istanbulda azərbaycan nömrəsi ilə avtomobil sürmək

söhbətin, ziyarət etmək kimi müvəqqəti bir situasiya haqqında olmadığı başlıq. söhbət, iş və s. kimi səbəblərdən istanbulda yaşayan və avtomobil sürən hansısa azərbaycanlı, varlıqlı bir şəxsin türk nömrəsinə keçməməkdə israr edərək, sırf göstəriş, seçilmək və fərqlənmək üçün azərbaycan nömrəsi ilə avtomobil sürməyindən gedir.
hərhalda "10 nəblim nə 006" kimi bahalı bir nömrə işlədib, üstəlik də cip sürən bir adamın təyyarəyə də, maşın kiralamağa da, taksiyə də verməyə artıqlamasına qədər pulu vardır. yəni həmin bu adam istəsəydi, o variantlardan da istifadə edə bilərdi, amma o göstərişi seçdi. nədənsə gördüklərimdən indiyənə qədər istanbulda azərbaycan nömrəsi ilə avtomobil sürənlərin hamısı da bahalı avtomobil və nömrəyə sahib idi. bu tip adamlar həm də o qədər debildirlər ki, göstərişdən əlavə, bir də elə bilirlər ki, bu cür hərəkətlərlə türkiyədə azərbaycanın adına hörmət qazandırırlar. halbuki türklər, bu cür ucuz düşüncəli insanları siklərinə almayacaq qədər ağıllıdırlar. yəni söhbət bundan gedir. bəziləri ola bilsin ki söhbəti götü ilə başa düşür, ən azından beyni ilə fikirləşə bilir. digərləri də var ki, götü ilə oxuyur və fikirləşir, üstəlik də götündən bilgi uydurur.

istanbulda azərbaycan nömrəsi ilə avtomobil sürmək

mənasızlığın, gijdıllaqlığın, debilliyin və bekarlığın pik həddi. bildiyim qədərilə bunun üçün külli miqdarda pul ödənilir. axı nə mənası var?! bayaq gördüm birini, 10 nəblim nə 006 * öz təbirləri ilə desək, zerkalniy nömrə * kül başlarına! nömrə ilə cip sürürdü. bakıda bütün qızları tutub, indi də istanbulda şanslarını dənəyirlər deyəsən. bu necə beyindir, hansı təfəkkürün məhsuludur? adamı ən çox da yandıran, bakıda bu göstərişlərə aldanaraq və ya bunların qurbanı olaraq, bahalı avtomobil və "zerkalniy" nömrə sahibi kişiyə simpatiya duyan qadınların hələ də var olmasıdır.

gülsüm kabadayı

antalyada 2008-ci ildə, sonradan rus olduğu öyrənilən yeniyetmə bir gənc oğlanı keçirtdiyi avtomobil qəzasından sonra evinə alıb, qeydinə qalan, illərdir hələ də, indiyənə kimi ona hər gün baxan, yeməyini verən, müalicə edən, bir sözlə həyatını ona həsr edən fədakar, insanlıq simvolu, qəhrəman bir qadın. 5 ildir kim olduğuna dair, valideynlərinin kim və harada olduğu haqqında heç bir məlumat olmayan, iflic xəstəliyindən əziyyət çəkən gənc oğlana, ona analıq edən gülsüm xanım, umut adını qoyub. hal-hazırda rusların ort kanalında "pust qovoryat" adlı proqramda umut haqqında veriliş aparılır. bəzi ailələr əllərində umut'a oxşayan, itkin düşmüş gənclərin köhnə şəkilləri ilə umut'un onların oğlu ola biləcəyini iddia edirlər. əgər varsa, ümid edək ki, umut'un anası tapılar * əgər bu ana və ya ata bu qədər vaxtdır oğlunu bir dəfə olsun heç axtarmayıbsa, onu tapmaq üçün ən kiçik bir əziyyəti çəkməyibsə, lənətə gəlsin belə valideyn! * həm inanmıram gülsüm xanım, bu qədər bağlı olduğu, öz canından çox sevdiyi umut'suz asanlıqla və rahatca yaşaya bilsin və çoxlarının öz doğma övladlarına belə göstərmədiyi qayğıkeşliyi, çəkmədiyi əziyyəti, tanımadığı, xəstəxanada tapdıqdan sonra evinə gətirdiyi, sahibləndiyi umut üçün qurban verən gülsüm kabadayının insanlığı, əziyyəti də heç vaxt unudulmaz və başqaları üçün daim nümunə, dərs olar.

