alopecia areata

əvvəlcə tərifini verim: əsasən saçın və saqqalın tökülməsi nəticəsində başda və üzdə yaranan dairəvi (təxminən "5 qəpik" dəmir pul ölçüsündə) boşluqlar. hardasa 1 ildən çox olar ki, saqqalımda bu azarın özünü biruzə verməsi ilə bəlaya düçar olmuşam. əvvəlcə kiçik bir yerdə, çənəmin altında idi, çox da fikir vermirdim. amma sonralar yayılmağa başladığını görüncə daha depressiv vəziyyətlərə girməyə başladım. bu anormallıq barədə oxumadığım məqalə, öyrənmədiyim məlumat, müalicə üsulları qalmadı. onu deyim ki, yəqin başına gələn sözlük yazarları da bilər, bunun əsas yaranma səbəbi stress və əsəbdir. bəzən genetik olduğu da vurğulanır amma bu elə də çox yayğın səbəb deyil. sadaladığım səbəblərdən, məndə də başlamağına səbəb stress və əsəb olub. ümumiyyətlə əsəbi adam olmasam da, daha doğrusu əsəbləşsəm də bunu bayıra biruzə verməsəm də bu alopecia zatürrəsi alıb başını gedəndə daha çox stress vəziyyətinə düşdüm. xəstəlik haqqında oxuduğum bir çox məqalədə deyilir ki, bunun 100% qarşısını alan, yəni tökülən tüklərin yerinə gələcəyinə zəmanət verən bir müalicə üsulu yoxdur. ola bilər ki, bir müddətdən sonra (bu müddət 3 ay, 5 ay, 10 ay, 1 il və daha da çox olur) tüklər öz-özünə bərpa olsun. lakin, ən geniş yayılmış müalicə üsulu hazırda istifadə olunan kortizon iynələridir. iynə tük tökülən yerə vurulduqdan sonra təsirini göstərməsi üçün 1 ay gözlənilir. təcrübəyə görə boşluq olan yerdə nazik rəngsiz tüklər çıxmalıdır. bu baş verməsə 2-ci ayda yenidən bu iynədən boşluq olan yerə vurulur. ta ki, öz təsirini göstərənə qədər. təsir özünü göstərəndən sonra bü tüklərin saqqalın rəngini aldığı deyilir ki, hələ də bunu görməmişəm. digər müalicə üsulu da hamının bildiyi ənənəvi olanı, çoxunuz eşitmiş olarsız, həmin yerlərə sarımsaq sürtməkdir. mən bir neçə dəfə bunu təcrübədən keçirsəm də çox davam edə bilmədim. çünki bunun işi var, bayırı var, orası var burası var. ən çox nə qədər sarımsaq iyi verə verə gəzə bilərsən ki? amma bir neçə aydır, çənəmin hər iki alt tərəfindəki həmin boşluqlara normal saqqaldakı kimi sıx olmasa da rəngsiz xeyli tük çıxıb. amma həm rəngsizliyinə görə həm də azlığına görə üzə bir az tük çıxan kimi gərək normal saqqaldan fərqlənir və həmin yer boş görsənir. bu da adamı (yaşayanlar bilər) həvəsdən salır, qəribə ruhi vəziyyətə atır. məcbur olursan ki, 2 gündən bir üzünü təraş eləməyə ki, bu da vərdiş etməyənlər üçün ayrı bir dərddi. qısası bu da bir bəladır ey əhali. bunu yazmaqda məqsədim, əgər aranızda bunu yaşayanlar varsa və bilmədiyimiz hər hansı müalicə üsulu ilə tam nəticə alanlar varsa buyursun faydalı təcrübəsini bölüşsünlər.

17 yaşında 1 milyon manat ələ keçirən oğlan

bu linkdəki xəbərə tema olan gədədir. adam deyərlər, ay vələdizna, o qədər pulu üfürmüsən bir qaçış planı da hazırlayardın da. Harava soxacaqdın yoxsa o qədər pulu. Amma hələ təcrübəsizdi deyib keçək. yatıb çıxandan sonra daha böyük soyğunlar eləyəcəyi dəqiqdi. Hələlik zərərçəkənlər siyahısına baxaq. Bir məni soymayıb. Hərif bütün respublikanı soyub demək olar.
işin digər maraqlı tərəfi də bizim camaat funt-sterlinqi nə qayırır, rəis? çoxunun evindən funt-sterlinq çıxıb. Britaniyanın dominionluğuna girmişiksə deyin bilək. Amma bu qədər adamın evində funt-sterlinq olması da maraqlıdı.