Son yazılanlar
Hazırki streak: 0 gün ardıcıl post yazılıb.
Rekord: 4 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 2: Başlayan
XP: 241 (karma əsasında)
Növbəti səviyyəyə: 59 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 29,247
Toplam simvol: 175,484
Orta entry uzunluğu: 844 simvol
Kitab ekvivalenti: ~0.4 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
2006-cı ildə kaliforniyada qurulan biotexnologiya şirkəti. sadəcə öz evinizdə oturaraq dna nümunəsini bu şirkətə göndərməklə müxtəlif genetik testlər etdirə bilərsiniz. genetik cəhətdən hansı xəstəliklərə meyilli olduğunuzu və ya əslində hansı ölkədən, hansı millətlərlə qarışığınız olduğunu öyrənə bilərsiniz. hal-hazırda 53 ölkədə poçt vasitəsilə fəaliyyət göstərir.
ps: təəssüf ki, bu siyahıda azərbaycan yoxdur.
2011-ci ildə simon meny və pierre rousseau tərəfindən qurulmuş house, elektronik-pop tərzdə musiqilərə sahib fransız duo qrup. sur une chanson en français, hemisphere, toi et moi kimi insana hüzur verən musiqiləri dinlənilməlidir.
)raise your weaponla tanıdığım, king crimson progressive rock üçün hardadırsa, elektronik musiqi üçün həmin yerdə olan musiqi dahisi. hansı albomu, hansı parçasına başlıq açım qərar verə bilmədim. elektronik musiqiyə biraz da olsa marağınız varsa, aural psynapse, some chords, i remember, strobe dinləyin, davamı gələcək onsuz -*
həmçinin albert eynşteynin doğum və stiven hokinqin vəfat günü.
sözlüyün 7 yaşı münasibətilə hal-hazırda davam edən yayımı aşağıdakı linkdən dinləyə bilərsiniz.
https://discordapp.com/channels/527820176121659442/527820176121659444
http://mek.az/article.aspx?id=1868&fbclid=IwAR0M8HsHaKP3AiXMTfAqRcEpsauEXR-O_ZAL6BEvhdGLHGhcYbNN6bkrb94
oxucuları üçün bunun kimi çox faydalı imkanlar yaradan, ölkənin gələcəyi üçün insana ümid verən indiyə qədər ölkəmizdə gördüyüm ən yaxşı kitabxana -*
adını antik yunan mifologiyasında ovçuluq, çobanlıq allahı olan pandan əsinlənərək almış 1894-ci ildə nəşr olunan norveçli yazıçı knut hamsunun qələmə aldığı roman. əsər inzivaya çəkilmiş, təbiətlə ahəng halında yaşayan bir ovçu və keçmiş hərbçi olan leytenant thomas glahnın həyatına müəyyən insanların daxil olması ilə həyatının necə və hansı yöndə dəyişdiyi barəsində şəxsi gündəlik qeydləri şəklində yazılıb. Bol-bol möhtəşəm təbiət təsvirləri ilə dolu, axıcı, atmosferanı yaşada bilən və maraqlı sonluğu olan bir əsərdir.
rey bredberinin 1950-ci il tarixli elm-qurğu *
elmi fantastika yox, məncə science fictionun elmi fantasika kimi tərcümə olunması səhvdir, çünki fantastika ayrıca bir janrdır.
, distopiya, hətta zaman-zaman triller janrlarında yazılmış möhtəşəmüstü romanı. əslində romandan daha çox xronolojik ardıcıllıqla baş verən hekayələr toplusu desək daha doğru olar. amma ümumi olaraq əksəriyyəti bir-birilə bağlıdır. kitabı oxuduqca yazarın xəyal dünyasına heyran olmamaq mümkün deyil. bundan başqa distopiyanın əsas motivlərindən olan siyasətə göndərmələr də çox ağıllıca və maraqlı şəkildə işlənilib zənnimcə.
