Son yazılanlar
Necəki təbii halında sərt olan bal mumu azacıq isti ilə yumşalıb istənilən hala düşürsə, ən sərt və düşməncə insanı da 1-2 komplimentlə və nəzakətlə yumşaldıb yaxşı xasiyətli birinə çevirmək mümkündür. Bal mumu üçün istilik nədirsə insan üçün də kompliment və nəzakət odur.
Şopenhauer : demək olar ki hər şey gözəl bir buruna bağlıdır . Burunun qəşəng ya pis olması bir qadının həyat boyu xoşbəxtliyini müəyyən edir və yaxın bir insana müraciət edib soruşduqda ki, burnum necədir səni incitməmək üçün cavab verəcək ki, burnunda heç bir problem yoxdur. Ayrıca Şopenhauer bunuda deyir ki dostlar dürüst olduqlarını deyərlər ancaq dürüst olan əslində düşmənlərdir. Buna görə də onların qınamasından bir növ acı dərman olaraq özümüzü müalicə etməkdə yararlanmalıyıq.
Dünyanın yeni dini.
insanlığın əvvəlindən insanlar nəyəsə tapırlar və bu insanın fitrətində var sanki. Artıq idman olmaqdan çıxıb. insanlar bu din uğrunda savaşır, hətta bir-birlərini öldürür, kütlə davaları çıxır, millətlər müharibə meydanında yox bu yüzminlik meydanlarda müharibə aparır. insanlar tərəfdarı olduğu klubların meydanlarına məbəd kimi qibləgah kimi baxır. Uşaqlıqdan baxdığı klubu dəyişən insan demək olar ki görə bilməzsiniz.
dövlətlər vətəndaşlarını bu 100 minlik beşiklərdə yatırdır .
Bu novellanı ilk oxuduğumda fikirləşdim ki mən nə oxudum?
Düzdür çox qəşəng tarakan olmuşdu az qala ürəyim bulanırdı oxuduğum vaxt ordakı təsvirlərdən. ancaq kafka kimi bir insan bunu ancaq o təsvirlərə görə yazmışdımı? Əlbəttə ki yox
Əsəri oxuduqdan bir müddət sonra tapdım mənasını.
Deməli Samsa 4 nəfərlik ailədə işləyən tək insandır, ailəyə baxır. Atası ona arxayın olub artıq işləmir bacısı kollecdə oxuyur və onu da Samsa oxudur. Və işlədiyi işdən də tam narazıdır həm rəhbərliyindən həm işindən.
Samsa bu həyat tərzindən bezsə də ancaq başqa seçimi yoxdur. Və ailəsini atıb gedə bilməz, həm ictimai qınaq obyekti olacaq evə baxmasa da alınmayacaq. Tək çıxış yolu çevrilməkdir ki onu heç kim təqsirkar görə bilməz.
Düzdür içki içmirəm ama içənlər üçün Ramiz Rövşənin bir şeirini bura yaza bilərəm.
Tənhalıq başlayır burdan o yana,
Keçdikcə keçilməz, atam balası.
Ayları, illəri tutsan boyuna,
Çayları, çölləri tutsan boyuna,
Ölçdükcə ölçülməz, atam balası.
Daha çoxlarıyla aram sərinlər,
Çoxları boynuma sevinməz daha.
23 yaşımda məni sevənlər
33 yaşımda sevəmməz daha.
Mən axı nə çöləm, nə yol, nə küçə,
Mən axı, hamının ola bilmərəm.
Məni sevənlərdən ötrü ölüncə,
23 yaşımda qala bilmərəm.
Nə qədər sözlər var sözümdən cavan,
Daha çığırmağa nəfəsim gəlmir.
Daha bu dünyada özümdən cavan
Şeirlər yazmağa həvəsim gəlmir.
Kiriyir, yumşalır şeirlərim də,
Qocalır misralar, sözlər mənimlə.
Dostlar cavan qalır şeirlərimdən,
Qocalmaq istəmir dostlar mənimlə.
ilahi, qocalıq buymuş deməli,
Dostlardan səssizcə qırılır adam.
Ömür bir bulanıq suymuş deməli,
Ömür azaldıqca durulur adam.
içimin, çölümün yuyulur pası,
Sətirlər göyərir bu ağ varaqda.
Nə çoxmuş ürəklə elin arası,
Nə yaxşı ölmədim bu aralıqda.
Sözlər ürəyimdən əlimə yetdi,
Bir azca soluxdu, soldu, nə olar.
Bir azca şaxlığı, şuxluğu itdi,
Heç kəs qinamasın, yoldu, nə olar.
Daha balta kəsməz ağlım kəsəni,
Dünyanın dadını bilirəm daha.
