ənnağı


15   0   0   0
9.nəsil yazar
entry: 15
reytinq: 28
karma: 364
oxunma: 5,762






nevermind

metallicanın black albummichael jacksonın dangerous albomlarının arasında - sentryabrda buraxılmış nirvana albomu. dave grohl kimi dahi musiqiçini də drummer** olaraq ilk dəfə bu albomda özünü göstırib. smells like teen spirit, come as you are, polly, stay away, breed, lithium və mənim ən çox sevdiyim nirvana mahnısı olan lounge act kimi peçat mahnılara sahiblik edir. albom grunge janrını mainstream musiqiyə daxil edərək 80-ci illərin mainstream metal janrı olan glam metal və ya digər adıyla hair metalın populyarlığına son qoyub. əslində glam metalın moddan düşməsinə bu albomla birlikdə mötley crüe başda olmaqla glam metal qruplarının 80-ci illərin sonundan etibarən janrlarını dəyişməsi səbəb olub. amma bu başqa söhbətdi. indi mövzumuz neverminddır.

bundan əlavə bu albomun michael jacksonun dangerous albomunu billboard albom siyahısına bir pillə aşağı salmasında belə bir qəribə məqam var:

bu albom 1991-ci ilin sentryabrın 24-də yayımlanır. dangerous noyabrın 26-da yayımlanır və birinci yerə yüksəlir. o vaxta kimi nirvananın adı sanı yox idi heç. sonra birdən nolursa bu albomun satışları partlayır, bir həftədə 300 mini keçir. beləliklə dangerous albomunu yerindən edir. amma ümumi satış saylarında özündən bir ay əvvəl yayımlanan black album və iki ay sonra yayımlanan dangerous albomları nevermind albomunu üstələyib.

bundan əlavə deyə bilərik ki, albomun belə populyarlıq qazanmasında dave grohlun əvəzsiz rolu olub. o olmasaydı inanmıram cobain olmayan səsiylə elə də yüksək bir yerə çıxardı. qrup da maksimum rare bird qədər məşhur olardı.

2 əjdaha! ənnağı

24.09.2021 - 16:42 #337142 mesaj facebook twitter

wake me up when september ends

amerikan rock qrupu green dayin 2004-cü ildə yayımlanmış american idiot albomunun 11-ci mahnısı. albomdan 4-cü single olaraq 2005-ci ildə yayımlanan mahnı qrupun vokalisti billie joe armstrong tərəfindən 10 yaşında olarkən ölən atası haqqında yazılıb. deyilənə görə atasının dəfn mərasimindən ağlaya-ağlaya evə gələn armstrong girib otağına saatlarla ağlayıb. mahnıdakı "seven years has gone so fast"* cümləsi atasıın ölümündən yeddi il sonra green day qrupunun qurulmasını, "twenty years has gone so fast"* cümləsi atasının ölümündən sonra bu mahnının yazılmasını ifadə edir. sentyabr ayında qulaq asılan şablon mahnılardan biridir. bu aralar başım qarışıqdı, köçməyə hazırlaşıram, ayın axırı da dərs başlayır. o vaxta kimi işim qurtarsaydı yaxşı olardı. istəyirəm mən də wake me up when september ends deyib bu ayın axırına kimi yatım.

10 əjdaha! ənnağı

22.09.2021 - 17:11 #336992 mesaj facebook twitter

7 rings

əslində mahnı plagiat deyil. hər bir-birinə oxşayan mahnı plagiat olmur. müğənni original mahnının müəllif hüquqları kimin əlindədirsə ona pul ödəyib mahnının sözlərindən, melodiyasından istifadə edə bilər. aşağıdakı videoda ariane grande my favorite things mahnısını canlı şəkildə oxuyur.

(youtube: )

əgər siz bir mahnının musiqisini oğurlasanız inanmıram nə vaxtsa gedib konsertdə original versiyasını oxuyasınız. mən my favorite things mahnısını ilk dəfə how i met your mother serialının 7-ci sezonun 7-ci bölümündə eşidib qulaq asmışdım. 7 rings mahnısını ondan sonra eşitmişəm. my favorite things mahnısı 1965-ci ildə çəkilmiş the sound of music filmimdə julia andrewsın ifasıyla məşhur olsa da mahnının yazılma tarixi daha əvvəllərə - 50-ci illərə gedib çıxır. qısaca hər başqa bir mahnıya oxşayan mahnı plagiat olmur, ikisi də zor mahnıdı.

2 əjdaha! ənnağı

21.09.2021 - 03:18 #336921 mesaj facebook twitter

tom and jerry

uşaq vaxtı ən çox sevdiyim səhnəsi tomun marriage of figaro operasından bir parça oxuduğu səhnə idi. hələ də hərdən baxıb gülürəm.

