qnet

Bir ip qədər nazik əlaqəniz olan tanış (sinif yoldaşı, baxça yoldaşı, iş yoldaşı, qonşu, tələbə yoldaşı və s) bir gün o "Salam, necəsən?" mesajını göndərir. Siz onun gözündə zəif halqa, ehtiyaclı mövqeyindəsiz. Sizə o qədər "dəyər verir ki" kasıblıq aləmindən dünya biznesinə calaq edib öz başından tökülən pul selindən sizə də bir kanal açmaq istəyir. Bütün " Qnet"çilərin ortaq xüsusiyyətləri sizə də təqdim olunacaq.
1. Hal-əhval tutulacaq.
2. Çay içmək üçün ofisə dəvət alacaqsız. Tilova keçsəz kofe də verərlər)
3. Sizi çağıran ofisə gələnədək iş barədə dövlət sirri daşıyıcısı kimi davranacaq.
4. Şanslısınızsa bir, çox qırsaqqızına tuş gəlmisinizsə minimum 3 peşəkar işin sirlərini sizə açacaq.
5. "Qovluq production"da iş haqqında ümumi məlumat, sonra məhsullar, sonra biznes plan ( mən hərəsi üçün ayrı-ayrı adamla ünsiyyət qurmuşam) təqdim olunacaq.
6. Məhsulun biri 2000 dollar. 4 kateqoriya: sağlamlıq məhsulları, brend/ qızıl məhsullar, səyahət, təhsil. Təsəvvür yaransın deyə yazım, üzv olandan sonra 44 dollara ala biləcəyiniz kursu şəbəkəyə qoşulmaq üçün 2000 dollara alırsız) Özləri özlərin səhv çıxardır.
7. inam yaransın deyə beynəlxalq əlaqələrdən, BMT-dən, iso sertifikatından və s tanınmış hər şeydən söz arasına salıb danışırlar.
8. Siz sorğulamağa başlayanda konkret suala cavab vermirlər. Manipulyasiyanın hər növü var. Danışan adam mütləq əvvəl əla bir işdə işləyib, müdirinin olmağı, "əl altında" işləmək ona xoş gəlməyib, indi dəhşət pul qazanır, valideynləri daxil tanıdığı adamlar bu işdədi. Qazancına dair məlumat, bu işdən qazanmış bir iki adam adı istəyəndə də səni borclu çıxarır ki "mən yalan danışacam?".
Sonra sizə fikirləşməyə vaxt verirlər. istəməsəz belə yenə ikinci mərhələ şirkətlə tanışlıq adı verilən slayd təqdimata çağrılırsız. Bütün bunlar sizinlə əlaqəni davam etdirib manipulyasiyanı uzatmaqdı. Sonuna qədər qərarlı olun. Ortada biznes yoxdur. Mənə açıq olaraq satılan əşyaların simvolik olduğu, vacib olanın qoyulan pul olduğu bildirildi. Ponzi sistemdi. Burada siz biznesmen/sahibkar yox şirkət qurucusunun ( Hon Konqda kef çəkir) hədəfi olan müştərisiz. Pulunuzu qoparmaq üçün o sizə bu oyunu satır. Bütöv verdiyiniz pulu az-az, ordan-burdan adam cəlb edərək ( sürünərək) geri qaytarmağa çabalayırsız. Sizinlə heç bir hüquqi əlaqə qurulmur, polisə verə bilmirsiz, məhkəməyə verə bilmirsiz. Baza ölkədə deyil, burda olanlar ancaq qurbanlardı. Gedən vaxtınız, qalan isə buna bulaşan insanlara təssüflənməyiniz olacaq. Ola bilər siz bunu oxuyanda artıq başqa metodlardan istifadə eləsinlər, başqa şirkət adından istifadə eləsinlər, amma məqsəd birdir. işləməyən dişləməz, dostlar. işləmək mən batdım, başqasını da batırım deyil. Bulaşmayın, bulaşdırmayın.