Bu qoca dünyada hər nəfəsimi,
Ağacdan meyvətək dərirəm daha.
Son nəfəs dünyada hər şeyden şirin,
Şair də qocalır, ölür, bilirəm.
Sözünden qan iyi gələn şairin,
Ağzından süd iyi gelir, bilirəm.
Bu dünya bir qaynar qazanmış demə,
Söndürməz odunu nə qar, nə yağış.
Dünyayla dalaşmaq asanmış demə,
Çətini dünyayla barışmağıymış.
Polifazik yuxu rejimi ilə 8 saatlıq yuxunun vaxtından hardasa 3 saat kəsib sevdiyiniz məşğuliyyətə ayırmaq mümkündür həmin vaxtı. Sadəcə öyrəşmək məsələsidir, çünki öyrəşənə kimi çox narahatedici simptomları olur deyilənə görə. Rejimi gün ərzində 5 saatdan artıq yatmamaq şərtilə sizə uyğun olan müxtəlif saatlara bölə bilərsiniz. Ən çox istifadə olunan rejim gecə 4 saat və gün ərzində 2 dəfə 20 dəqiqə 20 dəqiqə olmaqla yatırsınız. Deyə bilərsiniz ki niyə 30 dəqiqə yox 20 dəqiqə çünki 20 dəqiqəni keçdikdən sonra oyanmaq daha da çətin olur. Hə sual ola bilər ki bəs 2 dəqiqə qoyub o dəqiqə yatmırıq axı. Düzdür ancaq bir müddət sonra yuxuya getmək heç 1 dəqiqə vaxt aparmayacaq. ilk vaxtlar fiziki cəhətdən çökmə gedir ancaq bədən öyrəşdikdən sonra hər şey öz qaydasına düşür.
Artıq bir dəyəri olmuyan sözdü necə deyərlər şpaklyovka vurullar elə bil. Halbuki bu and ən böyük qanların mürəkkəb cinayətlərin qarşısını alıb.
Qaçaq Nəbi dastanında belə rəvayət edilir ki, Nəbi həbs ediləndə Şıxlar kəndindən onun bozatını oğurlayırlar. Həbsdən azad olunandan sonra Nəbi atın oğurlanmasında Həsənəlidən şübhələndiyi üçün, onu yanına çağırtdırır. Həsənəli qurana 3 dəfə əl basır:
-Bu quran haqqı, sənin atından mənim xəbərim yoxdur!
Nəbi qabağa keçib deyir:
-Əşi dayanın, bunun andı başqadır. Həsənəli, de 《sən öl》atın oğurlanmasından xəbərim yoxdur, arxayın olum gedim.
Həsənəli deyir:
- Nəbi dünya aləm sənə qurban, niyə 《sən öl》deyirəm? Atı mən aparmışam.
irsiyyətin, mühitin və şəraitin müəyyənedici məcburiyyətində qismən azadlıq, şüurlu seçim aktları.
Əgər orta əsrlər memarlığı ilə maraqlanırsınızsa fikirləşirəm ki bu cəhətdən ən düzgün qərar Praqa olar. Praqaya getmək fikrinə düşmüşdüm ancaq şengen vizasına elə şərtlər qoyublar ki yaxın durmaq mümkünsüzdür. Ən azından mənim tərəfimdən. Bundan sonra qərara gəldim ki Peterburqa gedim. Memarlığı çox cəlbedicidir həm viza da lazım deyil . Yavaş yavaş bu planım da suya düşür hiss edirəm ki.
Aldanmaq gördüyümüz hər işdə yanılmaz taleyidir hamımızın. Hər səhər parlaq düşüncələr planlayıb gün boyu axmaqlıq edirəm.
Buddizm fəlsəfəsində insanın yaranmağı deyə birşey yoxdur ortaya çıxma vaxtı vardır sadəcə və hamı öldükdən sonra yenidən geri qayıdır.
Məsəlçün
Sual : nə vaxt anadan olmusunuz?
Cavab : 05.06.1988
Sual : ondan qabaq ananızda mövcud deyildiniz?
Cavab: əlbəttə ki
Sual: ananızdan qabaq atanızda mövcud deyildiniz?
Cavab: əlbəttə ki
Yəni beləcə gedir bu sonsuz döngü halında
Və Budda bu sonsuz döngüdən çıxmaq üçün müxtəlif yolla meditasiya edir yəməyini azaldır hətta gündə yarım düyü dənəsinə qədər enir . Ancaq aclıqdan çəkdiyi ağrılar düşünməsinə mane olur . Və uzun müddət sonra meditasiya yolu ilə bu sonsuz döngünün axırına kimi fikirləşir başlanğıcına qədər Nirvanaya çatır. Bununla da o artıq öldükdən sonra bir daha qayıtmayacaqdır və sonsuz döngüdən çıxmışdır.
