Son yazılanlar
hadron toqquşdurucunun köməyi ilə kəşf olunmuş, peter higgs-in adını daşıyan deyilənə görə maddəyə kütlə verən, hələki bilinən ən kiçik hissəcik. çəkisi isə təxminən 10^-23 kg-dır. adına "tanrı hissəciyi" də deyilir. kəşfi böyük səs gətirmişdir, belə ki, 2013 peter higgs-in nobel almasına səbəb olmuşdur.
almaniyanın, o cümleden avropanın özünemexsus medeniyyetinin, adet enenelerinin köçkün müselmanlar terefinden mehv edilmesi, avropanın gözel aurasını şerietin balatalaması prosesinin başlanğıc merhelesi. hele ki, o insanlar avropada en aşağı seviyyeli insanlardan olduğundan, avropalıların qarşısında başıaşağı olduğundan imza toplama keçirirler, guya ki, bunlar o qeder sivil topluluqdurlar ki, öz isteklerini bu formada bildirirler. heç darıxmayın, o müselmanlar orda bir neçe ilden sonra durub emelli başlı aksiyalar keçirmese, islam qayda qanunlarına emel olunmasını istemeseler, diger islam ölkelerinden de onlara destek gelmese men de bir şey bilmirem. bu söhbeti burdakı dindarların da yanında açanda deirler ki, bes o suriyalılar düz elemirler. amma biraz vaxt keçenden sonra böyük bir ehtimalla göreciyik ki, avropalıları köçkünlere haqq tanımadıqları üçün söymekden başqa iş görmürler.
p.s. neçe illerdir ki, avropada özüme normal heyat qurmaq üçün didinirem, indi de xeberler gelir ki, almaniyadakılar bele meselelere göre oranı terk edib gedirler kanadaya, amerikaya ve s. neyniyek, hara gedek ki, islam, şeriet serhedlendirmelerinden tamamile uzaqlaşaq, insanların tamamının sadece bu heyatda normal yaşamağı bacardığı bir cemiyyetde yaşayaq?
"çağ öğretim" liseylərində ustad olaraq anılan, yüksək bir dini mövqeyə malik, qəribə-qəribə möcüzələrindən söhbətlər açılan, nurçuluq axımının banisi kürd əsilli bir şəxs. həyatının "köhnə səid", "yeni səid", "üçüncü səid" olmaqla üç yerə bölən bu din xadimi yazdığı "risalə-i nur" ilə şöhrət qazanmışdır. nurçuluq axımın üzvlərinin (şakirtlər) nəql etdiyi, bu insanla mustafa kamal atatürk arasında gedən bir dialog haqqında çox şişirdilmiş axmaq bir əhvalat vardır. belə ki, mustafa kamalın öz otağına nursi ilə söhbəti zamanı ustadın baxışları və qarşı qoyulmaz nitqi qarşısında mustafa kamalın dili tutulmuş tərlər sular içində qalmış və nursi otağı tərk etmişdir. (nə yaxşı ki, atatürkü də tanıyırıq nursini də)
nəticə etibarilə çox da möhtərəm olmayan bir şəxsdir, belə ki, digərləri kimi nursi də mövcud rejimi devirərək islam yönümlü bir sistem gətirmək həvəsində olmuş, nəticədə tələbələri ilə birlikdə sekulyar atatürk rejiminin qəzəbinə tuş gəlmişdir.
ölümündən özünün qəti vəkili olaraq 6 tələbəsini təyin etmişdir.
