bilgi paylaşmaqda paxıllıq edən insan

başlıqda sözü keçən o adam bəzən mən oluram. təmannasız amma bəzən də üzərində düşünüb özümə paxıl deyirəm. bəli paxılam. içimdə olan o ən yaxşı olmaq istəyi nəticəsində baş verir hər şey. çünki məhz bildiyim informasiyalarla mən ən yaxşı ola bilərəm.
informasiyalar deyib də ümumiləşdirmə eləmək istəmirəm, bu yalnız önəm verdiyim informasiyalardır. hansıki mənimçün inanılmaz dəyərli. #161976 bu entrydə dediyim kimi zatən mənə görə paxıllıq dəyər verdiyin şeylər uğrunda üzə çıxan şeydir.
bir kitabdan yazarın üzə çıxardığı hansısa reallığı hazır formada dərk edib daha fərqindəliliyi olan biri ola bilərəm. paylaşa bilmədiyim informasiyalar bunlardır çünki daha bilinçli olacaq olan mən olmaq istəyirəm.
bu xüsusiyyətimin üzərində çalışıram. belə anlarda bu xüsusiyyətin varlığını dərk etmiş və hislərinə görə hərəkət eləməyə çalışan wikki savaş verir. bütün cəhdlərim dərk edən wikkinin qalib olması yanındandır bu situatsiyadan kənarda olanda. misalçün by entryni yazmaq. nə qədər çox özümə bunu desəm, nə qədər çox bu xüsusiyyətim barədə kənardakılara danışsam dərk edən wikki qalib gələcək deyə düşünürəm.
paylaşmaq istəyirəm çünki yaxşılıq eləmək istəyirəm. bəlkə də bir yerlərdə birinə kömək ola bilərəm.
paylaşmaq istəyirəm çünki məni mən edən başqalarının paylaşdıqları olub.

yemək yeyərkən bir vedrə su içən insan

bir çoxlarında mövcud vərdiş. türk süfrələri gördüyüm qədərilə yemək zamanı ümumiyyətlə susuz olmur. su qrafinkası süfrənin düz yanı başında olur mütləq.
amma tanıdığım seyfulla dayı deyir ki olmaz belə eləmək. deyir ki biz yeməyi niyə yeyirik? bədənin hər hissəciyinə lazım olan maddələri onlara ötürürük, bədən bunla fəaliyyətdə qalır. bəs yemək yeyərkən su içəndə nə olur?
yediyin yemək bədənin tərəfindən sovrulmadan su ilə axıb gedir. nəticədə bir az sonra sən yenə acıyırsan çünki bədənin lazımi maddələri almadı.

əsəbiləşmək

insanların müxtəlif səbəblərdən hiss elədikləri hisdir. insanların daxili zənginliyini, daxili təcrübə yığını və özüncə təcrübələrdən dərs götürmə toplumunun nə vəziyyətdə olduğunu üzə çıxardığım andır onların əsəbi olduqları zaman elədikləri. mənə bəzən elə gəlir ki əsəbi olanda edilənlər, deyilən sözlər içdə cəsarətsizlikdənmi ya başqa səbəblərdən yığılan şeylər olur hansıkı çölə çıxırlar.
bu vəziyyətdə olan zaman təklifim heç nə etmədən hərəkətsiz qalıb çox dəxlisiz şeylər fikirləşməkdir. qərar daha sakit vəziyyətdə verilsin. daha müdrik qərar verilmə qarantiyası var.

fərqindəlik

2 oğlanın yanbayan dayandığını təsəvvür et. bunların qarşısından onun keçdiyini düşün. birinci oğlan ona baxanda qarşısında özünə tələb elədiyi baxış təlabatını ödəməyə çalışan qızcığaz gördüyündən hər hansı vurğunluq yaşamayacaq. o biri isə birbaşa qızın arxasınca ağzının suyu axa-axa düşəcək. birinci misaldakı fərd fərqindəliyi yaşamıs digəri isə bunu yaşamağı bacarmayan fərddir. fikrimi oshonun dediyi cümlə ilə davam edəcəm. fərqindəlikdə şüur səni bataqlığa çəkə bilməz. öfkə, nifrət, ehtiras, sahib olma, qısqanclıq hallarında zehin fərqindəlik qarşısında təmamilə təslim olur. Zehnin təmamən təsirsiz qaldığına görə bütün varlığın dərin bir səssizlik və anlayışın fövqündəki bir rahatlıq içərisinə girir.

klavesin

Pianinonun atası kimi bilinən çalğı aləti. Görünüşü belədir Klavişləri adətən cüt mərtəbəli olur. Səsi pianinoya nisbətən metalikdir. Kilsələrdə olur adətən. Pianino ilə fərqi səslərindən başqa həm də pianinoda səsin çıxması üçün çəkiclər simləri vurursa bunda mizrabların telləri dartmasıyla səs çıxarır. Hər bu alət barədə eşidəndə davy joneun pirates of the carribbean 2 filmindəki bu səhnə yadıma düşür.

