ikinci qarabağ müharibəsinin başlamağından bir il keçir. bu bir il yaxınlarını döyüşlərdə itirənlər üçün bəlkə də çox uzun, hadisələri sadəcə vətəndaş kimi izləyən biri üçün bəlkə də çox qısa gəlir. vətənpərvər, milli ruh kimi mövzularda nümunə göstəriləcək biri deyiləm, (bunu milliyətçiliyin yaxşı ya da pis bir şey olduğunu düşündüyüm üçün yox, sadəcə məsələyə tərəfsiz baxdığımı demək üçün deyirəm) ancaq insanların uzun illər sonra uşaqlıqlarını, gəncliklərini keçirdikləri yerlərə qayıda biləcək olmaqları, öz keçmişlərini geri qazanmaqları mənə çox təsir edir. digər tərəfdən isə müharibə dövründə heç bir əziyyət çəkməyən, müharibədə iştirak etmək bir tərəfə qalsın, orada əziyyət çəkən insanların nə özlərinə, nə ailələrinə kömək etməyən varlı şəxslərin o torpaqlara gəlir mənbəyi kimi baxmağı məni qıcıqlandırır. bu mövzuda yeni nir xəbər eşidəndə, müharibənin siyasətçilərin adi insanlarla şahmat oynaması olduğu fikri yadıma düşür və az qala bütün insanlığa qarşı ümidsizliyə düşürəm. günün sonunda isə gələcək nəsillərin müharibə sözünü sadəcə tarix kitablarında oxuyacağı bir vaxtın çatacağına ümid etməkdən başqa təsəlli tapa bilmirəm.
"müharibə - yaxşı niyyətli insanların toplu halda qurban edildiyi qədim dövrlərdən qalma adət, günahsızların soyqırımıdır. bu açıq, saf səmanı öz əlləri ilə dağıdacaq, parçalayacaqlar! birbirilərindən necə də qorxacaq və nifrət edəcəklər, mən isə bu kin dənizində dalğalanacağam"
- jean-paul sartre, azadlığın yolları 2 (les chemins de la liberté 2: le sursis)
artıq mütləq izləniləcək film qalmadı fikirləşəndə qarşıma çıxan platforma. əsasən aşağı büdcəli, daha cult deyə biləcəyimiz filmlər üçün yaradılmışdır. film izləməyə çox önəm verirəm, illərdir gündəmdə olan filmlərdən tutmuş, sənət əsəri sayılacaq məşhur olmayan filmlərə qədər janr seçmədən qarşıma çıxan hər filmə baxmağa çalışmışam, ancaq bu platformada adını heç eşitmədiyim filmləri görəndə həm sevindim, həm də özümü hər şeydən xəbərsiz hiss etdim. istifadə etmək istəyənlər üçün ilk həftə heç bir ödəniş olmadan yoxlaya bilərsiniz, daha sonra da ayda 5$ kimi ödənişlə davam edirsiniz.
mubi ilə bağlı ən sevdiyim hissə kinoteatrdakı kimi filmlərin müəyyən bir vaxt ərzində baxıla bilinməyidir. vpn işlədərək (çox güclü vpn belə lazım deyil, ən sadə pulsuz vpn ilə də heç bir problem yaratmır) fərqli ölkələrdəki afişalara baxa bilər və fərqli dillərdəki filmləri izləyə bilərsiniz.
84 chasing cross road - ingilis bir kitabçı ilə amerikalı, xüsusi kitab seçimləri olan müştərisinin dostlaşma hekayəsidir.
taste of cherry - intihar, həyatın mənası kimi mövzular haqqında maraqlı söhbətlər olan iran filmi. filmdə intihar etmək üçün kömək axtaran zaman qarşısına çıxan insanlar və hadisələr baş verir.
the darjeeling limited - illərdi danışmayan üç qardaşın hindistana səyahətini göstərən wes anderson filmi
unroll.melink mail ünvanlarınızı səliqəyə salmaq, bezdirici mail adreslərindən abonəliyinizi dayandırmaq üçün saytdır. bütün mesajları silməmişdən əvvəl qeydiyyatdan keçirsiniz, sizə mail atan bütün hesabların siyahısı çıxır və istəmədiklərinizi rahatlıqla dayandırırsınız.
"impression" adlı rəsmi impressionizm cərəyanına adını verən fransız rəssam.
" quşların oxuması kimi rəsmlər çəkmək istərdim" deyərək həyatının böyük bir hissəsini gülləri, giverny kəndindəki evinin həyətini, su zanbaqlarını çəkməklə məşhur olsa da, yeniyetməlik dövründə karikaturalar da çəkmişdir. təxminən 40 yaşına qədər kasıb olan, monet şöhrətə qovuşduqdan sonra nəinki ac qalmaq qorxusundan xilas olur, hətta getdikcə varlanmağa başlayır. məşhur bağ evini də elə bu dövrdə satın alır və bağı öz zövqünə uyğun dekorasiya etməyə başlayır.