(youtube: )

7 əjdaha! ənnağı

21.09.2021 - 03:15 #336920 mesaj facebook twitter

bizim cəbiş müəllim

durduq yerə ictimai tvnin yayımladığı 1969-cu ildə çəkilmiş ikinci dünya müharibəsi haqqında azərbaycan filmi. yəqin bu gün bakının işğaldan azad olunması münasibətilə verirlər. gör nə gündəyik, nə sovet dövrü, nə cümhuriyyət dövrü nə də ondan əvvəlki dövrlərlə əlaqəli düz əməlli filmimiz, serialımız yoxdu. türklərin çəkdiyi xiyar-xiyar serialları tərcümə eliyib versinlər ancaq bizimkilər.

2 əjdaha! ənnağı

15.09.2021 - 14:46 #336475 mesaj facebook twitter

covid-19 əleyhinə vaksin olunan yazarlar

mən də iyunun 5-də ilk dozanı olmuşam. iyulun 3-də də ikinci doza sinovac (coronovac) vaksinini vurdurmuşam. ilk dozadan sonra iki gün sol qolumda zəif ağrılar olmuşdu. amma ikinci dozadan sonra heç nə olmadı. əgər "ay allah ölürəm" "ala başım partlıyır" kimi reaksiyalar görürsünüzsə bilin ki, onlara pfizer vaksini vurulub. coronovac vaksinini hazırlayan sinovac şirkəti daha əvvəl də donuz qripi üçün vaksin hazırlamışdı. bundan əlavə hepatit a, hepatit b, adi qrip kimi bir çox xəstəliklərə qarşı vaksin hazırlayıb. covid-19 əleyhinə vaksin də elə ənənəvi yolla hazırlanmış vaksindir. yəni bədənimizə vurulan dərman ölü covid-19 hüceyrələridir. ya da onun kimi bir şeydir, heç mən də dəqiq bilmirəm. amma pfizer biontech yeni üsullarla hazırlanmış vaksin olduğuna görə yan təsirləri daha möhkəmdir. bu vaksini vurdurub iki gün yataqdan çıxmayanlar da olub. indi siz "yan təsirləri güclüdürsə deməli yaxşı işləyir" deyə düşünüb pfizeri seçə bilərsiniz. "nəyimə lazımdı ala pfizeri vurdum, göt olum?" deyə fikirləşib sinovacı da seçə bilərsiniz. ikininin arasında elə ciddi bir fərq də yoxdur. avropa birliyi də yavaş-yavaş qəbul eləyir sinovacı. uzun sözün qısası, hansını seçirsinizsə seçin, özünüzü qoruyun. "qaqa hamımızı qırajaxlar", "mən nə bilim ala bunun içində nə var", "hamımıza çip qoşacağlar qaqa" kimi gijdıllağ söhbətlər baş qoşmayın., gedin vurdurun.*

1 əjdaha! ənnağı

24.08.2021 - 14:40 #334717 mesaj facebook twitter

big in japan

alphaville adlı alman synth-pop qrupunun 1984-cü ildə yayımladığı debüt albomu forever youngdan çıxan ilk single. başlıqda nəyə görəsə yazılıb ki, mahnının ilkin adı forever youngdır. o yazar bu məlumatı haradan əldə edib bilmirəm amma belə bir şey yoxdur. forever young alboma adını veren fərqli bir mahnıdır. albomdan da üçüncü single olaraq yayımlanıb.

big in japan hələ albom tamamlanmamış yayımlanıb və qrupa böyük şöhrət gətirib. mahnı narkotik aludəçisi olan, amma bu vərdişlərindən qurtulmaq istəyən iki sevgili haqqındadır. bəzi yerlərdə cəmiyyət tərəfindən təzyiqə məruz qalan iki homoseksual sevgili haqqında olduğu deyilsə də ilk yazdığım iddia daha dəqiq və məşhurdur. "big in japan" ifadəsi qərb ölkələrində - əsasən abşda - məşhur ola bilməyib yaponiyada uğur qazanan musiqiçilərə verilən ləqəbdi. yəni burada bir pox deyilsən, ancaq yaponiyada "böyük" ola bilərsən. bu mahnıda da narkotik vasitələrdən uzaqlaşmağa çalışan iki sevgilinin başqa bir dünyada uğur qazanmağı ilə bağlı işlənib.

