Bakıda eyni adda şirniyyat mağazası da var. Məhsullarını bəyənirəm. Qiymətləri münasibdir.
blok başlıqlarını gizlət
meningit
matruşka
matruşka
rafael santi
Notice: Undefined variable: thisuser in /var/www/soz6/profilson.php on line 166
1973-cü ildə alınan roe.wade qanunu qadınlara hamiləliyin ilk 3 ayı ərzində hüququnu verirdi. Lakin 2022-ci il 24 iyunda ləğv edilən bu qanunla ştatlar sərbəst şəkildə abort barədə sərbəst qanun qoya biləcək. Artıq 20-dən çox ştatın abortu qadağan edəcəyi və ya aborta icazə verilən həftəni 5-6 həftəyə endirəcəyi gözlənilir. Azadlıqlar ölkəsi adlanan U.S.A-da belə bir şeyin baş verməsi məni çox üzdü. Bu ayın 24-ündən etibarən ABŞ-da silahlara əlçatanlıq aborta əlçatanlıqdan qat-qat asan olacaq. Abortun qarşısının alınması qadın/uşaqlığı olan şəxslərin bədənləri üzərində diktatura qurmaqdan başqa bir şey deyil. Abortun qadağan edilməsi abort sayını azaltmayacaq. Sadəcə olaraq qeyri-steril şəkildə, həyati təhlükə törədəcək yerlərdə abortun edilməsinə yol açılacaq. Foster-care, yəni qəyyumluğa verilməyi gözləyən istənməyən uşaqların sayı artacaq. Foster care-də uşaqların üzləşdiyi travmalar isə saysız-hesabsızdır. Bunu düşünməyən dövlət hələ doğulmamış, doğulsa nə olacağı bilinməyən dölün hüquqlarını qoruyur.
bir yandan dövlət imtahanına hazırlaşıram. bir yandan da linkedində gözümün qabağında diplomum hələ olmadığı üçün zay olan elanlar keçib gedir. hayat çok acı * :P
Halhazırda "youtube"-da mahnısını dinlədiyim musiqiçi. "Yuxusuzam" adlı mahnısını storiyə qoyub, qayıtmasını istədiyiniz eks sevgilinizə söz ata bilərsiniz. Söz yazarı, gitar müəllimi, muqisiçi kimi fəaliyyət göstərir. Flora hosteldə keçirilən mini konsertlərdə tez-tez görürəm. Ümumən bəyəndiyim mahnılarına "Yenə", "Sənə gəldim", "Oyuncaq kimi"-dir. Məncə, çox güclü səs olmasa da, sevgili ilə romantika yaşamaq və ya qruza düşmək üçün mahnıları yaxşıdır.
sifarişi verən: harley davidson
yaşını qəbullanmaq. halbuki əvvəl doğum günümə bircə gün qalsa da, mənə heç kim yeni yaşımı dedirdə bilməzdi.
bir neçə gün əvvəl yatdığını zənn eləsəm də, anamın "pişik haradadır? ətin iyinə gəlmədi" deməyiylə evdə olmadığının fərqinə vardıqdan sonra binamızda hər qonşunun və məhlədəki adamların məni tanımasına və hər bloka "axtarılır" elanı vurmağıma səbəb olan canlı. günyarım sonra qoşulub gəzməyə getdiyi pişiklə evə heç nə olmamış kimi qayıdıb, üstünə məni də görəndə birgə gəldiyi pişiyə qapaz keçirməyi də ayrıca bir arsızlıq nümunəsidir. pişiklərin ayrıca həyasız olduğu doğrudur. amma şeytan tükləri var.
Meningit baş beyin və onurğa beynin qişaları və beyin-onurğa beyni mayesinin iltihabıdır. Bakteriyalar arasında əsas törədicisi meninqoloklardır. Bundan başqa, virus, göbələklər, parazitlər də meningitə səbəb ola bilər. Diaqnostika üçün lumbar punksiya ilə beyin-onurğa beyninin əldə edilməsi və onun müayinəsinin klinik əhəmiyyəti var.
Meningitdə aşağıdakı simptomların ən azı ikisi xəstələrin 95%-də müşahidə olunur:
baş ağrısı,
hərarət,
boyun sərtliyi
şüur səviyyəsinin azalması.
Boyun sərtliyinin olmaması meningiti istisna etmir.
Bundan başqa fiziki müayinədə brudzinski və Kerniq əlamətləri görülür.
