barracuda


35   7   0   1
10.nəsil yazar
entry: 35
reytinq: 249
karma: 1,213 karma
izləyən: 7
oxunma: 31,258
sifariş sayı: 1




(youtube: )




qəfil gələn intihar etmək istəyi

yaşadığın ya da yaşayamadığın hisslərin verdiyi vicdan əzabı və məmnunsuzluqdan, məmnun ola bilməməkdən gələn ani bir istəkdir mənim üçün. tək qalanda məni bağrına basan "barracuda"-dan nə vaxta qədər qaçacam, qəti bilmirəm. qaçmadığım zaman da xoşbəxt olub-olmayacağımı bilmirəm. içimdəki hisslər özümə uyğun gördüyüm dəyərlərə qarşı gəlir. civil war söz konusu. bu müharibənin ortasına düşəndə anlıq intihar edib qurtulasım gəlir. sonra keçir, amma mənfi enerjisi yaxanı buraxmır.

4 əjdaha! barracuda

10.10.2021 - 09:03 #337865 mesaj facebook twitter

forgotify

heç kimin dinləmədiyi mahnıları dinləyib, özəl olmaq istəyirsiniz? forgotify qarşınızda. -*

spotify'ın keçən ilki datasına görə yüklənən 20 milyon mahnının 80%-i dinlənilib. qalan 20%-i hesablasaq, spotifyda paslanmış 4 milyon dinlənilməyən mahnı var. forgotify da heç dinlənilməyən, sıfır dinlənməsi olan o 4 milyon mahnını bizim qarşımıza çıxarır. bizim dinlədiyimiz mahnılar artıq "dinlənildiyi" üçün forgotify o mahnıları öz datasından silir və heç kimin qarşısına çıxarmır. yəni biz dinlədikdən sonra- əgər sayt doğru işləyirsə mahnı bizə özəl olur. bir az dolandıqdan sonra gözəl və özəl mahnılar ortaya çıxa bilir.

mahnılar biz dinlədikdən sonra datadan silindiyi üçün, sayt bir növ özünü yeyir. sayta 1200+ insan gəlsə və 1 saat içində mahnıları tez-tez çevirsə dinlənilməyən 4 milyon mahnını bitirə bilər. -*
forgotify link

13 əjdaha! barracuda

04.10.2021 - 11:03 #337637 mesaj facebook twitter

4 əjdaha! barracuda

02.10.2021 - 13:05 #337560 mesaj facebook twitter

6 əjdaha! barracuda

29.09.2021 - 20:34 #337430 mesaj facebook twitter

john frusciante

dani californianı dinləyərkən klipdə jesus kimi ortaya çıxaraq saçları ilə bisex damarımı oynadan red hot chili peppers gitaristi. rhcpni sevdirən gitarist.

(youtube: )


josh klinghoffer da iyidir. Dark Necessitiesdəki solosu ilə məni məndən almışdır. bir də johnun sololarına özündən gözəl əlavələr etməsi də dəyişiklik yaradır, daha da gözəlləşdirir. iki gitarist də müqdür, but johna kalben bağlıyız. rhcpyə fit oturur.
(youtube: )

5 əjdaha! barracuda

28.09.2021 - 11:05 #337353 mesaj facebook twitter

qəribə yuxular

iki qəribə yuxu görmüşəm.

birincisində evdə idim. pişiklərim yanımda idi. kompüter qarşısında oturub oyun oynayırdım. birdən siqaret çəkmək istədim və həyətə çıxdım. qapını açan kimi külək vurdu və otağımın qapısını möhkəmcə bağladı. pişiyimin başı qapının arasında qaldı. yüksək həyəcan və narahatlıqla gəldim yanına, gördüm ki gözlərini yumub. bir də gördüm başı çatlamağa başlayır. pişik qışqırır. gicgah tərəfdən aşağıya doğru şaquli, burun tərəfdən gicgahlara qədər isə üfüqi bir çat əmələ əldi. çatlar açıldı, böyüdü və qanamağa başladı. pişik baladı hələ. məni çox qəribə bir narahatlıq bürüyüb. "nə etdim?" "yenə?" "bir balaya da baxa bilmədim yenə?" deyərək içimdə sızıldayırdım. qapını açdım. pişiyə baxdım və gördüm ki, burun tərəfdəki çatdan qurdcuq çıxmağa başlayır. qurdcuğu götürdüm. ağlayaraq qanları təmizləyirdim ki, dözə bilməyib oyatdım özümü. atıldım yerimdən. pişik yanımda idi. lol ventilator açıq qalıbmış, ona görə də ayağıma soyuq vurub, qəribə yuxu görmüşəm. soyuq olanda həmişə qəribə yuxu görürəm.

