ramstein qəzası

28 avqust 1988-ci ildə almaniyanın ramstein qəsəbəsində yerləşən amerikan hava bazasında frecce tricolori adlı italyan hava şousu komandasının şousu zamanı baş vermiş faciəvi qəza. belə ki, şou zamanı 3 qırıcı təyyarə “parçalanmış ürək” adlı hərəkəti nümayiş etdirərkən bir-biri ilə toqquşur. daha sonra təyyarələrdən birinin tamaşaçıların üstünə düşməsi nəticəsində 75 nəfər yanaraq ölür, 500 nəfərə yaxın insan ağır yaralanır. “pony-1” qırıcısının pilotu toqquşmadan əvvəl təyyarədən çıxa bilmiş, ancaq paraşütünü aça bilmədiyi üçün yerə çırpılaraq həyatını itirmişdi. təyyarə isə yaxınlıqdakı maşın yoluna düşmüş və bu zaman əraziyə gedən tibbi helikopterlə toqquşaraq, helikopter pilotunu ağır yaralamışdı. “pony-2” isə sərt bir şəkildə yerə çırpılır və pilot heç nə edə bilmədən həyatını itirir. qəzadan sonra yanğınsöndürən və tibbi bölmələr əraziyə gəlir.
əfsanəvi musiqi qrupu rammstein da adını bu hadisədən götürüb. sadəcə qarışıqlığa yol açmamaq üçün qrupun adına daha bir “m” hərfi artırılıb.

vulgar display of power

1992-ci ildə çıxmış əfsanəvi pantera albomu. qrupun ən çox satılmış albomu və 90-cı illərin ən bəyənilən albomlarından biridir. 2017-ci ildə rolling stone tərəfindən “bütün dövrlərin ən yaxşı 100 metal albomu” siyahısına 10-cu sırada daxil edilib. ən sevilən “pantera” mahnılarının böyük əksəriyyəti bu albomdandır. 2012-ci ildə albomun 20 illiyi münasibətilə reissue versiyası yayımlanıb və bu versiyaya piss adlı bir bonus mahnı da əlavə edilib.
albomun mastering prosesi new york-da həyata keçirilib. albomda gitarist diamond darrell olaraq göstərilib, amma daha sonra hamının bildiyi dimebag darrell adını götürüb. bassist rex brown da “rexx rocker” adını götürüb.
1991-ci ildə metallica tərəfindən the black album yayımlandıqda “pantera” üzvləri də “metallica”-nın sözügedən albomda thrash metal sound-undan uzaqlaşdığını düşünənlərdən idi və bu vəziyyəti də sərt sound-a sahib bir albom çıxarmaq üçün fürsət olaraq görmüşdülər.
dimebag darrell albomun əfsanəvi mahnılarından walk-un rifflərini hələ cowboys from hell turunda soundcheck edərkən yazmış və qrup üzvlərinin çox xoşuna gəlmişdi.
albomun adı 1973-cü il istehsalı the exorcist filmindəki bir səhnədən götürülüb. səhnə belədir:
Rahib: if you’re the devil, why not make the straps disappear?
qız: that’s much too vulgar a display of power, karras.
albomun adı həmçinin 2007-ci ildə çıxmış a vulgar display of power: courage and carnage at the alrosa villa adlı kitabda istifadə edilib, ki kitabın fəsillərinin adında yenə bir çox “pantera” mahnısına yer verilib. Kitabda, həmçinin dimebag-in ölümünə səbəb olan proseslərdən də bəhs edilir.
albomun üz qabığında üzündən yumruqlanan bir adam təsvir olunub. iddiaya görə şəkildəki şəxs drummer vinnie paul idi və düzgün şəkil çəkilənə qədər 10 dollar qarşılığında 30 dəfə yumruqlanmışdı. ancaq bu iddia təkzib edilir və bildirilir ki, şəkildəki şəxs sean cross adlı bir modeldir və qətiyyən yumruqlanmayıb. eləcə də, üz qabığının ilkin versiyasında sean boks əlcəyi ilə yumruqlanırdı. ancaq qrup üzvləri bu versiyanı bəyənmədikləri üçün sonradan əlcək yalın əllə əvəzlənir.
albomun “reissue” versiyasındakı “piss” adlı bonus mahnı albom yazılarkən yazılmış, ancaq orijinal alboma qoyulmamışdı. Hətta vinnie paul da bu unudulmuş mahnını “reissue” versiyasında görənə qədər xatırlamamışdı.
albom çıxdıqdan sonra “pantera” əvvəlcə skid row və soundgarden ilə amerika turuna, ardınca isə megadeth və white zombie ilə avropa turuna çıxır. qrupun sound-u və canlı performansları şöhrətlərini daha da artırır. mahnılar:
(baxma: mouth for war)
(baxma: a new level)
(baxma: walk)
(baxma: fucking hostile)
(bax: this love)

willie adler

lamb of god-ın ritm gitaristi. 1976-cı ildə anadan olub. qrupa 1998-ci ildə əvvəlki ritm gitaristi abe spear ayrıldıqdan sonra gəlib. qrupun keçmiş üzvü, əfsanəvi drummer chris adler-in kiçik qardaşıdır. qrupun əsas söz yazarlarındandır. əsasən les paul gitaralarından istifadə edir. qrupla işləmədiyi və turda olmadığı vaxtları ailəsi ilə keçirir. həmçinin, ev işlərini və yemək bişirməyi də xoşlayır.