(youtube: )

asteklər

amerikanın ortasında qızıldərililər tərəfindən qurulmuş imperiyaya mənsub xalq. ümumiyyətlə dövrümüz üçün götdərinə hər cürə yalan, doğru informasiya yapışdırılmış xalqdı. internetdə, kitablarda,filmlərdə haqlarında müxtəlif şeylər görmək olar. mənim bildiklərim də elə o sərhəddədi, sadəcə heç olmamaqdan yaxşıdı deyə yazıram ki, axtaran, təsadüfən görən elə belə informasiyadı da oxusun. əşşi, istər istəməz tarixlərdi də oxuyuruq, yoxsa belə kimdi tarixin doğruluğuna inanan. nəysə, həvəsdən düşmədən yazım.
avrasiya materikində o dövrə məxsus sivilizasiyadan kənar qalmışlar. xalq adama barbarları xatırladır.
allahları üçün xeyli qurban verərlərmiş. xeyli sözünün altını xətləmək istərdim. çünki xeyli sözünün altında böyük böyük rəqəmlər yatır.yaman vəhşi xalq olublar. misalçün, günəş tanrısı üçün əsir düşən düşmənlərini qurban etmə şəkillərindən danışım. qurbanı bahar bayramında ayaqlarını bağlayıb meydana atırlar. və öz insanlarına insanı 2 yə böləcək itilikdə olan alət verdikləri halda, qurbana taxta parçası verərlərmiş. qurbanı kim öldürərsə allahın yanında digərlərindən fərqli olaraq 1:0 öndə olacağına inandırarlarmış. hamı da qurbanı dəli kimi öldürmək istərmiş. qurbanı öldürən adam müəyyən müddət onun dərisindən hazırlanmış örtüklə gəzər, ətini isə ailəsi yeyərmiş.
misirlilər kimi piramitlər inşa edərlərmiş. o piramitlərdə də allaha qurban vermələri ilə bağlı xeyli müxtəlif məlumatlar var. misalçün, qurbanı piramitin zirvəsinə qaldırıb əzab verə verə qanlarını ağıdıb sonra piramitdən aşağı atallarmış.
ispanlar axrına çıxıb özlərinin. amerika qitəsində o vaxt at yoxuymuş. at üstündə torpağa ayaq qoymuş, yaraşıqlı, heç vaxt görmədikləri alətləri( silah) olan cortes və dəstəsini yarı tanrı kimi görmüşlər. adamlar hər şeylərini allaha, dinə bağladıqları reallıqdır o heç. ispannar da bura niyə gəlib? qızıla görə. o dövrün çox avropalısı kimi cortes də qızıl dəlisi idi. bura gəlməsi də bunla bağlıdı. imperiyaya daxil olması və gözəl qarşılanması imperiyanın içdən sarsılması gələcəyinin ilk addımı idi. cortesi imperiyanın hökmdarının yaxınına buraxması, cortesin sonradan təxmini 1000 dən bir az çox adamları ilə divarlar arxasında olan krallığı-hakimiyyəti əsir alıb tez yığa biləcəkləri qızılları yığıb ispanyaya qaçması ilə nəticələnmişdir deyilənə görə. amma ki ispannar daşıdıqları bakteriyaları, xəstəlikləri asteklərə ötürmüş də və elə getmişlər. uminitet söhbəti. xalqın bədəni bu bakteriyalarla başa çıxa bilməmiş və böyük hissəsi belə qırılıb gedib.

