Son yazılanlar
ilk ağılıma gələnlər:
1)yüz illik tənhalıq - markes
2)şahmat - stefan sveyq
3)yad - alber kamyu
4)don kixot - migel de servantes
5)cinayət və cəza - dostoyevski
6)borxesin hekayələr toplusu
7)kortazarın hekayələr toplusu
8)çexovun hekayələr toplusu
9)faust - höte (tam variantını oxumamışam)
"hasretinden prangalar eksittiim" şeiri ilə məşhur olan şair.
tağı əhmədov - azərbaycanın joze mourinyosu.
məşhur sual var ki,tənha adaya düşsəniz yanınıza hansı kitabı alardınız. mənim cavabım :"yüz illik tənhalıq" olar. rusca,türkcə və ən sonunda azərbaycan dilində oxuduğum kitab. rusca tərcüməsi mükəmmələ yaxındır.
"polkovnikə məktub yoxdur" əsəri də çox gözəldir. "gözlənilən bir qətlin tarixçəsi" , " patriarxın payızı" əsərlərini oxumuşam. hekayələri də yaxşıdır. ən xoşladığım hekayələri bunlardır : "izabel makondada yağışa baxır" , "baltasarın həyatında unudulmaz bir gün" , " dünyanın ən gözəl ölüsü"
"benim adım kırmızı" ,"qar" , "beyaz kale" əsərlərini oxumuşam. və çox gözəl yazır. maraqlı üslubu var,fərqlidir. beyaz kale əsəri ümumiyyətlə gözəldir.insanı qarışıqlıq içinə salır.
bir də "benim adım kırmızı" əsərində "ben,şeytan" hissəsini oxuyun.
amerikanpərəstliyi var,hər nədirsə,amma yaxşı yazır.
nobel mükafatı almış rus yazıçı.
ssri dövründə mühacirətdə olmuşdur.
"ivan denisovicin bir günü" əsərini oxumaq lazımdır. sibirə sürgün edilmiş bir insanın bir günündən bəhs edən bu əsəri oxuyarkən istər-istəməz adamın canına sibir soyuğu girir.hələ bu əsəri qış vaxtı oxumayın,üstünüzə iki dənə yorğan örtüb yatsanız da əsərin soyuqluğundan qurtula bilməyəcəksiz. sözün düzü mən belə hiss eləmişəm,bəlkə başqa biri oxusa başqa bir şey hiss edər.amma yenə də deyim ki,gözəl əsərdir.
"qulaq arxepelaqı" əsəri ilə məşhurdur soljenitsin.heyif ki o əsəri oxumamışam.
"martyonanın evi" adlı hekayəsi də gözəldir.o hekayə məşhur rejissor andrey tarkovskinin çox sevidiyi hekayələrdən biri olub
bir də qeyd edim ki,soljenitsinin bəzən faşist çıxışları olub,bəzən ondan ssri-yə qarşı istifadə də ediblər.hətta nobeli alması belə siyasi sifarişdir deyənlər var.bütün bunlara baxmayaraq pis yazıçı deyil. "ivan denisoviçin bir günü"nü oxumağı hər kəsə tövsiyyə edirəm.
nobel mükafatını alan ilk rus yazar.gözəl hekayələri var.hekayələri kədərli olur.sanki adam yalnızlığı əlifabsını yazıb.rusiyanı,rusiyanın təbiətini çox möhtəşəm təsvir edir.
"mityanın məhəbbəti" povesti ,"san-fransiskolu cənab" povesti, "günvurma" , "qara xiyabanlar" hekayəsini oxumaq lazımdır
hər gün bir hekayəsini oxumaq lazımdır.uzun hekayələr yazmır,qısa kəsir.
orjinaldan oxusanız daha gözəl olar.
almaniyali yazar.müharibə mövzusunda əsərləri ilə tanınır. məni ədəbiyyata gətirən yazıçıdır.
"zəfər tağı" əsərinin təsirindən günlərlə çıxa bilməmişəm.doktor ravikin axırı necə oldu ? sualını özümə verdiyim günləri xatırlayıram.paris haqqında,parisin küçələri haqqında çox eşitmişik,amma "zəfər tağı"ının parisi başqadır.
remarkın əsl soyadı kramerdir,sadəcə o soyadını tərsinə çevirərək remark qoyub.bu imza ilə tanınıb.
