adtapabilmedim
959 2 0 0
5.nəsil
yazar
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15
reytinq xalı: 2446
entry sayı:959
karma xalı: 673
izləyənlər: 11
sifariş sayı: 15
"guy always thought it was life he was looking for. but it must have been death."
son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə
indi türkiyə'yə nəzər salsaq heç də filmdəkindən fərqli olmadığını görərik. "türkiyə" artıq sadəcə bir kəlimədir, tipik bir yaxın şərq, ərəb ölkəsidir, türk'ün cumhuriyyəti.
(c) zaur qurbanlı - meydan tv
bir siyasətçinin, mübariz adamın, aktivistin, ümumiyyətlə, tarixi hadisələrin iştirakçısı olmuş adamın əsas və heç cür güzəşt edilməyəcək vəzifələrindən biri də bildiklərini sonrakı nəsillərə çatdırmaqdır. şükürlər olsun ki, 5 min il əvvəl yazı ixtira olunub, indi yazıb çatdıra bilirik.
təbii, özündə ictimai maraq kəsb etməyən xatirələri şifahi yolla da başqalarına çatdırmaq olar, amma bir də var ölkənin taleyi üçün əhəmiyyətli məsələlər, aztv demiş, taleyüklü hadisələr.
məsələn, sən olmusan parlamentin sədri, bir müddət dövlət başçısı vəzifələrini icra eləmisən, sonra prezidentinə "izindeyiz, atam" deyib, hakimiyyəti vermisən cənab generala, 10 il sonra camaatın yarısı sənə səs verib, on minlərlə adam çıxıb ölüm-dirim mübarizəsinə ki, sənin səslərini qorusun və s. və i.a. heç kimin başına gəlməyən, unikal, tarixi, son dərəcə əhəmiyyətli hadisələr sənin başına gəlib, baş rolda olmusan.
yaxud gənc yaşında mübarizə aparıb, demokratik hökumətin qurulmasında əhəmiyyətli rol oynamısan, olmusan dövlət katibi, sonra bu boyda hərəkatın partiyasının başında durmusan uzun illər və s. və ia. tarixi hadisələrin mərkəzi obrazı olmusan.
yaxud başqa, daha xırda vəzifələr tutmusan, amma məsələləri bilirsən, nə baş verdiyini ölkənin 99%-dən yaxşı anlayırsan, əksəriyyətin bilmədiyi həqiqətlər sənin neyronların arasındakı impulslarda gərdiş-i-dövran-i-kəcrəftar eləyir.
qardaş, bəy, dayı, atam, anam, bacım, yaz da bunları. niyə yazmırsınız? niyə bu xalqı, bu dövləti bir də bu tərəfdən şikəst edirsiniz? bu xalq heçmi layiq deyil o həqiqətləri bilməyə? öz əli ilə, səsi ilə qurduğu hakimiyyətləri podnosda xuntaya verdiyiniz xalq bu qədər əclafdır, aşağılıqdır ki, başına gələnləri inandığı, səs verdiyi adamlardan eşitməməlidir, oxumamalıdır?
axı bu bədbəxt camaat sizə vəfa borcunu ən azı passiv formada ödəyir? azərbaycanda heç vaxt əliyevlər seçkidə səs ala bilməyiblər. mən şəxsən buna görə türkiyə seçicilərinə yuxarıdan aşağı baxıram. bizim erdoğanımız olmayıb. biz avtoritar liderlərə səs verməmişik, vermirik. qaytarın da onların borcunu. yazın da nə baş verib. mən manna dövləti haqqında daha çox bilirəm, nəinki 1992-93 hakimiyyəti haqqında. girdiman kralı varaz trdat haqqında daha çox bilirəm, nəinki elçibəy haqqında. elçibəy özü də yazmadı, bütün sirləri aparıb-getdi. bu, onun azərbaycana ikinci xəyanəti idi.
