yuxarı nəslə əsas da sovet dövründə yaşayanlara xas olan danışmaq bacarığı. hər hansı dövlət qurumuna işiniz düşsə o insanlardan biri ilə getməlisiniz. bütün təlimatlara uyğun hərəkət etsəniz belə orada sizi son anda anlamaya bilirlər. çünki adətən orada da həmin nəslin nümayəndələrindən olduğu üçün elə birisi olmalıdır ki, bir birilərinin dilində danışa bilsinlər. yoxsa problemi həll etmək ya mümkün olmur, ya da maksimum dərəcədə uzanır.
blok başlıqlarını gizlət
polonez
Notice: Undefined variable: thisuser in /var/www/soz6/profilson.php on line 166
adətən ifa bacarığının inkişaf etdirilməsi üçün yazılmış bəstələrdir. musiqi məktəblərində imtahan proqramlarına əksər hallarda daxil edilir. etüdlərin çox vaxt qulağa xoş gələn musiqisi olmur. amma frederic francois chopin və franz liszt kimi dahilər təbii ki, indi də konsertlərdə ifa ediləcək dərəcədə mükəmməl etüdlər yazıblar.
ən sevdiyim isə chopin'in yazdığı ocean
Czardas
onlayn bronlaşdırma və biletləmə edə biləcəyimiz crs (computer reservation system) proqramı. azərbaycan turizm sənayesində amadeusla birgə ən çox istifadə edilən 2 proqramdan biridir. bu sistemlər beynəlxalq quruluşlardan olan iata yəni beynəlxalq hava nəqliyyatı assosiasiyası və digərləri ilə birbaşa əlaqədədir və burada biz bütün istiqamətlər üzrə mövcud reysləri görə bilirik. sistem kodlamalarla çalışır. müəyyən komandalar verərək sistemdə bizə lazım olan bütün əməliyyatları yerinə yetirə bilərik. bu proqramları beynəlxalq hava yolları ilə müqavilələri olan turagentlər istifadə edirlər. onlar birbaşa müştəridən və ya subagentlər, yəni turoperatorlardan sorğular alaraq bu sistemlərin sayəsində müştərinin istəyinə uyğun reysin axtarılıb seçilməsi, yerlərin rezervasiya olunması və biletlərin hazırlanmasını həyata keçirə bilirlər.
cütlüklər tərəfindən ifa edilən qədim polyak rəqsidir. tarixi 17-18ci əsrlərə qədər gedir. polonez adı əsli fransızca olan və ingilis dilində də qəbul edilən polonaise sözündən əmələ gəlmişdir. xüsusi mərasimlər və şənliklər zamanı ifa edilir. polşada studniówka adlanan partylərdə bizim dildə desək son zəng veçerinə oxşar tədbirlərdə gənclər tərəfindən xüsusi polonez nömrələri hazırlanır.
polonez 3/4 ölçüdə və əsasən moderate tempində olur. bu rəqsin klassik əsərlər içində də məşhur olmasının səbəbi isə bir çox bəstəkarın polonez musiqi formasından istifadə etməsidir. polonez formasının xüsusiyyəti ondan ibarətdir ki, orada ilk 4-lük ölçüdə 1 8-lik, 2 16-lıq not və sonra 4 8-lik not olur. şəkildə daha aydın görünür, mən qarışıq deyə bilərəm. bəstəkarlar bu və ya bunun əsasında olan digər variantlarda harmoniya və melodiyalar bəstələyirlər.
müxtəlif dövrlərdə başqa formalarda da polonezlər yaranıb. məsələn qəhrəmanlıq ruhunda xüsusən də ölkənin bir hissəsinin ruslar tərəfindən işğalında fərqli bəstəkarlar tərəfindən polonezlər yaranmışdır.
polonezlərin böyük bəstəkarı kimi isə frederic francois chopin deyə bilərik.
