windows 11

microsoftun yeni əməliyyat sistemi.illər ərzində windows 10-un son olduğu iddia edilirdi ki, microsoft yenə də sözündən döndü.stabillikdə isə windows 10-dan geri qalır.iki həftədir bu əməliyyat sistemindən istifadə edən biri kimi gözümə dəyən əsas fərqlər bunlardırlar:
1. tapşırıqlar zolağındakı və bildirişlərdəki dəyişiklik
2.simgələrin yeni dizaynı(yenə də ala-yarımçıqdırlar)
3.pəncərələrin kənarlarının hamarlaşdırılması(yenə yarımçıqdır)
4. uzun müddətdir edge-də heç bir problem olmasına baxmayaraq windows 11-də brauzerin bərbad vəziyyətə düşməsi. bu arada edge-yə şəffaf menyular əlavə ediblər
5.idarəetmə paneli hələ də ləğv olunmayıb,parametrlər bölməsində yenə dizayn dəyişikliyi var
6.microsoftun teamsın yeni versiyası
7. file explorerə hələ də tab funksiyasının əlavə olunmaması , onun yerinə yenə dizaynda dəyişiklik.
8. notepad ,saat,microsoft store,paintdə dizayn dəyişikliyi
9.widgetlər

dead space

2022-ci ildə ilk oyunun remake versiyasının çıxacağı gözlənilir. bu dəfə oyunu visceral games (ea tərəfindən bağlanılıb) yox, motive studios hazırlayır. bir neçə videoya baxdıqdan sonra qərara gəldim ki, rəngləri tündləşdirib, rig-in rəngini də biraz açmaqdan başqa çox elə şey etməyiblər. əslində, bu oyunun remake versiyasına ehtiyac var idimi deyə düşünür insan. ilk oyunu bir iki ay əvvəl oynamışdım. 2021-ci il üçün belə görüntü normal səvviyyədə idi.

Düzəliş : artıq oyunda metroda istəyimiz kimi səyahət edə biləcəyik. Əvvəllər isə hekayə haranı tələb edirdisə orda olurduq

gecəyə bir ayə paylaş

Ey iman gətirənlər! Sizə yeməyə izin verilməyib süfrəyə dəvət olunmadıqca Peyğəmbərin evlərinə girməyin və əvvəlcədən gəlib yeməyin hazırlanmasını da gözləməyin. Lakin dəvət olunduqda girin və yemək yedikdən sonra bir-birinizlə söhbətə dalmadan dağılışın. Çünki bu hərəkətiniz Peyğəmbəri narahat edir və o sizdən utanır. Allah isə sözün açığını sizə bəyan etməkdən utanmır. Peyğəmbərin zövcələrindən bir şey istədikdə, pərdə arxasından istəyin. Bu həm sizin qəlbinizə, həm də onların qəlbinə daha çox saflıq gətirər. Sizə Allahın Elçisini narazı salmaq, vəfatından sonra onun həyat yoldaşları ilə izdivac etmək qətiyyən yolverilməzdir. Həqiqətən, bu, Allah yanında böyük günahdır

dead space aftermath

Dead Space 2 oyunun əvvəlini göstərən cizgi filmi, animasiya filmi. Film O’Bannonda sağ qalmağı bacaran dörd nəfərin – Nolan Stross, Dr. Cho, Nikolas Kuttner və Borges-in tapılması ilə başlayır.
1. Kuttner – Hadisələr baş verməzdən qabaq qızını itirib. Markerə toxunduqdan sonra ağlını itirib. Dəliliyinə görə bütün ətrafındakılara təhlükə yaradıb.
2. Borges – Kuttner onun qardaşının ölümünə səbəb olub. Markerlə təmasda olmadığına görə oradakılara lazımsızdır.
3. Nolan Stross – Araşdırmaçıdır. Markeri araşdırarkən dəfələrlə ona toxunduğuna görə dəli olub.
4. Dr. Cho – Nolan Strossun məşuqəsidir. Nolan Strossun dəli olduğunu gördükdən sonra ondan uzaqlaşıb.

Gəmidəkilərin əsas məqsədi isə Marker haqqında araşdırma aparmaq üçün onunla təmas etmiş şəxsləri tapmaq və O’Bannonda baş verən hadisələri ört-basdır etməkdir.

Bu arada, filmin sonunda Isaac Clarkeın da həmin gəmidə olduğunu görürük. ikinci oyunda hadisələr də eyni gəmidə baş verir, Nolan Strossla da qarşılaşırıq.

dead space downfall

Dead Spacein ilk oyununun əvvəlində Ishimura gəmisində nələr baş verdiyini göstərən cizgi filmi. Film Alissa Vincentin gəmidə baş verənlər barədə danışdığı video ilə başlayır. Ishimura gəmisinin kapitan Matthius Unitologist olduğuna görə Markeri müqəddəs hesab edir və qərara gəlir ki, Marker bu gəmi ilə dünyaya aparılmalıdır. Filmin əvvəlində gəmi planetin səthindədir, lakin oradakı insanları dəli etməyə başlayıb, çoxlu ölümlər var. Gəminin işçilərindən biri arvadının da meyidini öz gəmisinə yükləyib, olanlar barədə xəbərdarlıq etmək üçün Ishimuraya gedir. Bu arada, gəmiyə dəniz pişiyinə bənzər canlı (meyidləri Nekromorfa çevirir) da daxil olur. Gəmi qəza ilə də olsa, Ishimuraya daxil olur. Gəmidə aləm dəyir bir-birinə.

Marker artıq gəmidədir, insanlar dəli olmağa başlayır, meyidlər canlanır. Unitologistlər Markeri geri yollamaq istəyənlərə qarşı çıxmağa başlayır. Gəmidəki həkimlərdən biri Dr. Kyne bunların səbəbinin Marker olduğunu və onun planetə geri qaytarılmalı olduğunu kapitan Matthiusa deyir, lakin o, razı olmur. Alissa Vincent və komandası, sonradan onlara qoşulan bir Unitologist də olanları araşdırmaq, sağ qalanları xilas etmək üçün gəmini dolaşır. Kapitan Matthius da artıq dəli olmağa başlayır və Dr. Kyneı öldürməyə çalışarkən Dr. Kyne ona sakitləşdirici iynə vurmağa çalışarkən səhvən onu öldürür. işçilər Dr. Kyneə qəzəblənir və o qaçır.

Vaxt keçdikcə Alissa Vincent də meyidlərin necə canlandığını, bunların səbəbini başa düşür. Bütün komandasını itirdikdən sonra Marker olan bölməyə qaçır. Düz Markerin yanında yuxuya gedir. Bəlli olur ki, Nekromorflar Markerə yaxın gələ bilmir. Başdakı son videonu da çəkdikdən sonra gəminin qapısını açır, özü də Nekromorflarla birlikdə ölür.