Son yazılanlar
"mən ya ürəyimdən keçənləri, səndə bəyənmədiyim şeyləri sənin üzünə deməli, ya da susub ömür boyu bununla yaşamalıyam. amma susa bilmirəm daha, belə yaşaya bilmirəm.." ilə başlayan cümlələr.
insanın öz mənfi cəhətlərini eşitməsi, tənqid, və bunları sevdiyin insandan duymaq, vazkeçilməz olmadığını anlamaq.
bəxtəvər insandır. çox böyük ehtimalla uzun yaşayacaq. bəzi hallarda isə uzun illər boyu yaşadıqları təcrübələrdən sonra artıq heç nə onlara təəccüblü gəlmir, ona görə də soyuqqanlı olurlar sonradan.
olmayan söz. özünü pis hiss etdiyin zaman heç bir xoş sözün faydası yoxdur. normal zamanlarda deyilən xoş sözlərin isə əksəriyyəti yalandır.
qürbətdə anlaşılan zamanlar da az deyil. hələ bir də internet yoxdursa yaşadığın yerdə. bir gün ayılırsan ki həftələrdir ana dilində heç kimlə danışmamısan. nəinki ana dili, heç yaşadığın ölkənin dilində də.
ən son 4 il əvvəl belə bir şey yaşamışdım. bir gün səhər yuxudan durub mətbəxə keçəndə kiminsə ucadan adımı çığırdığını eşitdim 2 dəfə, dedim vse day başım xarab olmaq üzrədir.. sonralar əlimdən gəldiyincə sinir sistemimi sabit tutmağa çalışdım. yadıma gəldikcə özümü lap qorxu filmlərindəki kimi hiss edirəm..
sultanı-yegah mahnısı ilə yenidən gündəmə gəlmiş qrup. videoda harun tekinin çox qocalmasını müşahidə etdim, üzücü idi.. o gözəllikdə mahnının da içinə ediblər... qulaqlarım tutuldu. (baxma: sen çalma ulan ayı)
deyəsən burda hamı bir-birini artıq tanıyır, bir mən heç kimi tanımıram. maraqlıdı necə öyrənirsiz...
tanım: ifşa olmaq istəyən sözlük yazarlarıdır mənim fikrimcə.
məni dəyişdirmək istərdin, tam mənası ilə məndən razı deyilsən, bilirəm. amma mən mükəmməl ola bilmədim.. o xarabalıq, enkaz içində ən çox bu ola bildim, buna görə məni bağışla.
çox yorğunam daha bu həyatda, amma sənə görə davam edəcəyəm.. sənin sevindiyini görmək, hansısa bir sevinc yaşatmaq mənim ən sevdiyim məşğuliyyətimdir.
salam günlük..
uzun zamandır sənə yazmıram. bu gün də pasxa bayramıdır. 3 il öncə səni yaratdığım gün də pasxa bayramı idi. 3 il ərzində nələr nələr dəyişdi.. heç nəyə sahib deyildim, indi hər şeyim var. özümlə qürur duyuram.
amma getdikcə daha yorğun, daha səbirsiz, daha sentimental oluram. halbuki bu xasiyyətlərimin zamanla keçib gedəcəyini düşünürdüm illər əvvəl.
bir də bir şey öyrəndim. nə qədər yaxın biri olursa- olsun, o belə başa düşməyəcək tam mənası ilə səni...
artıq sadəcə sənə yaza bilirəm azad şəkildə. facebookda da ürəyimdən keçənləri paylaşdığım zaman ya sevgilim ya anam bəyənmir və böyük mübahisə düşür.. nəticədə silməli oluram paylaşımlarımı.
yaşadığım yerdə hər şeyə son dərəcə diqqət etmək vacibdir. keçənlərdə etdiyim bir paylaşımı hətta müdirimə xəbər veriblər, keçən həftə yanına çağırdı, üstüörtülü şəkildə dedi belə şeylər paylaşma bura elə yerdir ki səhər bütün xəstəxana səndən danışar görsələr.
böyümək budurmu?
