ziyalı ailəsində doğulmaq

hələ uşaq yaşdan ətrafındakı insanların filtrlənməsi və üzərinə yaşından böyük yüklərin qoyulmasıdır. Məktəb çevrəni ailən məhdudlaşdırır. Filankəs filankəsin uşağıdır, filan ailədən gəlir. Uzaq dur ondan, ailəsi nədir ki özü də nə olsun. Yaxud kəndə gedəndə nənəmgilə tapşırırdılar ki, hər uşaqla oynamağa qoyma. Bu da uşaq olaraq təklənməyə, özünü yalnız hiss etməyə səbəb olur. Oynaya biləcəyin sayılı uşaq olur, onlarla da xarakterin ya tutar, ya tutmaz.
Məktəbdə gözlər üzərində olur. Hə, anan savadlı, tanınmış riyaziyyat müəllimidir, deməli riyaziyyatı su kimi bilməlisən. Səhv edə bilməzsən. Necə yəni, n. müəllimənin oğlu zəif bilir riyaziyyatı? Nəysə ki, riyazi zəkam, qavrayışım yaxşı olub, çox üzümə söz gəlmədi.
Məşğələyə başlayanda seçilmiş müəllimlərin yanına gedirsən. Hər ay sınaqlarda yüksək nəticə göstərməlisən. Çünki nəticən ailənin nüfuzuna təsir edəcək. Qoy heç kim deməsin ki, filankəsin uşağı az bal yığdı. Wtf?
Universitetə girəndə nisbətən rahat olursan, ilk iki kurs sıxırlar evdən, amma sonra öz istədiyin kimi ola bilirsən. Artıq qohumlar burnunu soxmur imtahan nəticələrinə, sadəcə, gərək kəsrin olmasın və təqaüdünü itirməyəsən.
Hə, iş tapmaq. Universitet vaxtı sırf başım qarışsın, depressiyadan uzaqlaşım deyə part-time işlər axtarmışam. Barmenliyə dəhşət həvəsim olub. Amma bilin nə oldu? Evdən dedilər olmaz, gərəkli pul ilə təmin edərik biz səni. Məsələ pul deyildi, mənim istəklərim idi.
ielts, magistr, xaricdə təhsil, sertifikatlar, zir-zibil. Çünki sən ailənin göstərgəsisən. Evin böyük uşağısan, gözəl üzərindədir. Onları təmsil edirsən. Hər uğurun onların nüfuzunu yüksəldir, nə hiss etdiyinin önəmi yoxdur amma.
Valideynlərim əsla dar görüşlü olmayıblar. Əksinə, çox dünyagörüşlü olublar. Sadəcə, daim ətraf çevrələrinin təsirində qalıblar. 15 il əvvəlki hallarına baxanda indi sanki daha yaxşı anlayırlar ki, vecə almaq lazım deyil "camaat nə deyər". Amma onlar anlayanacan geridə introvertliyin, depressiya, insanlarla münasibət qura bilməmək qalır.
Qısacası, kənardan gözəl görünən, içdən isə gözəl olduğu qədər can sıxan, çətin bir şeydir.

xanax

anxiety və yuxu problemlərim olduğu dövrdə həkim nəzarəti ilə içdiyim dərman. Həqiqətən tamam başqa dərmandır. 1 ay müddətində qəbul etdim, yan təsirləri oldu çünki.
ilk olaraq qeyd edim ki, yuxu problemi üçün əvəzedilməzdir. Gecə oyanmadan yatırsan. Üstəlik içəndə sanki ətrafda bütün səs-küy azalır, necə deyim, hər şey səngiyir sanki. Amma əsas yan təsiri uyuşmaq, bədəndə keyimə, istəmsiz tiklərdir. Eləbil başqa bədənə qoyublar sizi, məcbur idarə etməlisiz. Mənim qolumda keyləşmə yaratdı deyə həkim dayandırdı bu dərmanı. Bir də yaddaşa yaxşı təsir etmir. Antidepresaant, psixatrop qəbul edənlər yaxşı bilir bu yaddaşın itməsini.
Özət keçim, xüsusi peçatlı reseptlə satılan, psixi xəstəliklərin müalicəsində istifadə olunan dərmandır.

