qarabağ müharibəsi istəyən insan

qarabağın sülh yolu ilə qayıtmayacağı fikrinə gəlmiş insan da ola bilər. min dənə səbəb tapmaq olar. mən nə militaristəm, nə müharibə tərəfdarı nə də humanizm göyərçini, amma ortada sadə həqiqətlər var. bir əsrin əvvəlində də axırında da ermənilər azərbaycan ərazisində soyqırım törədiblər. belə vəhşiyiksə niyə biz yox onlar bizim torpaqdadılar? demirəm ki, erməniləri məhv eləmək lazımdır. ermənilərdə də sülh istəyən varsa niyə bu 25 ildə hökumətə qarşı çıxıb demirlər ki, qaytarın kişilərin torpağını. ən əsası da odur ki, dünyanın axarını dəyişmək olmur. 10000 ildir dünyada müharibələr gedir.

qarabağ müharibəsi istəyən insan

sadəcə haqqını tələb etmək istəyən insan da ola bilər. biz bir tərəfdən insanları söyürük ki, çıxıb meydanda öz haqqını tələb eləmir, amma o biri tərəfdən də haqqı olan torpağı meydanda almaq istəyən insanları söyürük. qarabağ bizim haqqımızdır. torpağı qaytarsınlar gəlsinlər bir yerdə yaşayaq problem yoxdur. mən döyüş bölgəsində xidmət eləmişəm və əsgər yoldaşlarımın biri də minaya düşüb (öz səhvindən) həlak olmuşdu. gördüklərim bəlkə müharibənin heç 0.01% deyil. ona görə də müharibənin tərəfdarı da deyiləm. biz də bilirik ki, müharibə istəyənlərin bir hissəsi müharibə vaxtı qaçıb gizlənəcək, amma bu o demək deyil ki, o adamların hamısı ağıldan kəmdir. onlar da belə tələb eləyirlər haqqlarını. ukraynada camaat bir-birini qıranda bu demokratiya, haqq uğrunda mübarizə olur, qarabağ üçün vuruşmaq isə axmaqlıqdır?

coca cola satmayaraq israili bankrot etməyi düşünən satıcı

özünə görə haqsızlığa qarşı mübarizə apardığını düşünən insandır. təkrar fikir də olsa yenə yazacam. #128526 entrydə alter ego bir fantasından keçmək istəmədiyi üçün satıcıya heç nə deməyib, amma istəyir ki, beyin inqilabı filan olsun. başqa məsələlərdə də beləyik. biz heç nə eləməyək, amma hər şey yaxşı olsun. azərbaycanda satıcının fanta, sprite-ın coca-colaya aid olmasını bilməməsi möcüzə deyil. bunu onlara başa salan lazımdır. yəni heç olmasa bir dəfə demək lazımdır ki, bunlar eyni şirkətin məhsuludur və sən bunu artıq almısansa boykot eləməyin özünə, dövlətə ziyandır. hamısı başa düşməyəcək, amma başa düşən 1-2 nəfər mütləq olacaq.

sözlük yazarları

böyük əksəriyyəti azərbaycandakı vəziyyətdən şikayətçi olan, ölkədə yaşamağa nifrət edən insanlardır. azərbaycanda hər şeyin əla olduğunu demək düz deyil. bir hissəmiz ayağımızı qıraq ölkəyə qoyan kimi qalanı da heç yerə getmədən başlayırıq ölkəni söyməyə. amma heç kəs sual vermir ki, bəs kim düzəltməlidir ki bu ölkəni? sözlük yazarlarında da var bu xüsusiyyət. özləri heç nə eləmir, eləmək istəyənləri də bəyənmirlər. hamı istəyir yaxşı olsun, heç kim də heç nə eləmək istəmir. qeydiyyatdan keçdiyim vaxtdan sözlükdə dünyagörüşlü, savadlı, ağıllı çox yazar görmüşəm, amma belə hərəkətləri yaraşdırmıram. ya bir şey eləyək, ya da susaq. yazarlar içində də xüsusi hörmət elədiyim 3 yazar var:
(bax: uzuncorab hippi)

45 dərəcə istidə 16 saat susuz qalan insan modeli

"bunun sizə isti-soyuğu var?" deyə sual verməli olan insan modelidir. başlığı açanın xanım olduğunu nəzərə alaraq 1ci cümləni başqa cür yazmaq istəmədim. əslində #124487 entrysində qoyulan qapaqdan sonra heç nə yazmamaq da olardı, amma yenə də olsun. onda ruslara da bir entry açın: 30 dərəcə şaxtada göldə çimən insan modeli. özünüzü də cırın ki, yoxe ruslar üşüyürlər amma boyunlarına almırlar. kimsə paylayanda, cinsiyyətini dəyişəndə ya da nəsə başqa bir şey eləyəndə bu onların şəxsi işi olur və biz onlara hörmət etməliyik. amma kimsə istidə oruc tutursa onunla mırtlaşmaq olar. bu onun şəxsi işi ola bilməz. həyat fəlsəfəsi içki, siqaret və ayağının arası olan insanların belə şey eləməkləri bir baxımdan da məntiqlidir.