bakı haqqında bir facebook səhifəsi var. yaşadığım küçələri izləyirəm ordan, admin maşınla gedir, hərdən bir bölgəni videoya çəkir. olduqca yaxşı təsir edir.. xatirələrim gözəl tələbəlik illərim yadıma düşür. onunla bir daha əl-ələ hüseyn cavid prospektində gəzmək üçün, montində ice tea içməyimiz üçün, bir daha 106-ya minmək üçün nələrdən keçməzdim.. bunları yazmaq istərdim məsələn, onun özünə, yaxud təsəlli edə biləcək bir insana. uzun-uzun anlatmaq istəyərdim, amma nə dinləmək istəyən var, nə mən yaza bilirəm...
heç olmasa sən varsan.
hələlik bu günlük bu qədər..
bu sifarişi verən: fövqəl insan
şah ismayıl adlı dastandan bir obraz. spoiler vermək kimi olmasın, güclü bir pəhləvan olur bu, əsərin qəhrəmanı şah ismayılı iki dəfə məğlub edir. üçüncü dəfə şah ismayıl onun qız olduğunu üzə çıxarır, hansı ki 2 gecə öncədən təsadüfi şəkildə öyrənmişdi bunu. sonra sevgili olurlar. hətta ərəb zəngi ismayıla əsl sevgilisini təkrar qazanmaq üçün olan mübarizədə kömək edir. əvvəllər yaman qəribə dastanlar olub eee deyirəm, nə isə bu başqa bir başlığın mövzusudu..
üzərində o dayanılmaz hissi, məsuliyyət hissini tam mənada hiss etdiyin andan etibarən başlayır. o məsuliyyət ki, dərs oxumaq, imtahan, nə bilim belə boş şeylər yox, həqiqi məsuliyyət. hansı ki, üzərinə düşəni etməsən, çox böyük bir problem yaşana bilər yaxud kiminsə həyatını məhv edə bilərsən.
böyümək çox ağır məsuliyyətləri daşımaqdır.. və bir gün istər istəməz qarşılaşacaqsan onunla.
bir söz var, deyir həyatda əsl yalnızlıq o demək deyil ki təksən, o deməkdir ki ətrafında heç kim səni başa düşmür.
yalnız qalmaqdan qorxmayın. amma çalışın ki yalnız da qalmayasız. mütləq axtarın, sizi başa düşəcək dostlar, insanlar tapın. həyatının 30 ilini bayquş kimi keçirmiş birindən tövsiyədi.
eyni ad gününü paylaşdığımıza görə qürur duyduğum adam, dahi. one flew over the cuckoo's nest filmi əfsanələr əfsanəsidir.
--spoiler--
frances mcdormand'ın ən yaxşı qadın aktrisa oskarını almasını təmin edəcək filmdir. çox gözəl bir film idi. həyatda yaşayan insanlardı sanki obrazları. mildred mənə öz anamı xatırlatdı. onun kimi sərt bir insandı, zaman zaman olub ki, o da mildred kimi mənə qışqırıb get filan filan şeylər başına gəlsin, təbii bu o demək deyildi ki onu ürəkdən arzulayır. bu səbəbdən qızının arxasınca qışqırdığı səhnəni biraz mənasız hesab etdim. guya demək istəyirdilər ki o da müqəddəs ana deyil, amma o sadəcə hirsləndiyi üçün elə demişdi.
dixon kimi insanlar azərbaycanımızda o qədərdir ki. yetərsiz, həyatdan narazı, işindən başqa heç bir dayanacaq nöqtəsi olmayan, yetərsizliyini digərlərini əzmək ilə kompensasiya etməyə çalışan bir polis. amma axırda içindəki yaxşı insanı kəşf etdi.
canımı sıxdı film, ona görə yox ki qatil tapılmadı, ona görə ki, bir daha anladım, məqsədlərin uğrunda mübarizə aparmaq bəzən həddən artıq çətin olur, bütün tanıdıqların qınayır səni, psixoloji basqı qururlar üstündə, ağlına belə gəlməyəcək çətinliklər görürsən. burada da ən vacib məqam çox möhkəm olmaqdır. dünya belə qarşında dursa vaz keçmə. ölüm qədər çətin olsa da. mildredi buna görə də çox sevdim.