cowboys from hell

1990-cı ildə çıxmış məşhur pantera albomu. bu albomla birlikdə “pantera” glam stilindən uzaqlaşıb və groove-a keçid edib. albom, ilk groove metal nümunələrindən biri sayılır. qrupun bundan əvvəlki işləri ilə müqayisədə daha sərt bir sound-a sahibdir.
albomun yazılmasına 80-ci illərin sonunda başlanılır. bu müddətdə sıra ilə əvvəlcə vinnie paul drum parçalarını yazır. ardınca dimebag darrell gitara riff və sololarını, ən sonda isə rex brown bassları yazır.
qrupun bu albomdan əvvəl də müəyyən işləri olsa da, qrup üzvləri “cowboys from hell”-i özlərinin ilk albomu hesab edirdi. çünki bu albomla birlikdə qrup öz tərzini tapa bilmişdi. albomun üz qabığındakı şəkil 20-ci əsrin əvvəllərində çəkilmiş bir bara aiddir və qrup üzvlərinin şəkilləri buraya əlavə edilib.
albom yayımlandıqdan 1 il sonra, 1991-ci ildə “pantera” tura çıxır və bu tur çərçivəsində həmin ilin sentyabr ayında moskvada da konsert verir. mahnılar:
(bax: cowboys from hell)
(baxma: primal concrete sledge)
(baxma: psycho holiday)
(baxma: heresy)
(baxma: cemetery gates)
(bax: domination)
(baxma: shattered)
(baxma: clash with reality)
(baxma: medicine man)
(baxma: message in blood)
(baxma: the sleep)
(baxma: the art of shredding)

the formation of damnation

2008-ci ildə çıxmış testament albomu. olduqca uzun bir müddətdən sonra ərsəyə gəlib. eyni zamanda, drummer paul bostaph-ın “testament” ilə çıxardığı yeganə albomdur.
qrupun 2000-ci illərdəki ilk albomu 2001 çıxışlı first strike still deadly idi. 2002-ci ildə qrupun ritm gitaristi eric peterson yeni albom üzərində işləməyə başladıqlarını və olduqca sərt bir albom olacağını açıqlayır. 2004-cü ildə paul bostaph-ın albomda drummer qismində çıxış edəcəyi açıqlanır. aprel-may aylarında albom üzərində işlərin başlayacağına dair xəbər verilir. ancaq sonra qrupun başına bir çox iş gəlir. eric peterson ayağından əməliyyat olunur. vokalist chuck billy xərçəng xəstəsi olur. sağaldıqdan sonra qrup yer dəyişdirir. 2005-ci ildə məşhur lead gitarist alex skolnick uzun bir müddətdən sonra qrupa geri qayıdır. 2007-ci ildə albom üzərində işləməyə davam etdiklərini açıqlayırlar. elə həmin il qrup, nuclear blast ilə müqavilə imzalayır. daha sonra albomun adı və üz qabığı nümayiş etdirilir. nəhayət, 2008-ci ilin aprelində albom işıq üzü görür.
şəxsi fikirlərim: necə qaz bir albom olduğu girişindəki qısa instrumental mahnıdan məlum olur və eyni şəkildə davam edir. gitarada alex skolnick yenə gözəl iş çıxarb. paul bostaph-ın drum performansını da çox bəyəndim. üz qabığı çox xoşuma gəlir. ümumiyyətlə, ən sevdiyim “testament” albomudur. mahnılar:
(bax: for the glory of)
(bax: more than meets the eye)
(bax: the evil has landed)
(bax: the formation of damnation)
(baxma: dangers of the faithless)
(baxma: the persecuted won’t forget)
(baxma: henchmen ride)
(baxma: killing season)
(bax: afterlife)
(baxma: f.e.a.r.)
(baxma: leave me forever)

