martin eden

Diqqət: çənəmi tuta bilməyib spoiler verə bilərəm. Oxumasanız da olar


Sərbəst iş yazmaq üçün getdiyim kitabxanada təsadüfən qarşıma çıxdı. Bir müddət idi oxumaq fikrim var idi. Bu bir təsadüf olamaz deyib onu da götürdüm. Yol boyu oxuya oxuya gəldim evə. Kitab bəzi yerlərdə yazar sizin həyatınızı görüb də bu kitabı yazmaq fikrinə düşüb vibe verə bilər. Təbii ki düşüncə tərziniz fln mənimki kimi birisinizsə. Hər nəysə. Normalda bir kitabı oxuyarkən ara verməyi sevmirəm. Amma bu kitabda nəsə içimi sıxan birşeylər vardı. Martin dikbaş idi. Və bu cəhəti mənə oxşayırdı. Getdiyi yol nə qədər səhv görünsə də bundan əl çəkmək istəmirdi. Bu olanların onun sonu olacağını bilə bilə sevdiyi işi davam etdirməkdə inadçı davranırdı. Bu yerlərdə kitabı qatlayıb bir kənara qoydum. Nəysə daha çox içimi sıxmağa ehtiyac yoxdu deyə düşündüm. Sonra internetdə bir iki alıntısı ilə fln qarşılaşdım və işlərin mənim qoyub getdiyim kimi qalmadığını anladım. Davam etdikdə isə bəzi yerlərdə onun adına sevincdən ağladığım da oldu, kədərdən də * sulugözəm fikir vermiyin
Sonu isə gözlədiyim bir şey idi əslində. Həyatın bütün üzlərini görən birisi üçün final bölümü gəlib deməkdir. Amma axmaq ölümü belə şərəflə qarşılaya bilmir ilk. Yenə səfil həyatı arzulayır. Axmaq martin. Hər ikimiz axmağıq.

darıxmaq

Ən nifrət edilən emosiya, hiss sayıla bilər. Boğazı düyünlənmək yazıb kimisi, həyəcanla bitməsini gözləyənlər də var. Rayona gedəndə mama üçün darıxırdım uşaq vaxtı. Elə hey ağlıyırdım ki mamamı da gətirin zad. O yanımda olana qədər yemək fln yemirdim. isyan idi bildiyin. Yaş artdıqca məsələnin daha uzun qollarının olduğunu görürsən. Məsələn, Ölmüş biri üçün darıxanda çarəsizliyi dibinə qədər hiss edirsən. Durduq yerdə səsi qulağında cingildəyir. Özünü bir xatirənin içərisində görürsən. Yaddaşına qazınmış bir xatirə. Hansı ki bir daha yaşamaq üçün nələr verməzdin -* amma sənin əlindən heç nə gəlmədən boşluğa baxmaqla yetinirsən. Boğazın quruyur, dilin söz tutmur, gözündəki yaşlar səndən asılı olmadan axır. Qısaca, ən poxdan hiss darıxmaqdır.

payız fəslini sevmə səbəbləri

-yağış. * olmazsa olmazımız
-yağışdan sonraki o torpaq qoxusu.
-hər tərəfə səpələnmiş, qarşına çıxanda sırf onu tapdamaq üçün addım sıranı dəyişdiyin qızılı, xışıltılı səs verən o möhtəşəm yarpaqlar.
-mənə bir xeyri dəyməyən arının, qarışqanın, börtü böcəyin gözə görünməməsi.
-mamanın həyətdəki Güllərini sulamağa ehtiyac olmaması. * Gülləri sevmirəm. * Həmişə mənə tapşırır bunu
-Qırx dərəcədə qovrulmamaq.
-narların bol olması.


* Gel artık iki gözümün çiçeği shdjsh