Törədici meninqokokk olduğu halda müalicənin başlanmasından 24 saat ərzində profilaktik antimikrob müalicəsi və damcı izolyasiyası aşağıdakılar üçün tövsiyyə olunur:
• ailə üzvləri
• hər-hansı uşaq bağçasında digər uşaqlar və kadrlar
• xəstənin ağız və ya boğaz sekresiyaları ilə təmasda olan şəxslər
• xəstənin ağız və ya boğaz sekresiyaları ilə müdafiəsiz təmasda olan səhiyyə işçiləri.
Kerniq və Brudzinski əlamətlərinin şəkili https://i.imgur.com/uMxh8Ly.jpg
sifarişi verən: adsızinsan
Dönər qiymətlərini illər əvvəl 2.50dən başlayıb, halhazırda 5 manata çatdırmış restoran. Şəxsi təcrübəmə əsasən, Nizami filialında dönərləri daha yaxşı olur. Elmlərdə quru edirlər. Lahmacunlarını bəyənirəm, amma yenə də bahadır. Bir şəbəkə olaraq yeməkdən əlavə süd, süd məhsulları, ət və ət məhsullarını da satışa təqdim edirlər.
Məşğul olduğu sahələrlə psixiatriyanın və psixologiyanın öyrəndiyi sahələrin qarışdırıldığını görəndə ildırımvurmuşa döndüyüm tibbin qolu.
Nevrologiya sinir sistemini öyrənən tibb sahəsi olub, baş beyin, onurğa beyni, baş və onurğa beynin digər orqanlarla əlaqə saxlamasını təmin edən sinir şəbəkəsinin fəaliyyətini və onların əzələlərlə koordinasi mexanizmini araşdıran elm növüdür. Nevrologiyada görülən ən məşhur xəstəliklərin bir qisminə MS, ALS( Stewen Hopkins də bu xəstəlikdən əziyyət çəkirdi), miqren, Parkinson, epilepsiya, insult, Alzheimer, nevralgiyalar aiddir.
Düzdür, nevroloji xəstəliklərin bəzilərinin nəticəsində( məsələn, Alzheimer xəstəliyində) psixiatrik problemlər üzə çıxa bilsə də, bu hər əsəbi olanın, depressiv pozuntusu, panik atak və s. kimi problemləri olan insanların qolundan tutub, nevroloqa aparmalı olduğunuz mənasına gəlmir. Bunu da qeyd etməliyəm ki, təcili hallarda nevroloqun antidepressant, sakitləşdirici kimi dərmanlar yazma hüququ olsa da, müalicənin aparılması nevroloqa təhvil verilə bilməz və nevroloqun vəzifə olaraq təcili halda edə biləcəyi təyinat verərək psixiatr vəs. Kimi lazımi mütəxəssisə yönləndirməkdən ibarətdir.
Yazarın özünün dümdüz bir varlıq olduğuna inandığından açılmasına təəccübləndiyi başlıq. Yox, əgər bu, nickaltı deyilsə, onda başqa məsələ.
Bağlılıq teoriyası (attachment theory) ilk dəfə John Bowlby tərəfindən irəli sürülmüşdür. Onun fikrinə görə, uşağın ilkin qayğıverən şəxslə qurduğu bağın tipi həmin uşağın növbəti həyatında quracağı insan münasibətlərinin xarakterini təyin edir. Əgər ilkin qayğıverən (primary caregiver) uşağa güvən duyğusu aşılaya, uşağın emosional və fiziki ehtiyaclarımı kifayət qədər ödəyə bilərsə, uşaq güvənli bağlılıq tipi yaradır. Mary Ainsworth John Bowlby-nin teoriyasını daha da inkişaf etdirmişdir. Eksperiment zamanı 12-18 aylıq uşaqların analarından ayrıldıqları və təzədən birləşdikləri zaman verdikləri reaksiyalar izlənmişdir.
p.s əksərən ilkin qayğıverən şəxs ana olur.
Müşahidələrə əsasən, Ainsworth 3 bağlılıq tipi- güvənli, ambivert-güvənsiz, çəkingən-güvənsiz tipləri təklif etmiş, sonradan burada disorqanizasiya olmuş kateqoriyası əlavə edilmişdir.
Şaffer və Emerson bağlanmanın 4 fazasını təyin etmişdir.
Bağlılıqönü: bu mərhələ doğuşdan etibarən 3 ayı əhatə edir. Bu periodda uşaq spesifik bir qayğıverən şəxsə bağlılıq hiss etmir.
Qeyri-selektiv faza: 6 həftə-7 ay arasındakı periodu əhatə edir. ilkin və ikincili qayğıverən arasında fərqin aydınlaşdırılması başlayır. Körpə yad və tanış insanları ayırd edə bilir. Ehtiyacların ödənməsindən asılı olaraq ilkin qayğıverənlə inam bağlı bağlanmağa başlayır.
