici (qanunların qəbulu); 3) beynəlxalq- hüquqi; 4)inzibati-hüquqi. Məcburiliyinə görə məcburi və fakultativ ola bilər. Fakultativ formada həmin məsələ üzrə referendumun keçirilib-keçirilməməsi məcburi deyil, amma hər bir halda referendumun nəticəsi məcburi olacaq. Konstitutsiyanın 3-cü maddəsində yalnız referendumla həll oluna bilən məsələlər göstərilib. Onlara konstitutsiyanın qəbulu və ona dəyişikliklər edilməsi, ölkə sərhədlərinin dəyişdirilməsi daxildir. Referenduma qoyula bilməyən məsələlərə dövlət büdcəsi, vergilər, əfvetmə, amnitsiya və s. daxildir. Seçki hüququ olan vətəndaşlar referendumda iştirak edə bilərlər. Onun keçirilməsini Mərkəzi referendum komissiyası həyata keçirir. Azərbaycanda ilk dəfə Naxçıvanın azərbaycanın tərkibində muxtar vilayət kimi qalması ilə bağlı 1921-ci ildə keçirilib

unudulmaz uşaqlıq xatirələri

Uşaqlıqda mənim üçün ən maraqlı şey uzun yola çıxmaq idi. Fəsildən asılı olmayaraq, tez-tez nənəmgilə rayona gedərdik. Yolda digərləri bir müddət sonra yatsa da, mən yatmazdım. Adətən gecə yola çıxardıq. Çox danışmağı sevən uşaq idim və maşın sürəndə atam sıxılmasın deyə yol boyu danışardım. "Bu kişi nə qədər mənasız şeylərə qulaq asır" deyə üsyan eləsəm də, başqa seçimimiz yox idi. Pereval (yazılışı yanlış ola bilər) deyilən hissədə həmişə dayanardıq. Bunlar yenidən eyni şəkildə yaşanıla bilməyən xatirələr olaraq qalır, nənəm və digər yaşlılar öldükdən, uşaqlığımı keçirdiyim ev satıldıqdan sonra artıq ora əvvəlki qədər getmirik

hüquqi şəxs

Mülkiyyətində öz əmlakı olan, öhdəlikləri üçün öz əmlakı ilə məsuliyyət daşıyan, hüquq və vəzifələrə sahib olan qurumlardır. Fiziki şəxslər və ya bir neçə hüquqi şəxs tərəfindən yaradıla bilər. Yaradıldıqdan sonra icra hakimiyyəti orqanlarında dövlət qeydiyyatına alınmalıdır. Kommersiya, qeyri-kommersiya və publik hüquqi şəxslər formasında ola bilər. Qeyri-kommersiya hüquqi şəxslərindən fərqli olaraq kommersiya formasında olanların məqsədi gəlir əldə etmək və üzvlər arasında bölüşdürməkdir. Publik hüquqi şəxslər cəmiyyətin mənafeyinə xidmət etmək üçün yaradılırlar. Daha çox imtiyazları vardır. Müflis ola bilməzlər. Qeyri-kommersiya hüquqi şəxslərinə (gəlir güdməyən forma) ictimai birliklər, fondlar daxildir. Hüquqi şəxslər istənilən fəaliyyət növü ilə məşğul ola bilərlər (lisenziya tələb olunan fəaliyyət növləri üçün icazə almalıdırlar)

iv i̇van

ilk rus çarı idi. 3 yaşında atasının ölümündən sonra taxta keçmişdi. Ölkəni idarə edərkən sərt üsullardan istifadə etdiyi üçün “qorxunc” ləqəbi ilə tanınırdı. Dövlət ərazisini genişləndirməkdə, vahid çarlıq qurmaqda böyük rolu olsa da (ətraf ərazilərdəki xalqlar, tatarlarla döyüşləri və s), yerli xalqa qarşı davranışı mülayim deyil idi. Onu dəstəkləməyənləri mülklərindən məhrum etmiş, bir qismini edam etdirmişdi. Novqorod xalqının ona sui-qəsd hazırladığını öyrəndikdə sakinləri qılıncdan keçirtdirmişdi. Həyat yoldaşının, böyük oğlunun ölümü, dostunun xəyanəti, siyasi böhran səbəbindən psixoloji vəziyyəti normal deyil idi. Digər oğlu ilə mübahisə zamanı onu öldürmüşdü. Layiqli varislər buraxmadığı üçün ölümündən bir müddət sonra çarlıq “dərdlər dönəmi” deyilən dönəm keçirmişdir
ilya Repin “Qorxunc ivan oğlunu öldürür” əsəri

sözaltı sözlük

Ekşisözlük sayəsində illər əvvəl sözaltı sözlüklə tanış olsam da, yaxından uzaqdan əlaqəm yox idi. Bir ay əvvəl bir şey haqqında araşdırma edəndə sözaltıdakı entrylər qarşıma çıxdı, vikipediyada falan şablon şeylər yazırlar deyib buranı oxudum. Entry dalınca entry, bir də gördüm sözaltı müptelası olmuşam. Axşam məsləhətxanaya sual yazmaq üçün üzv oldum. Ciddi yazdığım sualı yazarlardan biri babat tənqidə tutmuşdu (yersiz tənqid idi). Niyə belə kobuddurlar aq deyərək əsəbləşib yazara yazmaq istəyəndə umbaylıq nədir ilk dəfə onunla tanış olurdum. O gündən maraq dairəmə uyğun başlıq gördükcə yazırdım. Bu da canım gözüm sözlüklə tanışlıq hekayəmiz