1. mustafa sungur
2.tahiri mutlu
3.hüsnü bayram
4.zübeyr gündüzalp
5.bayram yüksel
6.ceylan çalışkan
xalid hüseyninin "çarpələng uçuran" (the kite runner) əsərini orjinal dilindən (ingilis) azərbaycanaya tərcümə etmiş möhtərəm qadın. sözün əsl mənasında hazırki vəziyyətdə başda qadınlar olmaqla azərbaycan xalqı üçün cəsarət örnəyi. haqqında danışılan bəzi bayağı, yalan dedi qodular isə mənim düşüncəmdə bu şəxsin yüksək keyfiyyətinə heç bir xələl gətirməmişdir.
azərbaycanda universitetə girmiş biri mütləq öz akademik kariyerini xaricdə davam etdirməlidir. sözsüz ki, kimsə burdakı universitetlərə giribsə qarşısına bir neçə dəfə xarici universitetdə bakalavra yenidən başlamaq və ya davam etmək şansı çıxacaq. bu şanslar mütləq və mütləq dəyərləndirilməlidir. əgər tələbə bakalvr təhsilini burda başa vurubsa magistr təhsili üçün xaricə üz tutmalıdır.
məmişlər kəndi
(bax: sabirabad)
dc comics personajlarından bir çoxunu görə biləcəyimiz, 2016-cı ildə tamaşaçı qarşısına çıxacaq bir film.
rejissor, ssenarist: david ayer
ssenarist(comics): john ostrander
batman: ben affleck (bu rolda onu görmək heç də ürəkaçan olmasa da)
joker: jared leto
deadshot: will smith
harley quinn: margot robbie
jack nicholsonun "the joker" rolundaki möhtəşəm performasından sonra heath ledger-in daha möhtəşəm rolu insanları "suicide squad"a daha çox cəzb edir. tamaşaçılar hər zamankından daha böyük bir rol, daha möhtəşəm ifa gözləsələr də mənim fikrimcə jared leto o effekti yarada bilməyəcək. achtung: daha yaxşı rol sərgiləyə bilməyəcək demirəm, o effekti yarada bilməyəcək deyirəm. çünki heath ledgerin jokeriylə jack nicholsonun jokeri arasındakı fərq, indiki möhtərəm jokerlə heath ledger jokeri arasındakı fərqdən qat-qat yüksəkdir. ( loading ) jared letonun aktyorluğundan danışılırsa əgər, ona qəti bir sözüm yoxdur. adamın işinə elə güvənirəm ki ,çox rahatlıqla deyə bilərəm ki, o filmin castında ən yaxşı aktyor elə bu adamdır.
bir zamanlar vaxtına göre heç de uyğunsuz olmayan, lakin indiki formasında artıq azerbaycanlıyam demeye utandıran bir mövhum. ümumiyyetle qanuni oğru, kriminalistika heveskarlığı, namus-qeyret söhbetlerinin hedden artıq qabardılması ve dinin insan heyatındakı yeri müasir mentalitetin tezahürü mü, yoxsa milletin ümumi psixozu olması müzakire olunabilecek mövzudur. çox böyük bir inamım var ki, tehsil ne vaxtsa yüksek seviyelere çatsa, hemin andan etibaren 10-15 il müddetinde bu problemler aradan qalxacaqdır.
qeyri-ixtiyari olaraq müasir diaqnostika vasitələrindən istifadə imkanları məhdudlaşdırıldığı üçün, təxminən 100 il əvvəlki üsullarla diaqnoz qoymağa çalışan və buna görə də 70 % hallarda tam düzgün diaqnoz qoymağı bacara bilməyən, müalicəni bir çox hallarda məcburən geniş spektrli formada aparmağa çalışan, sanki bilərəkdən xəstəni müalicə olunmasını istəməyən insanlar.