ən məşhurlarından olan heroic polonaise
link
sifarişi verən: adsızinsan
kompüterdə oynamağı ən çox sevdiyim oyundur. ən çox da gecələr arxa fonda müslüm baba modunda mahnılar qoyub oyunda xəritənin bir ucundan digər ucuna qədər gedirəm. o qədər rahatladıcıdır ki. artıq o qədər saat keçirmişəm ki, nə vaxtsa realda tırı təlim olmadan belə sürəcəyimə inanıram. şirkətim nə qədər böyükdüsə oyuna girib özüm heç nə etməsəm də pulum heç vaxt bitmir. tez tez güncəlləmələr gəldiyi üçün qrafikası həmişə yaxşılaşır. steamdə dlclərinə pul xərclədiyim yeganə oyundur.
Universitetin ilk günü təsadüfən bir partada yanaşı oturduğum qrup yoldaşım ilə elə sonuncu kursa qədər də yanaşı oturmağım 1 nömrəli xatirəmdir. Sanki artıq çox yaxşı dost olacağımızı anlayıb enerjimizlə bir-birimizi çəkmişdik.
indiyə qədər piano üçün yazılmış ən çətin əsərlərdən biridir. tərcümədə the little bell anlamına gələn əsərdə bəstəkar həmin səsləri ifadə etmək üçün hətta oktavadan belə böyük olan intervallarla 16-lıq notlardan istifadə edib. bunu professional şəkildə ifa etmək böyük təcrübə və ustalıq tələb edir. texniki cəhətdən çox məlumat yazmaq istəmirəm. aşağıdakı linkdən oxumaq olar. ən çox səhv salınan hissəsi əsərin bəstəkarıdır. original versiyasını italyan bəstəkar paganini skripka üçün yazdığı 2 nömrəli concertosunun son hissəsi olaraq bəstələmişdir. sonataların, concertoların və bir çox belə əsərlərin son hissəsi rondo adlanır. məsələn, məşhur türk marşı kimi tanıdığımız mozartın 11 nömrəli sonatasının son hissəsi - ronda alla turca. bu əsər də concertonun son hissəsidir, yəni rondo alla campanella. məşhur macar bəstəkar və çox güclü pianoçu olan franz liszt isə sonradan bu əsərin solo piano versiyasını yazır. əsərin klassik musiqilər içində vacib və önəmli yeri var. pianodan başqa onun paganini versiyasında olan solo gitara üçün və instrumental ansambllar üçün yazılmış variantları da mövcuddur.
link
Sevda ələkbərzadənin yeni aranjimanla nəfəs verdiyi klassik estradamızdan bir mahnı. Musiqisi ələkbər tağıyevə, sözləri isə hüseyn arifə məxsusdur.
yeganə əsərdir ki, musiqidə oxuyan vaxtlardan öyrənmişəm və hələ də notları tam əzbərimdədir. artıq düşünmədən belə əllərim avtomatik ifa etməyi öyrənib.
chopin - nocturne in c# minor
Formatında məncə boşluqları olan layihə. Deməli iştirakçılar ümumi ön ələmələrdən sonra görmədən seçimlər deyilən ilkin mərhələyə keçirlər. Məncə yarışma qaydalarının əsas boşluqları bu hissədədir. Çünki burada münsiflərə iştirakçı seçmək üçün müəyyən say məhdudiyyəti gəlir. Belə olan halda isə tutaq ki, yarışmaya daha əvvəl qatılan iştirakçıların seçilmə ehtimalı sonlara doğru qatılanlardan daha çox olur. Mənə görə bu ədalətsizdir. Çünki keçən dəfələrdə baxdığım bir buraxılışda sonlara doğru qatılan çox güclü bir ifaçıya dönə bilmirdilər. Təbii ki, 4 münsifdə də yerlər dolursa bu mərhələ sona çatır, amma deyək ki, 1 münsifdə yer var, amma ondan başqa hamı çox bəyənir. Bu zaman həmin münsif dönmür və digərləri isə iştirakçının üzünə-üzünə "səsin əla idi, amma dönə bilmədik" deyə cümlə işlədirlər. Bu çox mənasızdır. Mənə görə bu mərhələdə say məhdudiyyəti olmamalıdır. Münsiflər istədikləri qədər iştirakçı seçə bilməlidirlər və say məhdudiyyətini sonrakı mərhələdə tətbiq edib həmin iştirakçılar arasından ələmələr edərək davam etməlidirlər. Daha ədalətli olar. Və bir də bu mərhələdə mənə ən absurd gələn hadisələrdən biri də, məsələn, bir münsif hər hansı cüt sayda tutaq ki, rock üslubunda oxuyan 4 nəfər iştirakçı seçiblər. Sonra bir rock ifaçısı daha gəlir və çox əla ifa edir. Ona sonrakı mərhələlərdə uyğunlaşdıracaqları iştirakçı olmadığını deyib dönmürlər. Şəxsən bu da formatda olan boşluqlardan biridir. Necəsə başqa yolla bunu həll etməlidirlər mənə görə.
bir neçə gündür bu bəstəkarın mahnılarından başqa heç nəyə qulaq asmaq istəmirəm. necə qəlbin olmalıdır, nə qədər həyat hekayəsi yaşamalısan ki, bu cür xəzinəni yarada biləsən. ən şən olduğun anında, qəmgin olanda, darıxanda, güləndə, ağlayanda, birisinə həsrət duyanda, hətta öz içindən fəryad çəkdiyin anlarında belə bu mahnılar insana müşayiət edir. hər dinləyəndə mütləqdir ki, hər hansı xatirə canlanır insanda. bu mükəmməl bəstələri dinləyəndən sonra bir şeyi fikirləşirəm ki, bu cür incəliklə ərsəyə gətirilmiş əsərləri ya dünyaya nadir hallarda gələn belə insanlar yarada bilər ya da sən sənə təsir edəcək elə həyat təcrübəsi və ya xatirə yaşayasan ki, içindəki o duyğu yükünü pianonun dillərinə, ağ bir vərəqin üzərinə bir yerlərə ötürə biləsən.
Yenə soundtrackinə aşiq olub izlədiyim filmlərdən biri. Eyniadlı roman əsasında çəkilmiş olan bu film geishaların həyatına həsr olunub. Dünya müharibəsi dövrünü əks etdirir. Filmdə baş qəhrəmanın uşaqlığından tam geisha olduğu vaxtlara qədər olan dövrü izləyirik. Geishaların yaşayışı, qaldıqları xüsusi evlər, özlərinəməxsus kimonoları, ümumilikdə geisha mədəniyyəti çox incəliklə hazırlanaraq ekranlaşdırılıb. Filmin 2-ci hissəsində isə müharibənin bitməsi ilə bu ərazilərə gələn amerikan əsgərləri və onların geishalarla olan münasibətləri əks olunub. Bu hissədə daha çox geishalara qarşı olan önyarğılar vurğulanıb.
Bu gün çətinliklə də olsa bir nəfərə yox demişəm. Məni bir işi həll etmək üçün köməyə çağırırdı. Hətta 1-2 dəfə israr etdi. Amma həqiqətən vaxtım olmadığı üçün çəkinə çəkinə gələ bilməyəcəyimi dedim. Və onun mənə dediyi cümlə tam da belə oldu:
- vaxtım yox idi deyə istədim sənə deyim. Eybi yox özüm həll edərəm sabah.
Özümə daha çox dəyər verməyi öyrənməliyəm.
çoxlarının Qara Qarayev metrostansiyasının məşhur musiqisi kimi tanıdığı
"Yeddi gözəl" baletindən vals
Bir tanışımın təkidi ilə baxdığım filmdir. O qədər dedi ki bax bax. hər filmi də hər an izləmək olmur. Hər şeyin öz vaxtı var. axır Küsməsin deyə izlədim. Ssenari ilə bağlı fikir bildirmək istəməzdim. O qədər professional biri deyiləm. Amma izləyənlərin əksəriyyətinin film haqqında "yarısında ağlamışam" deyə fikirlərini düzü anlamadım. Amma yenə də Çox adam elə deyirsə yəqin bilmədiyim nə isə var. Filmi çəkənlərin öz şəxsi hesablarına çəkdikləri ilk saniyəsindən bilinir. Görüntü və musiqi keyfiyyəti istənilən səviyyədə alınmayıb. Amma anlamaq olar yenə də. Film üçün yazılmış musiqinin bəstəsini bəyəndim deyə bilərəm. Amma onun zəif aranjiman olunduğu çox barizdir. Ümumi deyə bilərəm ki, ölkədə kimlərinsə öz hesablarına da olsa bir şeylər etməsi təqdirəlayiqdir. Sadəcə bunlar görülməli, düzgün qiymətləndirilməli, etik çərçivədə müsbət və ya mənfi rəylər bildirilməli və əsası bu cür işlər görən şəxslərə lazımi köməkliklər edilməlidir ki, öz yaradıcılıqlarına davam edə bilsinlər.
demək olar əksər buraxılışlarını dəfələrlə izlədiyim, çox az sayda olan keyfiyyətli proqramlardan biridir. təbii ki, onu bu qədər ən azından mənim üçün baxımlı edən tərəfi aparıcısı könül arifqızının peşəkarlığıdır. son buraxılışlarından bir xeyli vaxt keçsə də onlardan biri də mənim ən sevdiyim mahnılardan olan durnalardır. hətta o verilişdə bu mahnının mənim üçün ən gözəl ifaçısı olan mərhum sənətkar yalçın rzazadə də iştirak edib.
Stereo səsyazmanın xüsusi şəkildə həyata keçirilmiş bir formasıdır. real həyatda qulağımıza gələn səsləri hansı məsafə və bucaq altında eşidiriksə bu yolla onu eynilə recorda ötürə bilmək mümkün hala gəlir. yəni biz bu metodla yazılmış hər hansı bir şeyi dinləyərkən necə ki, 2 qulağımız olduğuna görə səs mənbəyinin yerini təyin edə biliriksə qulaqlıqda eşitdiyimiz səsdə də eynisini hiss edəcəyik. Bunun üçün 2 qulaq məsafəsində olmaqla bir cüt mikrofondan istifadə edilir. Bu metodun təməldə həyata keçirilməsində əsas məqsəd insanların ətrafda olan səsləri ola biləcək ən yaxşı keyfiyyətdə digital platformlara ötürə bilməsidir. Yəni yanımızda olan ətaf səslər, musiqi instrumentlərinin səsləri, bir sözlə record edilən yerin son dərəcə gerçəkçi səslərinin realda olduğu kimi duyulmasının təmin edilməsi. Hətta bunun üçün insan kəlləsi şəklində dizayn edilmiş mikrofonlar da var. Bu səsləri eşitməyimiz üçün təbii ki, yaxşı qulaqlığa ehtiyacımız var. Məsələn aşağıdakı video binaural yolla yazılmışdır. Qulaqlıqla dinləyin.
qəza əleyhinə kurs müəllimi. çox savadlı və bilikli insandır. sürücü olmağa hazırlaşan insanlar üçün sosial mediada çox çox faydalı paylaşımlar edir. əsasən youtube üzərindən öz kanalında paylaşdığı qısa videolarla həddindən artıq faydalı məsləhətlər verir. maşın idarə edərkən yaranan çətin vəziyyətlərdən necə çıxılması və ya ola biləcək qəzalardan qaçınmağın mümkün bütün variantlarını çox sadə və anlaşıqlı dildə izah edir. videolarını praktiki şəkildə elə birbaşa öz maşını ilə həmin situasiya daxilində çəkir. buna görə də həmin vəziyyəti tam anlamaq olur. facebookdakı sürücülük kursu qrupunda da çox aktiv iştirak edərək bacardığı qədər insanlara kömək etməyə çalışır.
Limanlar
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343