ikincisini isə bayaq gördüm. yenə evdə idik. stolumun üzərində məktub var idi. molla hüseyn tərəfindən göndərilib, içində də whatsappda onunla danışan biri tərəfindən yönləndirilən mesajlar var. deyir: hə, balam. dəstəmaz al. mahnı qoşmayın. denən oğlana da gəlsin. məni deyir yəni. evdə yas havası var idi. bacıma məktubu göstərdim və mənə dedi ki, molla mənə dərs keçəcək. dedim mənə niyə atıb? deyir sənə göndərməyimi istədi ki, xəbərin olsun. dedim ayka mollaka olacaqsan? heç gülmədən həyətə düşdü. xəbərsiz olduğumu anlayıb gözyaşlarını gizlədərək mollanın yanına getdi. həyətə baxırdım. həyətdə palatka qurulub. hər tərəfdə burgerlər var. hər kəs ağlayır. evə qayıtdım ki, yeyim nəsə, gördüm lol atamın dostları evdədir. dedim yəqin atam ölüb. ölübmü, bilmirəm. dedim ölübsə, yəqin dərdlənməliyəm. gizlicə siqaret çəkmə planları düşünürəm. görməsin dostları. biri söz vermişdi ki, görsəm əgər sənə deyəcəm. mən də düşünürəm bəlkə öləməyib? sonra deyirəm ki, uşağam ala? nolub? gəldim salam verdim. soruşmadım daha kim ölüb. dolandım ətrafı, hər yerdə qızardılmış kolbasa və burgerlər var. atamın dostu dedi ki, kolbasanı yemə, çiydi. görürəm ki, gözəl qızarıb. dedim sən niyə yeyirsən? dedi mən xəstəyəm, sənə nə olub? dedim gözümün qabağında yeyib, durub hələ məsləhət də verirsən? dedi zəmanənin oğlanları da tərbiyəsiz olub, xeyir yaramır. dedim sovetin kişiləri də yaman arsız imiş, özü hamısını yesin deyə, yalandan çiydi deyir. kişi qızardı. mən də getdim otağıma yatmağa. kravata uzandım və bir də gördüm ki qarşımda üstü tattoo dolu bir molla mənim pul verməyimi gözləyir. sinəsi açıq idi. sinəsinin aşağısında isə adım yazılmışdı. diqqətli baxanda başqa insanların da adı orada yazılmışdı. deyəsən pul sayan kişi o idi. rezervasiya olunanların adları vərəqə yazdıldıqca sinəsinə köçürülürdü. əlində dəftər və qələmi ilə üzümə baxırdı. yanında isə pul kisəsi var idi, deyəsən pul verməyimi gözləyirdi. mən də tez gözlərimi yumdum. başa düşdü ki, pul verməyəcəm. öz evimdə niyə pul verim? sonra qapı döyüldü. gözümü açanda molla getmişdi. düşündüm birdən, yasda pul verirlər? toydu bu? niyə pul sayır ki molla? ona nə? ev sahibinin cibinə gizlicə girməli deyil? gəldim qapının qabağına və gördüm ki, mc donaldsdan nuggetlar, burgerlər gəlib. kartla ödənmişdi. düşünürəm ki, nə gözəl yasdır, yasdan sonra gözəl burgerlər qalacaq yeməyə. gülməli tərəfi isə, hələ də kimin öldüyünü bilmirəm. maraqlı da deyil. sonra isə yuxudan oyandım. acdım deyəsən. getdim qapının qabağına və burgerlərin orada olmadığını görüb məyusluqla bu entryni yazmağa başladım...