0 əjdaha! ənnağı

23.08.2021 - 01:52 #334651 mesaj facebook twitter

jim morrison

bir şair. 60-cı illərin məşhur amerikan rock qrupu the doorsun vokalisti və söz yazarı olub.. kərtənkələ kralı mənasına gələn the lizard king ləqəbi ilə tanınır. atası george stephen morrison abş ordusunda admiral olub. amma jim ailəsindən imtina edib və onların heç bir maddi varlığından istifadə etməyib. freddie mercurykurt cobain kimi adı qrupunun önünə keçən rockstarların birincisidir. rock tarixinin ən sensasional həyat tarzi ilə yaşayan ulduzlarından biri olub və club of 27 cəmiyyətinin ən məşhur üzvlərindən biridir. bəzilərin onu tarixdəki ilk rock ulduzu hesab edir. bu fikir nə dərəcədə düzdür, deyə bilmərəm. çünki 50-ci illərin elvis adlı bir reallığı var.

həmişə müsahiblərində "0" adlı ağ-qara film çəkmək istədiyini bildirib amma ölümü buna mane olub. başda friedrich nietzsche olmaqla, Charles Baudelaire, Franz Kafka, Albert Camus, Honore de Balzac kimi yazıçı, şair və filosofların əsərlərini gənc yaşlarından oxuyaraq onlardan həm həyat tərzi, həm də yazdığı mahnılar üçün ilham alıb. ilham aldığı yazıçılar arasında avropa və amerikada cinsi inqilabı həyata keçirən beat generationuna təkan verən jack kerouac da var. belə baxanda jim morrison özü də '68-ci ildəki inqilabda iştirak edib.

hər şey bir qırağa mənim demək istədiyim odur ki, çox adam elə bilir morrison intihar edib. amma əslində morrisonun ölüm səbəbi ilə bağlı dəqiq məlumat yoxdur. çünki ölümündən sonra meyidi tibbi ekspertizanın yoxlanışından keçməyib. ehtimal olunan odur ki, ölümünə heroin səbəb olub. lsd və spirtli içkini bir-birinə qarışdırdığı üçün zəhərlənib ölüb deyənlər də var. hər halda bu dünyadan jim morrison adlı bir əfsanə keçib. parisdə öldüyü üçün elə oradaca dəfn olunub. qəbri dünyaca məşhur pere lachaise qəbiristanlığındadır. oscar wilde, balzac, proust, chopin, edith piaf kimi dünyaca məşhur insanların son mənzilləri olan bu ölülər məkanı dünyada ən çox ziyarətçi qəbul edən məzarlıqdır. hər il milyonlarla insan tərəfindən ziyarət olun bu məzarlıqda ən çox ziyarət olun qəbir elə morrisona aiddir. səhv etmirəmsə 1988-ci ildə məzarın üstündə morrisonun büstü oğurlanmışdı. bir neçə dəfə də qəbiri vandalizmə məruz qalıb. hətta internettə gəzən şaiyələrə görə gecə vaxtı qəbirin yanında sekslə məşğul olan cütlüklər də olurmuş. ona görə də indi qəbiri hasara alıblar deyilənə görə. gedib görənlər deyirlər ki, məzarı xatirə üçün yapışdırılmış saqqızlarla, əldə doldurulmuş siqaretlərlə doludur. nə dərəcədə düzdür bilmirəm, şəkillərdən də tam başa düşmək olmur onsuz da. bir gün parisə gedəsi olsam ziyarət edəcəyim ilk yer morrisonun məzarı olacaq.

2 əjdaha! ənnağı

19.08.2021 - 13:26 #334456 mesaj facebook twitter

dua lipa

son zamanlarda tez-tez məhşur olan, indiki pop dünyasını yönləndirdiyi iddia olunan amma bir neçə ilə yavaş-yavaş unudulmaq ehtimalı olan əslən albaniyalı ingilis müğənni. dünyada dua lipadan da, megan foxdan dan, barbara palvindən də hətta dünyanın ən gözəl qadını hesab olunan scarlett johanssondan da gözəl minlərlə qadın var. azərbaycanda dua lipadan gözəl qadının olmağı o demək deyil ki, dua lipa gözəl deyil. biraz maskulinlik, kişilik var sifətində. ona qalsa qıza oxşayan nə qədər məşhur kişi sənətçi var ki çok yaraşıqlı hesab olunurlar. qısaca bir qadının təbiətində bir az erkəkliyin olmağı o qadını çirkin etmir məncə.

0 əjdaha! ənnağı

19.08.2021 - 12:55 #334452 mesaj facebook twitter

türkiyə

yaxın gələcəkdə çox pis hadisələrlə üzləşəcəyini düşündüyüm ölkə. təkcə mən düşünsəm cəhənnəme, türklərin bir çoğu da bu fikirdədir.

0 əjdaha! ənnağı

29.07.2021 - 20:01 #333183 mesaj facebook twitter

siqareti tərgitmək

keçən ilin yazında mən də tərgitməyə çalışırdım. arada ürəyim istəyəndə bir-ikisini yandırırdım. əvvəl siqaret, sonra da vicdan əzabı çəkirdim. ki bəs iradəm zəifdi. indi oturub fikirləşirəm hansı ağılla belə bir şeyə cəhd etmişəm. ala otur çək də adam kimi nə artislik eləyirsən. yəni sözümün canı odur ki, siqaret istifadəçilərinin bir hissəsi nə vaxt baxırsan ağlayırlar ki ata bilmirik. siqaretə başlamaq istəyənlərə belə bir məsləhət vermək istəyərdim ki bu zibili atmaq asan iş deyil. ona görə də əgər ölənə kimi çəkmək fikriniz yoxdusa başlamayın.