Selektiv faza: 7-11-ci aylarda ilkin qayğıverənlə çox güclü bağ qurulur və spesifik olaraq ilkin qayğıverənin diqqətinə üstünlük verilir. Uşaq ilkin qayğıverəndən ayrılsa, uşaq ayrılma təşvişi (separation anxiety) və yad şəxslər arasında təşviş(stranger anxiety) yaşamağa başlayır.
Çoxsaylı bağlılıqlarən qurulması: 9 aydan etibarən təməli atımağa başlayır və uşaq bacı-qardaş, ata, baba vəs. ilə bağ qurur.
Bağlılıq tipləri zamanla dəyişə bilər. Bu, sizin özünüzün patternlərinizi anlamağınız və üzərində işləmənizdən asılıdır. Məsləhətim isə münasibətlərinizdə sağlam təməllər arzulayırsınızsa, ən azından öz bağlılıq tipinizi analiz edib,anlamanız, ona uyəun olaraq partnyor/yaxınlarınızla bunu ifadə edərəm, dialoq qurmanızdır.
Mövzu ilə bağlı daha ətraflı oxumanız üçün linklər əlavə edirəm.
link 1 
link 2
link 3
əlaqəli pdfi yükləmək üçün link
Bir-birinizin səssizliyindən belə zövq almağa başlamısınızsa, velkam tu vörld. Aşiq olmağa hazırlaşanlara aşağıdakı linkdəki videoya daxil olaraq videonu izləməklərini məsləhət görürəm. Bir zamanlar eşqlə sevginin fərqini heç cür anlaya bilməyən biri olaraq özümü videodakı deyilən şeylərə qatılan tapdığım perioddayam. Mental evolution is real.
Ps. Videonun başlığı daha çox diqqət üçündür və eşqin varlığını inkar etməməklə birgə, prosesə məntiqli izah verir.
(youtube: 
)
)
Taxtadan oyulan, çoxhissəli rus kuklasıdır.Görünüşcə klassik matruşka kəndli rus insanı şəklində boyanır.
Matruşkanın tarixi barədə fikirlər çox olsa da, bir çoxlarının razılaşdığı nəzəriyyənin kökü 1890-cı ilə dayanır. ilk matruşkanın Sergey Malyutinin dizaynı əsasında Vasili Zvyozdoçkin tərəfindən oyulduğu düşünülür. ilk yaradılışı, yəni 1890-cı ildən 10 il sonra matruşkanın Abramtsevo sənətkarları tərəfindən Parisdə sərgilənməsi isə matruşkanın indiki beynəlxalq məşhurluğuna çatmasına təməl yaradıb.
Matruşka strukturca minimum 3 hissədən ibarət olur və qarın hissədən 2 yerə bölünür. Matruşka fertillik rəmzidir. Məhz buna görə də klassik matruşkada ən böyük və ilk fiqur qadın formasında olur, onun içindən çıxan fiqurlar isə getdikcə balacalaşır. ilk fiqurun ailənin matriarxını işarə etdiyi, ən kiçik hissəninsə ruhu təmsil etdiyi deyilir. Beləliklə, matruşkalar qadınlar vasitə nəsillər boyunca ailə mirasının ana bətnindəki uşaqlar üzərindən ötürülməsini rəmzi olaraq təmsil edir.
illər keçdikcə matruşkanın klassik formasından başqa versiyaları da yaranmış, həm də siyasi mənalar da qazanmağa başlamışdır. Buna misal kimi Stalin, Putin, Lenin və s. kimi siyasi fiqurların matruşkalarını göstərmək olar. Təbii ki, matruşka dizaynları tək bunlarla limitlənməyib. Balerin, müxtəlif heyvanlar,film və animasiya qəhrəmanlarının da matruşkaları mövcuddur.
sifarişi verən: adsızinsan
Ramazanda allahın bu boyda dünyada ancaq 1 kluba gücünün çatdığını zənn edənlərin kəskin reaksiya verdiyi hadisə.
Məncə, insanları ən çox qəzəbləndirən nə oranın klub olmasıdır, nə də ki Ramazanda içki içilməsi. insanları acıqlandıran pulsuzluqdur, özləri də fərqində deyillər. O məkan açığı qıraqdan səviyyəsiz və ucuz yerə oxşamır. Həmin məkanla yan-yana olan normal məkanlarda əylənməyə isə mənim az qala 1 aylıq stipendiyamı qoymağım lazımdır, hansı ki, partlayan məkanın yanında balaca məkanlardır. Məlum 1 set şot alsan, 15 manat yoxa çıxır. Şüuraltı bir qism insan bunları etməyə imkanı olmamasına , bir qismi isə camaatın 11-12-dən sonra çöldə tək ola bilib, amma özlərinin ola bilməməsinə əsəbləşir.