6 əjdaha! barracuda

21.09.2021 - 17:18 #336946 mesaj facebook twitter

born this way

lady gaga'nın 2011-ci ildə yayımladığı 2-ci albumunun eyni adlı mahnısı, eksantrik klipi və sözləri ilə diqqəti çəkən, rəsmi olmayan lgbtq ​himni. sadəcə lgbtq deyil, ümum olaraq hamıya səslənir. özünü sevməyə çağırır. lady gaga biseksualdır və bu mahnısı ilə bir çox insana dəstək olmuşdur. uşaqlıqda sözlərini anlamamağıma baxmayaraq dinləyirdim. nəsə çəkirdi. anlasa idim, bəlkə dinlədiyim dövrlərdə gözəl dəstək olardı mənə. basdırmazdım hisslərimi. -*

"i'm beautiful in my way
'Cause God makes no mistakes
i'm on the right track, baby
i was born this way
Don't hide yourself in regret
Just love yourself, and you're set
i'm on the right track, baby
i was born this way"


(youtube: )


Don't be a drag, just be a queen *
Whether you're broke or evergreen
You're Black, white, beige, cholo descent
You're Lebanese, you're Orient
Whether life's disabilities
Left you outcast, bullied, or teased
Rejoice and love yourself today
'Cause baby, you were born this way

No matter gay, straight, or bi
Lesbian, transgender life
i'm on the right track, baby
i was born to survive
No matter Black, white, or beige
Chola or Orient made
i'm on the right track, baby
i was born to be brave!

lady gaga bu mahnını carl beandən ilhamlanaraq yazıb.
(youtube: )


carl da valentinodan. valentinonun mahnısı daha çox ləzzət edir.
(youtube: )


bir də thousand foot krutch metal qrupunun oxygen albomunda yer alan born this way mahnısı var. illərdir dinlədiyim və hər dinəldikdə dəli kimi qazlandığım mahnıdır xd.
(youtube: )


"Because i was born this way
i got lightning running through my veins
Ain't nobody gonna stop this train
So hop on board, or get out the way
Because i was born this way
i got lightning running through my veins
Ain't nobody gonna stop this train
You can't stop us, we can't be stopped"

2 əjdaha! barracuda

20.09.2021 - 20:55 #336894 mesaj facebook twitter

7 əjdaha! barracuda

18.09.2021 - 21:10 #336735 mesaj facebook twitter

bölüşmək mədəniyyəti

bir şeylər bölüşdüyünüz insanlara diqqət edin. kimsə mənimlə bir şey bölüşəndə həmişə diqqətli olmuşam. qırmamağa, xarab etməməyə çalışmışam, çünki mənim deyil və bir müddətlik məndədir. bir şey olduqda da, xəbər vermişəm, düzəltmək üçün əlimdən gələni etmişəm. amma mən kimləsə bir şey bölüşsəm MÜTLƏQ bir yeri qırılacaq, cızılacaq və xəbər də verilməyəcək.

məsələn: bir dəfə qohumuma velosipedimi vermişdim 1 saatlıq ki, uzaqda qalan qohumunun yanına tez getsin-gəlsin. 1 saat keçdi, 2 saat keçdi, 3 saat keçdi, amma bu uşaq gəlib çıxmadı. zəng edirəm, cavab vermir. dedim, yəqin işi uzadı, gələr biraza, amma gərək xəbər verərdi.

səhər gəldi və velosipedi qapının qabağına qoyub, zəngə basıb qaçdı. velosipedi götürəndə isə təkər cızıq-cızıq və boş, rul da əyilmiş vəziyyətdə idi. mənə gəlib desə idi ki, bu belə-belə oldu, nə lazımdırsa kömək edim, mən ona bir şey deməzdim, hətta üzünə gülüb "heç nə olmaz, mən həll edərəm -*" deyəcəkdim. həmişə elə demişəm də, amma bu adamın etdiyi məsuliyyətsizlik üst səviyyə və son hədd idi. son olandan sonra ona heç nə vermədim. həmin adama bir dəfə də velosipedimi vermişdim və demişdim ki, heç kimə vermə. bir də gördüm ki, 3 nəfərlə gangbang edirlər. 5 dəqiqə olardı ki, ona demişdim vermə heç kimə.

başqa birinə də qolbağımı vermişdim bir müddətlik, onu da qırıb gətirmişdi və deməmişdi heç nə. anlamadığım bir şey var. mən əşyanı sizlə bölüşürəmsə, məsuliyyəti siz daşıyır. lol məni tanıyırsan da, bilirsən ki, barracuda heç nə deməyəcək, incitməyəcək sizi, yola verəcək, evdə danlanacaq, heç nə verilməyəcək ona, amma o yenə də bir şey deməyəcək sizə. niyə də? niyə mən bölüşəndə "lox" kimi görünməliyəm? niyə sizə görə öz ailəmin qarşısında məsuliyyətsiz vəziyyətinə düşürəm? bizim ailədə də atamla mən bölüşürük elə. bölüşmə məsələlərinə görə çox fürsət əlimizdən qaçıb, çox şey qırılıb, çox şey əlimizdən çıxıb, səsimizi çıxarmamışıq. dozunu yaxşı tutun, çünki heç kim sizin üçün eynisini etməyəcək.

