anyone


227   0   0   0
5.nəsil moderator
entry: 227
reytinq: 1,323
karma: -13
izləyən: 53
oxunma: 14,871
sifariş sayı: 52






margaret ann bulkley

tarixdə James Barry kimi tanınan amma əsil adı margaret ann bulkley kimi olmalı ingilis cərrah. dönəmin ingiltərəsində qadın cərrahlara icazə verilmədiyi üçün məcbur olaraq cinsiyyətini dəyişmiş və xəyalı olan ingilis ordusuna xidmət etmiş indinin özündə də tibb sahəsi üçün önəmli kəşflərdən sayılan qeysəriyyə əməliyyatının banisi kimi tanınır. cəmiyyət tərəfindən xoş qarşılanmadığı üçün cinsiyyətini gizli saxlayan cərrahın yalnız öldükdən sonra cinsiyyəti bəlli olur. ingiltərə ordusunda göstərmiş olduğu fəaliyyətlərinə görə baş cərrah statusuna qədər də yüksəlmişdir.

Birdən dostlarınızın, tanışlarınızın və yaxud eləcə ətrafınızda hansısa biri çıxıb desə ki, qadın elm adamları nə üçün kişilərdən azdır. nümunə kimi göstərib haqqında uzun-uzun danışa bilərsiniz.

4 əjdaha! anyone

13.10.2021 - 20:34 #337969 mesaj facebook twitter

haralardasan

keçən yay həm ailəmin corona keçirməsi həm də isti yayın vermiş olduğu mütəmadi depressiya ilə çökmüş bir halda olarkən hal-hazırda həyatımın ən qəşəng günlərini yaşamağıma səbəb olmuş sevgilimlə uzun-uzun danışmağa başlamağa səbəb olan və nə zaman eşitsəm sevincək olduğum o söz - "haralardasan"

ilk dəfə eşidəndə sanki ən əziz, ən yaxın biri səslənirmiş kimi hiss etmişdim və zaman keçdikcə həqiqətən də, həmin şəxsin, həyatımın ən önəmli və həyata tutunduğum budaq yox elə həyatın özü olduğunun fərqinə vardım. Fərqinə vardıqca daha çox bağlandım, daha çox sevdim.

Bir dəfə oyun oynarkən "sənin ruh ekizin var?" sualına cavab verə bilməmişdim. Çünki normal ünsiyyət saxlaya bilməyəcəyim və onu üzəcəyimdən qorxmuşdum. elə həmin günlərdə qaqaş olar mən də atım? adlı yazarla həmsöhbət olarkən onu üzüb-üzməmə seçimini sənin yox onun özünə buraxmalı olduğunu deməsilə qazımı tuta bilməyib sənsən cavabını verdim və hal-hazırda əmin olduğum tək şey ona qarşı hisslərimindir və bu məni çox rahatladır. insanın bütün toxiclikdən uzaqlaşması və sadəcə həyatı kimi gördüyü biri ilə vaxt keçirməsi çox gözəl bir hissdir və əvəzolunmazdır.

26 əjdaha! anyone

04.05.2021 - 00:17 #326546 mesaj facebook twitter

arzu qeybullayeva

Heç bir şəxsi tanışlığım olmasa da burda yazılan heç bir ağır tənqidə layiq olmadığını düşündüyüm azərbaycanlı jurnalist. müharibə dönəmində tutmuş olduğu mövqeyə görə şəxsinə həddindən artıq nifrət dolu və təhqirlər ünvanlanmışdır. insanların fərqi mövqeyi ola bilər. Baxdığı perspektivlər də müxtəlif ola bilər. Ona görə də nə üçün bu qədər təhqir olunduğunu anlaya bilməyəcəm.

imre Kertes 15 yaşında düşmüş olduğu ghettoların birindən azadlığa çıxandan sonra heç bir hissləri olmadan yəhudi soyqırımının niyə yaşandığını yox nə üçün yaşandığını göstərməyə çalışdığı Fatelessness kitabında günahkar insanların nə üçün günahkar olmadığını bilmədiyi üçün ona o cəzanı verənləri də ayrıca günahkar görür. Həm birinci qarabağ müharibəsində yaşananlar həm də ikinci qarabağ müharibəsində yaşananları kiminsə üstünə atmağa çalışmayıb niyə və nəticə arasındakı münasibətləri görməyə çalışsaq? Bəlkə də bu tərz baxış nöqtələri bizim və bizim cəmiyyət üçün tamamilə yaddır.