heç kim deyə bilməz ki, 1988-ci il hadisələrini, 1990-cı il hadisələrini bir qrup adam eləyib, 1992-ci il milli hökumətini bir qrup adam qurub. cümhuriyyətlə 1992-nin fərqi də bundadır. meydanlarda yüzminlər var idi. qəzetlər milyon nüsxə ilə satılırdı. xalq var idi, xalq. siz tək deyildiniz, hörmətli siyasətçilər. sizin bu xalq qarşısında borcunuz olanları yazmaqdır. elçibəy etdi, rəhmətə getmiş bir xeylisi etdi, siz etməyin bu xəyanəti. tariximizi, yaddaşımızı, azərbaycanı bir az da şikəst qoymayın. yazmaq lazımdır. mütləq lazımdır. infarkt, xərçəng, şəkər, diktatura sizi bizdən tək-tək alır. gecikmədən yazın, borcunuzu ödəyin.
ingilislərin “historical contingency” dediyi bir şey var. geniş izah eləyib, müəllimlik etmək istəmirəm. bizi bundan məhrum etməyin. çox lazımdır o bizə. lütfən.
video link (türkcə altyazılı): link
wonder woman filminin 2019'da yayımlanacaq davamı. wonder woman rolunda gal gadot olacaq. hekayə 1980'ci illərdə cərəyan edəcək. ww'nin bu filmdəki düşməni cheetah olacaq. cheetah rolu üçün kristen wiig seçilib. keçən filmdə rol alan chris pine yenə də steve trevor rolunda çıxış edəcək.
diana (ww) və steve'in, sovetlər birliyi'nə qarşı mübarizəsi də filmdə öz əksini tapacaq.
ortalamanın üstünə çıxaraq özünü inkişaf etdirməklə, inkişaf etmiş, mədəni bir ölkəyə miqrasiya etmək normal bir həyat əldə etmək üçün yeganə çıxış yoludur.
#272098
video (türkcə altyazılı): link
"kim bilir bu dünyada neçə günümüz qalıb? mən həyatımı gülərək, əylənərək, xoşbəxt yaşamaq istəyirəm. Gəl sikdirək gedək buradan!"
film albuquerque qəsəbəsində başlayır, əsas ailə həmin qəsəbədən yola düşür (bb də həmin qəsəbədə çəkilib). filmdə dean norris (bb'dəki hank schrader) və bryan cranston (bb'dəki walter white) kiçik rol alıblar. dean norris bu filmdə yol polisi obrazını canlandırıb (bb'də isə narkotik polisi olur). bu filmdə ailə teması əsas yer tutur, bb'də də həmçinin.
vince gilligan breaking bad'ı yaradarkən bu filmdən bəhrələnib yoxsa yox bilmirəm, amma hərhalda cast seçimində təsiri olub bu filmin.
həsrətlə gözləyirik.
(bax: bitsin bu həsrət)
türkiyə'də seks oyunları adı ilə nümayiş etdirilmişdir.
filmin mövzusu biraz şablon olsa da soundtracklər, əfsanə dialoqlar, mükəmməl heyəti ilə ilin ən yaxşı filmlərindən hesab olunmuşdur.
sarah gellar'ın cəlbediciliyi ilə mükəmməl femme fatale olması, ryan'ın playboy sebastian'ı, selma blair'in saf seksi qız obrazı, və reese'nin təbii gözəllik simvolu olan annete obrazı filmi tamamlayıb.
bu filmi 90'lı illərin fifty shades of grey'i hesab etmək olar amma bu film adicə erotik dramdan daha çox şey vəd edir. üstəlik bu film erotik dramların 'atası' hesab edilir.
dialoqlar isə tam bir sənət əsəridir:
- kathryn: sikişdin qız ilə?
- sebastian: sikdir ala.
- lox gədə.
- sikim içini, qoy yerə dəstəyi!
ən yadda qalan söz isə:
mən loxlarla sikişmərəm.
eng: l don't fuck losers.
(youtube: 
)
)qeyd: video mənə aid deyil.
(c) meydan tv
ilqar məmmədovun cümhuriyyətin 100 illiyi ilə bağlı ünvanladığı məktubda deyilir:
"bugünkü azərbaycan hökuməti dövlətin sahibinin millət olduğu gerçəkliyini tanımır. xarici imperialist havadarlarını təmin edən sülalə diktaturası xalqımızı qorxu mühitində saxlayaraq, onu dünyanın elmi, mədəni, ticari, sosial, texnoloji tərəqqisinin ön sıralarına keçməsinə imkan vermir. yolunu azmış bu hakimiyyətin qorxduğu bir şey vardır. bu da, “millətlərə istiqlal, insanlara hürriyət” ideyasının işığıdır. bu gün 100 rəqəmi həmin o cümhuriyyət işığının gücünü ifadə edir, 95 rəqəmi isə onun qarşısında hörülən neft, qaz və diktat divarının hündürlüyünü ifadə edən ölçü vahidləridir. o divar qanunsuzdur və sökülməlidir. cümhuriyyət bayramınız mübarək!"