azərbaycan tibb universitetinin lazımi qaydada təhsil vermədiyi müzakirəsiz olaraq qəbul olunur. hər hansı bir tibb məzunu ixtisasda yüksək dərəcə əldə etmək üçün mütləq xaricdə təhsil almalıdır. lakin xaricdə təhsil ala bilməyən və az çox burda yığdığı savad və təcrübəsi ilə xəstəni müalicə etmək istəyən həkimlər daha çox üstünlük təşkil edir. bunlar hər kəsin bildiyi reallıqlardır. çox toxunulmayan məsələlərdən danışmaq istəyirəm. belə ki, həkim xəstədən komputer tomografiya və yaxud maqnit rezonans tomoqrafiya kimi bahalı müayinələrə getməyini xahiş etsə, 99% azərbaycanlı debil deyəcək ki, həkimin başı çıxmır ki, bizi bunlara göndərir. həkim səhvlərinə gəldikdə isə, bayaq sözügedən xəstələrin başqa formalarının dediyi kimi həkimlər heç də hər zaman savadsızlıqdan deyil, imkansızlıq, şəraitsizlik və mexaniki nöqsanlar səbəbilə səhvlər edir. biraz özümüzdən kənara maraq salsaq, statistikaya görə amerika birləşmiş ştatlarında yatrogen (hakim səhvi, nozokomial infeksiyalar, hospitalizasiyadakı problemlər və s.) səbəblərdən il ərzində 225 min ölüm halları müşahidə edilir. bununla belə vurğulamaq istərdim ki, bir çox ölkələrdə bu məsələ çox aktual bir tibbi problemdir və bunun günahını həkimlərə yıxmaqdansa, birlikdə bu cür xoşagəlməz situasiyadan çıxış yolu axtarırlar.
müalicə qarşılığında pul alınmasından əgər söhbət gedirsə, heç bir həkimin borcu deyilki, cavanlığını 6 illik tibb təhsilinə xərcləsin və 130 manat maaşla gün ərzində 9 saat çalışsın. (heç gecə növbəsi kimi əziyyətdən danışmıram). bu təqdirdə həkimin xəstədən pul almağa sonuna qədər haqqı vardır. lakin belə bir məqam da vardır ki, bu başlıqdakı entry-lərdən birində yazıldığı kimi, əgər həkim xəstədən daha çox pul almaq üçün səhv müalicə yazırsa, daha sonra əməliyyat edirsə, bir sözlə daha çox pul qazanmaq üçün xəstəyə əziyyətlər verirsə, o həkimin şəxsi alçaqlığından irəli gələn bir şeydir. bu alçaqlıq hər bir ixtisasda hər bir formada rast gəlinə bilər. bütün həkimlər şərəflidir deyə bir şey yoxdur və eyni zamanda az bir hissə alçaqlıq edən həkim üçün azərbaycanlı həkimlər başlığında ümumiləşdirilmiş mənfi rəylər bildirmək qətiyyən düzgün deyil.
almanca mənası ildırım olan söz ;
ikinci dünya müharibəsi zamanı birləşmiş krallığın almaniya tərəfindən intensiv bombardman edilməsi prosesinin adı ;
baş rollarda jason statham və aidan gillenin oynadığı bir hollywood filmi.
düşüncələrini çox bəyəndiyim bir insan. tarix ərzində tamamilə bəyənəcəyim bir tək də olsun qüsursuz bir şəxs tanımadığım kimi, əlbəttə ki, mustafa kamalın da öz növbəsində bir çox bəyənmədiyim bəzi xüsusiyyətləri mövcuddur. onu yaxından tanıyan hər kəs dindarlar və solçularla qarşı tutduğu mövqenin hansı formada olduğunu bilir. hərçənd ki, həyatım boyu sözügedən insanlarla dəfedilməz müxtəlif fikir ayrılıqları yaşamışam, yenə də onların da mənim və mustafa kamalın düşüncəsində olan biri ilə eyni hüquqlara malik olduğunu müdafiə edib, qətiyyətlə onlara qarşı qəddar bir rəftar geyinilməsinə qarşı olmuşam. bundan əlavə, atatürkün azərbaycan haqqındakı fikirləri və əməlləri və özündən sonra davam edən cümhuriyyət xalq partiyasının azərbaycana qarşı tutduğu mövqe , istər-istəməz hər hansı bir azərbaycanlının atatürkü dəstəkləyərkən bir daha düşünməsinə səbəb olur.