qısqanclıq

uzun müddət üzərində düşünüb səbəbini tapmağa çalışdığım duyğu.
Gah sevgidən olduğunu düşündüm, gah güvənsizlikdən. yekun qərarım odur ki, qısqanclığın kökündə itirmək duyğusu durur. məsələn, sevgilin qarşı cinsdən kiminləsə danışanda adamın içində narahatlıq olur, qısqanclıq yaranır. bir-birinizi sevdiyinizə əminsən, güvən var arada. yenə də qısqanclıq yaranır. çünki, itirməkdən qorxur insan. əlindən çıxıb o insana gedəcəyindən. həm də vaxtını ona yox, sənə sərf etsin istəyirsən. bir də dostları qısqanmaq var, bu da can sıxan şeydir.

kredit

Kreditin funksiyalarl müəssisələrin (firmaların) və təşkilatların təsərrüfat hesablı fəaliyyətinə manatla nəzarət üçün böyük fürsətlər yaradır. Misal üçün, banklar müəssisələrin (firmaların) və təşkilatların pul dövriyyəsinin əsas hissəsini öz əllərində cəmləşdirib onların kreditləşməsini həyata keçirirlər.
Müasir dövrdə bir neçə formaları vardır:
1. (baxma: dövlət krediti)
2. (baxma: kommersiya krediti)
3. (baxma: veksel krediti)
4. (baxma: istehlak krediti)
5. (bax: ipoteka krediti)

iqtisadiyyatın hərbiləşdirilməsi

inflyasiya prosesinə təsir edən əsas amillərdən biridir. Belə izah edim, hərbi proseslərin artması dövlətin büdcəsinə təsir edir, onu daha qeyri-məhsuldar edir. Cəmiyyətə aid olan material, intellektual ehtiyatlar sərfəli şəkildə istifadə edilib cəmiyyətin tələbatına, istehsal zamanı sıradan çıxmış avadanlıqların bərpasına sərf edilməlidir. Bütün ehtiyatlar hərbi sahəyə yönələndə digər sahələr çökür, yəni əmtəə təklifi ixtisar olunur.
Bir tərəfdən hərbi xərcləri ödəmək üçün daha çox pul buraxılması, digər tərəfdən istehlak məshulları üçün təklifin azalması inflyasiyaya səbəb olur.

henry the lee

mahnılarına çox kreativ adlar qoyan türkiyəli musiqiçi. özünəməxsus tərzi var. youtube'da tapa bilməmişəm, spotifydan dinləyirəm mən. spotifyda haqqında bölümündə belə yazılıb:
"bazen yalnız bırakılmış gibi hissetmiyo musun? seçimlerinin farkındasın ama 'her şeye rağmen olabilirdi' hissi var ya. kendine en uyuz olduğun an. senin ben seçimlerini sikiyim diye düşünüyorsun bi süre ama ağlamıyorsun. hakkında ağlayamadığın her şeyi hak ettiğini düşünüyorsun.

kusurlu seviyorum"

profilində gözəl playlistləri də var. kreativ mahnı adları məni-məndən alır. spotify

sözlük yazarlarının niklərinin hekayəsi

qeydiyyatdan keçən ərəfələrdə henry the leenin "klostrofobik kaplumbağa" mahnısını çox dinləyirdim. nik bunu seçmək istədim, çünki klostrofobik tısbağa kimiyəm. olduğu mühit qorxudur, onun üçün deyil, amma qaçış yolu yoxdur. sonra bir zamanlar viral olan "kaklumbağa" videosu ağlıma gəldi. çoğ üzülüyom yaa. birləşdirib belə bir nik ortaya çıxardım - klostrofobik kaklumbağa!

(youtube: )