yaxşılıq etmək

Müəyyən insani davranışların icrası zamanı həmin hərəkətlərə verilən ad. insan tərəfindən edilən kömək, ötürülən müsbət təsirlərin onu edən insan üçün bir mənası var. Hər kəs öz mənasına, əsasına dayanaraq bu hərəkətləri icra edir. Şüurlu və şüursuz.
Yaxşılıq kimi anladığımız bütün insani hərəkətlərin cəmiyyət topluluğunun yaşanılası yer olması üçün vacib olduğunu düşünürəm. Mənə görə də mənası budur. Özümün də yaşadığım cəmiyyətin, dünyanın yaşanılası olması üçün yaxşılıq edənlərin çox olmasını istərdim təbii.
Mənə görə yaxşılıq hərəkətləri sadəcə töfhədir. Onsuz da hərə öz taleyini yaşayır. Bunu anlayan və yaxşılıq gözləmədən, ummadan öz taleyinə özü yön verən insan elə birinci özünə yaxşılıq edəcək.
Gəlin özümüzə və başqalarına yaxşılıq edərək qonaq olduğumuz dünyanı yaşanılası edək -*

tinder

dünyada özünə əsərlər, musiqilər, hekayələr, və çox çox şeylər həsr etdirmiş sevgi adını verdikləri anlayışın özümçün izah eləmədə strukturundan istifadə etdiyim application. beləki real həyatda da bizlər bir gündə sadəcə görünüşündən(tinderdə şəkil), geyim stilindən(tinderdəki şəkil), baxış bucağı stilindən(tinderdə profilin aşağısında yazılmış description) çox insanlar bəyənirik. tinder dili ilə desək like edirik. və əgər qarşı tərəfdən də bu ilkin göstəricilərə görə maraq görürüksə match oluruq. insanlar da real ortamda belə tanış olur. kimsə başladır söhbəti və sonrakı levelə danışığa, bir birini daha yaxından tanımağa keçirlər. nəsə sonrası da alınanda ujey olur sevgi. i guess. var orda nəsə fərqlər yenə də hə. real həyatda səhv edə bilərsən məsələn. elə bilə bilərsən ki o səni like edib, və sən ona yaxınlaşa bilərsən ki bəs match olaq. amma halbuki elə hal yox imiş. vse ravno, tinder daha konkretdi bu baxımdan açıq aydın görsənir ki. dəqiq bilirsən ki filankəs səni like edir, və sən də like edəndə hər şey konkret olur ki bəs siz qarşılıqlı bəyənilirsiz. coolduki.

dodaq uçuqlaması

müxtəlif səbəblərdən bədəndən asılı olaraq dəyişik sıxlıqla bizləri ziyarət edən dodaqdakı mənzərə. bildiyim səbəblər- stress, ağır qrip, bədənin soyuqlaması, ağır yorğunluq və yuxusuzluq, həddən artıq alkoqol, və başqa infeksiyalar.
praktikamda dodaq uçuğumun normalda 1 həftəyə heçnəsiz sağalacaqdısa 2 gündə sağaldan ən yaxşı vasitə zovirax mazıdır. doğurdan da 2 günə sağaltdı. səhər oyandız və gördünüz ki aha, dodağımda uçuq var həmən dərmanı alıb vursanız yaxşı olar. bəziləri sonradan vursan təsir eləməyəcək deyir. ona görə sonradan vurulsa təsiri güclü olarmı, olmazmı bilmirəm.
mən səhər oyanıb uçuğu görəndə həmən alıb vurmuşdum. gözə soxmayacaq qədər balacalaşdırır ilk gün içində, hətta adamlara mən deməsəm hiss eləmirdilər ki uçuq var. 2-ci gün isə yavaş yavaş qurudur. 3 cü gün də qurumuş hissə qopub düşdü məndə. bəli, qiyməti bahadır. bakıda necədir bilmirəm amma polşadan aldım mən. 50 mg yaxşıca baha idi. qəribə hiss eləmişdim özümü ki bap-balaca şeyə bu qədər pul verdim amma köməyini görəndə adam heç heyfslənmmir.

həyatın müqayisə olunması

başqa insanları bilmirəm. özümü bilirəm.
necə də tətbiq olunduğundan xəbərsiz onun qurbanı olduğunun fərqinə varmışdım. bütün kərpiclərini yığdığım həyatımın ona əsasən yığıldığının fərqinə vardım. istəklər, arzular çoxusunun başında o dururmuş. belə öyrətdilər təəssüfki çünki. birinci sinifdə oxuyanda anamın yaxşı xətti olaq uşaqların dəftərini gətirib mənə göstərib, baax, sən də belə yaz, gör nə qəşəng yazır x. onunla da məni anlamadığım, var olduğundan xəbərsiz olduğum yarışa soxurdu. həyatım elə davam eləməyə başladı. və mən bir gün istəklərimi, arzularımı sorğulamağa başlayanda çoxsunun başında müqayisə durduğunu gördüm. sən demə özü də mən özümdən xəbərsiz bu yarışa nifrət edir, müqayisə ortamlarından qaçırmışam. məsələn, instagram hesabım olmuyum heç vaxt. istəmirdim heç vaxt. indi başa düşürəm ki ona görə istəmirdim ki, bilirdim ki daim müqayisələr edəcəm və əhvalımı pozacam.
ən yaxşı nisbi anlayışdır və daim vardır. bunu böyüdükcə öyrəndim. müqayisə ilə yaşamaq insanı üzər. dediyim kimi ən yaxşı daim vardır və sən daim müqayisə eləmiş olursan. çox gülməlidir. adamlar var ki bütün həyatlarını bunun üzərində qururlar, o qədər əziyyətə girirlər.
onun əvəzinə insanları müqayisə eləməyib də nail olduqları şeyə görə xoşbəxtdilərsə məmnun olmaq olar. şikayətlənən insan görməkdənsə həyatından məmnun, xoşbəxt insan görmək mənəvi yüksüzlükdür, rahatlıqdır mənə. ona görə artıq bacarıram nisbətən müqayisə etməməyi, və özümə fokuslanmağı. özünü sevən insan adətən özünü başqasıyla müqayisə etmir, özünü olduğu kimi, var olduğu kimi sevir. bu da ayrı geniş mövzudu. (baxma: özünü sevmək)