çeçələ barmaqdakı uzun dırnaq

bəzən yadımdan çıxardaraq kəsməyi unutduğum dırnaq. qəribədir ki, bu iki-üç dəfə başıma gəlib. hər dəfə də digər bütün dırnaqlarımı kəsmiş olsam da, sırf çeçələ barmağımın * ya sağ ya sol, yadımda deyil * elə burdan da aydın olur ki, yaddaş problemim var dırnağını kəsməyi unutmuşam. fərqinə varanda, bir anlığına özümü yuxarıdakı entrylərdə sayılan qaqaşlar kimi hiss etdim. sonra yadıma düşəndə ki, bunu yuxarıda nümunə olaraq verilən qaqaşlar kimi müəyyən funksiyaları yerinə yetirmək üçün yox, unutduğumdan etmişəm, rahatladım.

salam xanım

indiki dövrdə yəqin ki, evli bir çox azərbaycan kişisinin, həyat yoldaşı olacaq və ya mənfi nəticə verib, ağzına sıçacaq qadına * siz də məni bağışlayın * glş tanış olmaq üçün dediyi ilk söz. necə də romantik bir an kimi cütlüyün həyatında tarixə keçir bu söz. hər şey bir "salam xanım" ilə başlamışdı cümləli roman yazılmağa başlasa, davamı necə də dərin olar. nəysə, zarafat bir yana. standart azərbaycanlı deyə biləcəyimiz kişilər * standart azərbaycanlı kişisi də nə deməksə artıq * sevmirəm bunu deməyi amma başqa söz tapa bilmədim , bu sözü elə istifadə edirlər ki, heç buna tanış olmaq da demək olmaz ee. tanış olmaq daha mədəni bir hərəkətdir. bunun adı elə "qız tutmaq", "padxod eləmək" kimi bir şeydir.

azərbaycandan türkiyəyə gələn qohum və tanışlar

türkiyəyə, əsasən də istanbul, ankara, izmir kimi böyük şəhərlərə gəlib, bir çoxu televizorda izlədikləri türk seriyallarındakı villaları, "yalıları" * yalı: istanbulda dəniz kənarında yerləşən və milyonerlərin qaldığı bahalı villalar , aktyor və aktrisaları axtarıb, soruşan, görmək istəyən adamlardır. bunlar türkiyənin, türkiyədəki həyatın seriyallardakı kimi olduğunu düşünən zehniyyətdir. bu cür insanlar elə türkiyənin özündə də var. bunlar daha çox rayonlardan və ya türkçə desək başqa "il"lərdən istanbula yenicə köçən və ya gəzməyə gələnlərdir. onlar elə bilirlər ki, məsələn istanbula gəlib, nişantaşında filan gəzəndə kıvanç tatlıtuğu və ya emrahı zadı görəcəklər * glş * emrah nəydi ala, haha

azərbaycan üçün darıxmaq

azərbaycanı tərk etdiyin zaman hiss etməyə başladığın duyğu. daha çox, uzun müddətdir azərbaycandan kənarda yaşayıb, azərbaycana az gəlib gedə bilən adamlar tərəfindən hiss edilir. ən çox isə, bunlara əlavə olaraq həm də orada sevdiyi kimsə və ya kimsələr olan adamlar bu hissi yaşayır. bu artıq azərbaycan üçün yox, o sevdiyin kimsələr üçün darıxmaq olur bəlkə də. ancaq, onlar üçün o qədər darıxırsan ki (xüsusilə də onlardan ayrı qaldığın ilk gün), istər dünyanın ən bərbad ölkəsi olsun, məcbur qalıb azərbaycanı da sevirsən və onun üçün də darıxırsan, çünki sevdiklərin o ölkədə yaşamağa davam edir.

de sən öl

uğrunda əməlli başlı davalar edilən, camaatı bir-biri ilə dalaşdıran ifadə. bir dostumdan eşitmişdim ki, bir gün məhəllədə bunun bir tanışı, tələsərək harasa gedirmiş. dostum bundan soruşub ki, hara gedirsən belə. bu da deyib ki, bəs filankəs mənə 'sən öl' çəkib, gedirəm söhbətə. bəli, nə qədər inandırıcı gəlməsə də olmuş söhbətdir. yəni, kimsə bu qaqaşa nəyə görəsə 'sən öl' deyib, sonra da məlum olub ki, dediyi yalandır, ya da hər nədirsə, o dediyini etməyib, yəni yalan yerə 'sən öl' ifadəsini işlədib. eşidəndə mən də şoka düşmüşdüm. yəni, bundan sonra hardasa eşitsəniz ki, filankəs filankəsi yalan yerə 'sən öl' dediyi üçün bıçaqlayıb, təəccüblənməyin * əsəbləşməkdə isə sərbəstsiniz * əsəbləşmək bəzən yaxşı şeydir

bakı

(baxma: toylar şəhəri) hamı evlənir amk. nolub ala?
gürcülər də bizim kimiymiş deyirəm, hətta bizdən də betəriymiş onlarda bəzi şeylər. o gün bir gürcü filminə baxıram. deməli filmdə əsas rollarda iki yeniyetmə qız var, 13-14 yaşlarında. birinin artıq gənc yaşından feminist damarı tutub, o birisinə, yəni podruqasına ağıl öyrədir ki, bəs sən qoymamalısan qaqaşlar səni küçədə təhqir etsinlər, sənə lağ etsinlər, onlara cavablarını verməlisən zad deyir. ona öz haqlarını qorumağı, susmamağı, mübarizə aparmalı olduğunu falan söyləyir. o birisi qız isə həmişə susur və bunların mənasız olduğunu düşünür. podruqası isə deyir ki, sən elə susduğun üçün səninlə bu cür rəftar edirlər. nəysə. filmin irəliləyən hissələrində o ağıl öyrədən qız var ha, evlənir, həm də sevmədiyi biri ilə. qızın əslində əvvəlcədən sevdiyi bir oğlan olur, ancaq o oğlan da uzaqda olur. düzdür, qızı biraz da məcbur edib evləndirirlər amma bu cür fikirləri olan bir qız, istəsəydi mübarizə aparıb, evlənməkdən imtina da edə bilərdi.
bizim ölkədə də vəziyyət biraz buna oxşardır. bu cür danışan, azadlıqdan, sərbəstlikdən falan dəm vuran qızlar axırda özləri hamıdan tez evlənirlər. həqiqətən sevgi axtarışında olan, sevərək evlənmək istəyənlər isə çox vaxt "evdə qalırlar". ölkəmizdəki kişilərin əksəriyyəti, filmdə dediyim o azadlıqdan danışan tip qızlara "ağıllı", "savadlı" qız gözü ilə baxırlar. valideynləri başlayanda ki, evlənəssən, analarına "ana, mənə ağıllı qız tap" * glş deyirlər. halbuki, sözünü etdiyim bu kişilər, bu sözlərin həqiqi mənaları haqqında ən kiçik bir fikrə belə sahib deyillər. onların həyatda pul qazanmaq, bahalı maşın almaq, uşaq sahibi olub, ailə dolandırmaqdan başqa heç bir məqsədi yoxdur.