sonra kəsdim hər şeyi və heç nə bölüşmədim o insanlarla. dərhal məndən nifrət etdilər, lox dedilər, nəm nə dedilər. yemək bölüşməkdə də elədir. bölüşsəz, lox, bölüşməsəz, xəsis olursuz. ortasını tutun, ehtiyacınız qarşılanmadıqca bölüşməyin. düzgün insanlarla bölüşün, yoxsa başınıza çıxacaqlar.

5 əjdaha! barracuda

16.09.2021 - 12:40 #336542 mesaj facebook twitter

təkcə mənmi edirəm deyə düşünülən şeylər

spotify listlərini tez-tez silmək. max 1-2 gün qala bilir. dərhal silirəm. heç birini bəyənmirəm. listimdə də hər tipdən mahnı olur. çox tez sıxılıram. elə bil mahnıların hamısını bilirəm.

yolda, kafedə olarkən insanların hərəkətlərinə, görünüşünə baxaraq xarakter analizi etmək. *

kitab oxuyan insanları görəndə hansı kitabı oxuduqlarını görmək üçün min cür boyun hərəkətləri etmək.

8 əjdaha! barracuda

15.09.2021 - 20:14 #336495 mesaj facebook twitter

lofi hip hop radio

(bax: lo-fi hip hop) musiqilərinin dinləndiyi radio stansiyası. youtube'da lofi girl ən tanınmışlarındandır. chillhop musicanimevibe da geridə qalmır. sakit ortamda iş görə bilməyənlər arxa fonda az səslə lo-fi qoşub işlərini görə bilərlər. sözlər olmadığı üçün çox da baş qatmır. həm də bir neçə insanla eyni vaxtda, eyni musiqini dinləmək yaxşı hiss etdirir. söhbət etmək də olur -*

lo-fi sevirirsinizsə chillwave, synthwave, retrowave radiolarına da göz ata bilərsiz.

əlavə: jazzhopa da göz atın.

2 əjdaha! barracuda

08.09.2021 - 14:34 #335881 mesaj facebook twitter

sözaltı etiraf

öz istəyimlə qızdırmamı qaldıra bilirəm. necə etdiyimi bilmirəm. həm də yaxşı aktyorluq edirəm.

məktəbin hər dəfə "xəstələnib" evə gedən uşağı mənəm, evet. dərsləri öyrənmədikdə də "ay müəllim, ayaq yoluna olar? özümü yaxşı hiss etmirəm" - deyib anaç damarlarından vururdum.. sonra da özəl uçakla evə. hər dəfə evə gedib kompüter başına oturmuşam -*.

bir dəfə də xəstəliyə vurub "qarnım ağrayır" dedim və həkimə getdik. həkimə gedəndə ödümün əyri olduğunu və polip olduğunu öyrəndik. mən də evə deyə bilmədim ki, yalandan etmişəm. işte mükəmməl artistliyimi ortaya qoyuşum sayəsində qabaqcadan bildik..

bir dəfə də qəpik udmuşdum. 20 qəpik uddum, amma çıxartmaq 100 manata başa gəldi. hər cür yağ, yemək, zir-zibil verdilər ki, qusum. işe yaramadı təbiiki. o vaxt da mədəsiz olduğumu öyrəndim. batareya, şurup və bir neçə şey də udmuşam. batareyanı çürümüş şəkildə ağzımdan tapmışdılar. bəxtim gətirmişdi.

bir dəfə də 2 burun deşiyimə kağız salıb içəri doğru itələdim. nəfəsim kəsildi elə yerimdəcə qaldım .d atam çıxarmağı öyrətdi həmin an və panikləmədən çıxardım necəsə. anlamadım heç.

ən bombası gəlir. bir atalar sözü var "artıq tamah baş yarar!". bu atalar sözü, həqiqətən, çox doğrudur. mən maraqdan başımı unitazın içinə salmışdım və 30 dəqiqə orada boğulmuşdum. alaturka idi, mənim başım da yekə. ilişib qaldım ala bir yandan başım suya dəyir çıxır, bir yandan klostrofobik təcrübə yaşayıram. qışqırıram, bağırıram eşidən yox. gülə-gülə gəlib çıxarmışdılar məni. siz siz olun, marağınıza hakim olun.

