flood

Salam, 20 ilə yaxındır oyunlar oynayıram və karyerama minlərlə oyun sığışdıra bilmişəm, sizə, izləyicilərimdən gələn çoxsaylı xahişlər nəticəsində, aşağıda görəcəyiniz oyunların tərəfimcə verilən reytinqlərini sizə buyururam.

Red Dead Redemption 2 3/10

Elden ring 6/10

Bütün souls oyunları 3/10

Grand Theft Auto V 8/10

The Last Of Us Part 1&2 5/10

Uncharted 1,2&3 4/10

Uncharted 4 2/10

Hellblade 1&2 8/10

Witcher 3 1/10

Alan wake 1&2 2/10

Resident Evil bütün oyunları 6/10

Cyberpunk 2077 10/10

Mario bütün oyunları 1/10

Zelda bütün oyunları 1/10

Pokemon bütün oyunları 4/10

God of war 5/10

Assassin's creed bütün oyunları 10/10

Minecraft 10/10

Streets of Rage 9/10

Bomberman 8/10

Roblox 7/10

Fortnite 9/10

Call of duty warzone 10/10

Call of duty digər oyunların 5/10

Sonrakı dəyərləndirməmdə görmək istədiyiniz oyunları yorum bölməsində bildirə bilərsiz

puff Diddy

keçən həftə həbs edilib və zəhərlənəcəyindən qorxduğu üçün yemək yemir. aylar əvvəl keçmiş sevgilisi onu məhkəməyə vermişdi, amma pul verib məsələni bağlamşdı.
indi məsələ yenidən gündəmdədir.cinsi istismar, insan ticarəti və s. kimi şeylərə görə mühakimə olunur. qurbanları arasında justin bieber, usher kimi adamlar var. usherə o qədər də yazığınız gəlməsin, çünki özü diddy üçün işləyirdi. kardashianların da adı bu hadisələrdə çəkilir, çirkli pulların yuyulmasında və şantaj işlərində diddyə kömək etməklə ittiham olunurlar.
diddy həbs olunmamaq üçün 48 milyon ödəmək istəyib, amma məhkəmə razı olmayıb. Özünün heç bir günahı olmadığını fikirləşir. Pul verib sərbəst qalmaq üçün üçüncü dəfə yenidən məhkəməyə müraciət edib. Ömürlük həbsi planlaşdırılır.
Hadisələrlə bağlı 50 cent in sənədli filmi Netflixdə yayımlanacaq
Update: 80 milyon təklif edib və bir sıra şəxslərini adlarını açıqlayacağını deyib, məhkəmə qəbul etməyib. Qurbanların sayı da getdikcə artır

alien isolation

Oyundakı hadisələr ilk Alien filmindən 15 il sonra baş verir və biz Ellenin qızı Amanda Ripley rolundayıq (Alien: Romulusdan da əvvəl). Amanda Samuelsdən öyrənir ki, Nostromonun (Ellenin gəmisi) qara qutusu tapılıb və Sevastopol gəmisindədir. Bu gəmi Seegson şirkətinə aiddir.

Amanda, Samuels, Taylor və Verlaine Torrens gəmisi ilə Sevastopola gedirlər. Verlaine kapitan olduğuna görə gəmidə qalır, qalan üzvlər isə uğursuz şəkildə də olsa, Sevastopola daxil olurlar.

Amanda Sevastopolda vəziyyətin normal olmadığını, yad bir varlığın təhlükə yaratdığını görür. Gəmidəki androidlər insanlara düşmən kimi yanaşır (filmlə müqayisədə androidlər burada daha qorxulu görünür). Oyunun ortalarında öyrənirik ki, gəmidə yad varlığın olduğunu bilən Weyland-Yutani şirkəti Sevastopolu satın alıb və androidlərin əsas məqsədini “nümunəni qorumaq” kimi dəyişdirib. Bu səbəbdən də androidlər insanlara düşmən kimi davranırlar.

Sevastopolda bəzi sağ qalanlarla qarşılaşırıq. Bunlardan Marshall Waits və Ricardo bizə kömək edir. Marshallın yeganə məqsədi nə olursa-olsun, alieni gəmidən atmaqdır. Amanda da ona kömək etməyə çalışır, amma Marshall Waits həm alieni, həm də onu bir yerə kilidləyib kosmosa atmağa razı olur, yəni Amandanı yem kimi istifadə edir.

Gəmidə məhbus olan Marlow adlı biri də var. O, Anesidora gəmisinin kapitanıdır və alieni özü gətirib. Nostromonun qara qutusunu da o tapıb və bunları Sevastopola gətirib. Lakin onun arvadını və komandasını xenomorflar öldürüb. Üstəlik, Sevastopoldakıların Anesidoraya getməsinə razı olmayıb deyə Waits onu həbs edib.

