yazarların çəkdikləri pişik şəkilləri

Kameraya oynamağı sevən, elit Bayıl qlamurkası

Öz pişiyimdən sonra şəklini çəkmək üçün ən çox yalvardığım pişik ola bilər, "di qırıl" deyərək belə poz vermişdi

Və mənəvi anaları olduğum içərişəhər pişikləri

azərbaycanda qadın olmaq

Öncəki yazarlar bunun haqqında yetəri qədər ətraflı yazıblar gördüyüm qədərilə. Mən sadəcə qarşılaşdığım kiçik, amma sıradan olmayan anlardan yazmaq istəyirəm. Öncəliklə Azərbaycanda istənilən canlı olmaq (fərq etmir qadın, kişi, heyvan və s) çətindir. Kimin dediyini xatırlamıram, əhlinə rast gəlməyən hər şey ziyan olur, can da, inci mərcan da. Qadınlara cəmiyyətin yüklədikləri "dəyərlərlə" çətinlik dərəcəsi daha da artır. Dərsdən çıxmışdım, axşam idi. Daima evə getdiyim avtobus o gün çox gecikirdi, başqa bir avtobusa mindim. O tam evə qədər aparmır. Mərkəz deyilən bir hissədə saxlayır ki, ordan evimə piyada 15 dəqiqəlik yol var. Hava çox qaralmamışdı, piyada gedim hava da almış olaram dedim. Əcəmidəki yol qırağı tərzi bir yol deyil. 15 dəqiqəlik yolda tam 3 maşın saxladı. Xanım, istəyirsiz ötürək, hara gedirsiniz və s. kimi suallar verdilər. Təbii ki, qeyrətini axtaran bu dırnaqarası kişilərə cavablarını verdim, amma anladım ki, azərbaycanda qızsanız axşam yol qırağı ilə rahat tək gedə bilməzsiniz. Bu hal metro kimi sıxlıq olan yerlərdə də yaşanır. ixtisasım azərbaycanda qızların çox seçmədikləri (bəlkə də seçə bilmədikləri) ixtisaslardandır. Hələ məktəb dönəmindən haranı düşünürsən sualına cavab veriləndə, cəmiyyətin guya savadlı hissəsi sayılan müəllimləri də daxil olmaqla "sən qızsan, sənə yaraşmaz, irəlidə çətinliklər çıxacaq bacarmazsınız, qıraqdan yaxşı baxılmaz" kimi şeylər demələri ilə qarşılaşmaqdır. Cəmiyyətin sizə ayrıca şəxsiyyət kimi yox, kiminsə qızı, bacısı, sevgilisi kimi yanaşmasıdır. Doğuşdan sahib olduğumuz hüquqları sökə-sökə almaq məcburiyyətində qalmaqdır. Əgər qadın yetəri qədər cəsaərtli deyilsə, cəmiyyətin, ailənin ona biçdiyi rol ilə ömrünü hədər verməsidir

pro bono

1)Latınca “cəmiyyətin faydası üçün” deməkdir. Heç bir gəlir güdmədən fəaliyyət göstərən istənilən xidmətlə (tibb, təhsil və s) bağlı bu ifadə işlədilsə də, əsasən hüquqla bağlıdır. Vaxtilə Amerika kolonyaları ilə ingilis əsgərləri arasında olan atışmalar zamanı 5 amerikalını öldürən ingilis əsgərlərinin hüquqlarını müdafiə etmək lazım idi. Heç kəs bunu üzərinə götürmədi, Amerikanın o zamanlarkı prezidenti John Adamsdan başqa. Təbii olaraq öz ölkəsini dəstəkləsə də, məhkəmədə ingilis əsgərlərinin də hüquqlarını müdafiə etmişdi. Anqlo-sakson hüquq sistemi olan bəzi ölkələrdə, Amerikanın bir çox əyalətlərində vəkillər üçün illik pro bono çalışmaq müddəti qoyulur
2)Azərbaycanda eyni adlı vəkil bürosu var (Ağır cinayətlər məhkəməsinin yanında). Nüfuzlu bürolardan biridir sifarişi verən: sonra dedilər ki alınmadı

anaya demək istədiklərimiz

Öncəliklə hər şey üçün, maddi, ən əsası mənəvi dəstəyin üçün təşəkkürlər. Filankəslər nə deyər, filan şeyi etmək düzgündür (düzgün deyil) demədiyin üçün təşəkkürlər. Hər nə qədər sənin zəhmətini qiymətləndirmədiyimi düşünsən də, bu elə deyil. Çevrəmdə gördüyüm ən açıq fikirli, dəyişikliklərə açıq anasan. Hərəkətlərim sənin üçün doğru olmadığı zamanlarda belə mənə qarışmamısan. "Bilirəm ki, sən hər şeyin bir yolunu özün tapacaqsan" deyərək güvəndiyin üçün təşəkkürlər. Böyüdükcə nəyin nə olduğunu anlayacaqsan deyirdin, dediyin kimi oldu. Nələrdən keçdiyini, mənim üçün bu şərtlərdə nələr etdiyini böyüdükcə anlayıram. Günün sonunda mətbəxdə oturub səninlə sıradan, gündəlik şeylərdən danışmaq belə üzümü güldürür. Xarakterimizdən, fikirlərimizdən dolayı tərs düşdüyümüz zamanlar çox olsa da, məni hər zaman yola verməyə çalışmısan. Nə olduğunu, nələr etdiyimi anlamasan belə, sırf üzüm güləcək deyə bacardığın qədər istəklərimə yol açmısan. Al bunu tax, gəl mən bəzəyim deyəndə böyüsəm belə, məni hələ də balaca qızın olaraq gördüyünü düşünürəm. Dediyim kimi, tamamən zidd insanlarıq, ən xırda şeyə görə sənlə tərs düşdüyüm zamanlar çox olur. Güclü, haqqını tələb edə bilən insan deyilsən, yaxşı anasan. Amma hər şəkildə səni sevirəm (sənə çox deməsəm də)

kommandit ortaqlıq

Biznes fiziki və hüquqi şəxs formasında yaradıla bilər. Fiziki şəxs bütün münasibətlərdə öz adından çıxış edir, müqavilələr bağlayır və s. Hüquqi şəxslərin müxtəlif formaları var (tam ortaqlıq, kommandit ortaqlığı, məhdud məsuliyyətli cəmiyyət, açıq səhmdar cəmiyyət) Tam ortaqlıqda iştirakçılar ortaqlığın adından sahibkarlıq ilə məşğul olurlar, onun idarəetməsində iştirak edirlər və hər hansı riskə görə bütün var- dövlətləri ilə məsuliyyət daşıyırlar. Kommandit ortaqlıqda isə tam ortaqlar və kommanditçilər olurlar. Kommanditçilər yalnız qoyduqları maya qədər risk daşıyırlar. Hər hansı şirkətdə A tam ortaq, B kommanditdirsə (maya olaraq məs 10 000 manat qoyubsa), baş verəcək hər hansı riskdə B yalnız 10 000 manat, A isə bütün mal- varlığı ilə məsuliyyət daşıyır. Azərbaycanda bu forma o qədər də çox istifadə olunmur. Ən geniş yayılmışı MMClərdir. sifarişi verən: krisnayayoxarcunayahe