sözaltı radio

Salam,hər vaxtıvız xeyir,əziz mahal fm dinləyiciləri.bir neçə gündür ki,gəlmirdim buralara.danışın görey,olandan keçəndən,olandan keçmiyəndən.Poeziyaya söhbəti yox ki,vaxt ayıracağıq.hətta başlayaq:

Nədən qorxursan axı?
Ölümdür də
-bir gün hamı dadacağ.
Yaxamızdan yapışıb,anamızı ağladacağ.

Ölümdür də...
Gələndə bir anamızdan,
Bir də sevdiyimiz qadından çıxıb gedəciyik.
Üçdə üç,
Yeddidə yeddi,
Qırxda qırx nəfərin yadından çıxıb gedəcəyik.

Bu yer kürəsi bizə də qalmayacağ;
Öləcəyik.
Cəmi bir dəfə anamız namaz üstündə olmayacağ;
Öləcəyik.

insan unutqandır,
Bir gün hamı nəfəs almağı unudub,ölür.
Biraz da həyasızdır,
Hərdən də yaşamağın üzünə qayıdıb ölür.

Yaxşı olardı,
Bir şirin yuxuyla başımızı qatıb,durmamağ.
Elə dünən bir kardioloq da bu haqda danışırdı:
Dünyanın ən yaxşı ölümü imiş yatıb-durmamağ.

Şair,ölümdən qorxma,qorxma sən allah
Mən də qorxmuram,hərdən əlimi açıb deyirəm ki:
Canını almağa məndən yaxşısını tapan deyilsən,allah.
(Rəşad nağı mustafa-müəllif)
Hə,mon cherie'lər,neçə vaxtı da olmayan rejimin nənəsin ağladıram.
Özüvüzə istədiyiviz kimi baxın,salamət.

sözaltı radio

Salam,hər vaxtınız xeyir olsun,mahal fm dinləyiciləri.harda qalmışdığ?(hə,ordan da götürmüşəm)Bələdiyyə başçınızı yuxu tutmuyub dana,qağam.Poeziya dəqiqələrinə vaxt ayırağ biraz,axırda da bir musiqi linki tullayıb,sonlandıracam verlişi yəqin.
Hüseyn Cavid - Görmədim

Bilmədim, uydum şu məcnun gönlümün fəryadinə,
Еşqə dil vеrdim, bəladan başqa bir şеy görmədim.
Ruhi-məcruhum gözəllərdən vəfa bəklər yеnə,
Bən hənuz əsla cəfadan başqa bir şеy görmədim.

Görmədim əsla dikənsiz gül, qaranlıqsız işıq,
Hər visalı daima tə’qib еdər bir ayrılıq.
Söylüyorlar: “Daimi zеvqi-səadət var”, yazıq!
Sеyr еdib boş iddiadan başqa bir şеy görmədim.

Gördüyüm hər müztərib simaya duydum mərhəmət,
Yara, həm əğyara yar oldum da, sеvdim bicihət;
Aşina zənn еtdiyim hər yüzdə hеyhat!... Aqibət
Boş təməllüqdən, riyadan başqa bir şеy görmədim.

Hər məhəbbət bir xəyanət, hər gülüş bir hiylədir,
Hər səadət ruhu oqşar pək sönük bir şö’lədir.
Bəlkə var səhvim? Fəqət gördüklərim həp böylədir...
Görmədim, əsla bəladan başqa bir şеy görmədim.
https://youtu.be/E8q3xBfNfpo
Belənçig,bu günə olan buraxılışımız da bu qədər.özüvüzə istədiyiniz kimi baxın.Dərviş qiyafəsin geyinib.

kamança

Bu musiqi alətinin yaranması ilə bağlı tarixdə rəvayətlər dolaşmaqdadır. Əfsanəyə görə, min illər öncə göylər padşahı qartal bir ceyranı parçalayaraq onun bağırsaqlarını caynağına alıb ağacın başına atır. Bağırsaq budaqlara ilişir, isti günəş altında quruyub tarıma çəkilir, incəlir. Şiddətli küləyin təsirilə budaqlar ona toxunur, bu zaman əsrarəngiz səslər yaranır. Beləcə, günlər keçir, küləyin yaratdığı bu ecazkar səs hər kəsin zövqünü oxşayır. Günlərin bir günü külək dayanır, musiqi kəsilir. Bu ecazkar səs üçün insan övladı darıxmağa başlayır. Beləliklə, kamança musiqi aləti yaranır. Bu əfsanədə həqiqətə uyğun bir fakt vardır. Doğrudan da tarixən simli calğı alətlərinin gövdəsi, qolu və kəlləsi müxtəlif ağac növlərindən, simləri və qoluna bağlanmış pərdələri isə heyvan bağırsağından hazırlanır.

