vilayət quliyev

Vilayət Hacıyevlə qarışdırdığım şəxs. Ayrıca Azərbaycanın Polşadakı yox, Macarıstandakı səfiri. Fikrimcə Mikayıl Rəfili, Nizaməddin Şəmsizadə, Akif Hüseynli kimi son təqdirəlayiq tənqidçi nəslinin nümayəndələrindən biri olub

schachnovelle

Svayqın Dostoyevskinin hələ ki yarımçıq qoyduğum "idiot"undan sonra yağ kimi oxunan, su kimi içilən möhtəşəm novellası.

Nə vaxt idi ki, hər hansısa əsəri bir gündə bitirə bilmirdim. Amma ki, bu novella çox oxunaqlıdı. Əsəri oxuyarkən müxtəlif detallar ilk başdan diqqəti cəlb edir. Məsələn nasistlərin necə vəkilləri və vəzifəli şəxsləri sakit-sakit işgəncəylə axrına çıxmaları. Əsərin baş qəhrəmanlarından olan Doctor B də bu acını çəkir. Düz 1 il həyatının çoxusunu yalnız bir otaqda keçirən adamın yerinə özünü qoyanda nəfəsi kəsilir lap. Ümumiyyətlə Svayq çox analitik yazıçıdı. 1920-ci illərdə Freydin əsərləri ilə onun psixoanalitika ilə bağlı fikirləri ilə daha ətraflı maraqlandığından qaynaqlanır bu. Elə bu əsəri oxuyarkən sanki həm də bir Freyd imzası görürsən elə bil.

Əsər çox uğurludu, niyə uğurludu, çünki oxucunun sinirlərini həqiqətən tarıma çəkir, onu bir şahmat taxtasının içinə salır. Hələ az qala əsərin içinə girib Çentoviçin ağzına vermək istəyirsən. Çox gözəl süjet xətti qurulub

Ölməzdən əvvəl mütləq oxunmalı əsərlərdi. Yazıçının "Amok", "Qorxu" əsərləri də daxil. Bu arada tərcüməçi Vilayət Hacıyev də çox pizdes tərcümə eliyib kitabı, nə yaxşı ki var

azərbaycandan rədd olub getmək

Əvvəllər getməyə daha isti yanaşırdımsa indi qalmağın tərəfindəyəm. Nə olur olsun bu ölkənin də intellektual, savadlı kəsimə ehtiyacı var. Hamımız çıxıb getsək kim qalacaq artıq burda? "Sikimə də dör" demək çox asandı və komformist yanaşmadı

Gündə bir qanqaraçı, ədalətsiz hadisə ilə üzləşirik. Dəyişikliklərin çoxusunu həmişə gənc kəsim edir. Sosiologiyada da tam bir generasiyanın formalaşması üçün 25 il lazımdı. Artıq 25 il keçib. Ona görə ümid edib çalışmalı, cəmiyyəti maarifləndirmək lazımdı. inadla. Özəndiyimiz ölkələrdə də dəyişikliklər kankret hərəkət sayəsində olub. Belə boş-boş deyinməklə heç nə əldə olunmaz. Ümid eliyin, bi dənə əlimizdə o qalıb onsuz

rəşad atakişiyev

Azərbaycan Silahlı Qüvvələrinin polkovnik-leytenantı, Azərbaycan Hərbi Hava Qüvvələrinin zabiti. Azərbaycan Ordusundakı ən peşəkar pilotlardan biri idi. Keçən il Bakı səmasında paradda iştirak edən pilotlardan biri də o idi. Real TV-nin hazırladığı "Şahinlər" sənədli filmində də onu görürük. indi sosial şəbəkələrdə tüğyan edən şəkillər də həmin sənədli filmdən götürülüb.

iyulun 24-ü 22:00 radələrində MiQ-29 təyyarəsi ilə qəflətən rabitə əlaqəsi kəsilib və radardan itib. Ta avqustun 20-sinə kimi pilotdan xəbər çıxmayıb. FHN həm təyyarəni həm də nəşi tapa bilmədiyindən, Rusiya və Türkiyədən mütəxəssislər çağırılıb. Və nəhayət avqustun 20-si pilotumuzun nəşi tapılıb. Təsəvvür eliyin də bi dənə pilotun valideynlərini, həyat yoldaşını, uşaqlarını....

Gün birlik günüykən bir çox jurnalistləri bugün 2-ci Fəxri Xiyabanda dəfn mərasiminə buraxmayıblar. Hələ bu harasıdı. Rəşadın qaynatası Qabil Hüseynli deyib ki, müxalif partiyalar və qüvvələr gəlməsinlər. Rəzillikdi sadəcə rəzillik. Adicə Türkiyədə hansısa şəhid xəbəri gəldikdə və ya faciə baş verdikdə müxalifətlə iqtidar eyni sırada dayanıb cənazə namazı qılırlar. Xarici və düşmən dövlətlərə birlik, "yıkılmadık ayaktayız" mesajı verirlər. Bizdə isə bax belə olur. Heyif o şəhidin ruhundan ətağa...

Ruhun şad olsun. Sənin sarı tellərinə qurban olsun bütün vətən xainləri

mabel matiz

Üstdəki yazarın qeyd elədiyi kimi "maya" albomu həqiqətən şedevr alınıb. Albomdakı demək olar ki, bütün mahnılar xalq motivləriylə sintez edilib. Qulaq asdıqca anlayırsan ki, bu albom üzərində çox əziyyət var. "Mendilimde kırmızım var", "öyle kolaysa", "boyalı da saçların" mahnıları digər mahnılardan daha gözəl gəldi. Xüsusilə də boyalı da saçların üçün çəkilmiş klip əsl sənət əsəridi. O rənglər, o təbiilik, o aktyorluq, o detallar. Harda yaşayırsan yaşa, sevginin sərhədi yoxdur fikrini bir daha təsdiqləyir. Belə davam eləsin təki. Türk popunda sayılı keyfiyyətli iş yaradan müğənnilərdəndi.