ümid edirəm mənim düşüncəmə görə də kimsə şəxsimə təhqir dolu yanaşmaz.

1 əjdaha! anyone

20.01.2021 - 20:54 #317899 mesaj facebook twitter

turkish delight

haqqında google edildiyi zaman lokum çıxan heç edilmədiyi zaman da insan ağlına gələn ilk şey lokumdu. Amma mənim üçün hər zaman Almaniyada yaşayan punk musiqisinə könlünü vermiş Orhan Seyfi Çelik gələcək. 80-lər də hər kəsin prog gəzişdiyi zaman punk musiqi ilə yanaşı experimental işlər də görmüşdür özü.

Amma di gəl öz qrupu üçün seçmiş qrupun adından olsa gərək nədən olsa gərək bilmirəm çox çox underrated qalıb. Heç adamı türklərin özü də tanımır.

Qrupun dinlənməyə başlanılmasını rəva gördüyüm ilk o mahnı üçün
(bax: cascade)

7 əjdaha! anyone

19.01.2021 - 07:57 #317752 mesaj facebook twitter

ni na bian ji dian

Malayziyadan çıxmış biri olan Ming-liang Tsai tərəfindən çəkilmiş son zamanlarda izləyib yalnızlıq temasının bu qədər yaxşı işləndiyini gördüyüm nadir filmlərdən biridir. Filmdə hamı yalnızdır. Heç kəs xoşbəxt deyil. Bir qadın yoldaşını itirib və onu unuda bilmir. Digəri isə bir gün üzləşdiyi qızın Parisə getməsinə tamaşa edib. O gündən Paris ilə öz yaşadığı yer arasındakı saat fərqini öyrənib bütün saatları 7 saat geriyə alır. digər obraz isə yaşadığı nəhəng şəhərdə yalnızdır.

Rejissorun çəkmiş olduğu kadrlar öz dönəminə görə bir xeyli uğurludur.

1 əjdaha! anyone

18.01.2021 - 21:50 #317699 mesaj facebook twitter

to live

Xətrini çox istədiyim çinli yazar Hua Yu tərəfindən yazılmış bir xeyli axıcı və bir o qədər də vurucu kitabdır. Son dönəmlərdə artan iş yükümlə əlaqəli olaraq az kitab oxusam da çoxu zaman seçici olmağa çalışdığım üçün haqqında bir xeyli araşdırma eləmişdim. Gözləntilərim də buna görə yüksəlmişdi. Amma sağolsun gözləntilərimi zərrə qədər də yox eləmədi.

ilk öncə kitab Fugui adlı obrazın başına gələnləri, özü ilə üzləşmələri və eyni zamanda arxa plandakı Çin-in üzünü göstərir. Çində insan həyatının nə qədər ucuz olduğunu görürsən. Dönəmin çininə də bir xeyli geyindirdiyi üçün dövlətin də xoşuna gəlməyib təbii və senzura tətbiq edib dostumuz Hua Yu-ya. 1940-dan 70lərə qədər çindəki mədəni dəyişikliklərə tamaşaçı olarkən o qədər həssaslıqla bir hadisədən digər səhnəyə keçirsən ki, bəzi məqamlarda kövrəlirsən.

Kitabın filmini Yimou Zhang adlı heç vaxt filmlərini izləmədiyim biri çəksə də yaxşı alınıb. Amma mən yenə də mütləq oxumalı lazım olduğunuz kitablardan biri kimi göstərə bilərəm.

3 əjdaha! anyone

18.01.2021 - 21:46 #317698 mesaj facebook twitter

kredit kartları

Ümumiyyətlə kartlar debit və credit olmaq üzrə ikiyə ayrılır. Debit kart fiziki şəxsin öz vəsaitini banka qoyaraq istifadə etməsi üçündür. Kredit Kartları isə bankların vətəndaşlar üçün nəzərdə tutduğu və müəyyən kriteriyalar əsasında limitlər ayırdığı kredit növüdür.