yazarların şaxta babadan dilədikləri

arada çimsin, yoxsa it iyi verir. bu, əsasən azərbaycanlı şaxta baba üçün keçərlidir. yaxşı iy versələr, uşaqlar da onlarla daha çox vaxt keçirtmək istəyər. həm şaxta baba işini daha yaxşı görmüş olar, həm də daha çox uşağın arzusu gerçəkləşər - bir daşla iki quş. dilədiyim budur. özüm üçün isə heç nə diləmirəm. diləsəydim də yəqin ki, klassik uzun ömür, can sağlığı diləyərdim, bunu da özümün özüm üçün diləməyimin yeri olmazdı. həm də ki sağolsunlar, bunu ad günlərində filan ildə bir dəfə, ən az bir nəfər də olsa kimsə mütləq diləyir. çox təvazökaram, gördüyünüz kimi

ən yaxşı cizgi filmlər

balaca vaxtı sevərək baxdığımız və baxaraq böyüdüyümüz cizgi filmlər. onlardan bəziləri
(bax: durik durik mozu mozu)

(youtube: )

yeniyetmə qızların dinlədiyi qruplar və müğənnilər

(bax: backstreet boys)

qarabağ əlilinin özünü yandırması

gənclərin ən qısa zamanda küçələrə çıxıb, zaur həsənovun (özünü yandıran şəxs) bu həddə çatmasına səbəb olmuş o səttar mehbalıyev adlı şərəfsizə, onun kimilərə və eləcə də hökümətə qarşı öz etirazlarını bildirəcəklərini ümid etdiyim hadisə. burada artıq müxalif olmaq və ya olmamaq söhbəti sikdirib, özünü insan hesab edən hər bir gənc, * gənc deyirəm, çünki yaşca böyük vətəndaşlardan ümidi kəsmişəm, yəqin ki siz də kəsmisiz * gələcək gənclərin əlindədir - heydər əliyev baş tutmasını ümid etdiyim bu etiraza qoşulmalıdır. necə ki əsgər ölümləri mitinqi o qədər adamı birləşdirmişdi, bu hadisə də həmin adamları həmrəy etməlidir, çünki burada söhbət insan ölümündən gedir. düzdür, zaur həsənov ölmədi, amma ölümə çox yaxınlaşdı. həm də bədəninin 60 neçə faizi yanmış bir insanın yaşamağa davam etmək istəyi ehtimalının da çox az olduğunu düşünürəm. zaur özü özünü yandırıb intihara cəhd etmiş olsa da, əslində onun üstünə benzini hökümət çoxdan tökmüşdü, alovlandıran da səttar mehbalıyev oldu.

dörd fəsil

türk şair cemal süreyya'nın insanda nostalji hisslər canlandıran sadə və eyni zamanda da dərin şeiri. türk pianist fazıl say'ın bu şeirə bəstələdiyi musiqi, şeir ilə musiqi sənətinin heyranedici birləşməsi ilə sizə antonio vivaldi'nin "dörd fəsil" musiqisinə yaxın bir təcrübə yaşadacaqdır.

dört mevsim

bahar mezarına gömsünler sizi
yapraklar gibi buluştunuzdu
kokular gibi seviştinizdi
bahar mezarına gömsünler sizi

yaz mezarına gömsünler sizi
ilk kezmiş gibi buluştunuzdu
son kezmiş gibi seviştinizdi
yaz mezarına gömsünler sizi

güz mezarına gömsünler sizi
salkımlar gibi buluştunuzdu
ağular gibi seviştinizdi
güz mezarına gömsünler sizi

kış mezarına gömsünler sizi
sokaklar gibi buluştunuzdu
çarşılar gibi seviştinizdi
kış mezarına gömsünler sizi

xatirə dəftəri

ilk dəfə "simpatiya" və "antipatiya" sözləri ilə qarşılaşdığım dəftər. 5-ci sinifdə filan oxuyurdum deyəsən, birdən-birə sinfimizdə nəsə hamı xatirə dəftəri yazmağa başlamışdı * təzə tema çıxmışdı * glş . sonradan məlum oldu ki, bəs sən demə bakıda başqa məktəblərdə də şagirdlər arasında xatirə dəftəri yazmaq moda düşüb. gördüm hamı yazır, mən də yazım dedim. amma birinci necə yazılacağını öyrənməliydim. çox utanmışdım buna görə. o vaxtki ağlımla elə bilirdim ki, hamı xatirə dəftərinin necə yazıldığını bilir, bircə mən bilmirəm. sonradan o da məlum oldu ki, hamı bilmir, hamı kimdənsə sualları köçürdür öz dəftərinə. adətən oğlanlar qızlardan köçürdərdi, çünki ən gözəl, ən səliqəli yazan onlar idi. təbii ki, bir də dəftərin müxtəlif nakleykalar, sticker-lər, rəngli boyalarla filan bəzədilməsi varıydı ki, sağolsun qızlar ona da kömək edirdilər. mən də bu köçürtmə işi zamanı, evdə dəftərinə baxdığım qızın "simpatiyalarınız və antipatiyalarınız nələrdir?" tipli sualları ilə qarşılaşmışdım. deyəsən yanımda məndən yaşca xeyli böyük xalam qızı varıydı, mənə bu sözlərin nə mənaya gəldiyini başa salmışdı. yadıma düşəndə, o vaxtı, o yaşlarda uşaqların bu cür sözlərdən istifadə etmiş olmaları məni indi də, hələ də heyrətləndirir.

