büdcə defisiti

Defisit gəlirlərin həcminin xərclərin həcmindən az olduöu halda yaranır.
(baxma: Büdcə kəsiri)
Defisitin əmələ gəlmə səbəblərinə nəzər yetirək:
1. Ölkə iqtisadiyyatına və sosial sferaya böyük həcmdə vəsaitlərin xərclənməsi;
2. Fövqəladə təbii və iqtisadi hadisələrlə bağlı olan xərclərin artması;
3. iqtisadiyyatda uzun müddət başverən böhranla bağlı dövlət xərclərinin artması
4. Ölkədə müdafiə xərclərinin artması və.s.


Bir də büdcə profisiti var, o da başka bir videonun konusu -*
(bax: Büdcə profisiti)

yerli büdcə

Başqa sözlə desək, bələdiyyə büdcəsi
Bələdiyyə qanunla müəyyən edilmiş ərazi hüdudları daxilində yerli özünüidarəetmə formasıdır.
Yerli büdcələr bələdiyyə qurumlarının inzibati ərazi vahidlərinin büdcəsidir * inzibati rayon qəsəbə, kənd və şəhərlərin . Bu büdcə bələdiyyə maliyyəsinin əsasını təşkil edir. Bu büdcə yerli özünüidarəetmə orqanlarının üzərinə düşən funksiya və vəzifələrin həyata keçirilməsi üçün pul vəsaitlərinin əmələ gəlməsi və istifadə formasıdır.
Bələdiyyə qurumlarının büdcəsi respublikanın maliyyə sisteminin tərkib hissəsidir.
* Mühazirələrdən incilər

subvensiya

 istənilən səviyyəli büdcədən yalnız müəyyən məqsədlər üçün ayrılmış və bu məqsədlər üçün xərclənməli olan pul miqdarıdır. Subsidiya ilə eyni mahiyyət daşısalar da, aşağıda onların əsas fərqini qeyd edəcəm.
ilk öncə onu qeyd edək ki, vətəndaşlar birbaşa subvensiya almırlar. Subvensiya yalnız bir büdcədən digərinə köçürülən pul miqdarını ifadə edir.
Ümumilikdə Subsidiya və subvensiya maliyyə büdcəsi hesabına edilən yardımlardır. Bu terminlər dövlət maliyyələşməsinə aid edilir və bir institutun büdcəsindən  digərinə transfertləri ifadə edir.
Aralarındaki fərq isə, vətəndaşlara yalnız dotasiya və subsidiya ayrıla bilər. Sosial sferada subvensiyalara rast gəlinmir.
Subvensiya yalnız pul formasında ifadə olunur, subsidiya isə eyni zamanda material formaya malik ola bilər, tədris materialları, dərmanlar və s.
Subvensiya təbii olaraq bu məqsədləri realizə etmək üçün yuxarı büdcədən aşağı büdcəyə maliyyə ötürəcək (material yardımı təşkil etmək məqsədilər ) . Lakin yenə də, bu fərdlərə verilən yardım deyil, institutlar arasında olan transfertdir.
Əgər maliyyə  sırf hər hansı məqsəd üçün verilirsə, bu subsidiya, əgər birbaşa məqsəd göstərilmədən, balanslaşdırmaq, kəsri aradan qaldırılmaq üçün verilirsə dotasiya adlanır.
Bu arada, subvensiyanın bir fərqi də ondadır ki, əgər nəzərdə tutulmuş məqsəd üçün istifadə edilməzsə, yaxud müəyyən edilmiş müddətdə istifadə edilməzsə geri qaytarılmalı olan maliyyə vəsaitidir.
* imtahan ərəfəsində yazacağım max məlumatlandırıcı entry

i̇mtahana cadu ilə gələn tələbə

Bu gün Bakıda tələbə imtahana cadu ilə gəlib.
Bu barədə imtahan nəzarətçisi Elyar islamoğlu paylaşım edib:
“Qırmızı parçaya nəyisə büküb üzərinə qəpik qoyaraq sapla + (plus) formasında çoxlu sarıyıblar. Daha sonra parçanın üzərinə şam əridib töküblər. Təsəvvür edin, bu cadu-pitini 4 il universitetdə ali təhsil alan bir tələbə Bakıda keçirilən magistr imtahanına gətirib”

Konu mankenimizi de tanıtalım:

(baxma: Dövlət imtahanına gedərkən aparacaqlarım)

