bəxtiyar vahabzadə

səadət

səadət nə demək?.. - bu sualla mən
özümü çox yordum, tapa bilmədim.
səadət nə demək?.. bir tələbəykən,
məktəbi axıra vurmaqdır, - dedim.

məktəbi bitirdim, işə də girdim
səadət bumudur? yox, bu deyilmiş!
böyük dahiləri oxuyub gördüm
çoxları sevgini səadət bilmiş.

sevdim! gecə-gündüz yandım şam kimi
iztirab... göz yaşı... min qan, min qada.
tapmadım yenə də səadətimi,
eşqin əzabları şirin olsa da...

evləndim, həsrətə son qoymaq üçün,
qurtardı o şirin iztirablar da.
indi də, qayğılar artdı günbəgün
dedim: - ay səadət, hardasan, harda?

bəlkə də səadət elə budur, bu:
"hardasan, hardasan, gəl-gəl" - deməkdir.
bəlkə də səadət ömrümüz boyu
nəyisə... gözləmək... hey... gözləməkdir.

tapdım səadəti dara düşəndə,
alıb öz gücümü xəyallarımdan.
kiməsə... nəyəsə... hardasa... mən də,
gərək olduğumu bildiyim zaman.

çıraq ol! nurunu artır günbəgün
hər yerdə həyatın boğ zülmətini.
məncə, çıraq olub başqalarıyçün
yananlar tapıbdır səadətini!

yalnızlıq

xəyal gah dağdadır, gah da aranda,
gah göyə yüksəlir, gah enir insan.
otaqda bir saat tək oturanda,
yüz ilin dərdiylə yüklənir insan.

elə bil divarlar gəlir üstünə,
qulağın səslənir, qəlbin döyünür.
alışıb yanırsan sən öz tüstünə,
nidalar gözündə suala dönür.

öz el-obasını tərk etdiyindən,
tək-tənha dolanır bayquş bu gün də.
kolların dibində tək bitdiyindən,
boynu bükük olur bənövşənin də.

qəlbimdə min sözüm, min söhbətim var,
mən deyim, siz deyin, dil yorulmasın.
yığılın, yığılın başıma, dostlar,
mənim bir günüm də sizsiz olmasın.

ata olmaq

qızı üçün çox şeydə ilk olmamaqdır, amma bu onu sevməmək deyil. qızının ilk atı olmaqdır, ilk üzünü yazdığı, ilk küsdüyü, ilk gizlənpaç oynadığı, ilk qol vurduğu, ilk kürəyində yatdığı, ilk qapıda gözlədiyi, ilk darıxdığıdır. ata olmaq doğulduğu ilk gündən etibarən gecələri ananı da oyandırmadan gəlib onu seyr etməkdir, rahat yatsın deyə yanına mələk çağırmaqdır, lazım gəldikdə nağıllar əzbərləməkdir. soruşduğu minlərlə suala bezmədən cavab verməkdir yenidən və yenidən. dəvəquşuna inadla sırf o istəyir deyə leylək deməkdir. mənim kimi güldüyünü və ayaqqabılarını mənim bağladığım kimi bağladığını görməkdir. birlikdə dua etməkdir. bəlkə də ata olmaq hər nə olursa olsun və nə edirsə etsin onunçün həmişə ana ile muqayisə edilərək ikinci sıraya layiq görülməkdir. "kişilər qız uşağını sevmir" deyirlər, bu əsla doğru deyil.