Kredit kartları zamanı banka olan öhdəliklər həm kredit götürən həm banka həm də kredit kardları istifadəsinə icazə verən şirkətlərə şamil edilir. Qeyri-nəğd əməliyyatlar zamanı öhdəlik şirkətlərə (məsələn baku electronicsdən telefon alırsınızsa kredit faizləri üzrə öhdəlik baku electronics üzərindədir). Bu zaman şirkət daha az faiz dərəcəsi ödəyir. Çünki Bankın şirkətə ayırdığı faiz dərəcəsi aşağı olur məsələn 12%. Bu faizi ödəməmək üçün də telefonlar retail qiymətindən baha satılır. Yəni müştəri düşünür ki, telefonu kredit kart ilə nəğd alıb faizsiz ödəyəcək. Lakin aldığı qurum 12% ödəməni gözə aldığı üçün retail qiyməti 500 manat olan telefonu 600 manata satır. Bu da nə üçün xaricdə satılan malların azərbaycanda daha baha olmasına cavab verən faktorlardan biridir sadəcə.

Kredit kart istifadəçisi isə bancomatdan nəğdləşdirdiyi zaman isə bank ona bir-başa kredit ayırdığı və bu daha riskli kreditlər olduğu üçün bankın maksimum faiz dərəcəsi ilə götürmüş olur. Çünki kredit kartı işlədən şəxs maliyyə qurumu olmadığından və onun credibility gücü zəif olduğundan bank ona 12% ilə kredit ayırmaq istəmir. Həm də banka müştəri bir sahibkar kimi də xeyir vermir. Ona görə də eyni məbləği şirkət 12%, müştəri isə nəğdləşdirdiyi üçün 26-30% ilə ödəmiş olur.

Bu zaman kredit kartı alan şəxslər nəyə önəm verməlidir?

- Əlavə xərclər - SMS xidməti, nəğdləşdirmə komissiyası kimi xərclərə nəzər salmalıdır.
- Götürəcəyi məbləğ üçün güzəşt müddətinə baxmalıdır.
- Ən əsas məsələ kredit kartlarının cash-back sistemi ilə tanış olmalıdır. Çünki cash back zamanı da müştəri müəyyən faiz ilə ödədiyi məbləği geri ala bilir.
- Mobile banking tətbiqi daha yaxşı olan bank seçilməlidir.

Kredit kartları alan zaman daha çox nəğdsiz ödənişlərə diqqət etməlidir. Bazar araşdırmasına görə hal-hazırda ən yaxşı təklif verən bank isə Rabitəbank kimi görünür.

Ümid edirəm yardımcı olar bu başlıq.

13 əjdaha! anyone

18.01.2021 - 21:28 #317697 mesaj facebook twitter

perfume genius

əsl adı Michael Alden Hadreas olan əsasən indie pop, indie rockart pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(bax: jason)
(bax: otherside)
(bax: die 4 you)
(bax: slip away)
(bax: queen)
(bax: without you)

3 əjdaha! anyone

23.12.2020 - 15:11 #314233 mesaj facebook twitter

zankyou no terror

Shinichiro Watanabe tərəfindən çəkilmiş anime filmidir. xoşuma gələn anları çoxdur amma dönəmin yaponiyasına və onların amerikadan asılılığına tənqid edən yanaşmaları çox xoşuma gəldi. Hiroshima mon amour filminin bir animesi kimi düşündüm. Deməli, bilindik bir mövzudur. iki gənc uşaqlıqdan experiement kimi istifadə edildiyindən çox ağıllıdır. Bir məqsədləri var - dünyanı dağıtmaq. Bu yolda isə qarşılarına bəzi maneələr çıxır. Onların bundan yayınması, insan hisslərinin önəmi və yaponiyanın amerikadan asılılığı üzərində yazılmış bir ssenari.

Əslində bu tərz ssenarilərin bizim kimi problemləri olan millətlərin izləməsini o qədər istəyirəm ki. Dərslik kimi Xocalı Soyqırımını keçək amma uşaqlara şiddətin, kinin, qisasçılığın alınması öyrətmək yerinə "Amerika yaponların başına atom atdı, amma adamlar inkişaf və formalaşma yolunu seçdi" kimi nüanslar keçsək cəmiyyətdəki yaranmış olan nifrət, bir-birindən nifrət etməsi azalmazmı.

Animedə ilk epizod da bununla başlayır və sonda bununla da bitirir. “VON”. bu kəlimə islandiya dilində ümid mənasına gəlir. Vikings serialını izləyənlər Floki obrazına bələddir. Məhz bu animenin də referans etdiyi obraz yeni torpaqlar kəşf etmək və öz ailəsi ilə ora köçmək ümidilə Norveç tərəflərə səyahət edən islandiyanın qəhrəmanı Floki Vilgeroarson haqqındadır. Amma Flokinin qızı atası ilə getmək istəmir və onlar arasında qarşıdurma yaşanır. Animedə qarşımıza çıxan Five obrazı da elə "father" kimi qələmə verilən Amerikaya qarşı çıxmağa çalışan biridir. Əfsanəyə görə isə üç ehtimal var. Bir - Floki uğursuzluğa düçar olur, iki - O cənnət torpaqlarını tapır, üç - Floki geri qayıdır və planını bu dəfə cəmiyyətə çatdırmağa çalışır. Floki bu üç ehtimalı əldə etmək üçün quzğundan (raven) istifadə edib. istifadə edilən Raven Nine obrazını simvol edə bilər.

