işe yarar bir şey

2017-ci ildə yayımlanan pelin əsmər filmi. film məzuniyyətlərinin 25 illiyini qeyd etməyə gedən leylanın (başak köklükaya) tibb bacılığı oxuyan və iş görüşməsinə getmək üçün yola çıxan cananın (öykü karayel) həyatlarının qatar gözləyən zaman kəsişməsilə başlayır. canan əslində tibbə həvəsi olmayan əvəzində aktrisa olmaq istəyən biridir . o biri tərəfdə isə vəkil olan leyladır. hansı ki demək olar elədiyi işi sırf maddiyyat üçün edir.ürəyi isə şeirdə və rəsm çəkməkdədir. leyla demək olar həyatdan tam olaraq nə istədiyini bilməyən adamdır. yavuz ondan sabah nə edəcəksən deyə sual verir o isə cavabında sabah nə edəcəyimi bilmirəm deyir. bu iki fərqli insanı birləşdirən isə yavuz ( yiğit özşener) personajıdır. belə ki yavuz 45 yaşlı iflic xəstəsidir. 6 il əvvəl keçirdiyi qəza zamanı bu hala düşüb. bir tərəfdən həyatı sevsə də o biri tərəfdən ölmək istəyir. bu ölümü də filmdə ancaq adı çəkilən hüseyn adlı dostundan istəyir. səbəb isə boynundan aşağı hissələri işlədə bilmir. hüseyn də cananın praktika aldığı xəstəxanada həkimdir. yavuz dəfələrlə dostundan onu öldürməsini xahiş edir hüseyn buna cəhd etmək də istəyir amma əli gəlmir öldürməyə. bu öldürmə işi də cananın üstünə düşür. canan da yavuza ürəyini get-gedə yavaşladıb öldürəcək iynəni vurmaq üçün leyla ilə yavuzun evinə yollanır. bütün gününü pəncərədən çölü seyr edərək(rear window a.hitchcock təsiri varmış kimi gəldi) keçirən yavuz eyni zamanda ədəbiyyata bağlı insandır. leylanın şeirlərini, kortazarı (bir sarı çiçək) oxumağı sevir. bir səhnədə turizm şirkətindən yavuza səyahət etmək üçün zəng olunur. yavuz zəng vuranla iflic xəstəsi kimi yox səyahətə gedəcək şəxs kimi danışır. deyirsən ki ölmək istəyən yavuz deyil elə bil. yavuzun öz evində violonçel dərsi deyən qonşusu var. demək olar violonçeldən gələn səslər filmin ahəngi ilə tam uyğundur. sona doğru canan yavuza vuracağı iynəni hazırlamasını,yavuzun son dəfə özünə güzgüdə baxması (necə qəribə olar öldüyünü bilirsən və son dəfə özünə güzgüdə baxırsan ) sonda isə görməsək də artıq ona iynəni vurduğunu anlamaq olur lap axırda canan soyuqqanlı davranışı ilə yaddaq qalır. filmin müddəti bir saat 40 dəqiqədir. hadisələr demək olar iki yerdə cərəyan edir. biri qatar vaqonunda və yavuzun evində. qatarın keçdiyi yerlərdə yaşayan insanların kəsişən həyatlarını leylanın gözləri ilə görürük. filmdə dialoqlara çox yer ver verilib. 100 dəqiqənin necə gəlib bitdiyini heç hiss edə bilmirsiniz. xulio kortazarın boksçu olduğunu yavuzdan eşitdim. o kortazarın hər kitabında insanı təəcübləndirdiyini sağ göstərib soldan vurduğunu deməklə boksçu olduğuna işarət edir. canandan necə kitabları oxuduğunu soruşanda daha aydın kitablar oxuduğunu qaranlıq hekayələrın onum maraq dairəsindən uzaq olduğunu çünki hər gün ölümü gördüyündən oxumağa gərək olmadığını deyir. filmin adı bəlkə həyatda hər insanın məqsədinin bir işə yaramaq olduğudur. baxıb bitirdikdən sonra əvvələ verib yenidən izləmək istəyirsən o qədər adam ayrılmaq istəmir

