ohanyan xətti

bu sifarişi verən: hechliyin_menasi
seyran ohanyanın adı ilə bağlı olan xətt və ya sədd. eynilə fransızların hazırladığı maginot line kimi düşünə bilərsiniz. ermənistanın puppet dövləti olan artsax adlı rejim olası müharibə ehtimallarını nəzərə keçirmişdi təbii ki. buna görə də onlara güclü istehkam və birbaşa xankəndini qorumaq üçün sədd lazım idi. bu sədd ohanyan səddi olacaqdı.
ohanyan səddi keçmiş müdafiə naziri seyran ohanyanın planı əsasında qurulub. qarabağın bizdə olan hissələri düzənlik erməni işğalında olan hissələri isə dağlıq olduğu üçün o istiqamətdən hücum eləmək öz ölüm fərmanına imza atmaq kimi bir şeydi. ohanyan xətti yeraltı bunkerlərlə təchiz olunan və alınması üçün azı 10minə yaxın itki verməli olduğumuz bir yerdi də demək olar. necə ki, vaxtikən hitler maginot xəttini yarmaq əvəzinə kənardan, yəni belçika ərazisindən hücum eləməyi üstün tutmuşdusa hazırda azərbaycan ordusu da eyni mövqeni sərgiləyir. ohanyan xəttinin alınması üçün isə ordumuza illər lazım ola bilər. bundan artığını yazmaq nə mənim vəzifəmdir, nə də o qədər hərbi detallama sizi maraqlandırar deyə düşünmürəm.

ceyhun bayramov

əvvəlki təhsil, hazırki xarici işlər naziri. adamın əlaqəsiz postlara qoyulması bir çox insanın diqqətini çəkib. mən isə onunla şəxsən danışmış biri olaraq bəzi bilinməyən faktları vurğulamaq istərdim. ilk olaraq sizin gözlədiyiniz kimi dərin biri deyil və hətta mənə görə dayaz insandır deyərdim. onunla təhsil naziri olmamışdan da əvvəl tanış olmuşdum o vaxtlar mən amerikaya yollanmaq üçün seçilən gənclər arasında idim. kiçik söhbətimiz də alınmışdı çəkiliş qrupu gələnə qədər. açığı sonradan onun təhsil naziri olduğunu eşidəndə şoka düşmüşdüm. bu azərbaycanın onsuzda sürünən təhsil sisteminə bir sonrakı zərbə idi. necə ola bilərdi ki, belə birisi təhsil naziri postuna təyin olunsun. bu yaxınlarda isə ikinci bir şoku yaşadım. təhsil naziri kimi görmədiyim insanı öz postundan azad etmişdilər, amma bu dəfə onu XiN postuna təyin etmişdilər. "excuse me, wtf?"
böyük şok içərisində xəbərləri və olub bitəni izləyirəm hələ də. görəsən səriştə insana vergi olaraq verilə bilirmi sualına cavabı yəqin ki, ceyhun bəyin bundan sonrakı fəaliyyətinə baxıb cavablandıracam.

