dandelion

62 0 0 0

7. nəsil yazar

Entry: 62

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

tualetdəki hörümçəyi narahatçılıq verərək qovmağa çalışmaq

+19 əjdaha

Haradasa, dörd həftə olacaq ki, evin hamam-tualetində (ikisi birlikdədir) bir hörümçək var. Bəyaz sabun qabının altındadır, qara ayaqları var və ortasındakı yumru 1sm filandır. Aylardır hörümçək görmədiyimdən bədənimdə qıcıqlanmalara, qaşınmalara səbəb oldu əvvəlcə. istədim qardaşımı çağıram ki, gəlsin onu öldürsün. Çünki özüm etməyə iyrənirəm. Amma izlədiyim etik gedişatı pozmamaq qərarına gəlib demədim. Özümün etməyə əlim gəlmirsə başqasına
da öldürtürməməliyəm, həm də qorxularımın üstünə getmək xətrinə orada qalmağına göz yumdum (həqiqətən yox lmao hamama gizli kamera quraşdırıb yatağımdan da izləmək istəyirəm inşallah yaxında). Ancaq deyəsən o mənim üstümə gəlmək istəyir, bir-iki həftə əvvəl çiməndə başımı sabunlayarkən sabun gəldiyi üçün gözlərimi bir neçə saniyə yummaq məcburiyyətində qaldım və gördüm ki, elə bil yerindən tərpənib. Əlbəttə, heç xoş deyildi. Gözlərimi açanda orada olmaya biləcəyi fikri xoşuma gəlməmişdi. Hörümçəklə emosianal bir əlaqə qurmaq üzrəyəm kimi görünsə də, bu vəziyyətə çox əsəbiləşib, duş başlığını əlimə aldım və üstünə tutdum. Lakin yazıq hörümçək... Qıvrıldı, yerə düşdü, özünü su axıntısından kənara çəkməyə çabaladı. Sabun qabının altında bir həyatı olduğunu zad düşündüm, yaşamağa çabalaması da çox təsirli idi. Qoydum özünü sudan kənara çəksin. Birtəhər yenidən divara dırmaşdı, getdi, girdi yenidən köhnə sabun qabının altına. (Bu da haradasa on dəqiqə zad aldı.) Daha əl dəyməyə ürəyim gəlmədi. Amma artıq hər hamama girəndə ona narahatçılıq verməyə başlamışam ki, özü getsin. Üstünə su sıçradıram, uzaqdan durub dəftər yelləyirəm üstünə, duş başlığını açıb yenidən sarsıdıcı bir near death experience yaşadıram, bayaq flash işığı ilə fotosunu çəkdim (vecinə olmadı məncə işığa həssasiyyəti yoxdur.), o gün hamamda full səs ilə "Tous les garcons et les filles" dinlətdirmişəm, bayaq içərisinə su doldurduğum pinqvin klyoka iynə batırıb, o kiçik deşikdən kəskin incə su atəşinə tutmuşdum. Yaxında gəldiyi yoldan gedəcəyinə ümid edirəm.
Onda tualetin hörümçəklilik vəziyətini update edəcəm.