mədəni insanın zəif görülməsi

Heç vaxt mədəniyyətin verdiyi rahatlığı hiss eləyə bilməmiş insan tipinin yaratdığı təəsuratdır. Ulu babalarından keçən köləlik ruhunun qalıntılarını daşıyan, "xahiş edirəm, zəhmət olmasa" kimi sadə ünsiyyət qəliblərini işlədəndə içindəki yazıqlığın ürəyini sıxıb, necə geridə qalmış olduğunu beyninə ötürdüyü, növlərinin heyvanlarla ortaq adı paylaşdığı canlılar qarşısındakının hisslərini başa düşüb, şəxsi adlandırdıqları zonayda daxil olmağın qadağan olduğunu bilən, xahişlərini, arzularını qarşıdakını incitmədən ifadə edən və ya etməyə çalışan insanları zəif adlandıraraq qarşı tərəfdə necə beyinqusması yaratdığını başa düşməməsi haldır.

azərbaycanın ən böyük problemi

Bir az pafoslu səslənə bilər, amma vətənini və vətəndaşını sevməyən insanlardı dərdimiz. Bu ölkənin sərhədlərindən kənarda olan hər zibil qiymətli, sivil, pərəstişə layiqdi, o şey ölkədə olsa, ya mız qoyular, ya da alçaldılar. Həmvətənlimiz qohum, qonşu, dost olsa qiymətlidir, bizimlə əlaqəsi olmasa ya xarici, ya o fərq qoyulmur. Ona görə milyonlar xaricə axıdılır, xarici yemək, musiqi mədəniyyəti ölkəyə gətirilir, özümüzdən uzaqlaşırıq. Bu düşüncə sahibi adamlar da təhsili, səhiyyəni, təhlükəsizliyi sadəcə iş xatirinə görür. Kiminsə də işi düşəndə ulu babalararının qapı qonşularının kirvələri yaxınlığında da olsa adam taparaq iş həll etməli olurlar. Nə olur olsun bir bağ olsun.

