27 avqust 2016 sözlük yazarlarının bakı görüşü

alıntı:
canım-ciyərim sözlük yazarları, kimliyimin deşifrə olmaması səbəbi ilə bu yazını entry kimi deyil, məsləhətə rəy olaraq yazmağı uyğun bildim. ola bilsin qaralamam aşırı duyğusallıq ehtiva etsin, bunu sizinlə qaldırdığımız pivə bakallarının təsiri olaraq sayacağınızı ümid edirəm -*
adətən sol framedə sözlük yazarlarından birinin adına açılmış başlıq gördükdə və ya sözlük yazarları başlığını gördükdə qorxa-qorxa tıklayıb oxumağa başlayıram. səbəbini yəqin ki, aşağı-yuxarı sən də təxmin edə bilirsən, əziz oxuyucu, həmən başlığı açıb oxumadan əvvəl keçirdiyim qorxu qarışıq həyəcanı * yenə yazarlar bir-birinə girəcək, ətraf nifrət saçan sözcüklərlə qaynayacaq həyəcanı da təsəvvür edə bilirsən yəqin. bəlkə də sənin də ürəyindən "bunlar yenə niyə iki eşşəyin arpasını bölə bilmir" hissi keçir. yox, narahat olma, gecənin bu saatında gileylənərək səni daha da yormayacağam, əksinə yazmağa başalayarkən sözlük yazarlarına, sözlüyə qarşı duyduğum gözəl hissləri içkini bəhanə edərək dilə gətirməyi planlayırdım. bugün yazarların görüşündə diqqət etdiyim nüansı ədəbiyyatımın icazə verdiyi qədər ifadə edib planıma sadiq qalacağam. əvvəlcə səhnəni təsvir edim, 3 stol uzununa birləşdirilib, ətrafında təxmini 10-12 stul var, bəzi yazarlar görüşü tərk edib, bəziləri girişdə tütün tüstüləməkdə, bəziləri isə təkliyimin və bütün bunları düşünməkdə olduğumun fərqinə varmayacaq qədər başları söhbətə qarşıb. bu anın yaşatdığı qısa təklikdə 21 illik həyatımda əvvəllər belə bir hala rast gəlmədiyimin fərqinə vardım. bir-birini ömründə bircə dəfə olsun * təsadüfən görmək və əvvəlki görüşdən tanımaq istisandır əlbəttə ki belə görməmiş insanların belə mehriban olması, deyib-gülməsi xoşuma gəlməklə yanaşı marağımı oyandırırdı. əvvəllər toplu halda olan çoxlu fəaliyyətdə işitirak etmişəm, oxuduğum məktəbin yaratdığı imkanlar çərçivəsində tez-tez yeni insanlarla tanış olub ünsiyyət qurmaq şansına sahib olmuşam. amma bugün gördüyüm portreti daha əvvəl görməmişəm, ən azından həyatımda belə porteti yaradabiləcək potensialda insanları çox az hallarda kəşf edə bilmişəm. gözəl sözlərlə cızma-qaramı daha da uzada bilərdim, amma dediyim kimi içki səbəbi ilə başımın bir qədər ağrıdığını hiss edirəm. bu səbəblə bacardığım qədər tez yekunlaşdırmağa qərar verdim. özünüzə yaxşı baxın, əziz sözlük yazarları, sizlər sevilirsiniz.

-həsən. 28.08.2016

sözaltı tarixçə - yeniliklər

başlıqlara kanal funksiyası əlavə edilmişdir. hələlik partizan və moderatorlar kanal əlavə edə biləcəklər. kanala kliklədikdə o kanallardakı digər başlıqları görmək mümkün olacaq.
daha sonra yazar profilində entryləri kanallara görə sıralama funksiyası artırılması planlaşdırılır.
partizan və moderlər qarşılarına çıxan film və musiqi başlıqlarına kanalları əlavə etsələr əjdaha olar.
mobildə digər qutusuna, webdə isə yuxarı panelə kanal linki də yerləşdirilmişdir kanallara girib başlıq axtarmaq istəyənlər üçün.
funksiya ilə bağlı təklifi olanlar fikirlərini məsləhətxana başlığında paylaşmağı unutmasın:
http://soz6.com/meslehetxana/8595