for the glory of

testament-in the formation of damnation albomunun giriş parçası olan, olduqca qaz bir instrumental mahnı. 1 dəqiqə kimi qısa bir müddətinə rəğmən, bütün p*p aləmini susuz aparıb, susuz gətirər. albomda bu mahnıdan sonra yenə olduqca qaz bir mahnı olan more than meets the eye başlayır və tam bir eargasm yaşadır.

alex skolnick

amerikalı gitarist. 1968-ci ildə berkeley, california-da doğulub. testament-in lead gitaristidir. bundan başqa özünün qurucusu olduğu alex skolnick trio-nun da üzvüdür. əsasən esp gitaralarına üstünlük verir.

prince of persia: the forgotten sands

2010 istehsalı oyun. prince of persia silsiləsinin, hələ ki son oyunudur. bu oyunla eyni ildə jake gylenhaal-un baş rolda olduğu “pop” filmi də çəkilib. oyun və film elə də bəyənilməyib.
gameplay elementlərində kiçik yeniliklər var. məsələn, zamanı yavaşlatmaq və geri qaytarmaq xaricində suyu dondurmaq, keçilə bilməyəcək qədər uzaq maneələrdən teleport vasitəsilə keçmək olur.
hekayə: hadisələr trilogiyanın ilk 2 oyunu arasında keçir. şahzadə, krallığın əsas şəhərlərindən birinə, qardaşı malikin yanına gəlir. ancaq çatanda şəhərə düşmən qüvvələrin hücum etdiyini və məğlub olmaq üzrə olduqlarını görür. maneələri keçdikdən sonra maliki tapır. malik, qalib gəlmək ümidilə kral solomonun qum ordusunu canlandırmaq istəyir. şahzadə bunun təhlükəli olacağını desə də, malik məhəl qoymur. qum ordusu bütün krallığı ələ keçirir. şahzadə də bu ordunu məhv etməyin yolunu axtarır.
qeyd: bir videoda, oyunun hekayəsinə dair belə bir haqlı tənqid görmüşdüm: “indi siz “pop” trilogiyası ilə bağlı bir oyun çıxaracaqsınız. timeline-da bunun üçün ən məntiqli dövr ilk 2 oyunun arasıdır. çünki bu oyunların arasındakı 7 ildə zamanın mühafizəçisi dahaka şahzadənin arxasınca düşmüşdü və ona rahatlıq vermirdi. dolayısı ilə çıxacaq oyun da dahaka haqqında olmalı idi. amma belə bir şey yoxdur. 2004-də çıxmış bir oyunda dahaka belə heybətlidirsə, günümüzdə çıxacaq bir oyunda necə olardı, düşünün”.

downgrade

məşhur oyun terminlərindən biri. upgrade sözünün antonimidir. bir oyunun qrafikasının aşağı salınmasına və bəzi detallarının silinməsinə deyilir. bunun səbəbi isə konsollardır. konsollar, pc qədər güclü olmadığı üçün daha geniş detallara malik oyunların çoxunu götürə bilmir və istehsalçılar da oyunu konsola çıxara bilmək üçün oyundan bir çox şeyi silirlər. watch dogs buna ən böyük nümunədir. trailer-də göstərilən görüntü və qrafika ilə ortaya çıxan oyunun əlaqəsi yox idi. elə oyun aləmində bu işin ən böyük memarı da ubisoft-dur.