ən məşhur əsəri "qərb cəbhəsində sakitlikdir" əsəridir. digər məşhur əsəri isə "üç dost" adlanır.
bu üç əsəri oxumaq lazımdır:
1)qərb cəbhəsində sakitlikdir
2)üç dost
3)zəfər tağı
ən çox sevdiyim əsərlərdən biri olan "şahmat" əsərinin müəllifi.azadlığının qədrini bilən hər kəs bu əsəri oxumalıdır.cəmi 80 səhifəlik əsərdir.
sveyq sevdiyim yazıçılar arasındadır.
azərbaycan dilində onun "min illiyin ulduzlu saatları " əsəri tərcümə olunub.gözəl tərcümədir və gözəl əsərdir.mütləq oxunulası əsərdir.əsərdə istanbulun işğalı barədə olan hekayə həddən artıq canlıdır.tərcümə edən ağalar məmmədovdur.
sveyq əsasən məşhur insanların ədəbi bioqrafiyasını yazıb.məsələn:monteyn,fuşe və s
"dünənin dünyası" əsəri avropada yaşayan yəhudilər haqqındadır.maraqlı əsərdir.
"amok" əsəri qısa olsa da,yaxşıdır.amokda həddən çox romantika var,di gəl ki mövzusu romantikadan uzaqdır,amma əsəri oxuyarkən nəsə xüsusi bir romantika havasına düşəcəksiz.bəlkə də mən o əsəri ankaranın soyuq sabahında oxugum üçün xüsusi bir romantiklik hiss etmişəm.
sveyqin ilk dəfə oxuduğum əsəri isə "naməlum qadının məktubu"dur.bir qadının həyatından sevdiyi kişiyə yazılmış məktubdur.həmişə mənə maraqlı olub ki,bir kişi xeylağı bir qadının ağzından necə belə əsər yaza bilər ?
qısaca onu deyim ki,stefan sveyqi sevirəm.əjdaha yazıçıdır.əsərlərində ən incə detalları belə fərqli göstərir və maraqla oxunulur.yenə də deyirəm "şahmat" əsərini mütləq oxuyun.o əsəri oxuyandan sonra öz azadlığınızın qədrini biləcəksiz.
p.s zweig yaza bilmirəm ona görə sveyq yazdım
"bu gün anam öldü,yox,deyəsən dünən ölüb.əmin deyiləm"
ilk dəfə "yad" əsərini oxuyanda,elə ilk cümlədən sonra söymüşdüm kamyunu.o vaxtlar uşaq idim.cayıl vaxtlarım idi,ana-bacı söhbətlərinin biri bir qəpik idi.kamyunu ona görə söymüşdüm ki,adam da heç anasının öldüyü günü unudar.adam da bu qədər etinasız olar? ...olar.
"yad" əsəri 20-ci əsrin 5 möhtəşəm əsərindən biridir.dahidir kamyu.
"taun" da gözəl əsərdir,amma yadın yerini heç nə vermir.bəlkə də taundakı mətnaltı mənaları tam olaraq başa düşməmişdim.yox.. başa düşmüşdüm,sadəcə "yad"dakı yadlaşma mənim də canıma hopduğu üçün "yad"ı daha çox sevirəm. kamyu haqqında nəsə yazmaq həqiqətən də çətindir.aşağıda onun haqqında bir iki qısa və maraqlı məlumat yazacam
1)kamyu futbolçu olib.qapıçılıq edib.sonradan ağır zədələndiyi üçün futbol oynamayıb.
2)sartla yaxın dost olublar,amma aralarında gözləgörünməyən bir mübarizə də gedib.
3)deyilənə görə sartr həmişə onu qısqanıb,cünki kamyu yaraşıqlı olub və sartrın qadınlarını əlindən almaq potensialı olub (gülməli faktdır)
4)avtomobil qəzasında ölməyi çox şübhəlidir
5)"yad" əsərinə aid "kiling an arab" mahnısı var.dinləməyə dəyər.
6)"yad" əsəri əsasında lukino viskontinin filmi var,amma bu əsər haqqında ən yaxşı filmlərdən biri zeki demirkubuzun "yazgı" filmidir. bu film "yad"ın türkcələşmiş varynatıdır.
ümumiyyətlə sonuncu oscar mükafatlandırmasından sonra oscara ,onun heykəlinə qarşı bir antipatiyam yaranıb."argo" fillminə nə üçün oscar verdilər,bunu hamımız başa düşürük.amma oscar heykəlciyi deyəndə yadıma jan-lyuk qodar düşür. deməli bir neçə il öncə jan-lyuk qodara abş-dan bir dəvət gəlib.dəvətdə deyilib ki,bəs hörmətli jan-lyuk qodar bəy, kino sahəsindəki xidmətlərinizə görə sizə fəxri oscar mükfatifason bir mükafat veririk.qodar da (gözünə döndüyüm) deyib ki,mən bir dəmir parçasına görə durub okeanı aşıb amerikaya gəlmərəme,qardaş...
nə yalan deyim.ilk dəfə sözlükdə ayrı bir nicklə yazırdım.sonradan bildim ki,o nicklə yazsam bir çoxları məni tanıyacaq.və bir gün,sözlüyü açmış,bir yandan maraqlı başlıqları oxuyur,digər yandan özümə nick fikirləşirdim.bu anda elə youtube-dən də mahnı dinləyirdim.məhz elə bu mahnını...nickimi də bu mahnıya görə seçmişəm.əla mahnıdır.