ilqar məmmədov 2013-cü ilin yanvarında ismayıllı hadisələrin ilə bağlı həbsə alınıb. o, kütləvi iğtişaşların təşkilində ittiham edilərək, məhkəmənin qərarı ilə 7 il azadlıqdan məhrum edilib.
avropa insan hüquqları məhkəməsi onun həbsdən azad olunması ilə bağlı qərar verib. ancaq o, hələ də azadlığa buraxılmayıb.
(c) meydan tv
indiki azərbaycan 1918-ci ildə yaradılmış azərbaycan xalq cümhuriyyətinin varisidir. bu, 1991-ci il oktyabrın 18-də qəbul edilmiş “müstəqillik haqqında konstitusiya aktı”nda qeyd olunub. varis olaraq himn, gerb, bayraq axc-dən qəbul edildi. bəs cümhuriyyətin müdafiə etdiyi demokratik dəyərlər necə, bugünkü azərbaycan ona varislik edir?
ölkə başçısı ilham əliyev deyir ki, “bugünkü azərbaycan, müstəqil azərbaycan azərbaycan xalq cümhuriyyətinin varisidir və biz axc-nin bütün demokratik ənənələrinə sadiqik və bu ənənələri yaşadırıq."
bəs tarixçilər necə düşünürlər? indiki azərbaycan axc dövründəki demokratik dəyərləri daşıyır?
tarixçi altay göyüşov: “cümhuriyyət eyni zamanda respublikadır, demokratikdir, yəni məqsədi bundan ibarətdir ki, bütün siyasi spektr burada tərənnüm olunur. siyasi idarəçilik insanların iştirakı ilə həyata keçirilir. bu nöqteyi-nəzərdən indiki azərbaycan heç bir halda o dövrkü axc ilə müqayisə olunmur. biz müstəqilliyi elan eləmişik, amma demokratik respublikanı bərpa eləməmişik. bu gün mövcud olan dövlətdə heç bir halda demokratiyanın “d” hərfinin heç başlanğıcı da yoxdur. heç əsası da yoxdur, heç bir şeyi yoxdur."
tarixçi, milli şura sədri cəmil həsənli : “hökumət parlamentin rəyin alanda görəvdə qalırdı, almayanda qalmırdı. amma indi azərbaycan hökuməti dünyada yeganə hökumətdir ki, ümumiyyətlə onun tərkibi parlamentdə təsdiq edilmir."
fətəli xan xoyskinin parlametdə ilk çıxışından : hökumət çalışmışdır ki, öz nüfuzunu millətin gözündə itirməsin. biz xahiş edirik ki, nöqsanlarımızı bizə göstərəsiniz, tənqidə ixtiyarınız var və tənqid xeyirli şeydir.
indiki respublikadan fərqli olaraq cümhuriyyət parlamentli respublika idi. parlamentdə müxtəlif partiyaların təmsilçiləri yer alırdı. məsələn,“müsavat", "əhrar", "sosialist", "ittihad" partiyaları.
tarixçi altay göyüşov: “həmin o iqtidar-müxalifət münasibətləri tamamilə konstruktiv şəkildə davam edirdi. hərçənd ki, tənqidlər çox sərt olurdu və tənqidlərin nəticələri də olurdu. bu, indiki ilə heç bir halda müqayisə olunmur. bizim parlamentimiz yoxdur. bilirik ki, parlamentimiz təyin olunur. deyə bilərlər ki, bəli, o vaxt seçkilər də birmənalı deyildi, daha çox müəssislər məclisinə seçkilər əsasında formalaşırdı. düzdür, amma hər halda bu seçki idi”.