18 əjdaha! 16.05.2019 21:02, dandelion

#286684 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

jonbenet ramsey

+5 əjdaha

1996-cı ildə yeni il gecəsi öz evində başına sərt bir cisim vurularaq, boğularaq öldürülən uşaq gözəllik kraliçasıdır. 23 ildir qatili tapılmamışdır. Cinayəti üstünə götürən pedofil isə qızı tanıma ehtimalı belə olmayan, heç bir sübutla uyuşmayan birisidir. Atası, anası və qardaşı da daxil olmaqla bütün ailə tərəfindən öldürüldüyünə dair fikirlər həmişə var olub və ehtimallar arasında ən məntiqli olanlardan biri kimi görünür. Zəngin olduqlarından ədalət sisteminin çarxına bir şəkildə o qızıl çubuğu soxmağı bacarmış olduqlarına inanıram mən də. Uşağın paltarlarının kənarından dərisində görünən izlər də heç kömək etmir ailənin məsumluğunu fikirləşməyimizə.
Bu yazıq, kiçik məstana o altı ilciyini qadın kimi geyindirməkləri, podyumlara çıxarmaqlarıyla heç normal bir uşaq kimi belə yaşatmayıblar, sonra da amansızca öldürüblər. Düzgün tarixlər üçün adını google-lamalı olanda kənarda fotoları da çıxdı və özüm ölüm deyirəm, məni bu uşağın fotoları qədər qorxudan heç nə yoxdur. Avtomatik notbukun önündə uzanmağı kəsib, otağa filan boylandım. Heç bilmirəm, niyə belə təsir edir, nəticədə birdən otağımda peyda ola biləcək cin/şeytan deyil. Bir də indi o cəsarət tələb edən axtarışa girə bilməyəcəyim üçün qoya bilməyəcəyim foto var idi (çünki Jonbenet haqqında üç il əvvəl oxumuşdum, iki gün heç durmadan bir niyə, bir səbəb araşdırmışdım internetdə, autopsy qeydləri və fotolarına qədər axtarmışdım) ki, ağlımdakı halıyla belə sarsıdıcıdır, gördüyüm ən kədərli şeylərdən biri ola bilər. Digər şeylərə nisbətdə elə bir şey də yox idi əslində, sadəcə cinayət yerində çəkilmiş əlinin fotosuydu. Kiçik bir qəlb çəkmişdi balaca ovucuna, o qədər adamı yumruq kimi vuran bir detaldır ki, onun kimi başqa bir şey görməmişdim mən. Ölməzdən əvvəl nələr yaşadığını sadəcə özünün bilməyi nə dəhşətlidir, qatilinin insanlar arasında fırlanmağa davam etməsi, gözəl üzünün gülməyəcək olmağı, o qədər ağrı çəkmiş olmağı, uşaqların kobud, qara ayaqqabılarımızın altında həşəratlar kimi əzilməsi, bu qədər çox ölməkləri nə bərbaddır.

4 əjdaha! 03.02.2019 08:18, dandelion

#282895 şikayət

avropada yaşayan azərbaycanlı qızlar

+5 əjdaha

~ avropada yaşayan bir qız hər hansısa bir səbəbdən ya da sadəcə kefi istəmədiyindən həmyerlisiylə tanış olmaq istəməmişdir ~
həmyerli : ~ sözlüyə girər ~ avropada yaşayan azərbaycanlı qızların özünü yersiz yuxarıdan aparma xasiyyətlərini qoruyub saxlaması