bütün bunalara baxmayaraq, atatürkün özünü türk adlandıran millətin görüb görəcəyi ən böyük liderlərdən biri olması reallığı qətiyyən təkzibolunmazdır.
hər bir canlının gec və yaxud tez bir müddətdə dadacağı şərabın adı.
və başda insan olmaqla hər bir şüurlu canlının həyatı boyu ətrafda fasiləsiz olaraq müşahidə etdiyi, özü üçün də bir vaxt təyin edildiyini bilərəkdən hər bir saniyəsini dolduran, hər bir anda beyninin bir kənarında özünə xüsusi yer etmiş bir faciə.
bəziləri üçün hər şeyin sonu. bəziləri üçün isə bir çox şeyin başlanğıcı.
azərbaycanın tam zibili çıxmış bir ölkə olacağının dəqiq təsdiqi. onsuz da irandan, ərəbistandan gələn şəriət çuxurunun təsirləri həm inananları həm də inanmayanları rahat yaşamağa qoymur. bir də sekulyar quruluşdan şəriət baltası altına keçsək ölkəmizdəki fanatiklərin nə oyundan çıxacaqlarını təsəvvür etmək elə də çətin deyil.
ən çox dindar qadınların bu haqda fikirləri mənə maraqlı olub. görəsən hansı özünə hörmət qoyan bir qadın istəyərdi ərinin başqa üç qadınla da evlənməsini və ya əarinin istədiyi cariyəsi ilə istədiyi qədər yatmasını, hansı normal qadın istəyərdi mirasın yarısı yerinə üçdə birini onun payında düşməsini, hansı mənliyi olan qadın istəyərdi ərinin ona əl qaldırmaq hüququnun olmasını və hansı ağıllı qadın təsdiq edərdi kişidən iki dəfə daha ağılsız olduğunu?
təəssüf ki, bu halı arzulayanlar az deyil. özü də arzulayanların içində ağıllı,savadlı, dünyagörmüş insanlar da var. özləri də başa düşürlər inandıqları və tətbiq etmək istədikləri bu sistemin bir çox küncündə məntiqsizlik və ədalətsizliyin olduğunu. məhz bu səbəbdəndir ki, əgər başqa bir ölkədə həyatdan söhbət getsə, əlbəttə ki, bütün ehtimallarda daha sekulyar, daha sivil bir ölkənin adını çəkəcəklər bu kardondan şəriət əsgərləri.
27 iyun ad günü olduğuna görə bu günlərdə adı çox çəkilən polyak rejissor. adı çəkilən hər yerdə qeyri iradi olaraq rejissorun rəng üçləməsindən də (red, blue, white) söhbət açılır. həmkarlarından əsasən dinə üstünlük verməsilə seçilən bu möhtərəm insan 54 yaşında vəfat edmişdir.
pambığı lidokainle isladıb ağrıyan diş ile sıxmaq. müveqqeti de olsa ağrını götürecek.
alçaq, eqoist, taxt üstündə hər şeyi edən bir game of thrones personajı. house of baratheon ailəsindan olub, 3 qardaşin ortancılıdır. digər qardaşları king robert baratheon və renly baratheondur. melissandranın dediyi hər zibili etməsi, sir davosun məsləhətlərinə qulaq asmaması nəticəsində boltonlarla müharibədə məğlubiyyətə uğramışdır.
yer kürəsinin görüb görəcəyi ən yüksək dərəcəli beyinlərdən biri, məsələlərə yanaşma tərzi, xarakteri, söylədiyi aforizmlər ilə bir çox insanın yaddaşında xüsusi bir yer edə bilmiş bir, yəhudi elm adamı.