marko hietala

məşhur fin vokalist və bassist.
1966-cı ildə kuopio, finlandiyada anadan olub. ailənin ən kiçik övladı idi. konservatoriya təhsili almış marko, musiqiyə yaxşı bələd idi. 1984-cü ildə qardaşı zachary ilə birlikdə tarot adlı bir qrup qurur. 1986-cı ildə bu qrup ilk albomunu çıxarır və turda iştirak edir. peşəkar musiqiçiliyə başlamazdan əvvəl, studiya və konsertlərdə səs mühəndisi kimi də fəaliyyət göstərir.
marko-nun nightwish ilə ilk tanışlığı 1998-ci ildə “tarot” ilə çıxdığı növbəti turda olur. “Nightwish”-in həmin vaxtları haqqında marko belə deyir: “mahnıları çox xoşuma gəlmişdi. ancaq səhnə performansları çox pis idi.”
marko 2001-ci ildə “nightwish” qurucusu tuomas holopainen və qrup menecerinin dəvəti ilə qrupa qatılır. bu müddətdə qrupa çox böyük qatqısı olur, eləcə də bir çox əlavə layihədə iştirak edir. bassdan əlavə, vokalist olaraq da xeyli önə çıxır və performansı da olduqca bəyənilir.
“Nightwish” konsertlərində qrupun keçmiş vokalisti tarja turunen müəyyən fasilələr verirdi. qrup da bu fasilə müddətində instrumental mahnılar çalırdı. marko gəldikdən sonra isə, fasilələrdə başqa məşhur qrupların mahnılarını cover etməyə başlayırlar. ozzy osbourne-un crazy train, dio-nun don’t talk to strangers, megadeth-in symphony of destruction, pink floyd-un high hopes parçaları bunlardan bəziləridir.
2009-cu ildə marko sapattivuosi adlı yeni bir qrupa qatılır. bu qrup black sabbath mahnılarını fin dilində cover edirdi. marko bu qrupda bass gitara çalmır, sadəcə vokalist olaraq çıxış edirdi.
2019-cu ildə marko mustan sydämen rovio adlı ilk solo albomunu yayımlayır.
2020-ci ildə digər layihələrinə daha çox vaxt ayırmaq üçün “nightwish”-dən ayrıldığını açıqlayır. həmin vaxtlar depressiyadan da əziyyət çəkirdi. covid-19 pandemiyası da bu mental sıxıntılarına böyük təsir göstərmişdi.
son olaraq 2023-cü ilin iyulunda keçmiş qrup yoldaşı tarja ilə isveçrədə canlı konsertdə çıxış edib. ikili məşhur phantom of the opera parçasını burada yenidən ifa edib.

zombie army trilogy

2015 istehsalı oyun. adından da göründüyü kimi, 3 oyunun bir araya gəlmiş versiyasıdır. 2013-cü ildə çıxmış və 2012 istehsalı sniper elite v2-nin zombili standalone versiyası olan sniper elite: nazi zombie army və sniper elite: nazi zombie army 2 oyunları remaster edilib və 3-cü hissə də əlavə olunaraq, trilogiya tamamlanıb. hər hissə 5 missiyadan ibarətdir. trilogiya versiyası pc-dən əlavə, konsollara da çıxıb. pc versiyasına ekskluziv olaraq left 4 dead personajları da gətirilib.
gameplay: oyun left 4 dead-in third person shooter versiyası adlandırıla bilər. hər missiyada zombiləri öldürərək və təhlükəsiz otaqlardan keçərək irəliləyirik. bu otaqlarda silahları dəyişdirə və təchizatı doldura bilərik. eynilə l4d-dəki kimi maşın üçün benzin axtardığımız missiya da var. qaranlıq bir atmosfer var ki, bu da çox xoşuma gəldi. adi, snayper, kamikadze, pulemyotçu zombilər və skeletlər kimi düşmənlər var. silah çeşidliliyi yaxşıdır.
hekayə: ikinci dünya müharibəsinin son dövrləridir. adolf hitler bunkerdə generalları ilə müşavirə keçirir. generallardan biri məğlub olduqlarını və yeganə çıxış yolunun təslim olmaq olduğunu deyir. buna qəzəblənən hitler luger p08 ilə onu öldürür, heç vaxt təslim olmayacaqlarını deyir və müharibəni udmaq üçün son bir həmlə olaraq “z planı”nı icra etməyi əmr edir. ölmüş alman əsgərləri xüsusi bir ayinlə zombi olaraq dirildilir və avropanın 4 bir tərəfinə böyük bir zombi ordusu göndərilir.

karl logan

əsl adı karl mojaleski olan, daha çox səhnə adı ilə karl logan olaraq tanınan keçmiş manowar gitaristi.
1965-ci ildə pennsylvania-da doğulub. 1994-cü ildə bir motosikl qəzasında “manowar”-dan joey demaio ilə tanış olur və qrupa daxil olur. uzun müddət yazdığı riff və sololar ilə bəyənilir.
ancaq hər şey o qədər də yaxşı bitmir. 2018-ci ildə karl, kompyuterində uşaq pornosu tapıldığı üçün qrupdan çıxarılır və həbs edilir. bu hərəkəti ilə həm özünü gözdən salır, həm də qrupun imicinə böyük zərbə vurur.

vinnie paul

https://i.imgur.com/ZKl3Vyj.jpg