(youtube: )
yapon bağlarından təsirlənərək öz bağında su zanbaqları üçün kiçik gölməçə hazırlatmağı qərara alan rəssam qocalana qədər özü güllərin qayğısına qalır. katarakt adlanan göz bəbəyinin donuqlaşaraq gözləri zəiflətdiyi xəstəliyə tutulan monet görmə qabiliyyətini getdikcə itirir. buna baxmayaraq sevimli zanbaqlarını yaddaşından çəkməyə başlayır və bütün həyatı boyu təkcə zanbaqların 125-ə yaxın rəsmini çəkmişdir. metropolitan muzeyində sərgilənən bütün otağı əhatə edən su zanbaqları rəsmlərini də xəstəliyinin ilkin dövründə çəkməyə başlamış və demək olar ki güclə sonlandırmışdır.
1926-cı ildə 86 yaşında vəfat edən rəssam elə bağı yaxınlığında dəfn edilmişdir, bağça və ev muzeyi isə hər il minlərlə ziyarətçini qəbul edir.
cəmiyyət tərəfindən çox şişirdilmiş məfhum. illərdir bizə insanların tək məqsədi xoşbəxt olmaqdır kimi yeridilib, üstəlik də bu xoşbəxtlik hamı üçün eyni formada olur: uğurlu iş, uğurlu ailə həyatı, sağlam uşaqların və səndən razı valideynlər. əgər bu bəndlərin birini uğurla yerinə yetirə bilmədinizsə olursunuz bədbəxt insan.
ilk olaraq xoşbəxtlik də, bədbəxtlik də insandan insana dəyişir. deyəsən artıq bu fikir yarımçıq da olsa insanların beyninə oturur, yarımçıq deyirəm çünki bu səfər biri çıxıb deyir ki, mən işimdə uğurlu deyiləm ancaq ailə həyatım uğurludu ona görə xoşbəxt sayıram özümü və ya tərsinə. ancaq unutmamalıyıq ki, insanlar xoşbəxt olmaq üçün yaranmayıb, ümumiyyətlə bir səbəb üçün yaranmayıb sadəcə yaşayırıq və yaşamaq dediyimiz müddətdə həm xoşbəxt, həm də bədbəxt hiss etdiyimiz günlər ola bilər. həyat da elə belə günlərin bir birinin ardınca düzülməsidir.
hadisəni terror qruplarının boynuna atıb siyasəti günahlandıranlar da var, qlobal istişləmənin nəticəsi olduğunu deyənlər də var. hansı halın daha doğru olduğunu öyrənmək üçün hələ bir qədər tezdir məncə, eyni anda bir neçə ərazidə olduğuna görə birinci halın doğruluğu daha inandırıcı gəlir. sosial şəbəkələrdə isə insanlar dövlətin vəziyyəti yaxşı idarə edə bilmədiyindən haqlı olaraq narazıdır.
hər iki halda da əsas günahkar yenə də insanlardır, müharibələrlə öz növümüzü öldürdüyümüz, təbiətə dolayı yolla böyük ziyanlar vurduğumuz kifayət etməyib artıq birbaşa canlıları məhv edirik. belə mənfi halların sayı gün keçdikcə artır, ancaq bu say neçə olmalıdır ki, bu mövzularda daha ciddi qərarlar qəbul etməyə, evimiz olan bu planeti qorumağa başlayaq?
flora hostel bakıda tarqovu ətrafında yerləşən səmimi məkandır.
açıq havadakı balaca səhnələrində tamaşaları və canlı ifaları ilə insanlarda böyük iz qoyan sənətkarları bir araya toplayırlar. müstəqil şah mat teatrını tanıyırsınızsa burada son vaxtlar kiçik tamaşalar səhnələşdirirlər.
bu başlığı da eyniləşmiş kafelərdən, şişirdilmiş menyulardan bezmiş sözlük oxuyucularına kiçik məsləhət kimi yazıram, məkanın sahibləri ilə heç bir yaxınlığım yoxdur.
link
əgər universitetdən mail ünvanınız varsa, github profili ilə qeydiyyatdan keçərək 6 ay bütün kurslara pulsuz baxa bilərsiniz.
