azərbaycanda hicablıların sayının artması

azərbaycanda din hakimiyyət səviyyəsində dəstək tapmayıb ki, hicablıların sayı artsın. heç kiv-də də bu barədə təbliğat aparılmır. deməli, xaricdən, xüsusilə irandan və səudiyyə ərəbistanından təsir var. məqsəd isə aydındır. dinə nifrət bəsləyən biri deyiləm. ancaq dindarların hakimiyyətdə olmasını istəmirəm. nə də, dinin qaydalarına şüurlu surətdə riayət edənlərə qarşı deyiləm. onu bilirəm ki, hazırki dövrdə din xalqları inkişafa aparmır. orta əsrlərdə islam dininin müsəlman dünyasının inkişafı üçin bəlkə də təsiri var idi, ancaq 21-ci əsrin reallığında yoxdur. avropa indiki inkişafa kilsə hakimiyyətinin qol-qanadını sındırdıqdan sonra çatdı.

əsgərlikdə oral seks və seks skandalları

xidmət etdiyim bölükdə belə bir əsgər var idi. mənimlə eyni vaxtda həmin bölüyə gəlmişdi. səsində, davranışlarında homoseksuallıq əlamətləri bölüyə gəldiyi gündən hiss olunurdu. təbii ki, bölüyün köhnə əsgərlərinin diqqətindən kənarda qalmadı. ondan gecələr cinsi ehtiyacları üçün istifadə edirdilər. maraqlı bu idi ki, o özü də halından narazı deyildi. yəqin ki, fiziki bəyəndikləri ilə bu işlə məşğulluqdan narazı deyildi. bir-iki dəfə hamamda başqa bölüyün əsgəri ilə bir yerdə yuyunduğun da görmüşdüm. başqa bir əsgər isə hamamda oral sekslə məşğul olanda gördüyünü demişdi. sona qədər də bu proses belə davam elədi.

bir zabit tanıyırdım marağı ancaq transeksuallara qarşı idi. hətta təsadüfən fb səhifəsin tapmışdım, orda da bu marağını gizlətməmişdi.

hərbi xidmətdə cinsi ehtiyacları basdırmağa çalışmaq lazımdır. bunun ən doğru yolu yolunu azanları vaxtında ifşa edib yuxarılara onunla bağlı məlumat verməkdir. hərbi prokurorluqlar bu məsələlərə qarşı çox həssasdır və bağışlamırlar. çünki ictimailəşməsi qətiyyən maraqlarında deyil. ona görə də, belə davranışlara məruz qalanlar mütləq və mütləq yuxarı komandanlığa məlumat verməli, ölçü götürülməsini tələb etməlidirlər. qoy ona "suka" desinlər, ya da başqa bir şey. həmin travma ilə ömrü boyu yaşamaqdansa, hansısa şəxsiyyətsiz insanların bir il, il yarım söz atmağına dözmək daha məntiqlidir.

hostel

az pulla çox gəzmək istəyirsinizsə və təksinizsə, yaxud yanınızda cəsarətli, xırda çətinliklə rastlaşan kimi sızıldamayan bir dostunuz varsa hosteldə qalmaq çox əyləncəlidir. əksəriyyətində demək olar ki, istifadədə olan hər şey ortaqdır. buna görə də, hər cür surprizlərlə qarşılaşmaq ehtimalınız yüksəkdir. ancaq sizin məqsədiniz bütün günü gəzməkdir, elə deyil? hostel yalnız gecələmək üçündür. daha artığına ümid etməyin.

əlavə olaraq, əgər hosteldə qalmağı daha öncədən planlaşdırmısınızsa, mütləq əvvəlcədən qalacağınız hostel barədə internetdə booking.com kimi saytlardan araşdırın və bəyənsəniz, qalacağınız tarixlərə sifarişi verin.

qrip

çox oğraş xəstəlikdi. həftənin birinci günündən yapışıb, əl çəkmir. hətta səhər işə gedəcəyimi bilə-bilə neçə gündü axşamlar sarımsaq da yeyirəm, yenə də zərrə xeyri yoxdur. iş yoldaşlarımın biri axır bu gün səhər dözməyib, deyəsən sarımsaq yemisən deyib, mənə söz də soxdu. tualetə qalın salfet qoyurlar. səhərdən tualetdə salfet qoymamışam qalsın, cibimə qoyub daşıyıram yerimə. burun axıntısı da salfetə arxayın olub elə bil daha da şiddətlənir. gözlərim sulanır. iş yoldaşlarımın mənə yazığı gəlir elə bil xəstələndiyimə görə. bu da ləzzət eləmir. belə vəziyyətin içinə soxum.

