göyğurşağı


149   0   0   0
7.nəsil yazar
entry: 149
reytinq: 215
karma: 46
izləyən: 3
oxunma: 32,729
sifariş sayı: 1






23 noyabr 2021 əli məlikovun bullinqə məruz qalması haqda postu

Məktəb səviyyəsində bullinqə qarşı ilk genişmiqyaslı kampaniyanı başlayan əli Məlikovu dəstəkləmək təkcə LGBT fərdlərinin borcu deyil, həm də yetkin insanların bir başa vəzifəsidir. Çoxumuz keçmişik məktəb deyilən cəhənnəmin iyrəncliklərindən, kiminsə bunu ictimailəşməsi bu yolu keçmiş, lakin heç nə edə bilməmiş insanlar üçün sanki keçmişlə haqq-hesab kimidir. isa şahmarlı ilk mərhələ idi LGBT üsyanında - dözməyib, intihar etdi, ölümü ilə problemi bütün dünyaya çatdıra bildi. ikinci mərhələ Alina idi - o da dözmədi. 3 -cü mərhələnin hal-hazırda şahidi oluruq - əli Məlikov sağdır və təslim olmur. Səsini hər yerə çatdırmaq üçün əlindən gələni edir, günahkarları ifşalayır, rəsmi şikayətlərini edir. Əli Məlikovlar yenə olacaq-olmayacaq ,bunu deyə bilmərəm. istəyərəm olsun, əslində elə indi meydana gəlməli idilər, əlini tək qoymamaq üçün, lakin eybi yox, ümidvaram əli bu yolu qələbə ilə tamamlayacaq və bu başlıq arxiv kimi gələcək nəsillərə sənədli sübut kimi nümunə olaraq qalacaq. Sevgilər.

rus ədəbiyyatı

Seymur Baycan yaxşı bir köşə yazmışdı bu yaxınlarda rus ədəbiyyatını türk dilində oxuyan insanlar haqda. Tərcümə, nəşriyyat bərbad ola bilər, lakin türklər mətnə (müəllifin dediyinə görə) özbaşına əlavələr edirlər, bu da Azərbaycan tərcüməsi üçün yol verilməzdir. Dünyəvi, əsrlərlə etalon sayılacaq nümunələri vardır və dilimizə kifayət qədər tərcümə olunub. Rus dilini bilmək şərt deyil, amma rus ədəbiyyatı ilə Azərbaycan dilində tanış olmaq mütləqdir. 2009-dan 2020yə qədər ən sevimli yazıçı dostoyevski idi. 2020də Qonçarovu oxudum, indi (və deyəsən əbədiyyən) odur. Oblomov romanını bilmirəm, lakin "adi əhvalat"ı oxusanız ürəyinizi çıxardıb həmin cildin arasına qoymaq istəyəcəksiniz. Çünki həmin romanda personajlar diridirlər, onların arasında özünüzü tapmaq şansınız böyükdür hətta. Heyif ki, roman oxumaqla həyat asanlaşmır, yoxsa indi bu saatda söz6da entry yazmazdım ...

my immortal

Dilindən asılı olmayaraq, hər kəsin ürəyinə xitab edən "fallen" albomundan mahnı. O günlərimiz üçün hələ çox darıxacayıq, çünki heç nə əvvəlki kimi olası deyil. Qrupun solisti belə qocalıb, mahnıları da həminki deyil

brainpriz yarışması

Instagramda reklamı tez-tez görünən intellektual oyun. "Bayraq oyunu" kimi də qələmə verilir və suallara cavab verənlərə 8k azn mükafat vəd edilir. Oyunda iştirak ödənişlidir - 3.4 azn və insta storilərində "startap sertifikatı"nı da paylaşıblar, yəni ki, bunlar leqaldırlar. Götümlə hiss edirəm ki, bu da bir tələdir, dedim həm sizi xəbərdar edim, həm də bilənlərdən məlumat alım.

rusiya dağılacaq

Son dəyişikliklərdən sonra səhifənin adı azbjn olaraq qalmışdır, indi heç o da yoxdur

rusiya dağılacaq

Qocaman Feysbuk səhifəsi, axtarışda çıxmır, deyəsən adminin olan-qalan ümidləri heç oldu və ya çörək verəni işin başını buraxıb.

rəqəmsal pəhriz

Mənim üçün yeni olan bu terminin azərbaycanca versiyasını təqdim etmək istərdim. ingiliscə "digital detox", rusca "цифровой детокс".
Mənası: sosial şəbəkələrdən istifadənin şüurlu şəkildə dayandırılması və ya onlardan imtina edilməsi.
Bu ilin yanvarın 4-dən başladığım pəhrizdir. Fb, ig və Tvitterdən istifadəni tamamilə dayandırmışam və hələ də elə də böyük dəyişikliklər baş verməsə də düşünürəm ki, bir müddət sosialların çirkablarından uzaq olmağın ziyanı olmaz, əksinə, dopamin fəvvarələrini biraz dayandırmış oldum. Darıxırammı? Biraz.
Hansı sosial şəbəkələri saxlamışam?
WhatsApp, YouTube və LinkedIn.
Terminin milli versiyasına rast gəlməmişəm, əgər bilən varsa paylaşsın. Həm də bəlkə bu başlıq kiminsə üçün ilham mənbəyi olar və bir müddət sosialdan uzaqlaşar.