Əlavə olaraq, islandiya azadlığını elan etsə də iqtisadi olaraq Danimarkadan asılı vəziyyətdə idi və onların qaydaları ilə monopoliya şəklində yaşayırdılar. 1991-ci ildən başlayan iqtisadi böyümə 2008-ci maliyyə böhranı ilə çökdü. Bu da Athena Project'in bununla bağlı olmasına dəstək ola bilər. Hansı ki, serialda bu project haqqında danışılanda uşaqların 17 yaşında olmasına vurğu edilir. bu isə islandiya iqtisadiyyatının 1991-2018 inkişaf proqramına işarədir.

Bu qədər uzun yazmazdım kaş, amma animenin mənə bağladığı digər səbəb də istifadə edilən musiqilərdir deyib Yoko Kannoya təşəkkür edirəm. Məsələn belə bir link link

10 əjdaha! anyone

23.12.2020 - 14:54 #314231 mesaj facebook twitter

crumb

Billy Bob Thornton nə filmdə oynasa baxaram düşüncəsiylə kəşf etdiyim Terry Zwigoff imzalı dönəmin mübahisəli karikaturaçısı robert crumb və onun travmalı ailəsi haqqında çəkilmiş sənədli filmdir. Hər şey o qədər realdır ki, həm Robert Crumb'ın nəşəli həm də bir o qədər kədərli amma buna baxmayaraq yenə pozitiv durmağa çalışan obrazını görürsən.

Ümumiyyətlə Crumb yaşadığı dönəmdə misogynist və rasist kimliyi ilə tanınırdı. Buna görə də mübahisə mövzusu olmuşdu. Amma bu sənədli film onun haqqında olan yanlış fikirlərdən xilas olmağa kömək edə bilər. Həmçinin görünən odur ki, adam həqiqətən də çox qəşəng siyasi satiristdir. Bir sözlə film bir karikaturaçının həm dəlilik həm də dahi olduğunu gözlər önünə gətirməyimizə kömək olur. Amma məni ən çox haqqında çox az məlumat tapdığım qardaşı Charles Crumb çox təsirləndirmişdi. Adamın o yaşa qədər saysız kitab oxuması və bunları çox önəmli görməməsi xoşuma gəlmişdi. Çünki getdikdə düşdüyü vəziyyət dərinləşmişdi və yaşamağa dair heçnəyi yox idi. Məhz buna görə olsa gərək sonluğu bəlli idi hekayənin. Filmdə yadımda qalan bir hissə:

"insanlar nə zaman özün kimi davran desələr də mən özüm kimi davrananda məni gijdillax kimi görürdülər. "

3 əjdaha! anyone

22.12.2020 - 01:34 #314121 mesaj facebook twitter

1 əjdaha! anyone

21.12.2020 - 17:22 #314076 mesaj facebook twitter

jay jay johanson

1984-cü ildə Chet Baker konsertində olduğunu və ortamın həddindən artıq səs-küylü amma Chet'in bir o qədər sakit və utanqac olduğunu vurğulayan, daha çox Chet Baker həvəskarı amma eyni zamanda öz musiqilərinə yön vermiş Cocteau Twins, Velvet Underground, David Sylvian, Brian Eno, My Bloody Valentine və daha neçəsini saya biləcəyim bəstəkarların həm dəstəyi həm də stillərinə adaptasiya uydurmuş isveç doğumlu bəstəkardır. Bundan savayı klassik musiqiləri də sevən bəstəkar Bernard Herrman, John BarryEnnio Moriccone kimi pianistləri də özünü bir növ kumir kimi seçir. Məsələn bunu daha çox Kings Cross albumunda görmək olar. Məsələn çox uzağa getməyək elə götürək albumun açılış mahnısı not time yet'i. Deyəsən o da mənim kimi klassik musiqiləri modernləşdirmə tərəfdarıdır. Əgər bunu dəstəkləmirsə üzər məni.