1919-cu il 14 aprel parlament müzakirələri: məbus əfəndilər! hürriyyəti-kəlam, hürriyyəti-mətbuat, hürriyyəti-ictimai, mədəni və demokratik bir dövlət təşkilinin şəraiti əsliyyəsindədir. bu xüsusda zənn edirəm hər kəsdən biz irəli getdik. azərbaycanda görülən bu hüriyyətlər dünyanın heç bir tərəfində mövcud deyildir. hökumət, təbii, müqəddəs olan bu hürriyyətləri mühafizə edəcəkdir.
baş nazir nəsib bəy yusifbəyli
nəsib bəyin söz açdığı ifadə, mətbuat azadlığı indiki azərbaycanda problemli məqamdır. 2005-ci ildən başlayaraq jurnalist elmar hüseynov, rasim əliyev, publisist rafiq tağı öldürülüb. elmar hüseynovun və rafiq tağının qatilləri illərdir məsuliyyətə cəlb edilmir. 10 nəfər jurnalist də hazırda həbsdədir.
həbsdə olan jurnalist əfqan muxtarlının məhkəməki “son söz”ündən: “mehman qələndərlini öldürdünüz, mənim dostumu. gürcüstanda mənimlə birlikdə aksiyalarda iştirak edən blogger-kürdəxanı həbsxanasında öldürdünüz vicansızcasına. adamın qanını batırdınız. mən onlara baxanda şanslı adamam. məni tutub saqoreci rayonunda çöllüyə aparmışdılar, gözümü açanda elə bildim ki, öldürəcəklər. dedim, bıçaqla vurma, güllə ilə vur. mən fikirləşirdim ki, öldürəcəklər, heç vecimə də deyildi. sadəcə bıçaq yarası ağır olur, dedim güllə ilə vur”.
1919-cu il 14 aprel parlament müzakirələri: nəsib bəy yusifbəyli :
əqidə və vicdana aid məsələlər üçün demokratik cümhuriyyətimizdə kimsə təqib ediləməz.
26 noyabr 2015-ci ildə hökumət qurumları nardaranda əməliyyat keçirdi. əhalisinin əksəriyyəti dindar olan qəsəbədə atışmalar eşidildi. sakinlər namaz vaxtı mebel maşınından düşən üzümaskalı, silahlı şəxslərin həmin evə basqın etdiyini deyirlər. evdə baş verən atışma nəticəsində 2 polis, 4 nəfər sakin həlak olub, 60-dan çox şəxs saxlanılıb.
tarixçi cəmil həsənli: “ümumiyyətlə tarixin qəribə bir təzahür formasıdır ki, 1928-ci ilin azərbaycan hökuməti də, 1918-ci ilin ilk azərbaycan parlamenti də indiki azərbaycan dövlətindən və indiki azərbaycan parlamentindən daha müasirdir. ümumiyyətlə, tarixdə belə hala təsadüf edilmir”.
23 aylıq fəaliyyət dövründə cümhuriyyətdə 5 hökumət formalaşıb. parlament iclaslarında korrupsiya ilə bağı səmərəli mübarizə aparılmadığı ilə bağlı mübahisələrə rast gəlmək olur. altay göyüşov deyir ki, onlar bunun üstündə fətəli xan xoyski hökumətini istefaya göndərə bildilər, amma bu indiki azərbaycanda mümkün deyil.
tarixçi altay göyüşov: “cümhuriyyət dövründə korrupsiya olubmu? bəli, korrupsiya elementləri var idi. hökumətdə də var idi, tutaq ki, ayrı-ayrı orqanlarda da var idi, amma eyni zamanda ona qarşı müxalifətin aktiv fəaliyyəti var idi. nəticədə hökumətlər istefaya gedirdi. elə bir şey indi var? azərbaycan artıq total şəkildə korrupsiyanın mərkəzlərindən biridir”.
tarixçi cəmil həsənli: bu gün dünyanın harasında natəmiz bir iş axtarırlar, əməl axtarırlarsa, içindən azərbaycan çıxır. amma həmin dövrdə insanlar dövlət büdcəsinə (həmin dövrə ona “beytülmal” deyirdilər. c.h.) müqəddəs bir şey kimi baxırdılar”.
bəs cümhuriyyətçilər yaşasaydılar, indiki azərbaycanda harada yer tutardılar?