ən yaxşı film oskarını məncə almayacaq amma mildred obrazına mütləq oskar düşür.
--spoiler--
bu sifarişi verən: alter ego
elçi - nə isə istəməyə göndərilən, yaxud iki nəfər arasında hansısa bir xəbəri, məlumatı çatdırmaq üçün yollanan şəxs mənasında işlənir.
elçiliyin günümüzdəki mənası isə qız istəmək mərasimidir. oğlan valideynlərini, yaxın qohumları götürüb qızın evinə gedir, qızı oğlana istəyirlər böyüklər. qızın atası razı olsa şirin çay içirlər. çox düşük və axmaq bir adətdir və yavaş-yavaş unudulub getməyə məhkumdur.
bu sifarişi verən: didier nisma
hər bir musiqi aləti üçün çox sayda ifaçının olması və tonların müxtəlifliyi ilə tanınan orkestra üçün yazılmış sonataya deyilir. bu termin ilk dəfə 16- cı əsrdə italyanlar tərəfindən çalğıçı qruplarını ifadə etmək üçün istifadə edilmişdir. 17-ci əsrdə simfoniya termini bugünkü mənasını almağa başladı. almaniyanın mannheim şəhərində ilk nümunələri yaranmışdır. rebel, richter, cannabich, johann sebastian bach'ın oğlanları, haydn kimi bəstəkarlar ilk simfoniyaları yaratmışlar.
pik nümunələri mənim fikrimcə beethoven simfoniyalarıdır. 9-cu simfoniya əfsanədir, şəxsi düşüncəm isə 5-ci və 2-ci simfoniyalardır ən yaxşıları.
haydn, motsart kimi bəstəkarların simfoniyaları 4 hissədən ibarət olub:
1. allegro, 2. andante (adagio) , 3. menuet və trio, 4. finale.
bu sifarişi verən: fövqəl insan
yeddi muğam dəstgahımızdan dördüncüsüdür. farsca çahar - dörd, gah- yer deməkdir. major laddadır, yəni ağlamalınski deyil, güc, qəhrəmanlıq, etiraz motivləri daşıyır.
deyəsən tək mənim bacardığım şey. biri xaric bütün köhnə sevgililərim indi dostlarımdır. hətta ən yaxın dostlarım. o qədər şey paylaşdığınız, bir biriniz haqqında o qədər şey bildiyiniz, yaxından tanıdığınız insanlar ilə birdən -birə əlaqəni kəsməyi mən mənasız görürəm.
keçən il biri ilə yaşadığım ölkədə görüşdük məsələn, təzə sevgilim də yanımda idi, tanış oldular, əla bir gün keçirdik. apreldə bir digəri ilə görüşəcəyik. keçən keçib artıq, hər iki tərəf olanlarla barışıb və münasibətləri dostluq şəklində davam etdirir. ki, məncə olması lazım olan da budur..
(baxma: kirlikedi)
(baxma: depeyi)
(baxma: mies)
(baxma: femme noir)
(baxma: romica)
(baxma: jun misugi) ən sevdiyim.
uzun zamandır ki bu barədə fikirləşirəm. bəzən fərqində olmuruq bu sonların. belə sonlar olduqca qorxudur məni. təsəvvür et, bir dostunla mesajlaşırsan, amma bilmirsən ki bu həyatdakı son mesajındı ona. hansısa sevdiyin bir kafedə oturursan amma bilmirsən sonuncu dəfədi burdasan. hətta hər səhər evdən çıxıb gedirsən işə, ağlına gəlmir ki bu son gedişin ola bilər, bir daha qayıtmayacaqsan. bu yaşadığın son gündür. bu yeməyi bir daha heç vaxt yeməyəcəksən. misalları uzatdıqca uzatmaq olar...
fikirləşirəm ki əgər bu sonları qabaqcadan bilsəm nə edərdim?
deyəsən ağır depressiyadayam.
yazının davamı olacaq.
həsrət..
Son bəyənilənlər