prince of persia: the two thrones

2005 istehsalı oyun. prince of persia trilogiyasının son bölümü.
ilk 2 oyun dar ərazilərdə keçirdisə, bu dəfə nisbətən geniş ərazilərdə döyüşürük.
oyunda stealth də var. yalnız bu oyunda gizlilik biraz fərqlidir. düşmənə arxadan yaxınlaşıb ilk zərbəni vurduqdan sonra düzgün vaxtda daha bir zərbə vurmaq lazımdır. yəni, gizlilik quick time event məntiqi ilə işləyir və çox zövqlüdür.
mahnılar pis deyil, amma ilk 2 oyundakı qədər güclü də deyil. daha yaxşı ola bilərdi.
downgrade-dən nəsibini almış məşhur oyunlardan biri də budur. oyundan bir çox maraqlı detal silinib. məsələn, oyun boyu istədiyimiz vaxt şahzadə ilə qaranlıq şahzadə arasında keçid edə biləcəkdik. hansı personajı daha çox idarə edəcəyimizə bağlı olaraq da oyun yaxşı və ya pis sonla bitəcəkdi.
silinən detallara rəğmən, oyun möhtəşəm trilogiyanı gözəl bir şəkildə tamamlayır. ən sevdiyim “pop” oyunudur.
hekayə: şahzadə ikinci oyundan sonra kaileena ilə birlikdə vavilona qayıdır. ancaq qarşılaşdıqları mənzərə heç də ürəkaçan deyil. şəhərə qaranlıq qüvvələr hücum edib. şahzadənin də gəmisi vurulur və ikilinin yolları ayrılır. daha sonra şahzadə vəzir ilə qarşılaşır. məlum olur ki, şahzadə taleyini dəyişdiyi üçün ilk oyundakı hadisələr yaşanmamış olub. ardınca vəzir kaileena-ı öldürür və daha da güclənir. ilk oyun yaşanmamış olduğu üçün fara da dirilir. ancaq şahzadəni tanımır. şahzadənin içində isə özünün qaranlıq halı ortaya çıxır.
qeyd: oyun boyu şahzadə ilə qaranlıq şahzadə arasında keçən dialoqlar çox xoşuma gəlmişdi. məsələn, bir səhnədə şahzadə ilə fara arasındakı dialoqdan sonra qaranlıq şahzadə bu replika ilə yarmışdı: “sən lap qadın kimisən. hər problemi, yenisini yaradaraq həll edirsən”.

prince of persia: warrior within

2004 istehsalı uber oyun. combat daha zövqlüdür. şərq musiqisi ilə metalın harmoniyası olan mahnılar oyuna ayrı zövq qatır. ilk oyunda hələ uşaq olan şahzadə, burada daha özgüvənlidir və bu xarakter inkişafı, replikalarda da gözəl əks etdirilib. ilk oyunda parlaq işığa girərək save edirdiksə, burada müəyyən nöqtələrdə su içərək save edirik.
hekayə: ilk oyundakı hadisələrin üstündən 7 il keçib. bu illər ərzində şahzadə böyük narahatlıq içində yaşayır. zamanın qoruyucusu dahaka onun arxasınca düşüb. nəhayət, şahzadə bunlardan xilas olmaq üçün zaman adasına gedərək, taleyini dəyişdirməyə qərar verir. ancaq yaşlı bir müdrik bunun mümkün olmadığını, heç kimin taleyini dəyişdirə bilməyəcəyini deyir. şahzadə isə qərarlıdır. ancaq adaya çatdıqda gəmisi hücuma məruz qalır və batırılır. şahzadə də təkbaşına adaya çıxır.
qeyd: oyunda kaileena obrazını monica belucci səsləndirib.
qeyd 2: conflict at the entrance adlı ost favorimdir.

prince of persia: sands of time

əfsanəvi trilogiyanın başlanğıcını qoymuş 2003 istehsalı oyun. divarda yerimək kimi zövqlü bir gameplay elementinə sahibdir. mahnıları da çox yaxşıdır. ubisoft uzun müddət əvvəl oyunun remake ediləcəyini açıqlasa da, hələ də səs yoxdur. üstəlik, təqdim edilən trailer videosunda da qrafika yaxşı deyildi. hətta bir çox insan şərhlərdə “oyunu ps3-ə remake edirlər deyəsən” yazmışdı. əgər remake belə olacaqsa, heç çıxmasın.
hekayə: fars kralı şahraman, maxaraca krallığına hücum edir. oğlu da bu yürüşdə iştirak etməkdədir. maxaraca vəzirinin xəyanəti sayəsində qalib gələn şahraman, xəzinə otağında böyük və parlaq bir qum saatı tapır. şahzadə də qəribə bir xəncər tapıb gətirir. bu xəncər vəzirin diqqətini çəkir və onu götürmək istəyir. şahraman isə döyüşlərdə şücaət göstərdiyi üçün xəncəri şahzadənin əlindən almır. vəzir isə onları aldadaraq xəncər vasitəsilə sirli qumların açılmasına səbəb olur. saray dağılır və ətrafdakı insanlar bədheybətə çevrilir. sadəcə fars şahzadəsi, vəzir və maxaraca kralının qızı fara sağ qalır. vəzirin planı zaman qumlarından istifadə edərək ölümsüz olmaqdır.
qeyd: oyunun tam adı prince of persia: the sands of time-dır. başlıq düzəldilsə sevinərəm.