azərbaycan dövlət iqtisad universiteti

2020'dən əvvəlki tələbələrin məsləhətlərinə qulaq asaraq (mənim kimi) gələcəkdə buranı yazmaq istəyən varsa, istəməsin. Çünki, 2020'dən sonra bu uni'də çox şey dəyişib. Mən özüm 2020'də qəbul olmuşdum. Həmin il, yəni birinci kursun birinci semstrində testlə idi imtahan. Sualları da cavabları da verirdilər, rahat keçirdik. Hətta əlaçı olmuşdum həmin vaxt. Ki, ortlamamın hələ də 80 da qalmasının səbəbi birinci kursdur. Növbəti semestr qərar dəyişdi sualları verdilər cavabları vermədilər. Özümüz tapmalı idik yəni cavabları. Sonra 2ci kursda yenə qərar dəyişdilər, bu dəfə nə sual verdilər nə də cavab. Nə isə 2ci kursu da bir təhər kəsirsiz yola verdik. Bu ildən, 3cü kursdan M.Ədalət yayda verdiyi sözün üstündə durdu və imtahanları yazılı etmək qərarına gəldi. 2 il testlə imtahandan rahat keçən biri üçün birdən birə yazılı imtahan vermək çox çətindir. Düzdür yazılı imtahan fənnləri mənimsəmək üçün daha effektivdir, həm də adamı daha məsuliyyətli olmağa məcbur edir. Amma mühazirədə müəllimlər o fənni normal tədris etməyəndən sonra bizdən yazılı imtahanda yazmağımızı gözləmələri gülüncdür. Heç olmasa bu semestr sualları verirlər, qorxuram gələn semestrdən onu da etməsinlər. Hə, yeri gəlmişkən müəllim heyətində də yaşlılar çoxdur. Yox e mən mütləq UNEC'də oxuyacam deyirsinizsə də Tudifakı və ya Sabah qrupların seçin. Çünki eşitdiyimə görə orda təhsil yaxşıdır.

qəribə təsadüflər

Dünən axşam çoxdandır görmədiyim köhnə sinifyoldaşımla görüşmək qərarına gəldik, kafedə oturduq söhbət zad, uje saat 10 falan olmuşdu. Nə isə könlümüzə dönər düşdü, qaldığımız yerə uzaq olduğu üçün tərəddüddə qalsaq da dedik çıxaq 28ə Kövsər açıq olsa (google-da saat 10a qədər açıq olduğunu göstərirdi amma biz 12in yarısı oturduq, açıq idi) yeyərik olmasa da başqa bir yer taparıq yəqinki yeməyə. Getdik açıq idi, oturduq, dönər yedik. Oturduğumuz vaxt boyu unidə mırt qrup yoldaşım var onun haqqında danışdım ki, bəs o da sənə çox oxşayır, xasiyyəti falan, müəllimlərin başına oyun açır o da. Sonra nə isə çıxdıq kövsərdən, saat 12ə qalmış mindik metroya ki, gələk 20 yanvardan qayıdaq taksi ilə. 28də qatarı gözləyirdik ki, bu sinifyoldaşıma danışdığım qrup yoldaşımdan mesaj gəldi. Mesajı olduğu kimi:
-Hardqsan
-Aee
-Wifive qowulmuwam
Bu mesajı oxuyurdum ki, zəng elədi dedi hardasan dedim 28də metroda, dedi hə arxana bax, çöndüm ki, bu da o biri xəttdə qatar gözləyir Əhmədliyə qayıtmağa. Gəldik, görüşdük. Sinifyoldaşımla da haqqında danışdığım qrup yoldaşımı görüşdürüb tanış elədim. Qəribə idi. Belə təsadüflərlə tez tez qarşılaşıram. Bəzən əlaqəsiz bir yerdə heç əlaqəsi olmayan tanıdıqlarımı falan görürəm. Buna görə də bəzən statistikanın bizi aldatdığını və 10 milyon olmadığımızı fikirləşirəm, absurd görünsə də. Bu qədər çox uzatdım deyəsən.