Yazmış olduğu mahnı sözləri də ayrı müəmmadır. Anlamaq olmur kim üzüb onu. Çünki özü bizləri üzülməyə, kədərlənməyə və nikbinliyimizi pozmağa sövq edir. Öz açıqlamasına görə, yoldaşı Laura ilə görüşməmişdən öncə intihara meyilli və çox depressiv biri imiş. Lakin Laura ilə hər şey dəyişib və həyatını, musiqilərini ona və uşağına həsr edib. Bu onu daha romantik biri halına gətirib çıxarıb. Başqa sözlə insanın dinə tutunduğu kimi o da Lauraya tutunub.

o qədər qəşəng mahnıları var ki, bilmirsən kimə xitab edib nə məqsədlə yazıb. həm biraz qısqanırsan həm də paylaşmaq istəyirsən, elə ona görə də:

(bax: you'll miss me when i'm gone)
(bax: drowsy)
(bax: she doesn't live here anymore)
(bax: not time yet)
(bax: so tell the girls that i'm back in town)
(bax: heard somebody whistle)
(bax: bury the hatchet)

4 əjdaha! anyone

21.12.2020 - 12:22 #314036 mesaj facebook twitter

the slow rush

tame impala tərəfindən çıxmış 2020'ci ilin ən yaxşı albumlarındandır. 90'larda başlayan electronic və psychedelic rock'a olan maraq son illərdə daha da inkişaf etməyə başlayıb. 2020'ci ildə işıq üzü görən digər progressive rock nümayəndələri də bunu sübut etdi (məsələn pain of salvation). Ya onlar da bu yolu izlədi ya da albumları zəif alındı.

Albumun açıq ara ən yaxşı mahnıları:

one more year - Çox qəribə şəkildə ritmləri elədir ki, sözlərinə heç qulaq asmırsan amma qulaq asanda fərqinə varmaq olur ki, çox əjdaha sözlərə sahibdir, məslən:

Do you remember we were standing here a year ago?
Our minds were racing and time went slow
If there was trouble in the world we didn't know
If we had a care, it didn't show
But now I worry our horizon's bear nothing new
'Cause I get this feeling and maybe you get it, too.

Borderline - bir çoxları üçün açıq ara albumun ən çox dinlənən mahnısıdır. ilk dinləmələrdə çətin adaptasiya olsan da nəqarət ilə başlayan ritmlərlə bir də görürsən dəfələrlə dinləmiş olursan.

Posthumous forgiveness - çox uclarda bir mahnıdır. dinləyicilərə görə iki hissəlidir və buna görə bəzən adaptasiya olmurlar. Buna görə də ya çox bəyənilir ya da heç bəyənilmir. amma sözlərinə qulaq verəndə bu da diqqət çəkicidi.

is it true - gəldik mənim ən bəyəndiyim ifalarına. ilk başlarda elə bildim supertramp stilini dəyişib yeni album üçün yığışıblar. ona görə bir çox hissəsini bəyəndim.

bonus track:
(bax: it might be time)

6 əjdaha! anyone

20.12.2020 - 11:21 #313907 mesaj facebook twitter

holger czukay

daha çox Krautrockambient tərzini mənimsəmiş və eynilə traditional tərzdə olan işləri ifa edən almaniya doğumlu musiqiçi və bass gitarist. Danzig şəhərində yaşayarkən ikinci dünya müharibəsi zamanı ailəsi ilə burdan qovulan Czukay düzgün təhsil də ala bilməyib. Daha çox elektrik və bu tərz işlərdə mühəndis kimi işləməyə başlayıb. Amma daha sonra dönəmin tanınmış musiqiçilərindən olan Karlheinz Stockhausen tərəfindən musiqi dərsləri alıb sonra isə özü musiqi müəllimi işləyib.

Bu dönəmlərdə Can adlı experimental rock qrupunu da qurub. Qrup daha çox dönəmin məşhur rock və pop musiqilərini öz tərzlərində ifa edirdi.