tarixçi altay göyüşov: “bu hökumət deyir ki, cümhuriyyətçilər indiki azərbaycanı görüb fəxr eləyərdilər. bir şeyə sözsüz ki, fəxr eləyərdilər, bunu inkar etmək mümkün deyil- müstəqilliyi görərdilər. çünki bu adamların dövründə müstəqillik itirildi. bu, çox böyük zərbədir. amma mövcud quruluşu görsəydilər, nəinki bununla razı olmazdılar, hətta deyərdilər ki, biz belə azərbaycan istəməmişdik. bizim istədiyimiz demokratik respublika idi, mütərəqqi respublika idi yəni dünyada sayılıb-seçilən ölkələrdən biri idi. adı, quruluşu, müasirliyi, cəlbediciliyi ilə, bütün bunlarla seçilən ölkə. siz neyləmisiniz?! qurduğunuzun adı hansı mətbuatı açırsansa, ya korrupsiyada, ya rüşvətvermədə, kimisə tutmaqda, əzməkdə, ancaq pis işlərdə hallanır”.
tarixçi cəmil həsənli: “əgər cümhuriyyətçilər indi yaşasaydılar, yəqin ki, onlar da ilham əliyevin siyasi məhbuslarının siyahısına daxil olardılar”.
fərdləri insan haqlarından məhrum olan millətin sahib olduğu istiqlal o millət nə dərəcədə qüvvətli bir dövlət mexanizmi qursa da, qısırdır, nöqsanlıdır və o dövlət sağlam və möhtəşəm bir həbsxanadan başqa bir şey deyildir.
(c) yadigar sadıqov - meydan tv.
bir zamanlar çar rusiyasının, sonralar isə sovet ittifaqının tərkibinə daxil olan bir çox ölkə ilk müstəqilliklərinin 100 illiyini qeyd etməyə hazırlaşırlar. o zaman çar rusiyasında baş verən siyasi kataklizmlər imperiyanın müvəqqəti də olsa çöküşünə, ucqarların müstəqilləşməsinə səbəb oldu.
bu ölkələrdə maraqlı proseslər gedirdi. yeni dövlət quruculuğunda geniş xalq kütlələrinin iştirak etdiyini söyləmək olmaz. prosesdə əsasən ictimai-siyasi elita iştirak edirdi. yaradılan dövlətlər də həmin elitanın siyasi görüşlərinə uyğun idi.
məsələn, orta asiya xalqları tələm-tələsik feodalizmə üz tutdular. zatən burada bəzi ərazilərdə yarımmüstəqil xanlıqlar qalmaqda idi. digər dövlətlər isə respublika üsul-idarəsinə üstünlük verdilər. hətta əvvəlcə monarxiya, sonra isə respublika quruluşunu seçənlər oldu.
litvada əvvəlcə krallıq yaradılması, taxta isə almaniyanın hakim xanədanına mənsub bir şahzadənin oturulması nəzərdə tutulurdu. lakin müəyyən səbəblərdən, o cümlədən, almaniyanın birinci cahan savaşında məğlubiyyətindən dolayı bu plandan imtina edildi, respublika quruldu.
yaradılan respublikaların eyni səviyyədə olduğunu söyləmək olmazdı. hüquq və azadlıqlar, hakimiyyət bölgüsü və digər dəyərlər baxımından xeyli fərqlər vardı. bu baxımdan azərbaycan demokratik respublikası müsbət mənada xüsusilə fərqlənirdi. ilk cümhuriyyətimizin bu fərqlilikləri 100 il sonra ölkədə azadlıq uğrunda mübarizə aparan insanlar üçün güc mənbəyi olaraq qalmaqdadır.
azərbaycan demokratik respublikasının özəlliklərinə bələd olmayanlar üçün onun cəlbediciliyini anlamaq çətindir. və yaxud, tam anlamaq çətindir. kimisi üçün sadəcə müstəqil dövlət olduğuna görə əzizdir. kimisi üçün isə imperiyanın çöküşü nəticəsində meydana çıxmış qurumdur.
lakin cümhuriyyətin əsas özəlliyi onun sadəcə müstəqil dövlət olmasında deyil. həm də necə dövlət olmasındadır məsələ.
ilk cümhuriyyətimiz inanılmaz dərəcədə ağır şərtlər altında yaradılmışdı. dövlət adına heç bir şey yox idi. nə dəqiq ərazisi var idi, nə idarəetmə strukturları, nə də atributları. təkcə müəssislər məclisinə keçirilən seçkilərin nəticələri əsasında təsis olunmuş milli şura vardı. və bu milli şuranın üzərində yoxdan bir dövlət yaratmaq vəzifəsi dururdu.