linkedin

Tam olaraq faydalı olması üçün gərək xüsusi bacarıqların olsun məncə. Çünki 3 il ərzində orada fırlanıram hələ də bir iş təklifi almamışam. Bunun səbəbi isə əsas bacarıqlarımın sadəcə 2 xarici dil biliyi və otel işi sahəsində 3 illik təcrübəyə malik olmağımdır, yəni, başqa fitri istedadım yoxdur. Amma fərqli insanların öz peşələrinə aid problem və maraqlı məlumatları paylaşmasını faydalı hesab edirəm. Özü də 1 aya yaxındır ig, fb və tşitterdən tamamilə uzaqlaşmışam və ancaq linkedinə fokuslanmışam. Tanımadığım adamlar bir də görürsən iş elanında səni taq edir və bu da platformanın insanpərvər olmasından xəbər verir.
Lazımsız personajlar da olur təbii ki, o adamlar ki, profillərində ancaq motivasiya kraliçalığı edirlər, bu isə zəhlətökən şeydir mənə görə.

vəba günlərində eşq

gabriel garcia marquezin müəllifi olduğu roman. Markesin 1982-ci il Nobel mükafatını aldıqdan sonra yazdığı ilk romandır. Kitabın 2020-ci il ilə ortaq xüsusiyyətləri: epidemiya, melanxoliya. Markesin yazı tərzinin təkrarolunmaz və doğma olmasını bir daha sübut edir. Spoyler verməyəcəyəm, tapın oxuyun.

lgbt şəhidləri

Tvitterdə 90 faiz insanın sivil yanaşdığı mövzu idi şaiqin ölümü və onun homoseksual olmasının vurğulanması həmin 90 faizdə qıcıq yaratmadı. 10 faiz isə təəssüf ki, dini səbəb gətirərək, şaiqin şəhid adına layiq olmadığını yazmaqdan çəkinmədi. Feysbukda da oxşar vəziyyət idi, sadəcə orada neqativin və barbarlığın faizi biraz daha yuxarı idi, necə ki həmişə belə olur. Instagramı 27 sentyabrda beyin xərçəngi olmamaq üçün silmişdim amma skrinlərdən gördüm oradakı vicdan impotentlərini. isa Şahmarlı dan, trans ayladan və s.-dən sonra Azərbaycan lgbt adlı kitabına daha bir qanlı səhifə əlavə olundu. Amma bu dəfə cəmiyyət şaiqi eşitdi, tarixə salınmasına etiraz etmədi. Sinizm olsa da qəbul etməliyik ki, şaiq həm torpaq, həm də biz lgbt -yə bağışladı ölümünü. indi yəqin ki, şəhidlərin petuxlara görə ölmədiyini deyən adamların vicdanı az da olsa sızladı. Başa düşdülər ki, "biz-siz" deyə bir şey yoxdur - biz də ordayıq, biz də sizinlə çiyin-çiyinəyik. Buna görə də gələn dəfə intihar edib dünyasını dəyişən birinin şəkli altında "həşaratın biri azaldı" kimi şeyləri yazmamışdan öncə, şaiqi xatırlayın. Xatırlayın ki, onun mənsub olduğu göy qurşağı dünyasını qəbul etməməyinizə rəğmən o, getdi və sizdən ötrü həyatını itirdi. Şaiq, sənə minnətdarıq.

alanis morissette

Kanada və amerikalı alternativ rok ifaçısı. 1995-ci ildə madonna nın səsyazma studiyasında (madonnanın köməyi ilə) özünün sayca 3cü, lakin onu dünyaya tanıdan albom olduğu üçün debyut sayılan əfsanəvi "jagged little pill" albomu tarixin ən çox satılan cd-lər siyahısında yer aldı (30 milyon nüsxədən çox). 1995-96 alanis -maniya illəri kimi də qələmə vermək olar çünki onun üslubu çox özünəməxsus və yenilikçi, səsi isə güclü idi. Albomun əsas xitləri you oughta know (youtube:https://youtu.be/NPcyTyilmYY ), ironic (youtube:https://youtu.be/Jne9t8sHpUc ), head in my pocket (youtube:https://youtu.be/CUjIY_XxF1g ). 7 (gbkz:grammy mükafatı) laureatıdır və özündən sonra (gbkz:pink) Christina Aguilera (gbkz:shakira) Avril Lavigne kimi nəhənglərin ilham mənbəyinə çevrilib. Təəssüflər olsun ki, növbəti illərdə Adı çəkilən jagged little pill albomu qədər səs-küy yaradan yeni material ortaya qoya bilmədiyi üçün mənə görə bir albomluq möcüzə olaraq qalır.

harriet beecher stowe

Kitabının üz qabığına baxdıqda müəllifin kişi olduğunu düşündüyüm yazıçı. Eyni hal etel lilian voyniç ilə də baş vermişdi

mən olan yer səhnədir

Geylərin Məryəm anası, incili, quranı, qibləgahı Aygün Kazımovanın əfsanəvi, queer mədəniyyətində fəxri yer almış kəlamlarından biri

yazarların ruh halı

Karantini qoyaq bir tərəfə, o onsuz da məni hər deşikdən qayırıb , artıq incitmir də. Əsas paz qoca valideynlərimin yola getmədiyi üçün ailəmin dağılma ehtimalıdır ki, başqa cür mümkün deyil, artıq ifrat dərəcəyə çatıb nifrətləri. Və bunların fonunda qalmışam balaca mən (26 yaş) , karyerasını yeni başlamış, koronaya gör ümumiyyətlə işsiz qalmış oğul övladı. Nağayrım? Nə təhər edim? Atam artıq danışdırmır məni, nənəm də anama pis-pis qarğışlar edir. Nə olar ki dünya 1 saniyədə partlasa hamımız ölək canımız qurtarsın ?

(youtube: )

belarus

Bmt-nin klassifikasiyasına görə inkişaf etmiş ölkələr sırasına daxil olduğunu öyrəndiyim zaman çox təəccübləndiyim ölkə.

/ 20 »

blok -   başlıqlarını gizlət

Son bəyənilənlər