10 əjdaha! barracuda

07.09.2021 - 21:52 #335825 mesaj facebook twitter

adhd

aşağıda yazdıqlarım öz təcrübələrim və oxuduqlarım əsasındadır.

attention deficit hyperactivity disorder və ya diqqət əksikliyi və hiperaktivlik pozğunluğu olaraq keçən nevroloji problem. nevrotipik bir beyinə görə executive functions - icraedici funksiyalar daha az inkişaf edir, çünki beyində dopamin səviyyəsi az olur. plan qurma, taskları yerinə yetirmək, diqqətini vermək, duyğular və impulsiv hərəkətlərin idarəsi, rahatlıq və rahat düşünmə daha zəif olur, çünki dəhşət sıxıcı olur. genetik olduğu düşünülür *. qadınlarda və yetkinlərdə dərhal diaqnoz qoymaq asan olmur. uşaqlarda bəlli olunur. yalnızca uşaqlarda deyil, hər yaşda ola bilir. üç tipi var:

1) hiperaktiv-impulsiv
2) diqqət pozğunluğu, add olaraq keçir
3) hər ikisinin birləşimi

hiperaktiv-impulsiv tipli insanlar yerlərində dura bilmirlər. daima əl-qol hərəkətləri edir, otura bilmir, narahatdırlar. insanlar danışarkən araya girirlər, səbirsizdirlər. qələm, spinner əllərindən düşmür. sürətli maşın sürmək, riski işləri etmək dəhşət zövq verir. ona görə çox riskə girə bilirlər.

add - diqqət pozğunluğu tipli insanlarda isə diqqət bir yerdə qalmır. fokuslanmaq çox qəliz olur, təlimatları yerinə yetirmək, bir işi sonuna qədər etmək çox qəlizdir. sanki beyin bir televizordur və tez-tez kanal dəyişdirir, amma pult bizdə deyil. istəmsizcə, dərsin ortasında diqqət dağılır, xəyallara dalınır. biri danışarkən "necə?" "harda qalmışdıq?" kimi suallar çox verilir. qarşıdakı insana vecsiz hissini həmişə verir. verilən təlimatı sona qədər yerinə yetirə bilmədiyi üçün isə axmaq damğası da yeyə bilir. *

həm diqqət pozğunluğu, həm də hiperaktivlər, ciddən, tenqridən cəzasını almış insanlardır. nə yerlərində dura bilir, nə də diqqətini verə bilir. -*
yuxarıda sadaladığım özəlliklərin hamısı bu tiplərdə var.

adhd simptomları:
1)diqqətsizlik *
2)zəif vaxt idarəsi
3)zəif impuls idarəsi
4)şişirdilmiş duyğular
5)hiperfokus
6)hiperaktivlik
7)icra disfunksiyası

adhdli insanların gözdən qaçırılan özəllikləri var:
1)marağa əsaslanan sinir sistemi
2)emotional hyperarousal, bunun haqqında yazmışam.
3)rəddedilmə həssaslığı
bunlar haqqında ətraflı yazacam başqa vaxt.

marağa əsaslanan sinir sisteminə görə məcburi işləri yerinə yetirə bilmirlər. həmin işi daha maraqlı hala gətirərək yerinə yetirmək asan olur, çünki dopamin qalxır. məsələn, qabları yuyarkən işi oyun halına gətirmək daha da əyləndirə bilir. müəyyən vaxt müddətində çox qab yumaq msln. maraqlı bir kitabı baş aşağı şəkildə oxumaq da əladır. özətləsək, edəcəyimiz işlə nəticəsi arasında bir körpü var, amma adhdli insanlarda o körpünün bir çox taxtası yoxdur. bir müddətə qədər keçə bilirsən, amma sondakı taxtalar yerə düşür və qalırsan. o taxtaları şəxsi maraq, yenilik, tələsmək doldura bilir. tələsmək dedikdə müəyyən vaxta salmağı nəzərdə tuturam. edilən işdə yorulan zaman özünü mükafatlandırma işə yaraya bilir. pomodoro ilə də rahat iş görmək olur. yeni başlayanlar default olan 25 dəqiqə ilə başlaya bilər elə. sonra 30-40a çəkmək və dincəlmə vaxtlarını da artırmaq yaxşı ola bilir. 25 dəq, 5 dəq də fasilə. fasilədə də gəzmək, su içmək yaxşıdır, pubg oyanamaq yox. su içmək daha yaxşı gəlir.

pişik də yaxşı gəlir lol -*

özüm kombinasiyalı versiyasıyam. həm maraqlıdı hər şey, həm də sıxıcı və narahat. təkcə bir səhər rahat oyanmağı arzu edirəm.

