trilogiya filmlər

rejissor pier paolo pasolini
(baxma: trilogy of life):
(bax: decameron)

dogma 95

dogma 95 üslubunda çəkilən filmlər:
(baxma: the celebration)
(bax: the idiots)

trilogiya filmlər

buna həmçinin üçləmə də deyilir.
lars von trierin trilogiyaları
(bax: europa trilogy)

depression trilogy

danimarkalı rejissor lars von trierin hələ ki sonuncu trilogiyası. trierdən hələlik yalnız bu trilogiyanı izləmişəm. o birilərə sıra çatmayıb.
mənə görə ümumilikdə trilogiyanın özü çox intellektualdı. ola bilər ki, bəzi temalarını tarkovskidən və s. götürmüş olsun, amma yenə də intellektuallığını itirmir. üçləmənin sonuncu filmi nymphomaniacda trierin sözün həm yaxşı, həm də pis mənasında necə gijdıllağ olduğunu görürük.
dəyərli trilogiyadı, izlmək lazımdı. simvolikasını da bilmək lazımdı.

trilogiyaya daxil olan filmlər:
(bax: antichrist) - 2009
(bax: melancholia) - 2011
(bax: nymphomaniac) - 2013

dogma 95

thomas vinterberg və lars von trier başda olmaqla danimarkada yaranmış avandarq kino üslubu. dogma 95in * və ya dogme 95 yaradılmasında əsas məqsəd kinonu bir incəsənət kimi digərlərindən ayırmaq, post-production mərhələsində (yəni çəkilişdən sonrakı mərhələ) hər hansı xüsusi effektdən qəti şəkildə imtina etmək idi. məqsəd gözəldi əslində; kinonun özünə xüsusi bir incəsənət kimi baxılırdı. rejissorlar yalnız ssenariyə və aktyor oyununa diqqət etməlidir. trier və vinterberg 45 dəqiqəyə oturub "təmizlik andı"nı * "vow of chastity" və dogma 95in 10 qaydasını yazdılar:

1. film tamamilə studiyadan qaçır. set studiyada qurulmamalıdır (əgər ssenari xüsusi qurğular tələb edirsə, yenə də set studiyada yox, filmin çəkiləcəyi yerdə quraşdırılmalıdır);
2. çəkilişdən əvvəl və ya sonra səs qeydə alınmamalıdır * ruscası zapisdı . səhnə daxilində çalınmadıqca musiqi verilməməlidir;
3. kamera əldə tutulmalıdır. hər hansı hərəkət və ya hərəkətsizlik sərbəstdir. (film kameranın olduğu yerdə olmamalıdır, kamera filmin olduğu yerdə olmalıdır);
4. film rəngli çəkilməlidir. xüsusi işıq effektləri qəbulolunmazdır. (əgər kameraya çox az miqdarda işıq lazımdırsa, ya həmin səhnə kəsilir, ya da kameranın üstünə bağlamaq şərtilə bir lampalı işığa icazə verilir);
5. optik fəndlər və filterlər qadağandır;
6. filmdə gözəgəlimli səhnələr yolverilməzdir. (öldürmə, silah və s. olmamalıdır);
7. zaman və məkanı yadlaşdırmaq qadağandır. (yəni, film burda və indi olmalıdır);
8. janr filmləri qəbulolunmazdır;
9. film 35 mm lentə çəkilməlidir;
10. titrlərdə rejissorun adı göstərilməməlidir.