Kamança, əsasən, qoz ağacından düzəldilir. Kürəşəkilli çanaqdan, dairəvi qol, "aşıq"lar yerləşən kəllə hissədən və "şiş" adlanan dəmir mildən ibarətdir. Çanağın üzü – membranı balıq dərisindən, ya da qaramal ciyərinin pərdəsindən çəkilir, qolu pərdəsizdir. Simləri kaman vasitəsi ilə səsləndirilir. Kaman – uclarına bir çəngə at tükü bağlanmış yayşəkilli ağac çubuqdur. Alətin ümumi uzunluğu 650–900 sm olur. Əvvəllər 1 – 3 simdən ibarət idi. Hazırda 4 simi var: kiçik oktavada lya, birinci oktavada mi, lya, ikinci oktavada mi köklənir. Diapazonu kiçik oktavanın lya – üçüncü oktavanın mi (bəzən sol) səsləri həcmindədir. Incə, həzin səsi var. Son dərəcə təsirli tembri olan kamançada lirik musiqinin ifası xüsusilə gözəl təsir bağışlayır. Kamançadan həm solo, həm də ansambl tərkibində musiqi aləti kimi istifadə olunur. Kamança əsas alətlərdən biri kimi sazandalar ansamblının, xalq çalğı ansamblları və orkestrlərinin tərkibinə daxildir. Kamança, tar və qaval alətləri ilə birlikdə muğam üçlüyünü əmələ gətirir. Instrumental muğamların kamançada solo ifası geniş yayılmışdır.

Kamança incə və həzin səsə malik musiqi aləti kimi tanınır. Məhz buna görə Üzeyir Hacıbəyli kamançada çalınan musiqini "səscə daha mükəmməl və insan səsinə daha yaxındır" deyərək səciyyələndirmişdir. Musiqi alətinin adı yay anlamına gələn fars mənşəli kaman sözündən və Azərbaycan dilinə məxsus kiçiltmə, əzizləmə bildirən – ça şəkilçisindən əmələ gəlmişdir. Ondan həm şifahi ənənəli professional musiqi yaradıcılığında, həm də bəstəkar yaradıcılığında müşayiətçi alət kimi geniş istifadə olunur. Muğam sənəti ilə bağlı inkişaf etdiyi üçün Azərbaycan muğam dəsgahlarının hamısını onda ifa etmək mümkündür. Mərkəzi və Orta Asiya xalqları arasında da geniş yayılmış bu alət müxtəlif adlarla tanınmışdır. Ərəblər onu kəmənqə, Orta Asiya türkləri qıcaq, Anadolu türkləri isə kaman adlandırmışlar. Həmin alətlər eyni kökdən gəlsələr də, quruluşuna, simlərinin sayına, istifadə olunan materiala görə bir-birindən fərqlənmişlər. Ümumiyyətlə, Azərbaycanda üç simli, dörd simli və beş simli kanmançalardan istifadə olunmuşdur. XIX əsrə aid beşsimli kamança nümunələrindən biri Azərbaycan Tarixi Muzeyinin Etnoqrafiya fondunda bu gün də saxlanılmaqdadır. XVIII–XIX əsrlərə qədər istifadəsini asanlaşdırmaq üçün edilən kiçik dəyişikliklər istisna olmaqla, kamança ciddi rekonstruksiya olunmamışdır. Azərbaycanda xanəndəlik sənətinin inkişafı, muğam dəstgahlarının teniki imkanlarının artması onları müşayiət edən musiqi alətlərinin də texniki imkanlarının artırılmasını tələb edir. Bu zərurət nəticəsində kamança aləti XVIII–XIX əsrlərdə ciddi dəyişikliyə məruz qalmış, simlərinin, onunla bərabər aşıqlarının sayı azaldılmışdır. Hazırda kamança ustalarının istifadə etdiyi alət dörd simdən ibarətdir.

Habil Əliyev
Mirnazim Abdullayev
Tələt Bakıxanov

sözaltı radio

Salam,hər vaxtıvuz xeyir olsun,mahal fm dinləyiciləri.Poeziya dəqiqələrinə keçid edirik birbaşa,elə bu dağa.proqram bizimdü,səlahiyyət də həmçinin və sizinlə bir qəzəl paylaşıram,bununla da proqramımızın keçmişə olan buraxılışı bitəcək.

Zaman at oynadır yenə,sevinc ötüşdü,fərqi yox,
Könül evim uçuğ-sökük sınıb,bitişdi,fərqi yox.

Bütün həvəs ölüb daha bu dövrana və insana,
Uzandı əl kömək üçün mənə,yetişdi fərqi yox.

Ömür baharı soldusa,bu yol ölümlü yoldusa,
Əcəl qatarı tez gəlib,ya da gecişdi fərqi yox.

ibadət əhli olmadım,nə də şərabi-məstiyik,
Sisifosun cəzası dağdı,ya enişdi fərqi yox.

Ümumi hal alıb demə münasibətdə vəz(-i)yyətim,
Bu ilk görüşdü var marağ,bu son gedişdi fərqi yox.

O,Cavidə baxıb-baxıb dedi,qəm olmasın daha,
Həzin-həzin fikir verib,cavab gülüşdü "fərqi yox"