covfefe

bir həftə-on gün sosial mediada trend olan ifadədi.

"despite the constant negative press coffee" - "davamlı neqativə qarşı sıxılmış kofe" şəklində yazılmalı olan cümlədə donald trump "coffee" sözünü "covfefe" yazmışdı.

söz yox, trump-ın qurduğu cümlədə durğu işarələri yerində qoyulmayıb. "press" sözü "sıxılmış" kimi və ya "mətbuat" kimi də tərcümə oluna bilər. "davamlı mətbuat neqativinə qarşı - kofe" kimi də işlənə bilərdi. amma "coffee" sözündən əvvəl təyin kimi "press" işlənməsi həm də "sıxılmış kofe" mənasını dominant edir.

prison break

2006-2010-cu illərdə hər il bir sezon olmaqla yayımlanan əfsanə serialı dirçəltməyə qərar verən prodüserlər 5-ci sezonu artıq çəkiblər və an etibarilə serial davam edir.
5-ci sezonun 9 seriya olacağı təxmin edilir. prodüserlər arasında wenthworth miller (michael scofield) və dominic purcell (lincoln burrows) məllimlər də var.
sezonun əsas çəkilişləri mərakeşdə və yəməndə baş tutub. ilk seriya dünən yayımlanıb, dolayısıyla internetdən bu gün izləyə bilmişik. ilk seriyadan bəlli olur ki, michael scofield ölməyib və arxasında dəstə-dəstə komplo nəzəriyyələri qoyub. ki, bunun ustası idi. scofield yəmənin paytaxtı sana şəhərində "ogygia" adlı həbsxanada kaniel outis adıyla yatmaqdadı. və hər iki əlində göz çəkilmiş döymələr var.
köhnə uşaqlardan sucre, c-note, t-bag təzə söhbətlərin içindədilər. maraqlı olacaq. 30 mayda sezon finalına çıxacağı gözlənilir.

the walking dead 7-ci sezon finalı

dijitürk-ün serialın yayım hüququnu almasına, beləcə, müəllif hüquqları söhbətinə görə çox adam yəqin ki, 7-ci sezonu düz-əməlli izləməyib. amma sağ olsun haker qardaşlar, həmişə proletariatın yanındadılar.
7-ci sezon dünən 1 saatlıq son bölümlə yekunlaşdı. bu gün türkcə serial saytlarından baxa bildik.
əvvəlcə deməliyəm ki, baxmayanlar üçün çalışacam spoiler verməyim. bu sezon əvvəlkilərdən çox fərqlənirdi. düzdü, hadisələr cizgi romanla paralel irəliləyirdi, amma texniki baxımdan, hadisələrin gedişatı baxımından cizgi romanı ötüb keçmişdi. bu sezonda demək olar, zombi görünmür. əsas düşmən insanlardı. bütöv sezon əslində avtoritarizmin, diktaturanın necə yayılması və insanların buna necə, hansı şərtlərlə boyun əyməsindən, eyni zamanda düzgün idarəçiliyin necə aparılmasından danışır. hal-hazırda avtoritarizm, diktatura bəşəriyyətin az qala yarısının baş bəlasına çevrilib. hardansa bir dümbələk peyda olur, ətrafını qorxu, ya da maddi vasitələrlə ələ aldığı adamlarla doldurur və insanları soyub-sovurmağa başlayır.
bizim dəcəl oğlan negan əsl diktator obrazıdı. onun qaydaları əsgərlikdə rastlaşdığımız, ya da eşitdiyimiz "starşı" temasıyla başabaş uyğun gəlir. insanlar bir nəfərdən çəkinir, ona xəyanət etməyi düşünməkdən belə qaçınırlar. o adam tabuya çevrilir. ürəklərində söyürlər, həmin bir nəfər də bilir ki, bundan qorxurlar və söyürlər, amma o bundan həzz alır.

sezonu əvvəldən izləyən olubsa, ilk bölümdə abraham və glenn-in ölməsi ilə rick-in dəstəsinin bundan sonra necə yaşayacağını, negan-dan haçan qisas alacağını düşünüb. sezonun son bölümündə çoxdan hazırlaşdıqları döyüş baş tutur. amma bu döyüş son döyüş deyil. çünki rick və dəstəsi özünü müttəfiq kimi aparan başqa klan tərəfindən aldadılır. buna baxmayaraq, negan-ın qurbanı olan iki klan (toplum) rick-in çağırışına dəstək verərək son anda alexandria-nı "qara donlu kafirlər"dən təmizləyə bilirlər.
son dəqiqələrdən bizə bəlli olur ki, negan-la müttəfiqlər arasında nəhəng döyüş olacaq. hər iki tərəf qana susayıb.

sezonun son bölümü ümumi 99-cu bölüm oldu. nəzərə alsaq ki, demək olar, hər birimizdə "zerkalno" xəstəliyi var, deməli, 100-cü bölüm simvolik olacaq. 8-ci sezona gəlincə, bu sezon çoxlarının gözlədiyi kimi 100-cü bölüm-tək bölüm olaraq çəkilməyəcək, yəni digər sezonlar kimi 16 bölüm çəkilmək ehtimalı var. hətta 9-cu sezonun çəkiləcəyi də istisna olunmur. bildiyimiz bir şey var ki, 8-ci sezonda yeni aktyorlar, obrazlar gələcək, chandler riggs (namı-diğer carl grimes) böyük ehtimalla ölərək serialı tərk edəcək.

yeni nəsildəki yaraşıqlılıq

azərbaycanda genin sürətlə dəyişməsinin şahidi olmuşam. bəlkə də, yanılıram. amma hər dəfə 2000-ci illər təvəllüdlü uşaqlar görəndə inanmağım gəlmir ki, bunlar azərbaycanlıdı.

çünki azərbaycanlı geni tarixi aspektdən baxsaq, həm orta asiya (oğuz-türk), həm ərəb, həm fars, həm də coğrafi mühitə xas olan cəhətləri özündə əks etdirir. burdan da ortaq cəhət çıxır - qafqazlı. alışdığımız qafqazlı görkəmində nisbi qartalburunluluq, solğun və qarabuğdayı dəri, bədən tükü, ortaboyluluq xarakterikdi.

bəhs etdiyim nəsildə isə kürən, sarışın, bəzənsə ümumiyyətlə sarı saçlar, daha açıq, əksərən, ağ və sarışın dəri, qollardan, sifətdən və yaxası açıq boyundan görülməsi mümkün olan tüksüz dəri və ya az inkişaf etmiş tüklər, düzgün, daha doğrusu, indiyə qədər bizə təqdim edilmiş və qəbul etdirilmiş düzgün (straight) üz quruluşu, siftə cizgiləri müşahidə olunur.

deyə bilərsiz ki, bunun harası problemdi? yox, bu, problem deyil. sadəcə fakt ola bilər. təbii ki, hansısa bioloji səbəbləri var. bax, bu səbəblər maraqlıdı.

qloballaşan dünyada hansısa amerika, ya da norveç insanının yediyi, içdiyi qidaları burda da hər hansı insan istehlak edə bilər. bəlkə də, səbəb qidalardı. ya da iqlimin sürətlə dəyişməsi