5 əjdaha! 29.11.2018 03:52, dandelion

#280025 şikayət

mehman hüseynov

+7 əjdaha

Fanatik, ütopik, səfehlikdən başqa bir şey olmayan davranışlar sərgiləməyini başa düşə bilmədiyim siyasi aktivist, fotoqrafdır. Bu millətə ümid bəslədiyinin hiss olunduğu sözlərini oxuyanda elə yazığım gəlir ki, deyirəm bundansa, gərək YAP-çı gənclərdən olaydı. indi qanmıram, həqiqətən inanır nələrsə olacağına yoxsa həbsdə keçirdiyi vaxt ruhi sağlamlığını əlindən alıb? Hətta ölümünün belə nəyisə dəyişdirə biləcəyini fikirləşir? Bu əhali nələrə-nələrə göz yumub, nə dəyərli insanların həbsini, ölümünü həzm edib. indi bu oğlan uşağımı bizim haqsızlıqları, ədalətsizlikləri udmaqla harınlatdığımız qursağımıza ilişəcək? Haqqının əlindən alınmağına işıq tutduğu insanlar, su/yol problemlərini dilləndirdiyi, göstərdiyi vətəndaşlar, hamısı onu unudub, unutmasalar da heç birinin əlindən bir şey gəlməz. Sadəcə Facebook feed-lərimizdə scroll down edib, keçdiyimiz, bir az əsəblərimiz pozuqdursa da, uzaq başı söyüşlü şərh yazdığımız bir gündəmdən başqa bir şey deyil ki. Yayılmışıq divanlarımıza ya da səhər oyanıb telefonlarımızı əlimizə almışıq ki, nə yenilik var deyə oxuyaq. Nə gözləyirik? Əlbəttə ki, ya artıq nələrsə yeməyə başladığını ya da öldüyünü oxumağı.
Qram dəymirik etdiyi şeylərə, axmaqlıqdan başqa adı yoxdur. Qanmırıq, həqiqətən anlamırıq. Ona görə də "özünü qızlara göstərməyə çalışdığı" , "qəhrəman olmaq həvəsiylə yanıb-tutuşduğunu" iddia edəcək qədər təəccüblüyük. Ağlımız özümüzə gedir normal olaraq. Özümüzə hər cür iyrənclik işlənib çünki. Bizdən bəhs eləyirəm. (Ümumiləşdirmə etməyimdən narahat olanlar özünü o az qismə aid eləsin, qozuma ki narahat olursunuz vətəninizi, millətinizi pisləməyimdən.) O bizlərin ki, yarısından da çoxu cahildir, qorxaqdır, vecsizdir, nankordur, hər şeydən də çox - pis insandır. Pis, vəssalam. insanlığımızı bu qədər itirməmiş olsaq, həmçinin yaxşı da ola biləcəyimizi deyərdim. Amma heç nə yoxdur. Hələ bir ölsün, əminəm, uzaq başı aksiyada beş-on axmaq fanatik ovlanacaq, meydan TV-si filan bir az hürəcək, elə bu. Ölməsə də ki, onu təzədən yaddaşımızın hörümçək toru basmış tərəflərinə tıxışdırıb, kim götünə hansı uzunluqda ətək geyinib, kim qulağına sırğa taxıb, kim saçını uzadıb, hansı məşhur hansı dekolteli paltar geyinib, hansı futbolçu/aktyor kimlə qalmaqala girib və ya sevişib kimi qlobal, dəyərli məsələlərlə məşğul olmağa davam edəcəyik. Bəs necə olmalıdır ki? Xalqdır da, belə sadə məişət mövzularıyla məşğul olacaq da bəs əlbəttə. Günlük mövzulardır onlarınkı. Uşaq evliliklərinə, cinayət, şiddət, təcavüz xəbərlərinə, heyvanların bələdiyyə tərəfindən qırılmasına zada fikir bildirəsi, onlardan bəhs edəsi halları yoxdur ha sfsdfd Gülməli gözləntiləri var insanların bu xalqdan, sadəcə onu başa düşə bilmirəm. Arada mən də qəzəblənə biləcəklərinə (təkce buna) ümid edirəm, amma belədir ki, ümidinizə soxsunlar lol, 80%-imiz leş qarğalarıdır bunun burasında, nə ümidi, nə qurtuluşu? Yenə də, təki siz deyən olsun, allah ağzınızdan eşitsin, nə deyirəm.

6 əjdaha! 06.01.2019 13:48, dandelion

#281234 şikayət

fəlsəfənin əsas sualları

+4 əjdaha

(bax: aşk kaç beden giyer)

3 əjdaha! 05.02.2019 01:47, dandelion

#283060 şikayət

the imposter

+4 əjdaha

Bir yerdən sonra, artıq heç də təəccüblü və maraqlı olmayan, adama qaş çatdıran bir hadisəni ekranlara daşımaqda olduğunu gördüyümüz sənədli filmdir. Mütləq izlənilməsini tövsiyə edərdim mən.

--spoiler--

Çox da düşünməyə ehtiyac yoxdur, Nicholas Barclay ailədəki biri tərəfindən öldürülmüşdür və bu digərləri tərəfindən ört-basdır edilmişdir. Uşağın başına orada nə gəldiyini, səbəbləri bilə bilmərik, ancaq əslində, heç özləri də bilmirlər. Çünki artıq ortada həqiqət yoxdur, öz yalanlarına daha da inamlı şəkildə bağlanan insanlar var, mümkündür baş verməsi və tamamilə ağılasığandır. Davranışları Frederic Bourdin kimi anti-sosial şəxsiyyət pozğunluğu olan, amma onlar qədər pis olmayan bir profesional fırıldaqçını belə narahat edib, şübhələndirib. Uşağın olsun, saç/dəri/göz rəngi 3 ildə dəyişilsin, bədən ölçüləri o qədər dəyişsin, boy atsın, sən də başa düşmə. Yaxşı. Mənə çox darıxdıqlarından Nicholas olduğuna inanmaq istəməkləri heç inandırıcı gəlmir.