adətən klassikanı su içimi kimi sürətlə oxumağına baxmayaraq distopiyanı çox sevsəm də hər zaman oxuyanda üzərimə bir ağırlıq çökür nədənsə, daha çox gündəlik həyatda qaçmağa çalışdığımız gerçəklərin üzə çırpılmağının verdiyi hüzün və ikrah hissi kimi ifadə edə bilərəm. bu hissin ən ağırını aldous huxleyin brave new worldün 1-ci hissəsində xüsusilə güclü yaşamışdım. bu kitabda da bəzi hekayələrdə bu hissi yaşasam da, bəzilərində ən möhtəşəm sci-fi filmlərində belə hiss etmədiyim atmosferanı, mistikanı, həyəcanı hiss etdim. xüsusilə "avqust, 2002" hekayəsindəki zaman bənzətməsi o qədər təsirli və maraqlı idi ki, kitab bitəndən sonra belə açıb oxuma ehtiyacı hiss edirəm:
"bu gecə hava zaman qoxuyurdu. o, ürəyində öz icadını çək-çevir edib gülümsündü. pis fikir deyil. həqiqətən də, zaman nə qoxuyur? toz, saat, insan. belə götürəndə o- axı zaman mövcuddur- necə səslənir? o, bir növ qaranlıq mağarada axan sudur, haylayan səsdir, boş qutunun qapağına səpilən torpaq xışıltısıdır, yağan yağışdır. daha irəli gedib soruşaq, zaman necə görünür? o sanki yavaşca qara quyuya düşən qar dənəcikləridir. ya da yüz milyardlarla üzün yeni il şarı kimi aşağı, heçliyə düşdüyü köhnə, səssiz filmdir. bax, zaman belə qoxuyur və bu cür eşidilir, bu cür görünür. bu gecəsə, - tomas əlini yarı pəncərədən bayıra çıxardı, - indisə ona elə gəlirdi ki, zamana hətta toxuna bilər."
qanun nəşriyyatının mini klassika seriyası vasitəsilə kəşf etdiyim jorj amadunun modernist üslubda yazılmış kiçikhəcmli romanı. kitabdakı hadisələr bir zamanlar çox nümunəvi şəxs olmuş, sonradan küçə həyatı yaşamağa başlayan və bütün nəslin utanc mənbəyinə çevrilən su kinkasın ölüm xəbərinin yayılmasından sonra cərəyan edir və heç gözləmədiyim amma çox təsirli və bəyəndiyim bir sonluqla bitir. şiddətlə tövsiyə edirəm * glş
bu günlərdə yenə yadıma düşdüyünə görə yalancı yarim serialını yenidən izləməyimə səbəb olan uzun saç və qara sürmənin ən gözəl yaraşdığı öz ad günündə motosikletiylə baş verən müəmmalı qəzadan 3 gün sonra vəfat edən türkiyəli rockçu. isterdim adlı parçasında da dediyi kimi
ölümü düşünmek gözlerimde çığlıklarla
Kuşlara isyan etmek uçamamaktan
Yüreğimdeki sancıları yaşamayı sevmek
Öğrenmemek, bildiklerimi de silmek
isterdim
yeniden doğmak ya da hepten yokolmak
isterdim
daha iyi olmak
bir melek gibi kanat açıp dağlara uçmak
birileri buna izin vermedi
buralarda yaşamak izne tabi
ümid edirəm istədiyin yerdəsən.
son olaraq entryni çox tanınmayan ən sevdiyim parçalarından biriylə bitirmək istəyirəm.
)bu sifarişi verən: hechliyin_menasi ətraf mühit amillərinin təsiri nəticəsində uşaqlarda, gənclərdə baş verən böyümə, yetkinləşmə proseslərinin daha sürətlə getməsi. ən sadə misal kimi zəngin qida qəbulu imkanlarını göstərə bilərik. ötən əsrlərə nəzərən bu gün bir çox vitaminlərlə, mineral maddələrlə zəngin qidalara daha asanlıqla və daha tez əlimiz çatır. bu da öz növbəsində uşaqların inkişafının daha səmərəli keçməsinə səbəb olur. bundan başqa işıq, iqlim dəyişkənlikləri, texnologiyanın inkişafı, idman sahələrinin inkişafı da akselerasiyaya təsir göstərən əsas faktorlardandır.