andriesh

1954-cü ildə s.paracanov tərəfindən ekranlaşdırlmış macəra və fantastika janrında sovet filmi. bu ekran əsəri paracanovun kinoda ilk işidir. film moldov yazıçısı Emilian Bucovun kitabı əsasında çəkilib. filmdə andreyş adlı gənc çobanın öz iti və yaşadığı kənd üçün vacib olan qoyun sürülərini otlağa gətirməsi və burada sehrli tütəyi ilə tanınan voynovan adlı başqa bir çobanla tanış olması ilə başlayır. xeyir qüvvələrlə şər qüvvə olan qara fırtına adlı ovsunçunun mübarizəsi əks olunmuşdur. qara fırtına onların ərazilərini yandıraraq viran qoyur sonra isə voynovanın sevgilisi olan leynanı qaçırır. balaca andreyş də bu mübarizədə sehrli tütəyi ilə şər qüvvəyə qalib gəlməyə çalışır. ovsunçu çobanları və leynanı qalasında daşa çevirsə də sonda tütəyin melodiyası ilə yenidən həyata qaytarılırlar. qara fırtına isə məğlub olur. yaşadığı qala da başına uçurdulur. 5 il sonra çəkilən azərbaycan filminin istehsalı olan bir qalanın sirri andreyş ilə hadisələrin gedişatına görə demək olar ki eynidir. filmdə voynovan rolunu nodar şaşıqoğlu canlandırıb

cookie monster experiment

Berkli Kaliforniya Universitetinin psixoloqu dacher keltner tərəfindən həyata keçirilən təcrübə. mahiyyəti adını yazdığım professor saxta iş elanı verərək üç şəxsi laboratoriyaya dəvət edərək onlar arasında eksperiment edib. bu üç namizədi eyni masa ətrafına otuzduraraq onlardan birini lider olaraq seçərək üçünə də fərqli-fərqli tapşırıqlar verib. təcrübənin əsas məqamı isə heç də verdiyi tapşırıqlar deyil. oturduqları masaya 5 ədəd peçenye qabını qoyduqdan sonra əsas məsələ gəlir. üç nəfər hərəsi bir peçenye yedikdən sonra boşqabda ikisi qalıb. heç kəs özünü qabda qalan son peçenyeni yemiş kimi göstərmək istəmir. burada vacib olan dördüncünü kimin yeməsidir. həmin peçenyeni yeyən artıq qalan ikisindən artıq yemiş sayılır. eksperimentin vacib bölümü elə bundadır ki üzərlərində təcrübə etdikləri bütün qruplarda məhz dördüncü peçenyeni qrupun lideri yemişdir. heç bir xüsusi istedadı olmayan bir nəfər sırf qrup lideri olduğu üçün bunu edir. bunu onların payı və ya haqqı olaraq anlayıb yeyirmişlər. daha bir diqqət çəkən isə hər qrupda liderdən əlavə iki nəfər peçenyeni yavaş-yavaş , astaca yedikləri halda liderlər isə sürətli , yeyərkən də ağızlarından səs çıxarda-çıxarda bu işi görürmüşlər. edilmiş təcrübdən belə qənaətə gəlinib ki qruplarda digərlərindən dominant olan və gücün onda olduğunu sanan şəxslər artıq peçenye yemək və bunu özü də ağızlardan səs çıxartmaqla etməyi onların haqqı olduğunu düşünmüşdülər. bunu istənilən yerdə və mövqedə görə bilərik. güc sahibi insanlar özlərini digərlərindən bir qat yüksəkdə olduqlarına inanırlar. heç bir xüsusi bacarıqları olmasa belə. təcrübəni həyata keçirən şəxs və eksperiment barədə danışığı

(youtube: )

bruno dumont

1958-ci ildə doğulmuş fransız ssenarist və rejissor. kinonun filosofu da adlana biləcək şəxsdir. ilk filmlərində daha çox şiddətə və seksual provokasiya açıq görünür . isanın həyatı , insanlıq filmlərini misal göstərmək olar. sayca ikinci filmi olan humanite kann festivalında grand prixə . baş qəhrəmanlar isə ən yaxşı aktyor və aktrisa nominasiyasına layiq görülüblər . həmin festivalda daha bir nailiyyəti isə Flanders filmi ilə olub. sözü gedən film 2006-cı ildə grand prixə layiq görülüb. 2009 -cu ildə çəkdiyi və mübahisəli filmi olan Hadewijch isə toronto film festivalından beynəlxalq kino tənqidçilərinin firpesci mükafatına sahib olub. dumontun ümumilikdə 6 filmi kannda yarışıb və onlardan 4ü (ikisi grand prix) digər ikisi isə müxtəlif nominasiyalarda qalib olub. rejissorun 7 filminə baxmışam. sıralama etsəm birinci yeri mübahisəli Hadewijch-ə verərəm. digərlərini isə sıralasam humanity , Twentynine Palms , la vie de jesus ardıcıllıq bu şəkildə olar. filmləri mütləq izlənəsidir.

sahale

fransız etnik , oriental elektronik musiqi ilə məşğul olan dj. sahale sözü şimali amerikadakı dağın adından gəlir mənası buludlarda deməkdir. həqiqətən də musiqilərə qulaq asan zaman özünüzü göylərdə uçmuş və buludlara toxunmuş olaraq görürsünüz. dj-in musiqilərini buradan dinləmək olar . favoritim isə budur:

(youtube: )