--spoiler--

4 əjdaha! 03.02.2019 09:11, dandelion

#282898 şikayət

qadınların seksdən başqa işə yaradığı mövzular

+3 əjdaha

Sözlükdəki ən iyrənc başlıq olma ünvanını anında qapa biləcək başlıqdır. Uhm, soruşmaq ayıb olmasın, ən primitivindən: sizi doğmaq?

3 əjdaha! 19.01.2019 00:06, dandelion

#281993 şikayət

how to basic

+3 əjdaha

Sahibinin kimliyi doqquz ay əvvəl "açıqlanan", amma bilənlərin kanalın Cancer Crew-dan maxmoefoe-a aid olduğunu əvvəllərdən çox yaxşı bildiyi youtube kanalıdır. Ən son toxunuş detalıyla məni məndən alan iki epic videosu :

(youtube:

)

(youtube:

)

2 əjdaha! 10.01.2019 00:04, dandelion

#281459 şikayət

nyan cat

+2 əjdaha

10 saatlıq versiyasının 82 milyon izləndiyi, qalaktika boşluğunda arxasında göyqurşağı qoyaraq qaçan və belində mürəbbəli çörək dilimi olan fantastik bir pişikdir.

(youtube:

)

2 əjdaha! 15.01.2019 23:13, dandelion

#281801 şikayət

kritter klub

+2 əjdaha

Heyvanlar, canlılar haqqında çox maraqlı videolar hazırlayan YouTube kanalıdır.
https://www.youtube.com/channel/UC6zbH1Z4G32bBV9wyK6ikPA
iki ürək ağrıdan, amma izləməyin çox maraqlı olduğu videosu:

(youtube:

)

(youtube:

)

2 əjdaha! 21.03.2019 18:16, dandelion

#284538 şikayət

womb

+2 əjdaha

2010 Almaniya istehsalı, baş rolunda Eva Green-in yer aldığı bir drama/romantik/elmi-fantastika janrı filmidir. Üzərinə danışılması ən açıq görüşlü insanlar tərəfindən belə haqlı və bir mənalı şəkildə çirkinlik olduğu nəticəsiylə bitən əxlaqi bir movzuya qeyri-adi bir perspektivdən nəzər salır. Çox qəribədir ki, filmdə heç qan, şiddət, pis insanlar ya da əsasən qorxu ünsürü sayılan o şeylərdən heç biri yoxdur, (onsuz da drama xarici o iki janrı görsəm, izləməzdim, birdən Eva Green-in gül üzün görməyim gəldi deyə açıb, başladım.) amma izlədiyim ən sick filmlərdən biri ola bilər. Bir neçə səhnəsində yerimdə dik atıldım ki, xahiş edirəm, fikirləşdiyim şey olmasın. Gərginlikdə saxlayır və sonunun necə bitəcəyini düşünəndə sıralanan ehtimallar adamı narahat edir. Çünki əldə çox da elə bir variant yoxdur.

1 əjdaha! 29.01.2019 23:58, dandelion

#282617 şikayət

özgür turhan

+1 əjdaha

Kamusal Mizah-da videolar çəkən youtuber. Ən gülməkdən həlak edən videoları:

(youtube:

)

(youtube:

)

(youtube:

)

(youtube:

)

(youtube:

)

(youtube:

)

Həmişə gülməli olmur, amma olanda möhtəşəm olur. "Daha az komiğini yapsınlar yine gülerim" deyə nəsə yoxdur yəni, ahaha. Çox rahat, gönü qalın, peysərə atan bir tipi var. Eynilə mənə oxşayır. Mənim kişi variantım olduğundan bir daha əmin olmuşdum bu videoda :

(youtube:

)