Storytel isveç qurumlu səsli kitab dinləmə platformudur. Aplikasiyanı yükləyib, aylıq abonə olaraq çox sayda səsli kitabı dinləyə, e-kitab əldə edə bilərsiniz. Ödəniş aylıq 2.74 dollardır. Günümüzdə həyatın axış tempinin çox sürətləndiyini, bu temp içində özümüzə və zövqlərimizə zaman ayırmağın çətin olduğunu nəzərə alsaq, faydalı platform olduğunu düşünürəm. Storytell 20-dən çox ölkədə fəaliyyət göstərir və bunlar arasında Rusiya, Türkiyə də var. Türkiyə üzərindən platformaya göz atdıqda çox sayda türkdillli audiokitablarla yanaşı ingilis dilində də audio kitablar olduğunu gördüm. Əgər siz də kitab oxumaq istəsəniz də, buna vaxt ayıra bilmirsinizsə və mənim kimi kitab oxuma alışqanlığınız zəifləsə də, kitablarla maraqlanırsınızsa, platformanı məsləhət görürəm. Kitabları əvvəldən yükləyərək internetsiz ortamlarda, məsələn avtobus, metro kimi yerlərdə də dinləyə bilərsiniz. Platform ilk 14 gün pulsuz sınaq periodu şansı verir. Abonəliyi isə istənilən vaxt ləğv edə bilərsiniz.
Cəmiyyətin hər kəsimini təmsil edən obrazların yer aldığı film. Vaqif səmədoğlunun pyesi əsasında çəkilib. Azərbaycam filmləri içərisində ən sevdiklərim arasındadır. Xüsusən də Hüseyn obrazının sözləri film boyu diqqət çəkir. Hüseyn uşaq evində böyümüş, zəif xarakterli, yumşaq qəlbli biridir. Moşu isə deyərdim ki, boşboğazdır. Özünü çox böyük biri sanır, eyni zamanda bir gün layiq olduğu şöhrətə çatacağını düşünür. Moşu və söylü "çuşkalardır". Buna görə də Sevda və əri onları aşağı görür. Mən sevda və ərini görəndə Azərbaycanda geydirmə intelligent, "üst" təbəqəni görürəm. Film boyunca ən pis olduğum isə bu qədər çaxnaşmanın arasında qalan Sevinc-Hüseynin qızıdır. Bədbəxt ana, alkoqolik ataya sahib olmaq asan deyil. Atasının şam ağacını göstərib, "bu ağacı böyüdəcəyəm, böyüdəcəyəm, sonra da özümü bundan asacağam" deməsindən sonra gecə vaxtı hamı yatandan sonra ağacı bıçaqla kəsməyə çalışması Sevincin uşaq olaraq ata, anasının bədbəxtliyindən pay aldığını göstərir. O uşağı filmin sonunda hara qoyduqlarını bilən varsa, desin.
Filmdən çox adamın aşina olduğu ifadələr var. Məsələn, "detdom uşaqlarının atası olmur, naçalnik", "Kimlər itirmir ki bu dünyada. itirə-itirə gedirik".
(youtube: )
)
Məncə, günümüzdə azərbaycanı tənqid etmək üçün biləcəridən o yana çıxmamaq o yana, məhlədən o yana çıxmamaq da problematik deyil. Hər kəsin informasiyaya çıxışı var və müqayisə apara bilir. Virtual dünyanın sərhədləri yoxdur.
She's going through a lot right now. I wish I could just kiss away the pain, make it go away, stop it, kill it.
Sevdiyin birinin çarəsizliyini izləyib, bunu əngəlləyə bilməmək kimi çarəsiz durum az olar.
Çox böyük ehtimal, uşaqlıqdan bəri insanlara inanmaması beyninə kodlanan, çəkingən bağlanma tipinə (avoidant attachment style) sahib insanın edə biləcəyi şey.
https://tr.m.wikipedia.org/wiki/Ba%C4%9Flanma_teorisi
https://bit.ly/33DvlUe
sifarişi verən: daxili heyecan
Deyilənə görə, real həyata əsaslanan filmdir. Ona görə, həmişə sonda qızın axırının nə olduğunu düşünürəm. Ölkəsinə qayıda bilməz. Böyük ehtimalla bu, onun üçün ölüm fərmanı olardı. Bəs onda yad yerdə görən nə etdi? Bunun vicdan əzabı hissəsi də var. Yusiflə birgə olanda ən azından özü üçün əsası vardı evini qoyub gəlməyə.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343