14 əjdaha! barracuda

06.09.2021 - 18:11 #335711 mesaj facebook twitter

emotional hyperarousal

azərbaycan dilində qarşılığını tam bilmirəm, amma emosiyaları tutqulu şəkildə ifadə etmək mənasına gəlir. adhd simptomlarından biridir. daim narahatlıq, sinədə bıçaq varmış kimi hiss verir. belə insanların orta statistik insandan daha tutqulu düşüncələri və hissləri olur. xoşbəxtlikkritisizmi dostlarından və sevdiklərindən daha güclü şəkildə hiss edirlər. özlərinə olan hörməti az olur, çünki başladıqları işi bitirə bilmədiklərinin fərqinə varırlar, yanlarındakı insanlar, ailə, dostlar da onun problemini başa düşmədikləri üçün tənqid edə bilirlər.

tənqid və daxili mübarizələr çoxaldıqca utanc hissi dominant halda olur. axmaqlıq hissi bütün ağlını əhatə edir. utanc, öz-sevginin azlığını aradan qaldırmaq üçün, belə problem yaşayan insanlara ailə, dost, qohum, sevgili və ya başqa biri kömək olmalı, həqiqəti demək şərti ilə dəstək olmalıdır *. cheerleader olmalıdır bir sözlə.

dəstək olacaq kişi əvvəlcə özünü sakit tutmalıdır. həyəcan, əsəb, reaksiyalarına fikir verməlidir, yoxsa daha pis təsir edə bilir. problemi yaşayan insan onu sıxdığını, boğduğunu düşünüb daha da pis olacaq, hətta ona olan asılılığına görə bərbad hiss edəcək. dəstək olacaq insan əvvəlcə adhd barədə məlumatlandırılmalıdır. necə hərəkət etməli, nə etməli barədə də diqqətli olmalıdır. problem yaşayan insan həddindən artıq stress, narahatlıq hissinə məna verə bilməyə bilər. ona görə cheerleader olacaq şəxsin işi ağırdır. onu anlamayan biri ilə dərdləşmək, ciddən, incidə bilir.

borderline personality disorder'la da bənzər yönləri var, qarışdırıla da bilir. bunun üçün additudemag.com saytında test var. ümum olaraq bu sayt adhdlərin baxmalı olduqları saytdır. testlər və məlumatlar var.

link link

7 əjdaha! barracuda

03.09.2021 - 19:59 #335425 mesaj facebook twitter

kaliforniya sindromu

heç kimi önəmsəməyən, pul xərcləmək və əyləncə üçün yaşayan insanların yaşadığı sindrom. bilindiyi üzrə kaliforniya amerikanın "əyləncə mərkəzi" olaraq adlandırılır. ona görə də bu sindroma ev sahibliyi edir. bu sindromu yaşayan insanlar sadəcə özləri üçün yaşayar, "başqası acından ölürsə, mənə nə?" mottosu ilə hərəkət edirlər. ətraflarındakı insanlar əgər qadındırsa gözəlliyi, kişidirsə uğurlarına görə yanında olurlar. ətrafında saxta dostlar olur. gözəllik və ya uğur olmadıqda isə yalnız olurlar, çünki yanlarındakı "dostlar"-ı onları tərk edir. bu sindromun yalnızca bir nəticəsi var. bədbəxtlik.

3 əsas simptomu var:
- zövqə düşkünlük
- eqoizm
- yalnızlıq

hedonizmnarsisizm ön planda olur. zövq verən şey yaxşı, verməyən şey isə pis olaraq ikiyə ayrılır. əyləncəyə sərf etmək üçün pul qazanmaq həyat fəlsəfəsi halına gəlir. yorğunluğu atmaq üçün daha çox əylənir və davamlı əyləncənin ruhlarında yaratdığı yaraları aradan qaldırmaq üçün əyləncənin dozunu getdikcə artırırlar.