təbii ki, cümhuriyyət dövrü də tarixin digər dövrləri kimi nöqsanlardan xali deyildi. olduqca əlverişsiz xarici və daxili şərtlər hökm sürürdü. müstəqillik elanından sonrakı 4 ay ölkənin ərazi bütövlüyünün bərpası uğrunda mübarizəyə - bakının və xəzərsahili digər ərazilərin qurtuluşuna həsr olundu.
ilk mühüm vəzifənin öhdəsindən uğurla gəldikdən sonra yeni problem ortaya çıxdı. birinci cahan savaşının qalib dövlətləri bakı neftini nəzarətə götürmək üçün şəhərin ingilislər tərəfindən işğal olunması barədə razılığa gəldilər. 1919-cu ilin yazında ingilislər getdilər, lakin qırmızı rusiya tərəfindən permanent təcavüz təhlükəsi var idi. ermənistanla ərazi konfliktləri də xroniki şəkil almışdı.
ölkədə dəhşətli dərəcədə kadr çatışmazlığı hiss olunurdu. nə sənaye mütəxəssisləri yetərli idi, nə kənd təsərrüfatı.
təhsil, səhiyyə, hərbi və digər sahələrdə də vəziyyət eyni idi. yeganə normal vəziyyətdə olan neft sənayesi idi.
lakin neftin də ixrac və satış əlaqələrini yenidən bərpa etmək lazım idi.
azərbaycan demokratik respublikası bu dərəcədə ağır şərtlər altında yaradılırdı. bu şərtlərə baxanda nəticələr həqiqətən möhtəşəm idi. lakin digər sahələrdəki nəticələri bir kənəra qoysaq, üstündən 100 il keçəndən sonra azərbaycanda azaqlıq uğrunda mübarizə aparan insanlara mənəvi güc verən əsas amil cümhuriyyətin demokratik mahiyyəti idi.
dövlətdə hakimi-mütləq bütün siyasi partiyaların və xalqların təmsil olunduğu parlament idi. burada siyasi və milli mənsubiyyət əsasında 10 fraksiya fəaliyyət göstərirdi. hökumət parlament qarşısında məsuliyyət daşıyırdı və onun etimadından asılı idi.
nə parlament, nə hökumət hansısa şəxsin nüfuzu altında fəaliyyət göstərmirdi. halbuki zaman o zaman idi ki, avropada belə şəxslərə söykənən avtoritar və qeyri-insani ideologiyalara əsaslanan totalitar rejimlər bərqərar olurdu.
aydındır ki, nə azərbaycanda, nə də tərkibinə daxil olduğu rusiyada parlamentar təcrübə yox idi. yalnız birinci rus inqilabından sonra 1906-cı ildən etibarən duma fəaliyyət göstərməyə başlamışdı. burada da azərbaycanlıların təmsilçiliyi çoxsaylı deyildi.
birinci dövlət dumasında cənubi qafqazın müsəlman əhalisini 5 nəfər - əlimərdan bəy topçubaşov, əbdürrəhim bəy haqverdiyev, ismayıl xan ziyadxanov, əsədulla bəy muradxanov və məmmədtağı əliyev təmsil edirdilər.
ikinci dövlət dumasına isə fətəli xan xoyski, xəlil bəy xasməmmədov, məhəmməd ağa şaxtaxtinski, zeynal zeynalov və mustafa mahmudov seçilmişdilər.
1907-ci ildə çar hökuməti ii dumanı buraxdı və seçki qanununa mürtəce dəyişikliklər etdi. bundan sonra azərbaycanlılar cəmi 1 nəfərlə təmsil olunurdular. bu təmsilçi iii dumada xəlil bəy xasməmmədov, iv dumada isə məmməd yusif cəfərov idi.
bu qədər məhdud təcrübəyə baxmayaraq azərbaycan parlamentində yüksək diskussiya və polemika, eləcə də konsensus mədəniyyəti müşahidə olunurdu. parlament iclaslarının stenoqramı ilə tanış olduqca bu mədəniyyəti yalnız çoxəsrlik parlamentar təcrübəyə malik ölkələrlə müqayisə etmək olar.