0 əjdaha! ənnağı

10.07.2021 - 14:33 #331815 mesaj facebook twitter

qırtlaq xərçəngi

azərbaycan dilində adı boğaz və ya udlaq xərçəngidir. qırtlaq xərçəngi deyə bir xəstəlik yoxdur.

0 əjdaha! ənnağı

08.07.2021 - 20:40 #331663 mesaj facebook twitter

əfsanəvi albom qapaqları

məncə bu başlıq albom üzləri olaraq açılsaydı daha yaxşı olardı. türklərdən görüb başlıq açırsınıze amma bizdə belə bir söz birləşməsi yoxdur axı mən bilən. bəzən kitabın üz qabığı deyilir ama qapağı heç görməmişəm. kitabın üz qabığı deyildiyi kimi albomum da üz qabığı deyilməli deyilmi görəsən? bəlkə də mən səhv bilirəm.

nəysə. mənə ən çox ləzzət eliyən albom üzü metallicanın master of puppets albomunun üz qabığıdır. qıpqırmızı səma, yuxardakı əllərdən uzanan iplər və aşağıdakı əsgər məzarlığı. Zdzisław Beksińskinin tablolarına oxşayan bu rəsim qrupun üzvləri və peter mensch tərəfindən dizayn olunaraq don brautigam tərəfindən çəkilmişdir.

https://i.imgur.com/eCZOYXd.jpg

0 əjdaha! ənnağı

11.06.2021 - 15:47 #329541 mesaj facebook twitter

ülgüc

azərbaycan dilinin izahlı lüğətinə görə iki mənası olan söz:
1) tük qırxmaq üçün iti bıçaq
2)müxtəlif alətlərin kəsici tərəfi, bıçağı

indi bu söz bizdə "lezva" adı ilə istifadə olunur. cürbəcür formaları var. bir və ya bir neçə istifadə üçün nəzərdə tutulmuş, plastikdən düzəldilən ülgüclər. yəni adranazvı lezvalar. bir də həmin formada metaldan düzəldilənlər də vardır ki, bunların içinə paçkada satılan lezvalardan alıb qoyursan, istifadədən sonra çıxarıb tullayırsan.

bir də mənim ən çox xoşladığım açılıb bağlanan ülgüclər var. bunlara kəpənək deyildiyinə də rast gəlmişəm bəzi yerlərdə. ingilislər buna straight razor deyirlər. bunun iki növü var. biri qədim dövrlərdə istifadə olunandı. metal hissəsinin kəsici tərəfi tamamilə kəsicidir. hər təraşdan əvvəl itilənməlidir. yəni qapağı olan bıçaq kimidir. əgər təraş olunan insanln saqqalı qalındırsa onda təraşın ortasında yenidən itilənməyə ehtiyac duyula bilər. məhz buna görə də demək olar ki artıq bu ülgüc növündən istifadə olunmur. ikinci növün isə metal hissəsinin kəsici tərəfində oyuq var. bayaq dediyim paçka lezvalardan birinu bunun içinə qoyub təraş olur, daha sonra da çıxarıb atırsan. çox sadə.

əgər bu ülgücdən ilk dəfədi istifadə edirsinizsə bir tanışdan, ya da ən azından internetdən məlumat əldə edin. çox edin özdə. internetdə istər yazılı, istər görüntülü formada kifayət qədər məlumat var. həm də istədiyiniz dildə. hamamda əlində ülgüclə sürüşən, boğazına dörd dikiş atılan adam tanıyıram. ehtiyatlı olun boğanızın üzülər.

bu arada, bu təraş sözü deyəsən tiraş olaraq yazılır. lüğətdə baxdım amma heç mən də tam başa aça bilmədim.

0 əjdaha! ənnağı

11.06.2021 - 14:58 #329535 mesaj facebook twitter

avropa superliqası

ingiltərə premier liqasının komandalarından sonra inter milan və atletico madrid də liqadan ayrıldı. görünür uefa və fifa perezin üzərində qələbə çalır. nə qədər güclü olursansa ol uefa və fifa kimi qurumlara, əsas da tərəfdar kütləsinin ciddi təzyiqinə elə də uzun müddət dözə bilməzsən.

0 əjdaha! ənnağı

21.04.2021 - 14:45 #325102 mesaj facebook twitter

/ 20 »

blok -   başlıqlarını gizlət

Son bəyənilənlər