universitetə qəbul olanlara məsləhətlər

Məktəbi bitirdikdən dərhal sonra universitetə girmək məcburiyyətində deyilsiniz. Əgər hansı peşənin sahibi olacağınıza qərar verməmisinizsə özünüzə vaxt verin. Bilirəm, yerli resurslar bu sahədə çox azdır, amma yenə də var. "facebook" da bəzi səhifələr tapmağınız, məsləhət almağınız mümükündür. Seçim edərkən nəyə görə oxuduğunuzu da müəyyənləşdirin, çünki iş tapmaq üçün ali təhsil almaqla akademik karyera qurmaq, elm insanı olmaq arasında fərq var
Düzdür, bu ikisini paralel aparmaq da mümükndür, amma sizin həyat eşqinizə görə biri ağır çəkili olur. Universitet seçimi önəmlidir. Mümkünsə, seçəcəyiniz universitetin iki tələbəsini - biri ondan nifrət edən, biri də sevən tapıb müzakirə aparın. Mənfilərini qabaqcadan bilib ona görə davranın ki, göstəriciləriniz sabah sizə maneə yaratmasın. Siz ixtisasınızı, universitetinizi seçdiz. Artıq daxil olmusunuzsa, tələbə yoldaşlarınıza diqqət edin. Çalışın hamıyıa yaxşı yola gedin, dost seçimizi öz istəyinizə görə edərsiz, amma qalanlarına da nə vaxtsa mütləq işiniz düşə bilər. Kollektiv fəaliyyətlərdə ən birincilərdən olmağa çalışın, Allahın işin bilmək olmur. Bizdə karantin oldu, sizdə meteor-zad yağsa, heç olmasa ehtiyat bir-iki xatirəniz olsun. Ballarınızı yüksək tutun və bunu elmlə qarışdırmayın. Bəzi "ağıllıar" yüksək bal toplamağa çalışanlara söz atıb güya özləri ölümünə dahiymiş kimi "hər şey bal deyil" deyir, amma 4-cü kursda xaricə oxumağa getmək istəyəndə, Erasmusa qoşulmaq istəyəndə bozara-bozara qalır. Qətiyyən kəsirinizin olmamasına, olsa da 4-cü kursa qalmamasına çalışın. Savadlı müəllimlərinizlə aranızı yaxşı tutun. Qırmızı diplomla olsa belə universiteti bitirsəz " CV" boşdursa, iş də yoxdur. Ona görə də paralel olaraq ya təcrübə proqramlarına qoşulun, ya bir iş tapın, ya da könüllülük fəaliyyətlərinə qoşulun. 4 il ərzində qətiyyən tənbəllik etməyin, təqaüdə çıxanda onsuz da yatmağa vaxtınız olacaq. Əgər pulunuz və daydayınız yoxdursa, xüsusilə ictimai işlərdə aktiv olun. "Networking" günümüzün gerçəyidir. iş imkanının kimin vasitəsilə sizi tapacağı bəlli olmur. Geniş çevrə, geniş imkanlardır. Lakin qətiyyən özünüzü istismar etdirməyin, istər universitetdə, istərsə də digər işlərdə. Universitetinizin tələbə gənclər və həmkarlar kimi ittifaqlarının fəaliyyətini götür-qoy etdikdən sonra qoşulun. Əgər sizə tədbirdə oturacaq dolduracaq canlı kimi görürlərsə, rədd edin getsin. intellektual oyunlara qoşulmaqda maraqlısınızsa, özünüzə yaxşı dostlar tapın,komanda yığın. Son zamanlar turnirlər artmaqdadır, xüsusilə könüllü təşkilatlar arasında. Bildiyinizi bölüşməkdə simic olmayın, əgər yaxşı iş tapmısınız və yanınızda boş yer varsa kimisə cəlb edin. Kainat qarşılığını göndərəcək. Bir proqramı və bir dili mükəmməl öyrənmək tövsiyələrin klassikasıdır. Amma həqiqətən işə yarayır. Mənim kimi beş dilə meyl edib kaşa eləməsəz yaxşı olar. Sonda diplom almaq üçün ortalamanıza görə diplom işi və ya dövlət imtahanı seçimi olur. Ortalamanızı 89 eləmək məqsədindəsinizsə, əvvəlcədən mövzunuzu seçib araşdırın, əla bir iş yazın. Ümumilikdə yuxarıda dediklərim daha çox iş üçün universitetə girənlərə aid oldu, amma siz akademik həyat qurmaq niyyətindəsinizsə elə ilk kursda ixtisasınıza uyğun məqalə yazmağa başlayan. Məqalə deyəndə subyektiv fikirlər toplusu yox, araşdırma aparıb ən az 2 dənə kitabdan istinad etdiyiniz yazını nəzərdə tuturam. Utanmayın, sıxılmayın, pis də olsa nəsə yazın.
Nəhayət onu da deyim ki, sözünüzü deməkdən, etiraz etməkdən, tələb etməkdən çəkinməyin. Heç kimi asıb-kəsmirlər, uzaq başı ətrafınızdakı qorxaqlar qaçacaq, yaltaqlar və ikiüzlülülər ortaya çıxacaq. Yenə də ən yaxşısını siz bilərsiz. Uğurlar!

istanbul konvensiyası

Azərbaycanda qəbul edilməsini gözlədiyim halda Türkiyədə ləğv edilməsini öyrəndim. Ləğv qərarının verilmə anı çox absurd oldu. Bu mövzunun gündəmdə olduğunu belə bilmirdik. Türkiyədə ləğv edildiyi üçün, özümüz üçün də ümidlər yox oldu. Qadınları qoruyan mexanizm artıq yoxdur. Yenisini yaratmadan mövcud olanı ləğv eləməyin məntiqini də ayrıca başa düşmürəm. Əgər Konvensiyada nə iləsə razılaşmırsansa, ilk öncə yeni bir qanunvericilik hazırla, sistem qur, sonra de ki bu işlək deyil. Qadın cinayətlərinin tüğyan elədiyi vaxtda bu addım aqresiya yaratmaqdan başqa işə yaramır. Lgbt ilə islamı da əllərində bayraq ediblər. Bəhanə tapmaq asanddır e, zorakılığın, ölümün qarşısını almaq üçün hərəkət eləmək lazımdır.