istənilən ölüm şəkilləri

o nənəmin sözü olmasın, deyir ölüm haqdı. hamımız öləciyik. hə, hamımız öləciyik. amma necə,hansı şəkildə?
çoxlarımız bir bataqlığın içərəsindəyik. 2 tip var. 1. bu bataqlıqdan çıxıb ətrafı istədiyi rahatlıqda gəzmək arzusu olanlar, 2. ümümiyyətlə bu bataqlıqdan kənarda həyatın varlığından xəbəri olmayanlar. 2 cini tullayaq. fərz edek ki, çoxumuz 1 ciyik. biri var, o bataqlıqdan çıxma planlarını qurduğun müddətdə təsadüfən bataqlıqda öləsən, biri də var bataqlıqdan çıxandan sonra istənilən cür öləsən. 2-ci möhtəşəmdi və istəniləndi.
məndən soruşsan, mən ölümdən qorxmuram yox amma indi də ölmək istəmirəm. niyə? çünki hələ rahat deyiləm. qatarım reysində rahat getmir ki deyim ki hə, rahat gedir də reysində, nə vaxt çıxar çıxar reysdən, fərq etməz. amma mənim qatarım heç reysinə düşməyib. düzənimi, rahatımı qurmamışam. şikayətləndiyim tablo içərisində yaşayıram. indi ölmək istəmirəm axı.
2-3 gün əvvəl zad, televizorda xəbər gördüm. deməli, xəbər beləydi. 40 neçə yaşlarında bir kişi paraşütdən tullananda qayalara çarpılıb ölmüşdü. və adam tanınan adam idi. həkim idi. ölməmişdən əvvəl verdiyi müsahibələr varıydı. adamın müsahibələrinə baxdım necə rahat necə belə nətər deyim e üzü xoşbəxtəm ala mən deyirdi elə bil. sonra onun haqqında danışdıqca müxbir başa düşdüm niyə belədi. adamımızın, dadmadığı az dad qalmışdı. sənəti həkim olsa belə yadımda qalmadıye bir neçə əlavə xoşladığından başqa işlərlə də məşğul idi. motesikl yarışlarından tutmuş, musiqiyə qədər. deyəsən gözəl gitarist idi həm də. deyir, adrenalini sevirəm. dəhşət xoşum gəlir. və bu səbəbdən adrenalin yaşadığı xeyli keçmişi varıydı. uçmaq zad. mən bu adamın ölümünə heç pis olmadım. adamın qatarı çoxdan reysə düşmüşdü. adam bataqlıqdan çoxcan çıxmış, cəngəllikdə gəzmək istəyib də orda gəzəndə ayağı ilişib ölmüşdü elə bil. istədiyi şeyi eliyəndə ölmüşdü. kaş hamımız belə ölək.biri var, hər gün söyə söyə məcbur işə getdiyin yerdə səni maşın vura bir də var paraşütdən tullanmağı çox istəyəndə paraşütdən tullananda öləsən. ikincisi möhtəşəmdi.
mən də qatarım reysə düşəndən sonra istənilən ölüm şəklini istəyərəm. deyək ki, misalçün də, çox çox istəyirəm antraktidaya getmək. gedib ora baxan momentdə başıma buz düşüb ölsəm, heç vaxt pis olmaram. istədiyim şeyi eliyəndə ölmüşəm. ona görə, əziz oxuyucular nə qədər ki ölüm qapımızı döyməyib, həmən qatarlarımızı reysinə salmalıyıq.

dempinq

iqtisadi termin. terminin açıqlaması belədir. deyək ki, bazarda şirkətlər arası cırışma(rəqabət) gedir. şirkətin biri damping siyasəti eləməklə, rəqiblərini bazardan çıxardır. malın qiymətini öz dəyərindən aşağı qiymətə satışa çıxarır. ziyana gələr deyərsiz. elədi. amma bu bir siyasətdi. belə eləməklə, bazarda rəqiblərini aradan çıxardıb, ipləri əlinə alır.
biz cahil adamlara bu gözəl görsənə bilər. amma məsələ belədiki həmin şirkət bu siyasəti eləməklə elədiyi ziyanı başqa yolla boğazımızdan çıxardacaq zatən. heç kimin dədəsinin heç kimin dədəsinə borcu yoxdur. şirkət bazarda hegamonnuq eliyəcək sabah. məsələnin daha bir mənfi tərəfi var, bazarda tək olsa o, özünə rəqib sayacaq heç kim olmasa inkşaf da eləməz. belə bir reallıq var, no rəqabət no inkişaf.
indi nağayraq, malın qiyməti aşağı düşsə almayaq? ala, ümumiyyətlə elə sisitemin içindəyik ki, zərrəyikdə ala. bizim üstümüzə oynuyurlar. ya başın bu işlərdən yaxşı çıxacaq və onlarla oyuna girib sən qazanacaqsan, ya istifadə ediləcəksən, ya da ümumiyyətlə təbiətə çəkilib, özün düzəldib özün yaşıyassan. nəm ala, hələm öyrənirəm. bilmirəm.