bir çoxları çingiz abdullayevi tənqid edir,amma di gəl ki,mən razı deyiləm.bir çox əsərlərinin qəhrəmanı dronqodur.onun "monte-mario təpəsində ölüm" əsərini çox bəyənirəm.hələ "unudulmuş röya"sı da yaxşıdır."yalnız özümüzünkülər" , "manyakın idrakı" , "alçağın üslubu" ...bu detektivləri çox maraqlıdır.onu tənqid etmək olar,amma igidin haqqını da vermək lazımdır.vaxtıykən yazdığı mavi mələklər əsəri də çox böyük əks-səda doğurub.deyilənə görə o özü ssri kqb-sinin agenti olub.
bir də mənim "məşhər ayağında"əsərindən xoşum gəlir.o əsərdə abş və ssri arasında gedən soyuq müharibəni görmək olar.qısaca onu deyək ki,pis deyil.yaxşıdır.hətta çox yaxşıdır.
amerikalı rejissor.onun "elephant" (fil) filmini izləməyə dəyər.amerikanın portland şəhərində bir məktəbdə olan terror hadisəsi haqqında olan filmdir.daha doğrusu məkətbin öz şagirdləri tərəfindən törədilən terror hadisəsi.bu film "malholand drayv" filmindən sonra 21-ci əsrin ən yaxşı filmi seçilib.uzun planlar,bir-birinin içinə girən səhnələr və s. gus van sentin ölüm trilogiyası var ki, bu "fil" filmi də o trilogyianın 3 cü filmidir.digər filmləri jerry və "sonuncu günlər"dir."sonuncu günlər" filmi mə.hur nirvana qrupunun solisti kurt kobbeyn haqqındadır.
gus van sentin digər mə.hur filmi isə ,hamının baxdığı "good will hunting"dir.bu film haqqında nəsə yazmayım.çünki başlıq açılıb.sözün düzü bu filmi o qədər də sevmirəm."forrestteri tapmaq" filmi var van sentin.məsələn o filmə baxın.maraqlıdır.mənə həmişə elə gəlib ki,forrestteri tapmaq -filmi selincer haqqındadır.
baxılası filmləri:
1)elephant
2)pis gecə - homosekseksuallar haqqındadır.
3)forrestteri tapmaq
4)paranoid park
5)cerri
6)sonuncu günlər
7)harvi milk
p.s van sent hiçkokun "psixo" filminin remeykini çəkib,amma çox bərbad gündə çəkib. biyabırçılıqdır...
çox soyuq bir rejissor. bir çox filmini bəyənmirəm. həddindən artıq dialoqlardan istifadə edir. çox ağıllı görsənir. ''marionetlərin həyatı'' filmini bəyənirəm, amma belə ümumilikdə qibtə elədiyim rejissor deyil. ''persona'' filmi də babatdır. filmlərinə baxarkən ağıllı dialoqlarının içində itib-batmamaq üçün bir az diqqətli olun.
yaponiyalı yazıçı.nobel mükafatını qazanıb. tövsiyyə edərdim ki,hamı kenzaburo oe-nin ''qurbanı bəsləmək'' adlı uzun hekayəsini oxusun.
cnubi koreyalı rejissor,"yaz,yay,payız,qış...və yenidən yaz" filmi ilə partlayış edib.mükəmmələ yaxın filmdir.kim ki dukun filmlərində buddizm havası hiss olunur,digər uzaq şərq ölkələrindən çıxan məşhur rejissorlarda samuray qaydalarına yaxınlıq hiss olunsa da kim ki dukda belə deyil.digər filmlərində də buddizm elementləri var.filmlərində sanki hər hansı buddist pritçasını nəql edir.
baxılması gərəkən filmləri :
1)yaz,yay,payız,qış...və yenidən yaz"
2)dartılmış yay. (the bow)
3) boş ev.
4)zaman
5) sahil gözətçisi
6)ada
"qayıdış" filmi 21-ci əsrin tək-tük şedevrlərindəndir.bəzi kinotənqidçilərin fikirlərinə görə səhvsiz,artıq əksik səhnələri olmayan və mükəmmələ yaxın filmlər siyahısında ilk beşlikdədir.
"sürgün" filmi isə elə "qayıdış" qədər mükəmməldir. hələki sonuncu filmi olan "yelena" filmini çox bəyənmədim.gələcəyin və ya elə indinin dahi rejissoru.
dostoyevskini oxuyub dostoyevskiləşən civiləri başa düşmək kimidir.
"mustafa" romanını oxumuşdum.romandan çox uzun köşə yazısı idi.və romanında informativ məlumatlar verirdi.di gəl ki bir çox yazıçılar romanı təriflədilər.mən oxudum özünə də yazdım ki,bu roman deyil,uzun köşə yazısıdır.
Son bəyənilənlər