mənim üçün zaman anlayışının itməsinə səbəb olan, hüznün, ümidsizliyin, çarəsizliyin ifadə edilə biləcək ən ali və təsirli forması olan deep purple şahəsəri. bu musiqi 1969-cu ildə yaradılıb, yəni düz 50 il bundan qabaq. 50 il əvvəldən bir musiqinin insanı bu vəziyyətə salması, musiqinin təsir gücünü göstərir. musiqi alidir, insanın yaratdığı ən üstün möhtəşəmliklərindən biridir. bir gün bu musiqini itirəbilmə ehtimalından çox qorxuram, sözlük. ona görə də saatlarla dinləyərək beynimin hər bir hüceyrəsinə, hər bir sinir bağlantısına presləmək istəyirəm.
edit: 100-cü entrymə də təsadüf etməsi çox qəribə oldu, sonrakı 100'lər daha sevincli olar, ümid (?) edirəm -*
nə romantikanı, nə də şekspiri sevən biri olaraq abel korzeniowskinin bu bəstəsinin fonunda romeo və cülyettadan bu parça çox xoşuma gəlir.
)və ya digər adı qan lövhəciyi olan qanın ən kiçik formalı elementləri. qanın laxtalanma prosesinin əsasını təşkil edirlər. bundan başqa iltihab prosesində də iştirak edirlər. nüvəsiz və rəngsizdirlər. 1 ml qanda miqdarı 200-300.000 arası olur. dalaqda ehtiyat halda saxlanılırlar, yaşama müddətləri 10 gündür.
paul thomas andersonun 2017-ci il çıxışlı dram filmi. kübar cəmiyyət üçün geyim dizaynları edən modelyer, dərzi daniel day-lawis və bir restoranda ofisiant işləyən vicky kreips arasında olan sevgi münasibətindən bəhs edir. filmdə 1950-ci illərin london atmosferası möhtəşəm təsvir olunub. türklərin "dönem filmi" dedikləri müəyyən bir dövrün həyat tərzini əks etdirən filmlərə ən gözəl örnəklərdən biridir. eyni zamanda bir çox kritiklər tərəfindən ingmar bergmanın personasından ilhamlanması ilə də rəğbət qazanıb. 6 nominasiya üzrə oskara namizəd göstərilib, ən yaxşı kostyum nominasiyası üzrə mükafatı qazanıb. həmçinin daniel day-lawis açıqlamalarında bu filmin onun sonuncu filmi olduğunu da dilə gətirib.
alex proyasın 1998-ci il çıxışlı özünəməxsus atmosferi və terminologiyası olan ən məşhur sci-fi filmlərindən biri. həmçinin the matrix, existenz kimi filmlərin çəkilişlərində də rejissorlar bu filmdən ilham almış və hətta the matrix'in bəzi səhnələri bu filmlə eyni setdə çəkilmişdir.
alman dilini öyrənənlərin istifadə edə biləcəyi, elmi terminlərin belə yer aldığı türk dilində ən geniş bazaya sahib olan yeni kəşf etdiyim almanca-türkcə lüğət.
1946-cı il avstraliyada doğulmuş nobel mükafatı laureatı molekulyar bioloq. 2009-cu ildə tibb və ya fiziologiya sahəsində "xromosomların telomerlər tərəfindən qorunması və telomeraza fermentinin kəşfi" üzrə carol w.greider və jack w.szostak'la birgə nobel mükafatı almışdır. 2016-2017- ci illərdə Salk Institute for Biological Studies'də prezidenti kimi fəaliyyət göstərmiş, 2018-ci ilin yanvar ayında elmdə baş verən cinsiyyətçilik skandallarında quyusu qazılmış və istefa etmişdir.
çox təəssüflər olsun ki, elm sahəsində cinsi ayrı-seçkilik əsrlərdən bəri bugünə qədər hələ də davam edir.
viktor hüqonun 1829-cu ildə nəşr olunan kiçik ölçülü əsərlərindən biri. əsər gilyotinlə edama məhkum olunmuş insanın son günlərində müxtəlif həbsxanalarda keçirdiyi müddət ərzində başına gələnlər, hiss etdikləri, gördükləri haqqında kiçik bir gündəlik kimi yazılıb. yazar bu əsəri küçədə gedərkən nəhəng izdihamla çevrələnmiş bir edam səhnəsini gördükdən sonra qələmə almışdır.
Son bəyənilənlər