həyatın ən gözəl illərini bərbad keçirmək

(baxma: gəncliyini bada vermək)
neçə vaxtdır bu sual ətrafında düşünüb dayanırdım. axı mənim də ən gözəl illərim bərbad keçib və hələ də keçməkdədir. maddi imkanı zəif olan bir ailədə doğulmuşdum, yaşadığımız yer gecəqondular arasında idi, məhləmizdən isə söz açmaq istəsəm gərək bunu ayrı-ayrı başlıqlar altında yazam; nəşəxorlar, pedofillər və s.
atam da alkoqolik idi. elə bundan qaynaqlanır ki, uşaq vaxtı atamla bağlı yaxşı xatirələrim çox azdır. çünki əksər vaxtlar anamı döyməklə məşğul olurdu mənə ayıracaq pis və ya yaxşı vaxtı qalmırdı.
uşaqlıq illərimi məhz buna görə bərbad keçirdiyimi düşünürəm. təsəvvür edin ki, birinci sinifə gedəcəksiniz və bütün geyimlərinizi qohumlardan-qonşulardan qapı-qapı özünüz yığırsınız. bundan əlavə özünüzə ilk dəftəri də butulka yığıb satmaqla qazandığınız pulla alırsınız. uşaqlıq illəri getdi, gəlin indi yeniyetməlik dövrünə baxaq.
yeniyetmə olduğum müddət bütün pis vərdişlərə artıq yiyələnmişdim deyə pozulmaq ehtimalım yoxdu deyə düşünürdüm amma var imiş. hər cürə cinayət yükü daşıyan işləri yavaş-yavaş özünün elədiyini görəndə insan həyatına nifrət edir və səbəbsiz yerə buna görə kimisə günahlandırırsan. məktəbdən qaçıb parkda nəşənin təsiri altında uzanmağın isə günahı yalnız mənim üzərimdə ola bilərdi. amma onda uşaq idik belə düşünmürdüm. valideynlərim bir çox şeyi bilsə də səslərini çıxarmırdılar. çünki onların heç vecinə də deyildim. onlar ancaq bir birlərini qırmaqla məşğul idilər. evə gələndə əgər azca da olsa enerjiləri qalmışdısa gecə saat 1də mənim zəif şəkildə qapını döyməyimlə açırdılar və sonra təxminən 30 dəqiqə müddətində danlayırdılar. yeniyetməlik də beləcə hədər olmuşdu. qaldı gənclik.
indi atam qəsdən adam öldürməkdən həbsdədi, anama və ailəmin digər fərdlərinə baxmaq məcburiyyətində qalmışam. təbii ki, həyat çox çətindi. bundan əlavə bu həyat bir gəncin yaşamalı olduğu həyat deyil. ən azından maraqlı insanlarla həm söhbət olub həftəsonları gözəl bir book cafe-də əyləşərək mədəni istirahət etmək imkanı olmalıdır bir gəncin. məndə təəssüf ki, sadaladıqlarımın heç biri yoxdu. bax beləcə bir həyatı bərbad keçirmək olar. indi deyə bilərsiniz ki, hələ son deyil. doğrudur, onsuzda keçmişdə ilişib qalan biri olsam indiyə özümü öldürmək kimi bir aktı yerinə yetirmişdim və siz də intihar başlığı altında mənim ölüm xəbərimi yazırdınız. bu olmadısa deməli davam etmək lazımdır. amma yaddan çıxarmaq lazım deyil ki, bu həyat bundan sonra da hər il bərbad keçəcək

lgbt şəhidləri

müseyibov turalın işdən azad olunmasına gətirib çıxaran bir mövzü. söhbət şaiq adlı bir gəncin müharibədə həlak olmasından və buna olan münasibətdən gedirdi.
(bax: ikinci qarabağ müharibəsi)

zərdüşt əlizadə

uğruna müəllimimlə mübahisəyə girdim tarixçi. niyə tarixçi? çünki bu mübahisə mənim tarix müəllimimlə elə tarix barəsində yaranmışdı. bir çoxlarınız bəlkə də bilirsiniz, zərdüşt əlizadənin 20 yanvar hadisələrinə xüsusi bir baxışı var

(youtube: )

elçin maştağalı

Azərbaycan meyxnasının ən uca zirvəsi. Bu gün bizə tanış olan bir çox misraların, mahnıların müəllifi və bəstəkarı. "Uymuşam bir gözələ", "Darıxmağa qoyma məni", "Oldum alkoqolik, nəşəxor"(bu bəstə üzərində bir çoxlarının eşitdiyi "Cavanlığım getdi əlimdən" meyxanası deyilib), "Bala Nərgiz", "Mən sənə aşiqəm, can, ay Yeganə", "Mən oldum" və s. meyxanaların müəllifi və bəstəkarı. Atası xanəndə olduğundan oğluna da nələrsə ötürmüşdü. Şirin avaza malik şairi dinlədikdə əsl meyxananın necə xoşagələn bir janr olduğunun fərqinə varırsan. Sözlərdə olan dərin məna isə insanı tamam başqa aləmlərə aparır. Sənətkar cavan yaşından meyxanaya maraq salmışdı. Kərim, Ağamirzə, Məşədibaba, Ağasəlim, Nizami Rəmzi, Vüqar, Mollaməmməd və s. sənətçilərlə eyni səhnəni paylaşmışdı. Istedadı ilə seçilən şairin sözü digər meyxanaçılardan daha kəsərli idi. Bunu 90-cı illərdə keçirilən meyxana yarışmasının qalibi olması sübut edir. Təbii ki, belə bir istedada paxıllıq edənlər də tapılacaqdı. Həmin şəxslər öz planlarını onu ən yaxın adamının əli ilə vurmaqla yerinə yetirdilər. Bir-birlərinə dost olan iki şəxs: Məşədibaba və Elçini öz mənafeləri üçün düşmən elədilər. Sonda isə Məşədibaba Elçini bıçaqladı. Yolda onu xəstəxanaya aparan adamlar qəsdən gecikdiyi üçün qanaxmadan dünyasını dəyişdi. Beləcə bir əfsanə də bu dünyadan köçdü. Onun ölümü ilə bağlı müxtəlif teoriyalar var, amma heç biri faktlara istinad etmədiyi üçün paylaşmaq niyyətində deyiləm. Belə. Sadəcə olaraq bu sənətkara qulaq asın və həzz alın bu kifayətdir. Xoş dinləmələr.