öyrənmək istədiyiniz sahəni seçsəniz özləri sizə "learning path" göstərəcəklər, yəni kurslara hansı ardıcıllıqla baxmaq lazımdır.
bədii ədəbiyyatla elmi ədəbiyyatı müqayisə etmək iki musiqi janrını müqayisə etmək kimi bir şeydir. elmi ədəbiyyat, məqalələr qısa olur, bəzən hətta bir səhifəlik məqalədən qalın bir romandan öyrəndiyinizdən daha çox məlumat öyrənmiş olursunuz. ancaq bədii ədəbiyyatın əsas məqsədi sizi məlumatlandırmaq deyil, sizi müxtəlif həyatlarla tanış etməkdir. gün ərzində nə qədər məqalə, elmi əsər oxusam belə axşam bir necə əsr əvvəl həqiqətən yaşamamış insanların heakəyələrini oxumaq bütün yorğunluğumu aparır, bir növ real həyatdan qaçış yoludur.
heç bir faydası olmamağına gəldikdə isə əgər hər hərəkətimizə məna yükləməyə çalışsaq həyat çiyinlərimizi əzən ağır bir yük olacaq.
yeni tanıdığım insanlara qarşı sevgili baxımından bir şey hiss etmədiyim, kiçik bir şey hiss etsəm belə heç flirt mərhələsinə keçmədən məni özlərindən soyudurlar. ona görə də mənim üçün çox da fərqlənməyən iki anlayış
the mandalorian serialından sonra məşhurlaşan obrazdır, ancaq original star wars filmlərindəki yoda ilə səhv salınır, əslində sadəcə eyni cinsə aiddir. george lucas yoda obrazının sirrli qalmağını istədiyi üçün bu növə ümumi bir ad verməyib, jedi tərəfinə aid olan və gücü istifadə edə bilən bir növ olduğu deyilir. 3-cü sezonda bu növ haqqında daha çox məlumat veriləcəyi gözlənilir.
"the child", "the kid" kimi tanınan grogu isə izləyicilər tərəfindən həm şirin görünüşü, həm də gülməli hərəkətləri ilə çox sevilib.
çizgi film deyib keçməyin, bir çox mövzulara toxunur, daha çox yaşı olan izləyicilərində böyük təsirlər də qoya bilər. ilk növbədə serialar arasında əlqaə yoxmuş kimi gəlsə də, içində dünyanın sonu, yeni növ insanların yaranması, paralel evren kimi qarışıq mövzulara toxunan hekayəsi var.
hadisələrə fərqli baxmağı, hər kəsin fərqli düşünməyinin normal olduğu və bu fərqli düşüncələrə inanmasaq belə hörmət etməli olduğumuzu, göstərən bu çizgi filmdə həm də intihar, yalan, psixolojik xəstəliklər kimi daha dərin mövzular da mövcuddur.
bir filmdə antiqəhrəmanın sevilməsi aktyor, aktrisadan və filmin qəhrəmanın çox "ideal insan" kimi göstərilməsindən də asılıdır. insanlar daha çox yaxınlıq hiss etdiyi obrazları sevirlər və baş roldakı qəhrəman nə qədər adi insandan daha yüksək keyfiyyətli heç vaxt yalan danışmayan, düzgün biri olsa izləyici ilə arasında daha çox uçurum yaranar. bu uçurumu ən çox çizgi filmlərdə hiss etmək olar, ona görə də çox vaxt uşaqlıqda sevilməyən antiqəhrəmanlara yaş artdıqca daha çox haqq qazandırırıq.
bu sifarişi verən: nabifur almancadan hərfi tərcüməsi ruh olan, əsasən hegel fəlsəfəsində özünə yer eləyən söz.
qatı idealist olan hegelə görə fəlsəfə ətrafımızdakı əşyaların adi gözdən əlavə zehin gözü ilə də görülməsidir. həm alman dilinin quruluşuna görə bəzi fəlsəfi terminlərin tam mənaları ilə tərcümə edilə bilməməsi, həm də ruh, mənlik, şüur kimi bir birinə oxşar ifadələrin çox olması hegeli ən çətin başa düşülən filosoflardan biri edir.
hegelə görə geist özünü 3 səviyyədə tamamlaya bilən şüurdur, ilkin səviyyədəki geist insan ruhuna uyğun gəlir. hər bir insan bu ruha sahibdir, lakin insan öz ruhunun tələblərini, xüsusiyyərlərini başa düşərək öz mənini kəşf edir bu isə ikinci səviyyə deyə biləcəyimiz hala gətirir. bu zaman insan artıq tək özünü deyil dövlət, əxlaq, etika, mədəniyyət kimi anlayışları da qavraya bilir. nəhayət geist-in ən ali formasına çatmaq üçün 3 vasitə - sənət (tez), din (antitez) və fəlsəfə (sintez) mövcuddur. hegelə görə geistin ən yüksək formasına filosoflar çata bilər.
garden state filmində natalie portman "you gotta listen to this song, it will change your life i swear " deyərək bu mahnını playlistimə salıb, mən də burda paylaşım. the shins - new slang
mail ünvanlarınızı səliqəyə salmaq, bezdirici mail adreslərindən abonəliyinizi dayandırmaq üçün saytdır. bütün mesajları silməmişdən əvvəl qeydiyyatdan keçirsiniz, sizə mail atan bütün hesabların siyahısı çıxır və istəmədiklərinizi rahatlıqla dayandırırsınız.
)