əsl adı sigismund şlomo freud [froyd] olan bu şəxs 1856-cı ildə indiki çexiyada dünyaya gəlmişdir. 4 yaşında olarkən ailəsi viyanaya köçmüş və freud demək olar ki, ömrünün sonuna qədər burada qalmışdır. alman, ingilis, fransız, italyan, ispan, ivrit dillərini öyrənmişdir.
həkimlik kariyerası boyunca psixoanaliz mövhumunu işıqlandıraraq psixiatriya sahəsinə çox böyük tövhələr vermişdir. insanların cinsi statusunu, göstərdiyi cinsi meylləri və onların patoloji təzahürlərini ayrı-ayrılıqda tədqiq edərək sistemləşdirmiş və ümumi formada desək cinsi həvəsin (libidonun) insanın həyat fəaliyyətindəki rolunu və təsirlərini öyrənmişdir. "gündəlik həyatın psixopatalogiyası", "yuxuların yozumu", "psixoanaliz haqqında", "totem və tabu", "isteriya ilə mübarizə" yazdığı məhşur kitablardanır.
psixiatriya sahəsinə alfred adler, edoardo weiss, carl gustav jung-ı qazandırmışdır.
alfred adler və carl gustav jung ilə freud dərnəyini qurmuş birlikdə çoxsaylı araşdırmalar aparmışdır. lakin sonradan carl gustav jung ilə libido mövzusunda əsaslı fikir ayrılıqları ucbatından yolları ayrılmışdır.
qızı anna freud da psixoanaliz sahəsində işləri ilə məhşurdur. ata freudun qızının üzərində uşaqlıqdan bəri keçirdiyi təcrübələr və psixoanaliz tədbirləri, eyni zamanda freudun öz ailəsinə göstərdiyi qatı xarakteri annada dərin psixi problemlər yaratmış və təxminlərə görə annada patoloji meyl - homoseksuallıq müşahidə olunmuşdur.
freudun kokainə olan asılılığı kimi əsassız məlumatlar mövcuddur. əslində isə freud kokainə qarşı heç bir asılılığı olmamışdır. lakin freud gün ərzində çox sayda siqaret çəkməsi ilə məhşur olmuşdur ki, bu səbəbdən üst çənə və damağın xərçəngi xəstəliyinə düçar olmuşdur. nazilərin viyanaya daxil olması səbəbilə 1938-ci ildə londona köçmüşdür. həyatının sonlarında duyduğu dözülməz ağrıların sona çatması üçün həkimdən ona yüksək doza morfin vurmasını istəmiş, yuxarıda sözü gedən qızı anna freud da bu qərarı təsdiq etmişdir. beləliklə, sigmund freud londonda 1939-cu ilin 23 sentyabrında həyata gözlərini yummuşdur.
bu gün belə bir çox psixiatriya xəstəxanalarında freudun sayəsində əldə olunmuş məlumatlardan istifadə olunur və 100 ilə yaxın bir vaxtdır ki, bir çox xəstələr onun sayəsində öz psixi sağlamlıqlarına qovuşmuşdurlar. freudun apardığı tibbi araşdırmalar, həyatı və tələbəsi carl jung ilə münasibəti dahi rejissor david cronenbergin "a dangerous method" filmində ustalıqla təsvir edilmişdir.
ver bana düşlerimi, kendimi gibi musiqiləri ifa edən türk müğənni. yeni yaranmış həvəskar türk qruplarını sevənlər yüksək ehtimalla bu şəxsi də sevə bilərlər.
yemək üçün çıxardığı əsnada siqaret də çəkə biləcək olan insan. siqaret tərgitmək üçün köməkçi üsullara əl atmaq heç də məntiqsiz bir iş deyil amma və lakin bu adam üçün bu sözü demək biraz çətin olardı.
eşitdiyimə görə bayılda yaşayan və qonşularının ortaq qərarı ilə yaşadığı küçəyə öz adı verilən, bəzi ifa etdiyi musiqiləri sevdiyim, özünəməxsus üslubu olan azərbaycanlı bir müğənni. eyni zamanda yaxşı oynamağı bacarır. kiminsə toyuna pulsuz gəlib oxumağı fəxr və qürur mənbəyi sayılır.
Son bəyənilənlər