10-11 may 2023 cəbhədə gərginlik

10may axşam saatlarından etibarən ermənistan tərəfindən atəşkəsin pozulması nəticəsində zod istiqamətində cəbhədə gərginlik yaranmışdır. Azərbaycan hərbiçilərindən biri başından ağır yaralanmış, hərbi prokurorluq bu barədə cinayət işi açmışdır.
Səhər saat 9 radələrində gərginlik artmış, maxe orxan elxan oğlu novruzəlizadə şəhid olmuşdur.
Saat 10:06 da rəsmi olaraq sakitlik yarandığı xəbər edildi.
Daha sonra seyrək şəkildə də olsa kəlbəcər rayonu ermənistan tərəfindən atəşə tutulmuşdur.
Hər iki tərəf Zod istiqamətində hərbi qüvvə toplayıb. Ermənistan Müdafiə Nazirliyinin son açıqlamasında vəziyyətin nisbətən sakit olduğu bildirilsə də, gərginlik hər an yenidən arta bilər.

Ermənilər sərhədə canlı qüvvə və hərbi texnikalar yığır
Basarkeçər rayonunun Zod istiqamətində əlavə canlı qüvvə və döyüş texnikası cəmləşdirən Ermənistan silahlı qüvvələri bölmələrinin aktivliyi tərəfimizdən müşahidə edilir.
Şəhidimiz:

Hadisələrin xronologiyası:

sözaltı günlük

Bilmirəm necə başılıyım, hardan girim sözə. Dəqiqələrdir yanıb sönən kursora baxıram. Yazıb-yazıb birşeylər silirəm. Hər hansısa sıradan mövzu entrylərində bunun 10da biri qədər çətinlik çəkmirəm. Məsələ oxuyucunun anlayıb anlamamağı da deyil. Fikirləşməyə icazə verdiyin bir an olur beyninə. Təslim olduğun. Dözə bilmədiyin. indi o anlardan birisidir mənim üçün. Öz özümlə üzləşmək çətin gəlir. Fikirləşmək çətin gəlir.
Sözlükdə aktiv olduğum bütün vaxtları xatrlıyıram * get-gəllərim , heç birində normal dövrlərdə deyilmişəm. Hər dəfəsində hansısa fikir yuxuya həsrət qoyub. Heç nə olmamış kimi davranmağa çalışıb boğulduğum günlərdə olmuşam buralarda.
Yenə bura gəldim amma bu gəliş biraz fərqlidir. Daha böyük dərdlə gəldim bu səfər. Qəbullana bilmədiyim bir dərdlə.

Onsuz da o qədər də geniş olmayan dost çevrəm gündən günə azalır. Bu başlığa bir dəfə rəfiqəmin evləndiyi üçün içimi tökmüşdüm. Evləndi getdi və həyatı necədi heç bir fikrim yoxdur.
Bu hala düşəcəyini görsə idi keçmişdəki mən məncə o entrini yazmadan öncə iki dəfə düşünərdi.

12 gün əvvəl yaxın dostumu itirdim. Qəbullanmağı istəmirəm bunu. inanmağım gəlmir. Eləbilirəm yenə nəsə şit zarafat edir, mən ona əsəbləşəcəm ki narahat olduq sənə görə, o da yalandan yenə telefonum xarab idi ona görə mesajlara cvb verə bilmədim kimi bəhanələr uyduracaq. Nə hiss etdiyimi bilmirəm. Bunun zarafat olduğuna bəzən özümü o qədər inandırıram ki, gerçəkliyə qayıdanda ürəyim partlıyacaq kimi olur. Başımın içində dayanmayan uğultu var. Anasının iki büklüm halı gözümün önündən getmir. Ağlamaqdan çökmüş gözləri, saatlar içində zəifləyən bədəni..
Bilmirəm günlük bu günləri necə geridə qoyacam bilmirəm. Necə normala dönəcəm bilmirəm. Həyatının ən gözəl günlərini torpağın altında keçirməsi ürəyimi sıxır. Yay yağışıarını görə bilmiyəcək. Bu payız biryerdə ola bilmiyəciyik. Bir də gülmüyəcək, bir də danışmayacaq, bir də dərd dinləməyəcək, dərdlənmiyəcək, bir də rəng qatmıyacaq həyata. Məzar daşı ilə söhbət o qədər də sarmır. Bəzən söhbətə başım qarışır, dünya ilə əlaqəmi kəsirəm mən də. Saatların necə keçdiyini bilmirəm. Tək istəyim var, kaş daha çox vaxtımız olardı. Daha çox xatirəmiz, yaşanmışlığımız olardı kaş.

yazarların çəkdikləri pişik şəkilləri

Dər(d)s yoldaşım, nənəliyi mənə qismət edən gözəl qızım canım bebeğim oy gurban olduğum

digər gözəlçəm

Şapşik şey seni

Bu da qonşunun idi ara sıra görüşə gəlirdi