Dediyim sənət əsəri üçün:

(youtube: )

gülər ismayılova

Azərbaycanda bir mentalitet qurbanı daha... Bu gənc qız Zaqatalalı idi. 17 yaşı var idi. Ali təhsil almaq istəyirdi. Lakin ailəsi onu tam 32 yaşlı bir oğraşla (adı da Renad isayev imiş) evləndirmək istəyirmiş. Hətta nişanlayıblarmış. Qız da buna dözə bilmədi, tövlədə özünü asaraq intihar etdi.. Onun da eynən Elina kimi parlaq gələcəyi ola bilərdi... Amma öz ailəsi tərəfindən bədbəxt edildi.

Heç kim özünü aldatmağa çalışmasın. Getdikcə daha da geriyə gedirik. Bakının mərkəzini və bəzi rayonlarını çıxmaq şərtilə yerdə qalan Azərbaycanın bütün hissəsi tam anlamıyla düşüncə baxımdan əsrin gerisində qalıb. Əksəriyyətinin düşüncəsi tam anlamıyla sığır düşüncəsidi. 32 yaşlı bir gədə öz mənliyinə görəsən necə sığdırıb 17 yaşlı qızla nişanlanmağı. Onla necə xoşbəxt olmağı fikirləşirdi? Yaxşı bəs ailə? Axı niyə ölkədə minlərlə ailə qızına satılıq əşya kimi baxır?Hara kimi gedəcəye belə?
Sosial şəbəkələrdə yazılanlara və qızın TikTok-da paylaşdığı videolara (son videoları dəhşətdi ətağa, gözlərim dola-dola izləmişəm) baxanda sanki qız "gedirəm uje hələlik" mesajları verirmiş. Həm də başa düşdüyüm qədərilə qızın ürəkdən sevdiyi bir oğlan var imiş. Sosial şəbəkədə də bunu təsdiq eləyirlər (TikTok profili: l1yak0) Nə deyim, yazım ala. Bezmişiy artıq çeynəməkdən eyni sözləri...

Mənim dünyada ən iyrəndiyim və ən alçaqca düşündüyüm şey pedofiliyadır. Onu son zamanlar ölkədə görəndə gic oluram. Mənim ölkədə ən nifrət elədiyim şey boş mentalitet qaydalarıdır. Tabulardır hansı ki, nə qədər insanın taleyini məhv edir. Bunları s*kd*r etmək lazımdır bu ölkədən. Nə qədər belə xəbərlər eşidəcəyik ala biz. mənbələr

https://www.amerikaninsesi.org/a/guler-intihr/5024951.html

http://qafqazinfo.az/news/detail/17-yasli-guler-nisana-gore-intihar-edib-atasi-danisdi-259759

ellen burstyn

86 yaşlı və hələ də karyerasına davam edən aktrisa. Bizdə 60 yaşından sonra camaat atkluçit olur, amma bu qadın hələ də dayanmır. Bu il çıxacaq lucy in the sky filmində natalie portmanla baş rolda olacaq.

Gələk xoşladığım filmlərinə. Ən əfsanə rol aldığı film şübhəsiz ki, requiem for a dream-dir. Bir səhnə var ki, oğluna dərdini danışır. O səhnədə adam istəmsizcə "pay blə" deyir də. Həm ağlayır həm gülür həm təəccüblənir. Özü də kamera tam ona zoomlanıb. Bir qadın sadəcə 3-4 dəqiqədə "necə rol aparırlar, baxın görün" dedi elə bil.
Amma qadının ən gözəl və diri vaxtları 70-ci illər idi. the exorcist və oskarı qazandığı alice doesn't live anymore filmləri baxılası filmlərdi. Xüsusilə də exorcist.

Çox yaşa, baxaq filmlərinə "oy blə hələ də durure bu arvad" deyək

azərbaycana və ya azərbaycanlılara xas xüsusiyyətlər

Hökumət onun əleyhinə ən sərt və pis qərarı versə də yenə də susub oturub şükür etməsi, bi də ölkədə baş verənləri müxalifətin üstünə atması ahahahahahaha
(baxma: bunlar yeyib doyublar gələnlər necə olacaq)
(baxma: bala başımıza daş yağmır ki, şükür elə)

tenet

christopher nolanın 2020-ci ildə çıxacaq yeni filmi. Baş rollarda denzel washingtonun oğlu john david washington və twilight-dan tanıdığımız, qızların dəcəli robert pattinson var. Bi də bilirsiz də yenə castda kim var. Təbii ki, michael caine . Oğraş deməy olar bütün Nolan filmlərində görsənib.

Filmin büdcəsinin 224-250 milyon dollar kimi astronomik, insanın dodağını uçuqladan rəqəm olduğu deyilir. Filmin 7 ölkədə çəkilməyindən qəribə bir mövzusu olduğu hiss olunur. Guya hansı düz filmi var ki dılğırın. Elə ona görə çox istəyirəm səni Nolan. Beynimizi sikməyə davam elə mütləq. Trailerini gözləyirik səbirsizliklə.

dünənki keçdi

Çingiz Mustafayevin səsləndirdiyi rep. Bu həm də ilk Azərbaycan dilində rep olaraq tarixə düşüb. Musiqisi və sözləri Rasim Müzəffərliyə aiddir.
Yaşasaydı görəsən indi hansı layihələrə əl atardı?
Bu da link

(youtube: )