Qəhrəmanımız bu vəziyyətdən də çıxmağı bacarır və alieni gəmidən atır, özü isə xilas olur. Ancaq məsələ burasındadır ki, gəmidə başqa xenomorflar da var. Bu xenomorflardan biri Waitsi öldürür.

Bundan sonra Amanda öyrənir ki, gəminin əsas hissəsində alien yuvası var. Reaktoru həddindən artıq yükləsə, hamısını öldürə bilər. Lakin bu missiyada Marlow və Taylor məsələsi işləri pozur (ikisi də ölür). Reaktorun həddindən artıq yüklənməsi nəticəsində partlayış baş verir, amma xenomorfların hamısı ölmür, əksinə, sərbəst qalır.

Ricardo adlı obraz bizə oyun boyunca xeyli kömək edir və planımız ambulance shuttle ilə qaçmaq olur. Lakin Ricardo facehuggerin qurbanı olur.

Amanda sonda qərar verir ki, Sevastopolu partlatsın və özü Torrensə qayıtsın. Bunu da edir. Lakin Torrensə qayıdanda görür ki, alien buraya da gəlib çıxıb (Verlaine də ölüb). Amanda özünü gəmidən atır və oyun bitir.
• Oyunda qaçmayın, mümkün qədər sakit şəkildə hərəkət edin.
• Flamethrower fuelini qənaətlə işlədin (alieni qorxutmaq üçün 20-60 yanacaq gedir).
• Androidlərə güllə sərf etməyin. EMP Mine atıb uzaqlaşın və ya gizlənin.

youtube premium

Əvvəlki entrydən uzun müddət keçməsinə baxmayaraq yazmağa qərar verdim. Proqramdan iki ay istifadə etdim və əla idi. Həm youtube premium, həm də youtube music almış olursunuz. Youtube reklamları son zamaar dözülməz olduğu üçün sərf edir. Xüsusilə də, iphone istifadəçiləri apple music yerinə bundan istifadə edə bilər. Yox əgər mənim kimi scrobble da edəcəksinizsə, təkcə apple music işlətməlisiniz.
Yt musicdə belə bir maraqlı özəllik var ki shortslarda və ya bəzi hallarda videolarda olan musiqilər də kitabxananıza düşə bilir. interfeysi sürətlidir. Bəyənmədiyim hissə mahnı sözlərinin göstərildiyi hissədir. Apple music ilə müqayisə etsəm, onu deyə bilərəm ki, mahnını karaokeyə çevirmək özəlliyi də gəlsə, əla olar

normallıq testi

Normallıq testində null hypothesis correlationdakının əksi olur. Yəni ki h0 neqativ olmur.
məsələn
ho distribution normaldır
h1 distributon normal deyil
bunun əyani olaraq spss-də test edə bilərsiniz. bunun üçün analyze-explore hissəsindən plot bölməsindən normality test + istəsəniz histogramı aktivləşdirirsiniz.



Tests of Normality
Kolmogorov-Smirnova Shapiro-Wilk
Statistic df Sig. Statistic df Sig.
total day minutes .009 3333 .200* 1.000 3333 .640
* This is a lower bound of the true significance.
a Lilliefors Significance Correction
kolmogorov smirnoffda sig. value 0.200, shapiro-wilkdə isə 0.640-dir. bu dəyərləri alfa dəyəri ilə müqayisə edirik, bizdə bu 0.05-dir, confidence intervalımız isə 95%dir.
hər iki dəyər 0.05-dən böyük olduğuna görə h0-ı qəbul edirik. histogramdan da göründüyü kimi normal paylanmadır

bozbash pictures

bu səviyyəsiz serialın populyarlığının pik vaxtları hələ də yadımdadır, "youtube"a girirdim bozbaş trenddə, evə gəlirdim, evdə də buna baxırdılar. indi isə ən maraqlı hissəsini açıqlayıram, məktəbdə də bunlar! bəli. qıjılardan ibarət bir sinifdə oxuyurdum və o sinfin uşaqları dərsə ancaq bunları müzakirə eləməyə gəlirdilər, salamlaşandan sonra birbaşa "ə bunu manqa neçiyə verərsən?", "şoşka şirin" tipli şeylər başlayırdı, dərsdə, tənəffüsdə ancaq dayanmadan bu söhbətlər gedirdi. axırda bir gün evə gəlib valideynlərimə yalvardım ki, məni o sinifdən çıxartsınlar, dava-dalaşla o biri sinfə keçdim və nümunəvi bir uşaq kimi məktəbi başa vurdum. ilkin həsənliyə bu çuşka detektoru verilişi yaratdığına görə mükafat düşür.