"Susuzluklarını deniz suyu içerek dindirmeye çalışan, tuzlu sudan yandıkça daha çok deniz suyu içen bu sendromdan muzdarip insanlar bu yaklaşımlarıyla ömürlerini bir kısır döngüye kurban etmektedirler."

həyatlarındakı gerçək dostları itirərək yalnız şəkildə ölürlər. bir müddət sonra həyatı maddi çərçivəyə sığdırmaq mənasız gəlir. yaxşısı, bunu fərq etməkdir. həyatı sadəcə özümüz üçün yaşamaq bizə əbədi xoşbəxtlik gətirməyəcək. əbədi xoşbəxtlik, başqa insanlara bir şeylər qatdıqda gəlir, məncə. həyat daha mənalı və yaşanıla biləcək şəkildə olur. bir işə yarayırsan ən azından -*

19 əjdaha! barracuda

02.09.2021 - 12:20 #335341 mesaj facebook twitter

alternativ metal

heavy metal musiqi janrı ilə alternative rock janrının və ya metal'la çox da əlaqələndirilməyən janrların elementlərinin birləşməsi ilə yaranan subjanr. alt-metal və ya hard alternative olaraq da adlandırılır. vocalları daha çox melodik və kirli səsli olur.

(youtube: )

(youtube: )


90-larda populyar olmağa başlayıb.
red hot chili peppers qrupunu misal göstərə bilərik. heavy metalfunk janrını birləşdirdiyi üçün funk metal janrına mənsubdur.
(youtube: )


fishbone da funk metal örnəyidir, dəhşət mood qaldıran qrupdur.
(youtube: )


rage againts the machine, alice in chainssystem of a down da alternativ metal qruplarıdır. breaking benjamin'i də unutmayaq təbiiki. avenged sevenfold da başımızın tacıdır. -*

alice in chains -
(youtube: )

system of a down -
(youtube: )

breaking benjamin -
(youtube: )


queens of the stone age də ayrı bir gözəl qrupdur. ...like clockwork albomunu şiddətlə tövsiyə edirəm.
(youtube: )


alternative metal'ın da subjanrları var. bayaq örnəyini verdiyim funk metal, nu metalrap metal olaraq ayrılır. nu metal heavy metal'la groove metal'ın qarışımıdır. daha çox screamləri ilə tanınır. linkin park ən gözəl nümunədir. rip chestercim. hər screami tükləri biz edir.
(youtube: )


disturbed, slipknot da nu metal'cılardandır.
disturbedcüm daha bir heavydir, gözəl yerlərə toxunur.
(youtube: )

(youtube: )


slipknot da dəlidir, insanı da delirtir -*
(youtube: )

(youtube: )


rap metal da adı ilə özünü ifadə edir -*
bəlkə də, hamının eşitdiyi, amma adını bilmədiyi mahnılardandır butterfly. -*
(youtube: )


redditdə linkin parkın nu metal qrupu olmadığı ilə bağlı qırışmalar var. linkin park özü həm rapə girir, həm də nu metala. məncə, çox da ilişməyin janrlara. əsas qrupların nəyi, necə sizə çatdırdığına və nə demək istədiyinə fikir verin. hər qrup mütləq bir janra mənsub olmalı deyil. yuxarıda örnək verdiyim qrupların özləri də bir janra sığan qruplar deyil. musiqi də bir sənətdir. rəsm kimi, musiqi də bir şeylər ifadə edir, ifadə etmə şəklidir. ifadə etmək üçün də müxtəlif yollardan, alətlərdən istifadə olunur. baxın gorillaz'a. hər albomu ayrı bir miracle. fərqlilik gözəldir. zövq alın, ifadə ediləni anlayın və dəstək olun. qruplara ən böyük dəstəyiniz elə demək istədiklərini anlamanızdır. -* *

haydi, adsızinsanсım, sənə xoş dinləmələr.

əlavə: metal subjanrları barədə heçözüdəbilmir qəşəhcənə yazıbmış. ora da göz atın. mən güya bezdirəsi idim subjanrlarla, artıq edən var imiş...