əsgər yoldaşı

2011-ci ildə iyulda hərbi xidmətə getdim. andiçmədən sonra məni çox qatıq bir bölüyə saldılar. bölükdə problemli əsgərlər çox idi. xüsusilə ali təhsilli əsgərlərə qarşı qəribə xainlik nümayiş etdirirdilər. bölükdə cəlilabaddan bir əsgər mənimlə münasibət qurdu. yekəpər, fiziki cəhətdən güclü oğlan idi. tanış olandan sonra məlum oldu ki, bir neçə aylıq "dizbat" xatirəsi də var. həmin əsgər mənə bütün naryadlarda kömək edirdi. hətta bir dəfə məni yükləmə naryadına verdilər. ət daşımaq tapşırıldı. mən də universiteti təzə bitirmişdim və fiziki cəhətdən elə də güclü deyildim onda. xidmətdə olanlar bilir ki, o ətlər sanki fil budu idi. çox ağır və qəribə görünürdülər. həmin oğlam öz işini gördükdən sonra gəldi mənim əvəzimə həmin ətlərin yüklənməsinə də kömək etdi. bir müddət sonra məni hərbi hissənin hüquqşünasının köməkçisi təyin etdilər. onunla daha az-az görüşməyə başladıq. günlərin birində eşitdim ki, o, bir əsgəri döyüb. tabor komandiri onu birbaşa hüquqşünasın yanına gətirdi. mənə nəsə kömək gözləyirmişcəsinə baxırdı. mənim isə əlimdən nəsə gəlmirdi. o eyni əməli bir il ərzində təkrar törətmişdi. çox xahiş etdim, hadisə biraz yüngül yazıldı. onu hərbi prokurorluq həbs etdirdi. ondan sonra görmədim. ta ki dünənə kimi. dünən təsadüfən rastlaşdım. gəlib çıxıb bakıya. hətta marketlər şəbəkəsində satıcı da işləyir. pis görünmürdü. ordan-burdan söhbət etdik, razılıq etdi həyatından. çox sevindim onun adına. məhkumluğu olan insanların həyatını qurması olduqca çətindi bizim ölkədə çünki. mənim üçün etdiklərini isə heç vaxt unutmayacam.

azcoll ekspert mərkəzi və boa kollektor agentliyi

əsasən bankları və digər kredit təşkilatlarını, həmçinin sələmə pul verənləri problemli kreditlərin müəyyən haqq qarşılığında qaytarılmasına təminat verən şirkətlər.

həyasızcasına da bir sloqandan istifadə edirlər: "alınması mümkün olmayan borc yoxdur, borcun təqibinə vaxt və xərc sərf etmək istəməyən rəhbərlər vardır."

belə şirkətlər əsasən kasıb vətəndaşlara (istehlak kreditləri almış) hədə-qorxu gəlməklə, kredit qalığının ödənilməsini tələb edirlər. hətta işə götürmə prosesində də məhz idmançı görünüşlü namizədlərə üstünlük verirlər.

bütün belə şirkətlərin əl-qol açmasının səbəbi dövlətin hələ də fiziki şəxslərin müflis elan olunması haqqında qanunun qəbul olunmamasına görədir. məqsədli və ya məqsədsiz bu qanunun qəbulunu yubatmaq insanların alt paltarına qədər soyulmasına səbəb olacaq. hər şeydə nümunə kimi götürdükləri, hətta qanunvericiliyi 80-90% köçürdükləri rusiyada da bu qanun qəbul olunub. bizdə isə gecikdirilir, milli məclis isə susur.

qanunun qəbul olunmasının əhəmiyyəti faktiki olaraq heç bir ödəniş etmək imkanı olmayan fiziki şəxslərin məhkəmə tərəfindən müflis elan olunaraq kreditor tələblərindən azad olunmasıdır.