Çox lazımsız məşğuliyyət, vaxt itkisi, mümkün qədər uzağ durulmalı fəaliyyət sahəsi, inkişafın düşməni təcrübəylə sabitdir. Allah kimi gərəy bununlada gündə 5 dəfə əlaqədə olasan ki küsməsin. O vaxt necə başları dinc olub insanların bidənə a4 doldur ver sora işində ol. Mənə inanmırsızsa Cek Londona inanın heç olmasa Martin iden oxuyun. Aşağı yuxarı hər qadın bu cürdü. Heç biriniz fikirləşməyinki yox mənimki elə deyil bu yerdə Nəsiminin dediyi söz yadıma düşür: Bədbəxt sənin gözündə tor var !
Fridrix Nitsşe : axtaran özünü asanlıqla itirər hər yalnızlıq cinayətdir. Belə deyir sürü və sən uzun müddət sürünün içində qaldın. Sürünün səsi sənində qulaqlarında cingildəməyə davam edəcək .
Qaç dostum öz tənhalığına qaç! Mən görürəm sənin qulaqların böyük adamların hay küyündən neçə tutulub kiçik adamlar necə sancır səni.
Harda ki tənhalıq qurtarır orda bazar başlıyır, orda aktyorların hay küyündən və zəhərli milçəklərin vızıltısından qulaq batır.
Bütün böyüklər bazardan və şöhrətdən uzaqlarda dolaşır.
Sən kiçik və miskin insanlara çox yaxın olmusan. Onların gözə görünməz qisasından qaç! Onlara əl qaldırma! Onların sayı hesabı yoxdur və milçəköldürən olmaq sənin taleyin deyil .
Qaç qardaşım öz tənha guşənə.
Hər şeyin teoremini yaratmağa çalışmış, böyüklərin nəzəriyyəsi ilə (nisbilik nəzəriyyəsi) ən kiçiklərin nəzəriyyəsini (kvant fizikasını) birləşdirməyə cəhd etmiş lakin çalışmaları yarımçıq qalmışdır. Zamanın qısa tarixi kitabının müəllifi. Kitab hamı tərəfindən oxuna bilər çünki içərisində ancaq Albert Eynşteynin E=mc2 düsturundan başqa düstur yoxdur özünün dediyinə görə: mənə dedilər ki kitabda olan hər düstura görə kitab satışların aşağı düşəcək və məndə düsturları ləğv etdim. 3 gün əvvəl ölüm il dönümü idi hörmətlə anıram.
Cinayət və Cəzanı oxuyarkən bir elə hiss etməmişdim adi gəlmişdi ancaq 1 həftə sonra əsər beynimdə fırlanmağa başladı bir də bu hissi Kafkanın metamarfozunda yaşamışdım. (deyəsən gec çatır mənə) Raskolnikovun vicdanına verdiyi hesabat daha doğrusu verə bilmədiyi hesabat. Əslində bu vicdan cinayəti ruslarda var deyəsən çünki mən bunu başqa romanlarda görməmişəm yəni nəyi demək istəyirəm normalda baxdığımız filmlər daxil oxuduğumuz kitablarda cinayət törədib vicdanıynan bu qədər hesablaşan ilk dəfə görürəm normalda baxdığlarımızda ancaq əgər öldürdü kimsə görmədisə deməli problem yoxdur. Və indi adını xatırlamadığım müstəntiqin Raskolnikovu sorğu sualı şedevrdir . Azərbaycanlı bir professor var sualı verdilər ki: neçə kitab oxumusuz? deyir: 25000! bəs ən yaxşısı?Karamazov qardaşları
Bunnan sonra Karamazov qardaşlarini almışam tezliklə oxuyacam. Hə birdə Ölü evdən qeydləri oxuyub hələlik ədəbi fəlsəfi əsərləri saxlıyacam.
Mənim çox sevdiyim və tez-tez youtubeda açıb qulaq asdığım hürufi təriqətinin gözü Sığmazam, Etməgil, istəmə, Ayrılır və.s qəzəllərinin yazarı. Yaxın zamanda Afət Fərmanqızı adında nə yuvanın quşu olduğu bilinməyən müğənni Sığmazam adlı qəzəlini nə günə salıbsa, uşaqlıqda kinoya baxanda dərisi soyularkən keçirdiyim hissin 10 qatını 30 yaşımda hiss elədim. Hər şeyə senzura var bunlara senzura yoxdu.
Son bəyənilənlər