10 əjdaha! barracuda

01.09.2021 - 15:00 #335299 mesaj facebook twitter

electro swing

house ilə swing qarışığı olan musiqi növü. electro house ilə jazz'ı qarışdıraraq əhval-ruhiyyəni uçurdan möhtəşəmə yaxın janr. 90-larda yaranıb və avropada daha çox yayılıb. françuzkilərin mahnıları dəhşət gözəl olur. dəhşət rəqs etdirir. electronu mənə sevdirən tək janr bu ola bilər. -*

caravan palace

(youtube: )


deluxe
(youtube: )


dimie cat
(youtube: )


jazzhop sevənlər də gözdən keçirsin, məncə. uplift olarsız .d

parov stealer da möhtəşəmdir. dinlenilir.
(youtube: )

(youtube: )

5 əjdaha! barracuda

30.08.2021 - 23:32 #335202 mesaj facebook twitter

19 əjdaha! barracuda

30.08.2021 - 13:52 #335151 mesaj facebook twitter

amguard

qızları öz səviyyəsində biri kimi yox, tanrıça gözü ilə baxan oğlanlardır. hər növ insanda rastlana bilər. qaqalar da amguard ola bilir, entel feridunlar da. qaqaların çoxu elə olur, entel feridunlar da az deyil.

qızlara yaranmaq üçün entel kartını oynayıb, tarkovski, kubrick filmlərini izah edir, klassik musiqi barədə dil-dil ötür, oxuduğu kitablarla övünürlər. sadəcə bunlarla yetmir təbiiki, fəlsəfə və s. kimi özlərini göstərəcək sahələrdə önə atılırlar. çox danışırlar. feminist olmaqlarına baxmayaraq, qadınların qorumacılığını edirlər. qadınları narin, zərif, qorunmağa ehtiyacı olan bir bəndə kimi görüb, oğlanlardan qorumağa çalışırlar. oğlanları özlərindən zəif və əxlaqsız görürlər. qısqanc və ultra-əxlaqlı olurlar. homofobik olmaları qaçınılmaz olur. daha çox qızların dostu olduqları üçün sevgililəri olmur, sevdiyi insan isə ona dost kimi baxır. rahat olmadığı üçün də qızlar onlarla çox da səmimi olmurlar. ən böyük mottoları isə "qadının yanında sögüş söyməzlər!", "qadın nədi, söyüş nədi!" fln kimi şeylər. elə davranırlar ki, güya qadınlar söyüş zad söyüb eləmir, oğlanların götünə baxmır, heç də horny olmurlar. güya masturbasiya da etmirlər da. qadınlar kişilərdən daha hornydilər ala. hansısa oğlanın tualetdə öz həmcinsinin götünü və ya məməsini əllədiyini görümüsüz heç? bıçaqlayarlar ala! *

qadınlar təkcə daha gizli saxlayır, oğlanlar kimi şeyi əlinə alıb fırlatmır deyə çoxu horny olmadıqlarını fln düşünür.

özünüz kimi olun ala. kimisə də ilahiləşdirməyin. qadınlar da kişilər kimi eyni hüquqlara malikdir. kiminsə də lazımsız qoruyuculuğuna ehtiyacları yoxdur. səmimi olun, həqiqətən köməyə ehtiyacları olduqda yanlarında olun, bəs edir.

9 əjdaha! barracuda

26.08.2021 - 20:03 #334879 mesaj facebook twitter

ən nifrət edilən insan tipi

Kitabxanada oturub, sırf səs-küy salan insanlar.

qrup şəklində oturub türkanənin * statusu haqqında danışırlar, telefonun səsini açıb çık-çuk şəkil çəkirlər, qışqıra-qışqıra danışıb, kitab oxumağa icazə vermirlər. qulaqlarıma hakim ola bilməyib, bütün söhbətlərini dinləməli oldum, hələ üstünə də kitabdakı cümlələr onların dediyi sözlərlə əvəz olundu. möhtəşəm. zorla toparladığım diqqət, türkanənin statusu uğruna puç oldu. çarəsizcə qulağıma navuşnik taxıb, yutupda earth sound yazıb, hansısa videoya basıb dinlədim. indi də maraqlı gəlir ki, türkanə niyə elə status paylaşıb?

Ey Türkanə, onsuz da diqqətim tez pozulurdu, sən də yandırdın məni.

Bir-iki dəfə mən də kitabxanada səs salmışdım. qələt edərəm bundan sonra. fuck you karma

9 əjdaha! barracuda

23.08.2021 - 18:53 #334680 mesaj facebook twitter

/ 20 »

blok -   başlıqlarını gizlət

Son bəyənilənlər