leopold von sacher masoch

12 yaşında ikən paltar şkafının içində xalasının xəzləri ilə oynadığı vaxt, təsadüfən xalasının iki aşnası ilə qeyri-adi cinsi münasibətlərinə şahid olur. kiçik leopold-u dərindən sarsıtan bu mənzərə, onda psixoloji travma yaradır. sonralar xalası onu da öz ehtiraslarına və şəhvətinə alət edir, onu mənəvi aşağılanma və fiziki acı çəkməkdən zövq alma kimi fərqli həyəcanlarla tanış edir. praqa və qrats universitetlərində hüquq və riyaziyyat oxuyan mazoch, "kolomıyalı don juan" romanı ilə əldə etdiyi uğurdan sonra həyatını ədəbiyyata həsr edir. 1870-ci ildə yayınlanan "xəz dərili venera" (venus in furs) romanı ona böyük bir şöhrət qazandırır. roman, bugün də erotik ədəbiyyatın ən önəmli əsərlərindən biri sayılır. bu əsərdə olduğu kimi, digər əsərlərində də zəif kişi üzərində dominant qadın basqısı qabaq plandadır. 1886-cı ildə avstriyalı psixiatr, nevroloq və seksologiyanın banisi richard von krafft-ebing, mazoch-un əsərlərindən ilhamlanaraq, fiziki və mənəvi acıdan (ağrıdan) zövq alanlara bir ad qoyaraq, seksopatologiyaya yeni termin qazandırır: "mazoxist"

bədəninin 96 faizini qıl basmış adam

bədənindəki prışiklər, ləkələr, müxtəlif qüsurlar * əgər varsa * ki vardır, qüsursuz insan olmur zad söhbəti görsənməyəcəyinə görə bir növ şanslı adamdır. bundan əlavə, sevdiyi qadın da onun qıllarını sevməyi öyrənə bilər. həm də arada kişi qıllarıyla onu qıdıqlaya bilər.

vuayerizm

insanların soyunmaq, cinsi əlaqədə olmaq kimi məhrəm anlarını və intim fəaliyyətlərini güdmək və ya buna qarşı cinsi maraq duymaqdır. vuayerizmdə güdənin adətən güdülənlə birbaşa əlaqəsi olmadığına görə, güdülən çox vaxt güdüldüyünün fərqində olmur. intim bir fəaliyyət zamanı güdülənin güdən tərəfindən şəklinin və ya videosunun çəkilməsi vuayerizm olaraq qəbul edilə bilər. vuayerizmin bir üst mərtəbəsi isə ingiliscə stalking olan "obsessif güdmək" deyə biləcəyimiz, güdənin artıq güdüləni heç cürə ağlından çıxara bilmədiyi və güdülənin də bundan ciddi bir şəkildə narahat olduğu vəziyyətdir.

uşaqlıqdan beyinə yeridilənlər

(bax: batıl inanclar) * azərbaycancasını bilmirəm . məsələn,
- qabağımızdan qara pişik keçəndə, yerə üç dəfə dalbadal tüpürmək
- yemək yedikdən sonra boşqabındakı yeməyin dibini çörəklə tərtəmiz sıyırmayan kişinin gələcəkdəki həyat yoldaşının çirkin olacağı inancı
- kimsə səni tərifləyəndə, göz dəyməsin deyə ən yaxınındakı adamın əlini uzadıb, sənin götünü qaşıması
- pis bir hadisə və ya əhvalat eşidəndə, eynisinin sənin də başına gəlməsindən özünü qorumaq üçün qapı döyürmüş kimi əlini yumruq halında bir neçə dəfə başına, sonra da eynilə ən yaxındakı taxtaya və ya stola vurmaq
bunlar əslində uşaqlıqdan beynimizə zornan yeridilmir, sadəcə olaraq bunları balaca vaxtı görən biz, saflığımızın da gücüylə bunların real olduğuna inanırıq. yaş irəlilədikcə, bir çox insan bunlara olan inamını itirsə də, bəziləri inanmağa davam edir və ya bunlar vərdiş olaraq onun həyatında necəsə qalır. bu tip inancların pis və ya yaxşı bir şey olduğu müzakirəyə açıqdır, ancaq vərdiş kimi yaxşı bir şey olduğunu düşünmürəm. çünki bu halda doğrudan da beynimizə yeridilmiş kimi olur.