Tanınan və tövsiyə edə biləcəyim ifsası üçün: (bax: Persian love)

3 əjdaha! anyone

17.12.2020 - 16:46 #313731 mesaj facebook twitter

paris, texas

Uzun müddət etdiyin bir şeyləri etməməyə başlayanda həmin şeyləri yenidən edərkən nə qədər əziyyət çəkdiyini anlayırsan. Əvvəllər mükəmməl yazı qabiliyyətində olan biri bir müddət yazmadıqca növbəti geri qayıtma mərhələsi çox ağır, yorucu və əziyyətlidir. Belə olanda isə çoxu zaman geri qayıtmaq olmur. Digər hisslər də belədir.

insanların bir nöqtədən sonra tutunabilmədiyi, tutunmaq üçün başqa birini sevməsi. Amma bununla gələn kədər, mənasızlıq, onu itirmə və incitmə hissləri, şübhələr və sonundakı insanın yalnız qalması. insanların bir şeyi normadan artıq istəməsi, dəyər verməsi və ya bir şeylər obsessive dərəcədə bağlanması həmin insanları uçuruma aparır. Bəs sonra bu uçurumdan geri qayıtmaq asandırmı?

Hər şeydən qaçmaq, səssizliyə gömüldükdən sonra yenidən insanların içinə çıxaraq mən burdayam demək çox mənasız bir hərkətdir. Çünki getdikdən sonra geridə buraxdıqların orda qalmayacaq. Sən həm özünü həm onları dağıdacaqsan. Səssiz qaldıqca isə kədərini və özünü dinləyirsən. O qədər səssizləşirsən ki, qaranlıq bir ortamda hüceyrələrinə qədər dadırsan o kədəri. insanlardan qaçırsan. Onların səni dinləməsinə ehtiyacın yoxdur. Yenidən kimlərisə incitmək asan deyil. Çünki incidəcəyin tək şey o insanlar deyil sənin də emotional bünövrəndir. Amma zamanla bu bünövrə də daşlaşır. Səninlə birlikdə hər gün yox olur.

Bəs birini obsessive dərəcədə sevməmək üçün nə etməlisən? Bu aludəçilikdən qorxmaq. Yenidən eyni şeyləri yaşamaqdan qorxmaq. Bəzən bəzi şeyləri görmək o qədər çox istəyirsən ki, həmin şeyləri xəyal etməyə belə cəsarətin olmur.

Road Movie trilogiyası ilə Wim Wenders başlanğıcın sonunu göstərə-göstərə çəkmiş olduğu bu film bəlkə də nəinki öz ilinin həm də indiyənədək istifadə olunmuş rənglər ilə ən ən yaxşı kinemotoqrafiyaya malikdir. Filmdə Travis adlı biri çox sevdiyi qadını Jane-i yuxarıda sadalığım obsessive dərəcədə sevir. O qədər çox sevir ki, bu sevgi ikisinə də ziyan vurur. Amma bu bir sevgi hekayəsi deyil. Bir ayrılıq hekayəsi də deyil. Hər şeydən uzaqlaşmış birinin yenidən cəmiyyətə adaptasiya ola bilməməsi və əbədi səssizliyə qərq olması ilə bağlıdır. Filmi 5-6 il öncə izlədikdən sonra o qədər təsirlənmişdim ki, haqqında nə kimi şeylər yazacağımı da bilməmişdim. Hətta indi yazdıqlarımın da bu filmi əvəz edəcəyini düşünmürəm. Bugün isə ikinci dəfə izləmək istədim. Yenə o son səhnə məni məhv elədi.

8 əjdaha! anyone

08.11.2020 - 23:53 #309808 mesaj facebook twitter

harakiri for the sky

hələ 10 illik keçmişə sahib olsalar da bir xeyli yaxşı işlərə imza atmış Avstriyalı post black metal qrupudur.

(bax: Harakiri for the Sky) - ilk albumlarıdır. Məncə çox yaxşı alınmayıb amma gələcək üçün ümid verib.

(bax: Aokigahara) - ilk başlarda yapon qrupu zənn etdiyim və bunu da düşünməyibə səbəb olan o məşhur meşədən ilhamlanmış bir albumdur. o qədər qaranlıq və cansıxıcı ortamdır. Yaponiyanın intihar mərkəzi bir album adı olsa necə ola bilərdiki?

(bax: III: Trauma) - Nəhayət daha yaxşı mahnıların içində olduğu bir albumdur. Ən sevdiyim üçlük

(bax: the traces we leave)
(bax: calling the rain)
(bax: thanatos)

(bax: Arson) - qrupu dünyaya təqdim edən ən son albularıdır. Məni də qrup ilə tanışmaya vadar etmiş bu albumdur. içində o qədər möhtəşəm işlər var ki. Məsələn elə biri Fire, Walk with me. Bu ad mənə sevdiyim işlərdən biri olan twin peaks serialını xatırladır. Serialı izləyən nə demək istədiyimi anlayacaq. Digər xoşuma gələn mahnılar isə:

(bax: manifesto)
(bax: heroin waltz)
(bax: you are the scars)

Qrupun 2021-ci ildə Mӕre adlı albumları gözlənilir. Çox yaxşı rifflər istifadə etsələr vokalın durduq-durmadıq qışqırması narahat etmir desəm yalan olar.

4 əjdaha! anyone

08.11.2020 - 01:56 #309646 mesaj facebook twitter

3 noyabr 2020 ABŞ prezident seçkiləri

Amerikadakı prezident seçkiləri fərqli keçdiyindən bir-iki məqamı demək istəyirəm. Deməli səsvermə bilindiyi kimi ştatlara uyğun verilir amma hər ştatın öz səs qüvvəsi var məsələn Trump Texasda 56% ilə qalib olsa belə ona Texasın bütün səs qüvvəsi verilir (məsələn Texas 38 səsə aiddir). Alaskada isə 99% ilə Biden qalib olsa (məsələn Alaska da 3 səsə malikdir) ona sadəcə 3 səs veriləcək. Ona görə də əhalisi çox olan bölgələrdə Trump və ya Biden daha çox qazanmalıdır. Bunlardan biri də California ştatıdır. California ştatında isə çoxlu sayda ermənini nəzərə alaraq onların da səsini arxasına almaq istəyir Biden. Yoxsa Biden'in Trumpdan elə də çox fərqi yoxdur. Xalq səsverməsi bitdikdən sonra isə senatların və palatanın səsverməsi başlayır. Sonra hər iki səslər toplanılır və nəticə elan olunur.

Hər ikisinin də debatına və John Oliverin Last Week Tonight verilişinə baxaraq gəldiyim nəticə budur ki, ikisi də populist insandır, ikisi də rasist insandır.

Joe Biden:
- Paris iqlim dəyişikliyi ilə bağlı müqaviləyə qoşulacaq
- Amerikanı daha təmiz havaya çatdırmaq üçün çalışacaq
- dəvamlı infrastuktur üçün 2 trilyon dollar investisiya ayıracaq
- havanı çirkləndirən şirkətlər üçün ciddi addımlar atacaq.
- qadağan olunmuş silah-sursatların satışına ban qoyacaq və yeni qadağalar gətirəcək.
- vətəndaşın silah alması üçün background keçmişi nəzərə alınacaq. hər adam silah ala bilməyəcək.
- dövlət səhiyyə sistemi yaradılacaq. imkansızlar, siğortasızlar faydalanacaq.
- səhiyyə sistemindəki yüksək və anlaşılmaz xərclər aradan qaldırılacaq.
- xəstələrin digər ölkələrdən dərman alışı asanlaşdırılacaq və ya icazələr veriləcək.
- miqrasiya siyasəti təkmilləşdiriləcək və kənd təsərrüfatı üçün miqrantlara önəm veriləcək.
- ailələrindən ayrı düşmüş miqrantlar üçün imkanlar yaradılacaq və tolerans göstəriləcək.
- əlil insanlar üçün daha çox təhsildə imkanlar yaradılacaq, təhsilləri pulsuz olacaq
- məktəblərdə uşaqlara tibb dərsləri keçiriləcək
- korporativ vergilər 28% qədər qalxacaq
- aşağı gəlirli və orta gəlirli insanlar üçün vergi kreditləri olacaq ki, uşaqlarının qayğılarına qalsınlar
- vergi siyasəti ağırlaşdırılmayacaq
- ölüm cəzası qaldırılacaq
- hüquq sisteminin reform olunması üçün invest olunacaq

Donald Trump
- Paris müqaviləsini pozacaq və ayrılacaq
- Obama dövründəki iqlim söhbətlərinə geri dönəcək
- koronavirus pandemiyasına görə hava və suyu çirkləndirən şirkətləri cəzalandıracaq
- neft və qaz yataqları üçün yeni addımlar atılacaq
- müəllimlərin məktəbdə silahlanması diqqətə alınacaq
- bahalı dərmanların qiyməti aşağı salınacaq
- siğorta qiymətləri aşağı çəkiləcək.
- səhiyyə sistemindəki yüksək və anlaşılmaz xərclər aradan qaldırılacaq.
- sosial vəziyyət və səhiyyə qayğısı qorunmağa çalışılacaq
- miqrant insanların ailələrinin amerikaya gəlməsi üçün sıfır tolerant siyasəti aparılacaq
- şirkətlərin miqrantları aşağı maaş ilə işə alınması qadağan ediləcək
- koronavirusa görə bağlanan məktəb və universitetlərə təzyiq edəcək ki, açsınlar təhsili.
- 10 milyon iş yeri açılacaq 10 aya
- xarici işçi alan şirkətlərə vergilər gətiriləcək
- cinayət üçün verilən pul cəzaları artırlacaq



Hər iki tərəfin də vədləri bunlarıdı əsasən. Artıq seçimlər amerika vətəndaşlarınındır.

