chernobyl

kimisinə görə uydurmalarla dolu propaqanda, kimisinə görə həqiqətlərdən ibarət olan serial. mənə görə isə möhtəşəm işlənmiş bir kinematoqrafiya nümunəsi. vizual effektlər, çəkiliş çox möhtəşəmdir. o dəhşəti necə varsa hiss etdirir insana. propaqanda yoxdur demək də olmaz, var. qərb filmlərində rastlanan adi bir şeydir bu, hansı ki, demək olar hər birində əgər film sovet dönəmindən bəhs edirsə, orada anti-kommunist təbliğat olmalıdır. bunu dərk etdikdən sonra filmə baxmaq daha rahat olur, əgər xüsusilə kommunist birisinizsə.

çernobl özü elə bir faciədir ki, haqqında bir çox faktlar gün üzünə çıxıb və bu ümumi bilinən faktların da kölgəsində gizli qalmış legasovun səsyazılarında yer alan digər bir çox reallıq var ki, məhz bu film o səsyazısı əsasında qurulmuş ssenari üzərində çəkilib.

insan papilloma virusu

insan papilloma virusu(hpv-human papilloma virus)

dünyada insanların 80%-ində görülən, xüsusilə qadınlar arasında yayılan və cinsi yolla yoluxan dəri xəstəliyidir. 100-dən çox növü vardır, bir sıra növləri xərçəngə yol aça və ölümcül ola bilir. vajina və penis ətrafında kiçik ət xal şəklində görülməktədir. gözünüzə xal kimi görünsə, təhlükəsiz bir şey görüntüsü bağışlasa da, elə deyil. üzərinə düşülmədiyi, aşkar edilib vaxtında müalicə edilmədiyi təqdirdə bədəninizdə çoxala, cinsi əlaqədə olduğunuz şəxsə də bulaşa bilər. yoluxma özünü 15-20 gün ərzində, yaxud aylar, hətta illər sonra göstərə bilər. ən pisi isə budur. nə qədər gec büruzə verərsə, daxildə o qədər güclənmiş sayılır və müalicəsi çətinləşir. nəticələri axır xəstəlik olsa da, vaxtında aşkar edilməsi profilaktik tədbirlərlə aradan qaldırıla bilər. əgər virus kişidədirsə, mütləq prezervativ istifadə etməlidir. qadındadırsa, o nayihələrə toxunuşdan qaçınmalıdır. kişinin penisi üzərində olan virusu prezervativlə keçidini önləmək mümkün olsa da, penisətrafı bölgələrdəki xalların digər bədənə toxunuşu ilə dəriyə nüfuz etməklə partnyora keçə bilər.

bu ziyillər lazer, maye azot və yandırılma üsulu ilə bədəndən götürülə bilər. ancaq yenidən çıxmaması üçün həmin ərazilərə ülgüclə müdaxilə, elektron təraş maşınları ilə dəriyə dibdən toxunmaq olmaz. xəstəlik əleyhinə peyvənd mövcuddur, ancaq cinsi aktivlik yaşayırsınız və buna yoluxmuşsunuzsa, artıq gec ola bilər. xəstəlikdən birdəfəlik qurtulmaq isə mümkün deyil, amma yoluxmasının qarşısını almaq mümkündür vizual olaraq yox etmək və sağlam qidalanmaqla.

seboreik dermatit

təxminən 16 yaşımdan bədənimdə görünən dəri xəstəliyidir. öncə qulaq diblərimdə başlamışdı, indi isə böyüyərək baş dərimi, qaşlarımı, burun diblərimi, çənədə saqqal nahiyəmi və sinəmi ələ alıb. məndəki yağlı növüdür, qızartı və güclü yağlılıq verir. saçımın sürətlə tökülməsinə səbəb olur. həkim tam müalicəsinin 10 il davam edəcəyini deyir. çox əclaf bir xəstəlikdir. bu sırtıqlığı ancaq bizim məmurların kreslolarına yapışması ilə müqayisə edirəm. heç nə yox, saçı yuduqdan saatlar sonra günlərlə yuyulmamış kimi yağlandırması və tökməsi adama qoyur. kimdə dediyim yerlərdə belə əlamətlər varsa, bilsin, seboreyaya tutulub. zarafat eləməyin bu şeylə, yayıldıqca qarşısını almaq çətinləşir və tam çarəsi yoxdur tibbdə.