avropa ölkələrindən bəziləri təkpartiyalı sistemə keçdikləri bir dövrdə azərbaycanda çoxpartiyalı koalisyon hökumət fəaliyyət göstərirdi. düzdür, 23 ay ərzində 5 hökumətin dəyişməsi o qədər də sevindirici nəticə sayıla bilməz. lakin yeni yaranmış və demokratiya yolunu tutmuş dövlət üçün belə hal qeyri-adi sayılmamalıdır.
bəzən azərbaycan demokratik respublikasının “aşırı demokratiya” səbəbindən süqut etdiyi haqqında yanlış fikirlərə rast gəlmək olur. halbuki, bu süqutun yeganə bir səbəbi vardı – rus işğalı. kifayət qədər hərbi potensialı olmayan bir ölkədə avtoritar və ya totalitar bir dövlət qurulsaydı belə, təcavüz etmiş 72 minlik azman bir qüvvəyə uğurlu müqavimət göstərmək mümkün olmayacaqdı.
əvəzində isə cümhuriyyətimizlə indiki kimi qürur duya bilməyəcəkdik. həm də təcrübə göstərir ki, kiçik dövlətlərin işğalı daha çox beynəlxalq şərtlərdən asılı olur. ötən əsrin əvvəllərində beynəlxalq şərtlər sovet rusiyasına imperiyanın sərhədlərini böyük ölçüdə bərpa etməyə imkan verdi. yenidən işğal olunan ərazilər arasında demokratiki də vardı, qeyri demokratiki də. o səbəbdən də süqutun səbəbini “aşırı demokratiya”da axtarmaq doğru deyildir.
qürur duyulacaq başqa bir cəhət isə hakim elitanın heç bir korrupsiya skandalına bulaşmamasıdır. hətta sovet işğalından sonra istintaq orqanları belə bu yöndə cümhuriyyət xadimlərinə heç bir ittiham irəli sürə bilmədilər. atasının nəsib bəy yusubbəyliyə yazdığı “baş nazirsən, yenə məndən pul istəyirsən” məzmunlu məktubu isə hər şeyi bütün faktlardan daha aydın deyir.
məhz belə işıqlı faktlar bu gün azərbaycanda azadlıq və demokratiya uğrunda mübarizə aparan, diktatura və korrupsiyaya qarşı yorulmadan savaşan insanları hər şeyi dəyişməyin mümkünlüyünə inandırır. cümhuriyyət bun insanların qürur və güc mənbəyidir. mövcud iqtidarın bəlkə də təhtəlşüur səviyyəsində bunu anlayır və cümhuriyyətə, onun xadimlərinə yumşaq desək, soyuq münasibət buradan qaynaqlanır.
saytından öyrənə bilərsiniz.qeyd: sıxlığa görə sayt açılmır, ya da saytın çökməməsi üçün məhdudiyyət qoyublar.
qeyd 2: HAS NOT BEEN SELECTED və amerika xəyalları suya düşdü.
#269961 nömrəli entry'də türkiyə'də "zero" və "light" markalarının ləğv edilərək, əvəzində "şekersiz" markasının yaradıldığından yazmışdım.
azərbaycan'da isə "zero" markası ləğv edilərək əvəzində "şəkərsiz" markası yaradıldı. deməli, coca-cola company, bütün ölkələrdə "zero" markasını yenilədi. səbəbi isə 2016'cı ildə satışların əvvəlki illərə nisbətən 11% aşağı düşməsi idi.
dominika egorova (jennifer lawrence) rusiyalı bir baletdir. lakin bir "qəza" nəticəsində ayağı sınır və karyerası məhv olur. pul qazanmaq, anasının müalicəsi üçün dominika, əmisinin təklifini qəbul edərək, rusiya'nın dövlət təhlükəsizliyi servisinin (fsb - keçmiş kgb) təlim məktəbinə gedir. amma əslində, təlim məktəbi, xüsusi maraqlara xidmət edən fahişələr yetişdirmək üçündür. dominika məktəbi uğurla bitirir və ilk vəzifəsinin icrasına başlayır.
lawrence, filmdəki cəsarətlə icra etdiyi açıq səhnələrə görə yadda qalır. filmdəki işgəncə səhnələri, rusiya cəmiyyəti mükəmməl əks olunub. amma filmdə rusca bir dənə də olsun dialoqun olmaması filmin atmosferinə zərbə vurur.