7 əjdaha! anyone

02.11.2020 - 23:34 #309013 mesaj facebook twitter

ryuichi sakamoto

Bəstələri əsasən yağışlı payız ayında dinlənəcək tərzdə olan yapon bəstəkar və pianistdir. David Sylvian ilə bir neçə işə birlikdə imza atıblar. forbidden colours dinləməyə başlananda insanı bir tufan kimi bir küncdən digər küncə yırğalayır.

Əsasən the revenant, tony takitani, black mirror kimi serial və kinolar üçün bəstələdiyi mahnılar olsa da aşağıdakı bəzi musiqiləri mütləq dinləməlidir.

(bax: rain)
(bax: sheltering sky)

4 əjdaha! anyone

02.11.2020 - 22:52 #309004 mesaj facebook twitter

tony takitani

Haruki Murakami'nin eyni adlı qısa hekayəsi əsasında çəkilmiş bir insanın bütün həyat dəyərlərini itirməsi ilə yalnızlığa aludə olması haqqında çəkilmiş yapon rejissor Jun Ichikawa imzalı filmdir.

Film bütövlüklə melanxoliyanın artlaşmış versiyasıdır. Bir insan yalnızdır və ancaq işinə fokuslanmışdır və bir gün biri ilə üzləşir. Üzləşdiyi insan isə onun bütün həyatını dəyişir. Yalnız adam qadını, qadını isə yalnız adamı və shopping etməyi sevir. Ən pisi isə deyəsən shopping etməyi daha çox sevir.

Bəzən biz insanlar yalnızlıqdan nə qədər qaçmaq istəsək də, çabalasaq da o bizdən uzaqlaşmır və yapışıb bütün həyatımız boyu bizimlə bərabər olur. Həm dostumuz həm düşmənimizdir. Filmdə Ryuichi Sakamoto tərəfindən ifa edilən Solitude gözəl olduğu qədər rahatladıcı və bir o qədər incidicidir.

3 əjdaha! anyone

02.11.2020 - 22:43 #309003 mesaj facebook twitter

alyans

80-ci illərdə rusiyada yaradılmış post punkSynthpop janrlarında mahnılar ifa edən rus qrupudur. Qrupu 1981-ci ildə gitara ilə məşğul olan Sergei Volodin yaradıb. Sonra yanına gitarist və vokalist Igor Zhuravlev, bass üçün Andrey Tumanov və drum üçün Vladimir Ryabov'u götürüb.

Qrup 1982-ci ildə rock festivalına gedir və orda producer Igor Zamaraev onları kəşf edərək albom çıxarma təklifi edir. Beləliklə ilk albomları Kukla işıq üzü görür.

Üzvlər başlayır Rusiyada konsert turlarında iştirak etməyə. Moskvada universitetlərin birində verdikləri konsertdən sonra dönəmin Sovet Rusiyası turları ləğv edir və qrupu qara siyahıya əlavə edir. Beləliklə qrup dağılır.

Amma qrup 1986-cı ildə Igor Zhuravlev (vokals, gitar), Oleg Parastaev (keyboard,piano), Andrey Tumanov (bass) və Konstantin Gavrilov (keyboard, sintizator) tərəfindən yenidən qurulur. Bu dönəm elə ən məşhur mahnıları və mənim də çox sevdiyim na zare mahnılarını çıxardılar. Bu mahnı onları bütün dünyaya tanıdır. Uğurlu illərini keçirdən qrup 1993-cü ildə dağılır. 1994-cü ildə yenidən bir araya gəlib 2008-ci ilə qədər yenə fəaliyyət göstərirlər. 2008-ci ildə isə fəaliyyətlərini daha modern tərzdə ifadə etməyə başlayıblar.

Bu ilin fevralında Space Dreams adlı albumları satışa çıxıb. Elə albumun birinci mahnısı dinləməyə dəyər.

4 əjdaha! anyone

02.11.2020 - 22:29 #308999 mesaj facebook twitter

/ 20 »

blok -   başlıqlarını gizlət

Son bəyənilənlər