48:40 kopya mən. Hər gün gördüyüm yadlara nəzakətən yalan deyirəm, amma öz seçdiyim yaxınlarıma elə edəmmirəm, ağlımda nə varsa üstlərinə qusuram yazıqların. Hə, əlbəttə mənim yumor hissim elə babat deyil, digər şeylərini özümə oxşatdım. Başdan ayağa stress ilə doludur, rahat, cool, zor, çox belə "olsun" deyər kimi oturub, amma böyük ehtimalla elə deyil deyə fikirləşirdim ki, ən böyük probleminin stress olduğunu deniz bağdaş da dedi. Allah canlarını sağ eləsin, zordurlar. Amma sevgi hamını çox cringy hallara soxur ya bu adam da həqiqi dialoqlarda yeriyən cringe aparatıdır deyəmi bilmirəm, çox səy bir şey var müsahibə uzunu, bilmirəm nədir.

1 əjdaha! 03.02.2019 05:10, dandelion

#282886 şikayət

the smiths

+1 əjdaha

Mahnı sözləri, musiqiləri, ifaları, üzvləri gözəllik, kədər və istedadla dolu-dolu olan indie rock qrupudur. Xeyli depressiv olduğu haqlarındakı şişirdilmiş, amma çox da yalan olmayan bir faktdır :

(youtube:

)

1 əjdaha! 10.01.2019 22:13, dandelion

#281502 şikayət

daayrı

+1 əjdaha

Az əvvəl bir entry-sini hələ yarısına gəlmədən əjdaha-ladığım, əsasən qəşəng, ağlı başında şeylər yazan 6-cı nəsil sözlük yazarıdır.

1 əjdaha! 12.01.2019 22:59, dandelion

#281633 şikayət

dünya xəritəsini bilməyən adam

+1 əjdaha

Çox yazıq adamlardırlar, ən yaxın zamanda xəritəni öyrənməkləri lazımdır.
Bunun bir yuxarı variantı da mənəm, deyəsən. Təxminən bilirəm ölkələrin yerlərini, bayraqlarını isə nadirən tanıyıram. Sadəcə böyük, əhəmiyyətli ölkələr və Azərbaycan ətrafı. Bir də qitələr. Dənizləri isə qarışdırıram. Çünki öyrənməyə, maraqlanmağa heç çalışmamışam. Məktəb vaxtı əzbərçiliklə 4 aldığım dərslərdən biriydi, sonra unuduldu. indi danq-danq edir başım. Bu tətil gedib kitabxanadan bir təməl sadə coğrafiya kitabı alıb, oxuyacam. Yaxşı yadıma düşdü bu.

0 əjdaha! 15.01.2019 01:19, dandelion

#281755 şikayət

paradoks

+1 əjdaha

Üzərində düşünüldükdə həllsiz bir nöqtəyə dirənən vəziyyətlərə deyilir. Ziddiyyət təşkil edən hallar haqqında da işlədilir. Əslində tam izahına baxıldıqda ona uymayan, amma bənzər olan bir çox halda istifadə edilir. Bayaq ağlımdan keçirdi ki, insanlar məni bəyənməyəndə özümü onların bunu bacaracağı şəkillərə salıram. Bəs onlar nəhayət ki, istədiyimi verəndə bəyəndikləri kimsə hələ də mənəm? Sonra da buna paradoks dedim, ancaq deyəsən, deyil axı. Belə bir cılız fəlsəfə, ucuz ədəbiyyat misalı kimi qaldı ancaq.

0 əjdaha! 21.03.2019 18:42, dandelion

#284540 şikayət

ölmədən edilməli olan şeylər

+2 əjdaha

Notebook-un qapağını tək əllə açmaq

2 əjdaha! 26.01.2019 03:15, dandelion

#282377 şikayət

Notice: Trying to access array offset on value of type null in /var/www/soz6/sonhefte.php on line 66

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

söyüş olmayan amma söyüşdən betər olan sözlər

+1 əjdaha

(baxma: axırda kiminsə başını yeyəcəksən)

1 əjdaha! 03.02.2019 06:46, dandelion

#282891 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

dandelion

son bəyənilənlər:

oxuyucuların bəyəndikləri: