fid


116   4   1   0
fid 6.nəsil yazar
reytinq xalı: 272
karma xalı:1484
entry sayı:116
izləyənlər:6
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə
Feminist.




28 oktyabr 2020 ermənistanın bərdəyə raket hücumu Vəhşicəsinə edilmiş insanlıqdankənar Bu cür olayları dünyanın niyə görmədiyinə dair şikayətlənirik. Çox gözəl bilirik ki,belə terror aktları hansısa ölkələrin siyasi liderlərinin işinə gəlmirsə,bütöv ölkəmiz də məhv olsa,mediası ilə birgə susacaqlar. Burada önəmli olan,topluluqların bilgiləndirilməsidir,başqa ölkələrin xalqlarının xəbərinin olmasını mümkün etməliyik. Bunu da oturub,hansısa xarici jurnalistin bizdən yazmağını gözləyərək eləmək mümkün deyil. iş düşür bizim jurnalistlərin üzərinə,prezidentdən ev alıb,lüks içində yaşayan,işi sadəcə xəbərləri üzdən oxumaq olan jurnalistlərin. Onlar da full saç,makiyaj,şux geyimdə ölü sayısını çatdırırlar. istisnalar var amma az sayıdadır. Yadınızdadırsa,Öz insanlarımız daxil hamı CNN Türk xəbər kanalının jurnalisti Fulya Öztürkün ölən körpənin əlinə toxunduğu anı anlatdığı canlı yayımından bir qismi paylaşdı durmadan. Yayımı gecə izləyən biri olaraq,məsələnin tükürpədiciliyini ikiqat yaşadım öz rahat yatağımda. Çünki xəbəri necə çatdırmaq da önəmlidir,son dərəcə professional bir şəkildə, duyğularını ifadə edir,zərərçəkənləri göstərir, yaralılarla danışır,yaxınlarından məlumat alır,ambulansda gözləyən tibb işçisinin düşüncələrini soruşur,məsələnin tarixini yada salır.Bunu edən Azərbaycanda yaşayan,uşaqlıqdan bəri Qarabağ məsələsi ilə böyüyən insan deyil. Türkiyədə yaşayan bir jurnalistdir. Öz həyatlarını riskə ataraq,komanda şəklində saatlarca xəbər təqdim edirlər. Yenə Türkiyəli bir neçə fotoqraf,jurnalistin sayəsində dünyanın lider sayılacaq xəbər qurumları axır ki,Azərbaycan adlı ölkədə nələrin olduğunu yazdılar az da olsa.Normalda çox da ümidi olmayan Sadə vətəndaşlarımız belə girdi linç elədi qandığı qrafa olmadan Ermənistan tərəfi tutan amerikan,ingilis məşhurlarını,ən bilinəni Cardi B,Elton John. Ağılları başlarına gəldi,yenidən paylaşım etdilər ki,ay bağışlayın,bilməmişəm,sülh elə belə. Belə şeylər "əşi nə xeyri olacaq" məsələsi deyil,milyonlarca insan izləyir,ən azından girəcək google-a Yazacaq "Cardi B Azerbaijan". gəlir elə "Cardi B apologized". maraqlanan insan da ikinci dəfə araşdırır Qarabağ adlı bölgədə nə baş verdiyini.#KarabakhisAzerbaijan hashtag-ini bu məsələni onsuz da bilən insanlar,90%i də azərbaycanlılar izləyir,daha çoxunu öyrənir. Xaricdən biri kardashianın postunun altında #Kardashiansupportsterrorism adlı rəylərə gələn minlərlə bəyənini görür,yenə ən bəsit şəkildə açır yazır internetə camaatın niyə belə elədiyini.aşkara çıxan xəbərlərin əksəriyyəti də məlumatlandırıcı şəkildə hashtag-i dəstəkləyir.Hamılıqla həm öz xalqımızın,həm yaxın ölkə xalqlarının elədiyi bu dəstəyin içində televiziyadakı səviyyəsiz veriliş aparıcılarımızın neçə faiz qatqısı var,diqqətimizi buna da yönəltməliyik,ruhsuz bir şəkildə təqdim edilən xəbərlər bizim belə diqqətimizi cəlb eləmir,halbuki ən yaxın mənbədir,paytaxtın mərkəzində hər yerlə əlaqəsi olan kanallardır. Tez deyirik,cnn-e ver,trt haberi sizin tv tutur? Türk kanalları nə deyir,instagramda nə yazıblar və s. Bunun özü ayrı bir acınacaqlı vəziyyətdir.Problem bununla da bitmir,Qarabağ tamamilə azad ediləndən sonra da bu qarşı tərəfin özünü acınacaqlı göstərməkdə peşəkar olan, yalançı tərəfdaşları susmayacaq,olmayan şeyləri ölkələrin gözlərinə soxmağa çalışacaqlar.Bir çox halda da bizdən daha bacarıqlı olurlar,məlumdur.Öz jurnalistlərimizin hamısı pisdir,qabiliyyətsizdir,savadsızdır və s.demirəm.bu haqsızlıq olar,Çingiz Mustafayev kimi insanımız olub. Azlıq var həqiqətən gecə-gündüz çalışan. Amma azlıqdır,sayı iki əlin beş barmağını keçməyəcək dərəcədə azlıq.Tədbir görməliydik,dövlət görməli idi. Olmadı. Ən azından bundan sonra daha çox insanın səsi çıxmalıdır məsələnin bu aspektinə dair.
ikinci qarabağ müharibəsi Prezidentin açıqlamasından öyrəndik ki,Füzuli şəhəri tamamilə işğaldan azad edildi.Bunun sevincini tam yaşaya bilmirik,bu gün,nə yazıq ki.
azərbaycanın geridə qalma səbəbləri Çox səbəb var,amma başlıcası Azərbaycanlıların əksəriyyətinin həddindən artıq cahil olmasıdır,bəli.Ən sadə örnək: az öncə meydan tv-nin rəsmi instagram səhifəsinə girdim,bir postda bunlar yazılıb. "6-cı gün: Artilleriya və ağır silahlar dayanmır,mülkilərə ziyan dəyir.Döyüşlərin 6-cı günündə hər iki tərəfdən ağır silahlar dayanmayıb.Azərbaycan ordusu yeni ərazilərin işğaldan azad olduğunu bildirir. Azərbaycan erməni tərəfdən açılan atəş nəticəsində çox sayda mülki obyektə və evlərə ziyan dəydiyini bildirir. Erməni tərəf də Azərbaycanı Xankəndinə hava zərbələri endirməkdə ittiham edir"
Xəbər budur.Videoda da mülklərinə zərər dəymiş insanlar danışır. "Nə qədər atırlar atsınlar,milli ordumuz alacaq,torpaq bizimdir" kimi cümlələr qurulur. Bu xəbərdə hər hansı bir nüans xoşuna gəlməz,mədəni bir şəkildə bunu qeyd edərsən,daha nə cür beynə sahib olasan ki,"adminin qanında qarışıq var" , "azərbaycan tərəfi,erməni tərəfi nədir?!" , "keçən dəfə də geyləri təbliğ edirdiniz" , "xəbərləri niyə 3-cü şəxs kimi təqdim edirsiniz", "sən ermənisən elə " kimi şərhlər yazasan. Bir vətəndaş olaraq hansısa jurnalistin neytral bir mövqedə xəbər hazırlaması əksinə hamını xoşbəxt etməlidir ki,öz fikirlərini araya qatmır. Sadəcə xəbər çatdırır,şərhi sənə buraxır. Heç paylaşılan xəbərlər tam neytral mövqedən də deyil."Düşmən", "şəhid" sözlərini işlədirlər tez-tez.Amma bizim insanımız artıq coşub və sözün əsl mənasında ağzına gələni yazır. Görünür,ilin bütün ayları xalqa edilən işkəncələr,xalqın çəkdiyi əziyyətlərin birini belə dilinə gətirməyə cəsarəti olmayan hansısa aparıcının xəbər təqdim edəndə ağlaması lazımdır sadəcə bizə.
sinif nümayəndəsi 4,5 il müddətinə bu vəzifədə ( : d ) olmuşam.Yadıma gəlir,müəllimə "ayaqlarını yellədənləri də qeyd edim?" deyə soruşub "hə" cavabını almışdım. sonra demək olar ki, 80% sinfin adını siyahıya köçürmüşdüm. (sözümə baxmırdılar,ayaqları göydə gedib gəlirdi) Müəllim gələndə də məğrur şəkildə ləyaqətli bir işi yerinə yetirmişəmmiş kimi vərəqi təhvil verdim.
azeri dictionary Turkish dictionary-nin plagiat versiyası olduğunu görəndən sonra izləmədən çıxardığım,amma yaradıcı paylaşımları olan instagram səhifəsi.
homoseksuallığı yaymaq Yazılmalı olanların çoxusu yazılıb,əlavə olaraq Görüb Həvəslənib çevrilə bilinəcək bir şey olsa idi,əksər homoseksualların özü elə çevrəsinə,öz valideyninə baxıb heteroseksual olardı. Belə bir şey mümkünsüzdür,orientasiya insanın zamanla qazandığı bir şey deyil.21-ci əsrdə hələ də bunun xəstəlik,yayılıb kimisə yoluxduracaq bir şey olmadığını,sonradan "düzəlmə" ehtimalının 0 olduğunu,tanrının imtahanı və s. kimi ifadələrlə gizlədilməsinin,duyğuların basdırılmağa çalışılmasının faydasız,yanlış olduğunu anladırıqsa,işimiz çətindir.
gecə laqonda işlədən qonşu Bunun bir də səhər saat 5-6 radələrində işə başlayan alternativi var,bu daha dözüləsidir,təbii ki. Ən azından heç vaxt qurmayacağınız saatlara alarm kimi düşünülə bilər.Bu stəkanın dolu tərəfi idi.Edilən söyüşlərə layiq,tam olaraq inkişafını tamamlamamış beyinə sahib insancıqlardır. Sadaladığım Hər iki tipin başa düşəcəyi dildə danışılmadığı təqdirdə əməllərinə davam eləmə ehtimalları çoxdur. Ən azından bizdəki elə elədi,müəyyən müddət sonra Danışıq oldu, heç bir səs yoxdur,hələ ki.
oğuzda özünü asan 17 yaşlı qız Günə yeni intihar xəbərləri ilə davam edək. “Zərrab kəndində səhər saat 5-6 radələrində özünü asaraq həyatına son qoyan 17 yaşlı Ülviyyə Bəxtiyar qızı Məmmədovanın anası təxminən 7-8 il əvvəl dünyasını dəyişib. Daimi yaşayış yerləri Goranboy rayonudur. Atası əvvəllər bir neçə dəfə yüngül cinayətlərə görə həbs olunub. Hazırda Bakıda yaşayır.

Ülviyyə isə Zərrab kəndinə babası və ögey nənəsigilə qonaq gəlibmiş. Bundan əlavə, onun Qəbələ rayonunun Nic kənd sakinilə nişanlı olduğu bildirilir “
Görəsən nə üstündə intihar edib? Hər-halda nişanlısının ya da “yüngül” cinayətlər törədən atasının əli olmaz.
bakıda liftdə 48 dəfə bıçaqlanıb öldürülən qadın Düz oxudunuz. Şərəfsizin ürəyi soyumayıb 48 bıçaq zərbəsi endirib.
“Cinayət mayın 21-də, saat 21:15 radələrində Cavadxan küçəsində yerləşən 1 nömrəli binanın liftində baş verib. Orada yaşayan 1977-ci il təvəllüdlü Hafiz Əsgərov 1980-ci il təvəllüdlü həyat yoldaşı Könül Əsgərovaya çoxsaylı bıçaq zərbəsi endirib və boğazını kəsib.
Patoloqoanatomlar qadının bədənində 48 bıçaq yarası qeyd ediblər.
Hadisəni törədəndən sonra kişi polisə gələrək cinayəti etiraf edib. ilkin araşdırma zamanı ağır cinayətin qısqanclıq zəminində törədildiyi məlum olub.”
Hər cürə lazımsız şeylərə bütün ölkə rəy bildirirdi,buna niyə kiminsə səsi çıxmır görəsən.Normal hal kimi qəbul etməliyik?
klon Əfsanə idi,bizim dildə səsləndirməsi də narahat edici gəlmir nədənsə.bir də bunun ikinci versiyası çəkilmişdi,türkcə dublyajını göstərirdilər həmişə,Lukası həqiqi klonlamışdılar deyəsən,çox oxşayırdı 2inci də əvvəkinə.Mahnılarına söz ola bilməz.Xədicə favoritim idi.
illər sonra köhnə sinif yoldaşını görmək Məktəb vaxtında çoxdan baş vermiş hadisələri yada salıb,qırx ilin kinini saxlayan adam olduğunu sübuta yetirdiyi anda ruhən avtomatik olaraq uzaqlaşıram,cismim yanında olsa belə,qaçış yolu axtarıram. 90%-də belə olub.Bir də mənəvi baxımdan irəliləyiş olmadığını hiss edəndə,soyuyuram,sinif yoldaşından uzaqlaşmaq üçün çox bəhanələrim var.
yazarların ən yaxınındaki kitabın 100-cü səhifəsindəki 7-ci cümlə Yürümek için baston ne ise, düşünce için kalem de odur, fakat nasıl ki insan en kolay bastonsuzken yürürse, en kusursuz biçimde de elinde kalem yokken düşünür, insan ancak yaşlanmaya başladığında bir baston kullanmayı ister, [baston artık onun için bir yük değil, bir yardımcıdır] kalem de böyledir.
universitetə girəcəklərə məsləhətlər Hansısa sahəyə ciddi olaraq həvəsiniz varsa və bunun,necə deyərlər,"məktəbini" bitirmək,biliyini qazanmaq istəyirsinizsə çox çalışın və hər mənada imkanları zorlayıb xarici ölkədə (Azərbaycanı ağlınızdan keçirməyin belə) bir universitetdə təhsil alma haqqını qazanın,bu da sizə 10/10luq gələcək vəd etmir maddi anlamda,amma ən azından olması gərəkən şəraitlərin mövcud olduğu,gözləntilərinizi müəyyən qədər qarşılayacaq sözün əsl mənasında "universitet" bitirmək qat qat müsbət haldır inkişaf üçün.NiyYətiniz çox,çox pul qazanmaqdırsa,bunun fərasət və bəxt işi olduğunu unutmamaq lazımdır,həm savadlı həm varlı olmaq mümkün deyilmi? Əlbəttə mümkündür,mübah yollarla olar o da 35 yaş və yüzdə bir ehtimal ilə.Maddiyat belə,məlum məsələdir hamıya,ürəyimizi sıxmayaq o mövzunu çox deşib. Arzulara gəlsək,istənilən qədər yaxşı,övladını düşünən,hər mənada dəstək olan və hər mənada məsləhət verən valideyniniz,böyüyünüz olsun, yanlış seçim etdiyinizi anlayanda və onlara "niyə mənə vaxtında bunu demədiniz " deyəndə heç kim sizin nazınızı çəkməyəcək və cavabları bu olacaq "biz səni heç bir şeyə məcbur etmədik,sənin üçün hər cürə şərait var idi,həyat sənindir,çox çalış,əmək ver" və s. Yaxşı səslənməsə belə,uşaq ağlı ilə desək adamın həyatdan da,ailədən də,gedəcəyi universitetdən də gözləntiləri həqiqətən yüksək olur,nəticəni düşünmədən radikal qərarlar verəcək coşğuda olursan,birdən birə xəyalların puç olanda da günahlandırmağa kimi isə axtarırsan,bayaq sadaladıqlarım və ən əsası "sistem". bunlara ehtiyac yoxdur inanın,heç xeyri də yoxdur. Bu duruma gəlməmək üçün də məsələyə realist yanaşıb,təcrübəsinə,ağlına güvəndiyiniz,sizdən qabaq bu yolu keçmiş insanlarla söhbət edin,çünki işlər düz getsə 5-10 il sonrakı halınızdadırlar və ya siz onların illər öncəki təcrübəsiz versiyasısınız.(özünüzü göydən düşmə bilməyin yəni,fövqəladə qapılar açılmır adamın üzünə). Tələsmədən və çox da gecikmədən bir şeylər edin. Bir də şablon olacaq amma,tənbəllik eləməyin,ağrı-acısı sonradan şapalaq kimi dəyir adama,"mən də çox çalışsa idim" tipli cümlələrin zərrə də təsiri olmur sizdən bəlkə də həqiqətən intellektual səviyyə olaraq aşağı,amma mövqe olaraq yüksək adamların yanında.Sonda isə hamımız öləcəyik,çox yormayın özünüzü mənəvi olaraq.
koronavirus pandemiyasından sonra dəyişəcək şeylər Dəyişimə olan ümid və istəyimiz daxil, çox şeyin dəyişəcəyini düşünmürəm. Bəlkə şəxsi təmizlik qaydalarına riayət daha da güclənər,o da müəyyən müddət və əvvəl də gigiyenaya diqqət edən şəxslərdə,Vərdiş olaraq.
yalnızlığın ən çox anlaşıldığı anlar Bəlkə güvən,bəlkə də fərqli dünyagörüşü səbəbi ilə məsafə saxladığın,özəl problemlərini paylaşmadığın yoldaş kateqoriyasındakı insanlara məcbur qalıb öz içində şans verdikdən sonra alınmadığını görüb,əvvəlkindən də betər vəziyyətə düşdüyün andır,mənə görə.
soyuq havada qaçmaq Aşağı tempoda qaçmaqdan söhbət gedirsə,mənim hər fəsil gündəlik olaraq elədiyim şeydir,amma sağlamlıqdan çox,fikrimin yayınması,az da olsa rahatlamaq,biraz da kalori itirmək ümidi ilə.Bəs Zehni yorğunluğu aradan qaldırırmı? cüzi də yox. Ən azından məndə təsiri olmur.
sevmədiyini anlamaq "Toxic relationship" yaşanıbsa,insana rahatlıq verən,amma hər halda,ilk öncə neytral hiss etdirən,sonra isə itirilən müddətə,sərf edilən enerjiyə uzun müddət heyfsiləndiyin duyğudur.Bir vaxtlar çox həvəslə edilən söhbətlər,gəzintilər,yüksək həyəcanla,gərginliklə yaşanan mübahisələr,ortaq Cəhətlər,zövqlər,düşüncələr bir sözlə hamısı əvvəlki dəyərini itirir və zərrə marağını cəzb etməməyə başlayır.yorulduğunu,münasibətin "yıprandığını" düşünürsən əvvəl,amma sonra fərqliliyin fərqinə varırsan.Varlığını qəbul etmək elə asan iş deyil,üstündən çox zaman keçəndən sonra (aradakı bağların hamısı qopanda ) dərk edirsən sevmədiyini.
we only write english to this topic Biggest lesson I've learned is to not hold onto relationships or friendships just because of the memories or how long you've known the person, if they do not want to act right : Let them go .
(c)
1 2 3 4 5 6 7 8 9 10 11 12 13 14 15 16 17 18 19 20