introvertlik

introvert insanlar özü-özünə yetə bilən insanlardır. Əksər insanlar tək qalmaqdan qorxduğu halda introvertlər bundan zövq alır. Kollektivdə heç kimi saymayan, təkəbbürlü biri kimi görünə bilirlər. Danışıb güldükdən sonra bir kənarda özü üçün oturanda insanlar düşünür ki, "görəsən küsdü? Noldu ki aralandı?" Halbuki heç nə olmayıb onun standart halı odur. Bundan əlavə, belə insanların tək dolandığı yerlərə adam doluşanda (məs: evə qonaq gəlməsi) əsəbi olurlar. Həmçinin, belə insanlar yeni kollektivə düşəndə öyrəşənə qədər içdən-içə dərin narahatlıq keçirirlər. Bir introvert çevrəsinə öyrəşərsə, ekstravert ola bilər. Düşünürəm ki, introvertlik hər kəsdə müəyyən qədər olması gərəkən xüsusiyyətdir.
Not: sözlük sayəsində tipajımın adını öyrənmiş oldum, thanks sözlük.

sürü psixologiyası

Əsas səbəbkarların valideynlər olduğu bir ideologiya növüdür. Niyə valideynlər? Çünki cəmiyyətimizdəki valideynlərin 99%-i uşaqda azad fikir və seçimin formalaşmasına imkan vermir. Valideyn nə dedisə o olur. Çox sadə misal olaraq, yemək evdə ana nə bişirdisə o yeyilməlidir. Uşağa seçim haqqı verilmir ki, ay oğlum/qızım, bu gün nə yemək istərdin? Özü soruşulmadan istəyini dilə gətirən də qınanılır ki, "bu uşaq qudurub, yemək seçir. Adam qabağına nə qoyuldu, onu yeyər" bu cür qısıtlanmalar da gələcəkdə məktəb, universitet , iş və sair kollektivlərdə sürü psixologiyasının yaranmasına səbəb olur. O 1%-lik ailədə böyümüş uşaq çıxır qabağa fikrini deyir, qalanları da qoşulur ona. Digər 3-cü , fikrini deyib ağzından vurulan uşaqlar da bu prosesə baxıb cringe keçirir. Çünki zamanında qınanıldıqları üçün fikrini irəli sürmək üçün yetərli özgüvəni olmur.