melancholia

dogma 95 qaydalarına həm riayət edən, həm də pozan bir lars von trier filmi. rejissorun depression trilogynin 2ci filmidi. hər şeydən əvvəl kirsten dunsta vurulduğumu utanmadan, çəkinmədən demək istiyirəm. sonra isə richard wagnerin tristan und isolde operasına vuruldum.
2 dəfə baxmışam. birinci dəfə sırf hiss eləmişəm. yəni "ay burda bunun mənası nədi? atlar niyə körpünü keçmir? atın adı niyə ibrahimdi? yoxsa bu ibrahim peyğəmbərə işarədi?" filan kimi şeyləri düşünmədən, sırf musiqiyə, görüntünün axıcılığına, aktyor oyununa fikir vermişəm. onda doğrudan da depressiv hiss aşılamışdı. adamın içində qəribə, səbəbini bilmədiyi bir üzüntü yaranır.
2ci dəfə isə artıq hisslər ölmüşdü və ölülər geri qayıtmır deyib trierin intellektuallığına heyran qalmağa başladım. rəsm əsərləri, klassik musiqi, 18 deşiyi olan golf meydançasında 19cunun bayrağı filan... gözəldi, hamısı gözəldi -*
deyilənə görə andrey tarkovskinin offret filmi ilə oxşarlığı var. offretə baxmadığıma görə mən də bunu arxayınlıqla deyə bilmərəm, çox da ki kritiklər bunu deyir. amma açığı trierin bu dəfə də tarkovskiyə salam göndərməsi mənə normal və inandırıcı gəlir

üç maymun

2008 istehsallı bir nuri bilge ceylan filmi. bu filmdə ceylanın həmişə müraciət etdiyi anton çexovdan əsər-əlamət yoxdur. ilk filmidir ki, daha populyar kontingentlə işləyir. bundan əvvəlki filmlərində həvəskar aktyorlarla, hətta anası və atası, arvadı ilə işləyib.
filmin bel sümüyü həqiqətin gizlədilməsidir. bu, zatən adından da bəlli olur.
düzdü musiqisizdi amma qatarın, şəhərin, havanın səsi xoş gəlir adama
bir review oxumağı məsləhət görərdim
http://www.cinerituel.com/2014/05/aileden-topluma-uc-maymun.html

yeraltı

zeki demirkubuzun son filmi. təxmini hesablamalarıma görə ya bu, ya da gələn il növbəti filmini çəkməyə başlayacaq -*
film fyodor mixayloviç dostoyevskinin yeraltından qeydlər kitabındadır, onu anladıq. amma dostoyevski deməmişdi ki, get nuri bilge ceylana söz sox. üç maymun üstündə başlayan davaları səbəbilə zeki bu filmdə nurini cevat rolunda görür. cevatın mükafat almış əsərinin adı ankara sıkıntısıdır. nurinin filmlərindən biri isə mayıs sıkıntısıdır. film keçmiş dostların - muharrem və cevatın (oxu: nuri və zekinin) əvvəlki dostluqlarına cevatın (oxu: nurinin) başqalarının fikirlərini oğrulayaraq ankara sıkıntısı (oxu: üç maymun) adlı kitab yazması (oxu: film çəkməsi) və bunun mükafat alması, cevatın isə bundan fərəhlənməsindən, muharremin yalnızlığından bəhs edir.
film boyu gözə çarpan kartof məncə insanın həmişə yanında olan ağrı-acıları və müsbət əhval ruhiyyəni simvolizə edir. dəqiq deyə bilmərəm.
bu arada zekinin ernesto che guevaranın guerrillero heroico portretindən subliminal mesaj kimi istifadə etməsi nəzərimdən qaçmayıb -*

franz kafka

avstriya-macarıstan imperatorluğunda 1883cü ildə yahudi ailəsində anadan olub. hüquq fakültəsində oxuyub. ölərkən dostu max brod'a dönə-dönə tapşırır ki, əsərlərini yandırsın, çap etdirməsin. elə bundan qaza gələn max da yayır əsərlərini. yaxşı ki də qulaq asmır.
uşaqlıqdan bəri kafkanın atası ilə problemləri var. sonra bu problemlər böyüyərək onun psixologiyasının pozulmasına gətirib çıxarır. intim həyatında da psixosomatik problemləri vardı.
türkiyəyə gedən uzaq qohumdan xahiş eləmişdim ki, mənə kafkanın bir neçə kitabını alsın. gətirmişdi sağolsun. neçə vaxtdı ki kafkadan heç nə oxumuram. yaxşı oldu elə bu başlığı görməyim, gərək oxuyum